Една од љубовните приказни што ги одбележа деведесеттите години беше четиригодишната приказна на Синди Крафорд и Ричард Гир, чии деца сега се соработници и пријатели.
Нивната врска се врати во сеќавањата на многумина овие денови откако нејзината ќерка Каја Гербер и неговиот син Хомер Гир, снимија серија и позираа заедно на црвениот тепих.

Каја, која е манекенка, неколку пати се обидуваше како актерка, а сега е една од главните ѕвезди на тинејџерскиот трилер „The Shards“.

Покрај неа, една од главните улоги ја игра Хомер Гир, синот на легендарниот Ричард Гир и неговата поранешна сопруга Кери Лоуел. Каја и Хомер присуствуваа на светската премиера на серијата во Њујорк и позираа прегрнати за фотосесија. Во интервју за E!, тие открија дека не се познавале пред снимањето и дека биле на пијалак и веднаш се зближиле, па денес можат да се нарекуваат пријатели.

– Беше одлично да се работи со него. Тој е толку прекрасен, толку забавен. Ме засмејува и е најдобриот можен партнер за снимање – вели Каја. – Искрено, ова е многу поддржувачка средина и се зближивме во овој процес.

When Cindy Crawford’s daughter meets Richard Gere’s son…

Kaia Gerber and Homer Gere shared the red carpet at the premiere of The Shards, Ryan Murphy’s new psychological thriller based on Bret Easton Ellis’s bestselling novel.

The Shards premieres August 5 on FX … pic.twitter.com/M4XZDwxNfN

— New York Mickey (@MickmickNYC) July 28, 2026

Синди Крафорд, една од најуспешните супермодели на сите времиња, му рече „да“ на холивудскиот актер во 1991 година. Таа и Гир беа во брак до 1995 година, а моделот призна години подоцна дека разликата од 17 години сепак била пречка и покрај нејзината љубов кон Ричард Гир.

– Мислам дека дел од проблемот во нашата врска беше тоа што бевме толку многу работи, но не знам дали некогаш бевме пријатели, како врсници. Бидејќи јас бев млада, а тој беше Ричард Гир – објасни Синди.

– А потоа, како што созревав… Тешко е да се промени природата на врската во која веќе се наоѓате – истакна моделот.

 

View this post on Instagram

 

A post shared by 90smoment (@90smoment)

По разводот, Синди го запозна бизнисменот Ренди Гербер, со кого се омажи во 1998 година, и со кого ја има ќерката Каја и синот Пресли.

Гир потоа беше во брак со мајката на Хомер, Кери Лоуел, од 2002 до 2016 година, а од 2018 година е во брак со Алехандро Силва, со кого има два сина.

 

View this post on Instagram

 

A post shared by Entertainment Tonight (@entertainmenttonight)

The post 🎥 31 ГОДИНА ПО РАЗВОДОТ СУДБИНАТА ГИ СПОИ НИВНИТЕ ДЕЦА Ќерката на Синди Крафорд и синот на Ричард Гир се соработници во тинејџерска серија appeared first on plusinfo.mk.

– Живееме во најтемниот момент што сум го доживеал на оваа планета – изјави 76-годишната холивудска ѕвезда Ричард Гир, на церемонијата на доделување награди во Осло за Меѓународната награда Вацлав Хавел за креативно несогласување (Vaclav Havel International Prize for Creative Dissent).

– Кој некогаш помислил дека Америка може да се преврти вака? Кој некогаш помислил дека ваков манијак ќе биде претседател на Соединетите Американски Држави? Првиот ден, овој човек демонтираше речиси сè што било добро кај американската влада и американскиот народ – изјави Гир пред публиката од стотици луѓе.

Гир и претходно го критикуваше Трамп и го нарече републиканецот „насилник“ во февруари 2025 година.

Додека ги објавуваше наградите во Осло, за затворениот кинески уметник Гао Жен и за мјанмарскиот дисидент против хунтата, Саи, Гир призна дека направил премалку во кампањата против враќањето на Трамп во Белата куќа.

– Како е ова воопшто можно? Затоа што заспавме. Не ни беше гајле. Не гласавме. Не слушавме – рече актерот.

Гир ѝ кажа на публиката дека неодамна го посетил нацистичкиот концентрационен логор во Дахау.

– Мора да ги видиме знаците, оваа диктатура на чудовиштата, колку брзо се случува. Мора да бидеме внимателни.

Долгогодишен поддржувач на Тибет и конвертит во будизмот, Гир често се среќаваше со Далај Лама, протераниот тибетски духовен водач обвинет од Кина за поттикнување сепаратизам во хималајскиот регион.

Од 2024 година, живее во Шпанија со својата трета сопруга, Алехандра Силва.

The post 🎥 РИЧАРД ГИР „УДРИ“ ПО ДОНАЛД ТРАМП „Кој можеше да помисли дека ваков манијак ќе биде претседател на САД“ appeared first on plusinfo.mk.

Алехандра Силва (43) и Ричард Гир (76) се венчаа пред 8 години на интимна церемонија на ранчот на актерот во Паунд Риџ, Њујорк.

Бизнисменката од Коруња не го пропушти овој посебен настан и сподели емотивна изјава на љубов кон својот сопруг на социјалните мрежи.

Силва објави албум со досега невидени фотографии од свадбата на својот Инстаграм профил, заедно со носталгична порака:

– Точно пред осум години, се собравме со нашите семејства и луѓето што ги сакаме најмногу за да го прославиме почетокот на нашиот заеднички живот.

Тоа беше еден од најмагичните денови во нашите животи – ден исполнет со љубов, радост, возбуда и чувство дека започнува нешто навистина посебно. Години подоцна, нашата љубовна приказна продолжува – со поголема длабочина, повеќе спомени, повеќе деца, повеќе смеа, повеќе живот… и истиот среќен крај за кој сонував тој ден. Среќна годишнина, љубов моја. Би те избрала повторно, во секој живот – напиша таа.

 

View this post on Instagram

 

A post shared by Alejandra Gere (@alejandragere)

Свадба како од бајките

Љубовната приказна на двојката започнал во 2014 година, кога Ричард Гир престојувал во луксузен хотел во Позитано, Италија, кој тогаш го управувала Алехандра Силва. Двајцата подоцна признале дека станувало збор за силна, речиси судбоносна врска.

Четири години подоцна, на 5 мај 2018 година, тие ја легализираа својата љубов – прво со граѓанска венчавка во Шпанија, а потоа со свечена прослава на ранч во Њујорк. Церемонијата била будистичка, во согласност со нивните духовни верувања, додека декорот бил инспириран од Индија: шаторите од Џајпур, богатите цвеќиња и тибетските знамиња создале атмосфера како од бајките.

Прославата била интимна, далеку од типичниот холивудски гламур.

Силва носела три венчаници за таа пригода. Првиот, особено емотивен, бил винтиџ фустан во викторијански стил – истиот што го носела нејзината мајка кога се омажила. За вечерната прослава, таа избрала боемска креација од израелскиот дизајнер Јанив Перси, додека третиот фустан бил елегантен, бел, со отворен грб и царски крој. Косата ја носела во плетенка украсена со бели цвеќиња.

Семејство и заеднички живот

Фотографиите што Силва ги сподели откриваат интимни моменти: нежни погледи, прегратки, спонтана смеа и романтични бакнежи.

По свадбата, двојката доби две деца – Александар (роден во февруари 2019 година) и Џејмс (април 2020 година). Во нивното семејство се и Алберт, синот на Силва од претходна врска, и Хомер Џејмс Џигме, синот на Гир од бракот со Кери Лоуел.

 

View this post on Instagram

 

A post shared by Richard Gere (@richardgere)

И покрај нивната 33-годишна разлика во години, нивната врска никогаш не била доведена во прашање. Силва често ја фали енергијата и виталноста на својот сопруг, додека Гир нагласува колку му значи семејниот живот.

– Ги имам мојата прекрасна сопруга и децата – сите сме здрави. Тоа е клучот за мојата среќа – изјави неодамна тој за списанието „Пипл“.

The post ТАА Е ПРЕТПРИЕМНИЧКА, А ТОЈ ХОЛИВУДСКИ ШАРМЕР Алехандра Силва и Ричард Гир прославија 8 години брак, а еве како се запознале appeared first on plusinfo.mk.

Хомер Џејмс Џигме Гир, најстариот син на актерот Ричард Гир, гради сопствен пат во Холивуд. Деновиве гледачите можат да го видат во третата сезона на популарната серија „Еуфорија“, во која го игра Дилан Рид.

Иако потекнува од познато актерско семејство, Хомер се труди да изгради сопствен идентитет и име.

Хомер неодамна за „Entertainment Tonight“ зборуваше за својата актерска кариера и за советите што ги добива од татко му. Тој истакна дека искуството на Ричард со славата и животот во јавноста му е исклучително важно. Како што вели, татко му не го советува толку во врска со самото глумење, колку за тоа како да се носи со вниманието и со притисокот што ги носат успехот и популарноста.

– Не е работата толку во самата работа, туку во тоа како да се носиш со сè и да останеш приземен – рече тој и додаде дека поддршката од татко му му е многу важна.

Иако живеат на различни континенти — Хомер во Лос Анџелес, а Ричард од 2024 година во Шпанија со сопругата Алехандра Силва и нивните синови Александар и Џејмс – тие останаа многу блиски и се во секојдневен контакт.

Ричард Гир за „People“ изјави: „Сакам да поминувам време со мојот син. Без разлика дали шетаме низ шума или заедно правиме нешто добро за други луѓе, секогаш сум среќен кога го гледам“.

Хомер е роден во февруари 2000 година во бракот на Ричард Гир и актерката и манекенка Кери Лауел, позната по улогата во серијата „Закон и ред“, како и по тоа што беше една од девојките на Бонд.

Името го добил по дедовците – Хомер по таткото на татко му, а Џејмс по таткото на мајка му. Средното име Џигме потекнува од тибетанскиот јазик и значи „бестрашен“, што се вклопува во долгогодишната поврзаност на Гир со будизмот.

Хомер израснал далеку од холивудскиот гламур, меѓу Њујорк и Вестчестер. Одел во приватното училиште „Hackley“, а потоа на престижниот универзитет „Браун“ дипломирал психологија и визуелни уметности. Во текот на студиите се интересирал за различни области — учествувал во истражувања од невронауката, но и во студентски филмски проекти.

Ричард Гир претходно изјави дека внимателно ги бирал проектите за да поминува што е можно повеќе време со синот додека тој растел.

– Обично сам носам одлуки за проектите, но внимавам да не бидам долго одвоен од Хомер. Ако тоа би било тешко за него, не би ја прифатил работата. Семејството ми е најважно – изјави актерот.

Денес Хомер гради сопствена кариера. Освен улогата во „Еуфорија“, ќе се појави и во новата серија „The Shards“ на режисерот Рајан Марфи, работена според хорор романот на Брет Истон Елис од 2023 година. Во серијата ќе глуми и манекенката Каја Гербер, чија мајка Синди Крафорд претходно беше во брак со Ричард Гир.

 

View this post on Instagram

 

A post shared by 𝚁𝙸𝙲𝙷𝙰𝚁𝙳 𝙶𝙴𝚁𝙴 (@mrrichardgere)

Иако долго време беше далеку од јавноста, Хомер во последните години сè почесто се појавува на црвените теписи со својот татко. Со оглед на тоа што посериозно влегува во актерскиот свет, се очекува публиката во иднина да го гледа уште почесто.

The post СИНОТ НА РИЧАРД ГИР ГЛУМИ ВО ПОПУЛАРНА СЕРИЈА Хомер Џејмс Џигме Гир, глумецот го доби со славната Бонд девојка appeared first on plusinfo.mk.

Гир никогаш не се воздржуваше да ја манифестира љубовта на јавни настани, а многу често разменуваше нежности со својата сакана додека папараците ги фотографираа.

Гир се преселил во родниот град на неговата сопруга, Мадрид, со што ја заменил Америка со Европа.

Папараците набрзо го фотографираа овој пар на улиците на главниот град на Шпанија, а според она што може да се види, животот во Европа навистина им одговара.

The post 📷 ПАПАРАЦИТЕ НИТУ ТАМУ НЕ ИМ ДАВААТ МИР Поради 34 години помладата сопруга, холивудскиот заводник се пресели во Шпанија appeared first on plusinfo.mk.

Водителката Савана Гатри на гледачите им најави клип од серијата, а кога камерата се врати на нив, познатиот актер беше снимен со кренат среден прст.

„Штотуку направивте непристоен гест во оваа семејна утринска емисија!“, му рекла шокираната водителка, а 75-годишниот актер се бранел: „Не го покажав, така направив во клипот. Тоа беше клип!“

Водителката му рекла дека тие намерно го исекле тој дел, но Гир тврдел дека клипот „нема смисла“ без гестот и се пошегувал: „Мојата рака го направи тоа, јас сум надвор од контрола“.

Неговиот потег налути дел од гледачите, кои сметаат дека е несоодветен за утринска емисија, додека на некои целата приказна им беше урнебесна.

„Кој друг мислеше дека ѝ покажа среден прст на водителката?“, „Добро се снајде“, „Зошто го направи тоа? Не знам“, се дел од коментарите.

The post 📽️ РИЧАРД ГИР ПОКАЖА СРЕДЕН ПРСТ ВО ЕМИСИЈА ВО ЖИВО Водителката шокирана, гледачите коментираа appeared first on plusinfo.mk.

Тој во изјава за медиуми рече дека денеска имале прва и многу успешна средба со амбасадорот на Европската делегација Ричард Гир но новинарите веднаш го поправија дека е Дејвид Гир.

Во продолжение погледнете го видеото.

Инаку, Гир и новиот министер разговараа за евроинтеграцијата на државата, при што амбасадорот повтори дека нема можност да се репреговара за Преговарачката рамка.

– Секогаш сум бил многу јасен за овој договор што беше постигнат во јули 2022 година што резултираше со отворање на пристапните преговори и скрининг процесот. Не гледам можност за промена на преговарачката рамка и таа позиција не е променета по изборите – изјави евроамбасадорот Дејвид Гир.

Средбата со Муртезани, Гир ја оцени како „добар старт“, посочувајќи дека имал детален разговор за реформската агенда која е дел од планот на ЕУ за раст на Западен Балкан, за досегашната работа на скининг процесот и како да се продолжи врз тоа што е постигнато.

– Очекуваме блиска, регуларна и успешна работна врска со министерот и Министерството – изјави Гир.

Во однос на пораката што се праќа со намалувањето од вицепремиерско на министерско место за европски прашања според Гир, важно е тоа што процесот на евроинтеграција останува високо на политичката агенда.

– Ова е тоа што Владата го вели. Ќе ја оценуваме Владата врз основа на тоа што го прави. Ако сака да продолжи напред на евроинтегративниот пат ние ќе бидеме цврсти и посветени партнери – изјави Гир.

Прашан за планот на Питер Ванхојте за евроинтегративниот пат на земјава, Гир рече дека не е сигурен дека постои таков план, посочувајќи дека Ванхојте работи на проект, финансиран од Белгија, за градење на добрососедски односи во Северна Македонија и соседите.

– Но, надвор од тоа ние во ЕУ не сме поврзани со таа конкретна иницијатива – нагласи Гир.

Министерот за европски прашања Орхан Муртезани посочи дека секоја помош во процесот на зачленување кон ЕУ е добредојдена, вклучителчно и помошта на Питер Ванхојте, но дека тој како новоназначен министер нема видено никаков конкретен план, за да може да даде коментар.

The post 📽️ ЕВЕ КАКО ДЕЈВИД ГИР СТАНА РИЧАРД ГИР! Министерот Муртезани го прекрсти евроамбасадорот appeared first on plusinfo.mk.

Како што наведува „Вариети“, студиото „Парамаунт“ работи на римејк на филмот од 1982 година, а главната улога ќе ја добие Мајлс Телер. Меѓутоа, сè уште не се знае кој ќе ја добие главната женска улога, која претходно ја играше Дебра Вингер.

Претстојниот римејк на „Парамаунт“ ќе го продуцира „Темпл хил“со финално нацрт-сценарио напишано од Дејна Фокс, а чиј оригинал го напишал Мет Џонсон.

Приказната на филмот го следи Зак Мејо, млад човек кој запишува воено училиште кое обучува пилоти за поморска авијација. Поради својот карактер, тој често доаѓа во конфликт со своите претпоставени, особено со наредникот Емил Фоли (Луис Госет помладиот). Меѓутоа, ситуацијата се менува откако Зак ја запознава Пола, девојка која работи во фабрика која сонува да замине од дома.

Инаку, филмот постигна голем успех на киноблагајните и доби шест номинации за Оскар. Тој на крајот освои два, за најдобра песна и најдобра споредна машка улога. Интересно е што Оскарот за најдобра споредна машка улога го доби Луис Госет помладиот и со тоа стана првиот Афроамериканец кој ја освоил оваа награда.

The post КУЛТНИОТ ФИЛМ СО РИЧАРД ГИР ЌЕ ДОБИЕ РИМЕЈК Познато и кој ќе го замени славниот актер appeared first on plusinfo.mk.

Гир посочи дека често не се постапува по препораките на Државната комисија за спречување на корупцијата(ДКСК) и Државниот завод за ревизија(ДЗР) иако тие вршат важна работа.

– Исто така, и нивото на имплементација на Националната стратегија за борба против корупција останува незадоволителна и претставува само 10 проценти според минатогодишниот извештај на ДКСК. Во оваа Стратегија има јасни и прецизни задачи за секоја институција присутна на состанокот. Трансформирањето на добрите намери во дела бара напорна и заедничка работа и соработка. Можете да сметате на нашата поддршка  – изјави Гир.

Тој нагласи дека судството има клучна улога во борбата против корупцијата и затоа треба да биде независно и професионално, а судиите и обвинителите да делуваат со интегритет ослободени од политички влијанија или финансиски стимулации.

– Тоа е судство што ќе ја поврати довербата на јавноста – порача шефот на Делегацијата на ЕУ.

Во Извештајот одреден напредок е нотиран и во однос на Основното јавно обвинителство за гонење организиран криминал и корупција, со јакнење на неговите ресурси и ангажирање финансиски експерти, што, според Гир, е нужно за да се зголеми бројот на конечни пресуди во случаите на висока корупција и заплена на незаконски стекнат имот-

The post МАЛКУ СТЕ ПОСТИГНАЛЕ ВО БОРБАТА СО КОРУПЦИЈАТА Евроамбасадорот Гир вели дека Македонија не постапува по препораките на ДКСК и ДЗР appeared first on plusinfo.mk.

Направивме листа од 10 култни филмови во кои сцените била непланирани, односно импровизирани, а сепак, добри, така што режисерот одлучил да ги остави во филмот такви какви што се – реални.

Природното смеење на Џулија Робертс  во „Убава жена“

Филмот „Убава жена“ е еден од најомилените филмски остварувања на низа генерации. Без Џулија Робертс, филмот немаше да ја има истата привлечност, а без нејзината природна убавина немаше да блесне толку силно. Во филмот има една сцена каде Едвард (Ричард Гир) и подарува на Вивиен (Џулија Робертс) скап дијамантски ѓердан.

Токму кога ја отвора кутијата пред неа, тој веднаш ја затвора, како на шега. Овој потег од негова страна не бил во сценариото, што значи дека неверојатното, неодоливо смеење што Робертс го испушта е сосема реално.

Вистинскиот удар на Том Круз во „Невозможна мисија 2“

Во „Невозможна мисија 2“, еден каскадер ги подигнал работите на апсолутно следно ниво бидејќи побарал од Том Круз да не се воздржува и вистински да го удри в лице. На почетокот, Круз негодувал, бидејќи не сакал да го повреди каскадерот, а ниту режисерот.

Меѓутоа, почитувајќи ја желбата и посветеноста на каскадерот на неговиот занает, Круз всушност го удрил со нога в лице. Конечниот рез се покажал толку моќен што бил оној што бил вклучен на крајот од филмот. Толку опасно и толку кул.

Вистинско пиво фрлено на главата на Џон Малкович

За време на една сцена во филмот „Да се биде Џон Малкович“, шише пиво е фрлено во главата на Џон Малкович, поради што тој да вика од болка, а исто така служи за да се прекине тензијата на филмот по сериозна сцена.

Всушност, ова била вистинска лименка пиво за која филмската екипа мислела дека би било смешно да се вметне во филмот и поради некоја причина одлучиле да оди таа сцена. Како што се испоставило, на режисерот тоа му се допаднало и го направил конечниот рез.

Вистинското паѓање на Ен Хатавеј

Принцезата во фимот „Дневниците на принцезата“ треба да биде несмасна личност; тоа е целата поента – таа не е способна да биде принцеза, а сепак… е! Па каква среќа што Ен Хатавеј е подеднакво несмасна.

При снимањето на сцената каде што шетала покрај трибините, таа навистина доживеала вистински пад. Тоа значи дека нејзиниот крик и реакцијата на нејзините колеги биле целосно искрени. Совршен кастинг, според нас.

Шегата во „Празник во Рим“

Одри Хепберн засекогаш ќе биде запаметена по нејзината улога во филмот „Празник во Рим“ каде играше заедно со Грегори Пек, кој беше познат шегобиец. Во „Празник во Рим“, според сценариото тој се преправа дека статуата му ја џвака раката.

Она што го немало во сценариото, е дека тој потоа ќе ја извади не раката, туку „само“ ракавот. Оваа шега целосно ја затекнала Хепберн, а вистинскиот крик и смеа што таа ги испуштила потоа биле целосно реални и искрени.

Пеењето на Џони Деп во „Пиратите од Карибите“

Никој друг не може да биде капетан Џек Спароу освен Џони Деп. Во „Пиратите од Карибите“ има сцена каде што капетанот Џек се шегува со „тегла нечистотија“ дури и пее мала песна за тоа колку е среќен што ја има.

Па, исмевањето било според сценариото, но пеењето не било, едноставно Џони одлучил да биде целосно слободен во ликот. Тоа значи дека погледите на неверување од остатокот од актерската екипа не се лажни, тие искрено се прашуваат што се случува. Апсолутно магично.

Шиштењето со забите на Ханибал Лектор

Портретот на Ентони Хопкинс на Ханибал Лектор во култниот филм „Кога јагнињата ќе стивнат“ беше толку убедлив, благодарение на кој се закити со Оскар. Една од најнезаборавните и најоткачените работи за ликот беше „шиштењето“ што го испушташе.

Ова всушност е измислено на лице место, што покажува колку морничаво се поврзал со ликот Хопкинс. Тоа ги преплашило сите на снимањето, а непријатниот изглед што можете да го видите на лицето на Џоди Фостер бил вистински, таа не го очекувала ова и ја натера да се чувствува многу исплашено, како што и требало да биде според сценариото.

Мува на лицето

Во „Индијана Џонс“, мува слетува на устата на еден од актерите за време на сцената и како резултат на неговиот професионализам, тој едноставно не престанал да глуми. Додека Пол Фримен зборува за неговото восхитување на ликот на Индијана Џонс, мувата што слетала на неговото лице била изедена во тој процес.

Професионален актер каков што е, не се поколебал и ова на крајот го донел конечнио рез во филмот.

Том Хенкс ги зема работите во свои раце

Во црната комедија „The Burbs“ од 1989 година, има една сцена каде што гледаме дека ликот на Том Хенкс навистина се провлекува низ делата. Неговата куќа се запалила откако тој беше на огромна тирада, и тој остана да се чувствува полошо поради истрошеноста. Тој легнува на болничката носилка, подготвен да биде однесен во болница, само… ништо не се случува.

Па, што направил тој? Надвор од сценариото, Том Хенкс ја кренал носилката, ја уфрлил во автомобилот на итната помош, а потоа самиот скокнал врз неа кога влегол внатре. Ова било целосно без сценарио, но функционирало совршено, покажувајќи дека тој навистина се вклучил во ликот и совршено ја исполнил својата енергија.

Сите знаеме каде е Џони сега

Неверојатно е колку од најпознатите филмски цитати на сите времиња биле всушност импровизирани, но навистина тоа е доказ за актерите кои ги играат улогите дека знаеле што прават. Во филмот „Блесок“ Џек Николсон го игра Џони кој во одреден момент го губи разумот и сака да ја убие својата сопруга.

Откако со секира ја крши вратата од бањата, ја пробива главата низ дупката гласно извикувајќи; „Евеееее го Џони!“. Џек Николсон го измислил ова на лице место, а по дебатирањето дали тоа да го задржи или не, режисерот на крајот одлучил дека треба да остане. Останатото е историја.

The post 10 НЕВЕРОЈАТНИ ФИЛМСКИ ИМПРОВИЗАЦИИ, ПРЕМНОГУ ДОБРИ ЗА ДА СЕ „ФРЛАТ“ Од „Убава жена“ до „Невозможна мисија“ (ФОТО+ВИДЕО) appeared first on plusinfo.mk.