Кампусот кој треба да биде готов за три години ќе се гради според проектот на загрепското студио 3LHD и неговиот архитект Марко Дабровиќ. Ангажирани се неколку други партнери на главниот дизајнер за проектите на уредување, сообраќајна инфраструктура, челичните и стаклени конструкции.

Меѓу другото комплексот ќе има истражувачки центар, патеки за тестирање возила, производствени сали и спортско – рекреативни капацитети за вработените.

Моментално во „Римац автомобили“ работат 1.100 работници кои се сместени на шест локации, а планот на сопственикот на компанијата Мате Римац е бројот на вработени во следните неколку години да го зголеми на 2.500.

За изградба на комплексот Римац го изнајми земјиштето  од градската управа на Света Недеља на 69 години.  За време на потпишувањето на споменатиот договор, Мате Римац, меѓу другото, рече дека ја затворил финансиската конструкција за кампусот и дека сака да започне со изградба што е можно поскоро.

Подготовките за изградба на кампусот  започнаа во 2019 година.

Во меѓувреме, компанијата ја продлабочи соработката со „Порше“ со неколку трансакции, од кои највредната, од 70 милиони евра, беше договорена во март годинава, потпиша договори за техничко партнерство со „Хјундаи“ и „Киа“ во вредност од 80 милиони евра, објави производството на автономни такси возила со поврзана инфраструктура во Загреб, промовираше прототип на хиперавтомобилот Невера и го презеде брендот луксузни автомобили „Бугати“ од групацијата Фолксваген.

Објавувајќи го преземањето на „Бугати“, „Римац автомобили“ објави дека кампусот во Керестинец ќе започне со работа во 2023 година и дека таму, меѓу другото, ќе се развиваат и нови модели на „Бугати“, чие производство во моментов се одвива во Молшајм, Франција.

The post РИМАЦ АВТОМОБИЛИ ПОЧНУВА ДА ГО ГРАДИ КАМПУСОТ ВО КЕРЕСТИНЕЦ Најголемата хрватска инвестиција ќе ја реализира „Фациес“ од Самобор (ВИДЕО) appeared first on plusinfo.mk.

Станува збор за моделот „Nevera“ кој е производ на компанијата „Rimac Automobili“, а токму иноваторот и основачот на компанијата Мате Римац го сврте „кругче“ претседателот Пендаровски.

– Имав чест по вечерата кај Милановиќ, заедно со еден од гостите, Мате Римац, „Rimac Automobili“ да свртиме круг со најбрзиот супер спортски автомобил на електричен погон, моделот „Nevera“. Му посакувам деловен успех со најновата аквизиција на еден од најпознатите светски брендови – објави претседателот Пендаровски.

Пендаровски пред да влезе во автомобилот малку се двоумеше како седне и запраша дали има доволно простор, при што Мате Римац малку се пошегува со него.

– Има доволно простор. Нема ништо да пукне, освен можеби пантолоните– рече Римац по што му го подаде безбедносниот појас.

Инаку моделот „Rimac Nevera“ ќе чини 2 милиони евра, а се планира серија од само 150 возила. Автомобилот има дури 1.914 коњски сили и 2.360 Nm, развива максимални 412 километри на час и забрзува до 100 km/h за фантастични 1,85 секунди.

Возилото достигнува 200 километри на час за само 4,3 секунди, додека 9,3 секунди се доволни за да се постигне брзина од 300 километри на час!

The post Мате Римац го „залепи“ Пендаровски за седиште (ВИДЕО) appeared first on plusinfo.mk.