На 3 јуни, со почеток во 20:00 часот, на големата сцена на Македонскиот народен театар ќе се одржи премиерата на претставата „Кататонија“, во режија на Васил Христов, по мотиви на драмскиот текст на британската авторка Алис Бирч, а во драматургија на Викторија Рангелова-Петровска. Претставата е продукциски потпишана од Вондерленд театар – Скопје и МНТ.

Во актерската екипа настапуваат: Верица Недеска, Ања Митиќ, Сања Арсовска, Јасмина Билаловиќ, Јасмина Василева, Игор Ангелов, Дениз Абдула и Владимир Петровиќ. Костимограф е Роза Трајческа-Ристовска, сценографијата и изборот на музиката ги потпишува Васил Христов, додека дизајнер на плакатот е Денко Матевски, а Саво Ивановски е инспициент на проектот.

„Кататонија“ е претстава која, преку 24 различни приказни, навлегува во животи обременети од маргинализација, насилство, институционална неправда, вина, затворски живот и лична трансформација. Се отвораат прашања за патријархатот, судскиот систем и каењето, додека секоја сцена самостојно ја носи својата тежина, а истовремено е поврзана со другите преку заеднички теми, атмосфера или реченица што одекнува.

Претставата користи жесток, суров и директен јазик, следејќи ја традицијата на „in-yer-face“ драматургијата, слично на делата на Сара Кејн, Марк Рејвенхил и Керил Черчил. „Кататонија“ не штеди никого – таа шокира, провоцира и ги разоткрива системските аномалии со бескомпромисна искреност.

The post ПРЕМИЕРА НА „КАТАТОНИЈА“ НА СЦЕНАТА НА МНТ Претставата ќе се одигра на 3 јуни appeared first on plusinfo.mk.

„Замисли нов свет“ е претстава која треба да се види и доживее! Премиерната изведба одлична, со фантастични ликови, и длабоки и суштински дијалози кои сите не засегаат. Еден и пол час театарска претстава исполнета со емоции, себе преиспитување, потсетување на она што сме, но и што можеме да бидеме“, се вели во соопштение до медиумите.

Миграциите, недоразбирањата меѓу генерациите, љубовта и загубата, распадот на вредностите го сочинуваат тематскиот опсег на претставата „ Замисли нов свет“. Работена според сцени од 7 култни текстови на Горан Стефановски, претставата беше поздравена од публиката со голем и долготраен аплауз.

– „Замисли нов свет” е претстава која создава чувство на поврзаност со сета своја магија на сцената, од музичката изведба, визуелните ефекти, докажа дека културата може да биде препознаена, а театарот е моќен медиум што може да влијае и да ги менува на подобро работите во едно општество. Со вакви проекти се вреднува интелектуалниот труд – нешто што е нормално кога се занимавате со уметност во други развиени земји” – изјави драматургот Ана Ристоска–Трпеноска.

Сите актери, Верица Недеска, Дамјан Цветановски, Игор Ангелов, Филип Трајковиќ, Нина Деан, Ана Јовановска, Стефан Спасов и Антонио Ташковски кои срдечно ја отпоздравија, па од јануари 2025 година публиката ќе има можност да ја гледа на редовен репертоар.

Претставата ја користи музиката на Огнен Атанасовски.

„Огромно браво за идејата на Saatchi&Saatchi Скопје, и за Телеком кој овозможи реализација на ваков значаен театарски и културен проект, и услови за многу млади уметници да ја покажат својата креативност и да ги пренесат своите пораки на публиката“, се вели во соопштението.

„Замисли нов свет“ е проект на Телеком во копродукција со МНТ во режија на Нела Витошевиќ. Претставата, како што се вели во соопштението, треба „да нѐпоттикне сите нас да размислуваме на добрите работи и конекции што можат да се случат ако се согласиме да ги надминеме разликите и помислиме на големиот број работи кои нѐ поврзуваат“.

„Претставата е всушност колаж од делата на нашиот најпознат драмски автор и преку низа на уникатни ликови и ситуации зборува за она за кое и самиот Стефановски беше заинтересиран целиот негов живот: за луѓето и нивните карактери, за општеството и за сите начини на кои можеме да го направиме светот околу нас подобро место за живеење“, велат од тимот.

„Замисли нов свет“ е претстава за надежта и за човековиот дух кој низ разни генерации и состојби ќе успее да најде начин да се бори со сите проблеми кои ги задава животот. Целиот склоп на текстот е приказна за заедништво што ни покажува дека сите можеме да учиме едни од други и да си го најдеме своето место во општеството“, велат од тимот и порачуваат дека претставата е доказ дека уметноста е и треба да биде „движечка сила за општествена трансформација“ и „инспирација за многу генерации“.

The post 📷 „ЗАМИСЛИ НОВ СВЕТ“ ЈА ИМАШЕ СВОЈАТА ПРЕМИЕРА Претставата обработува 7 култни текстови на Горан Стефановски appeared first on plusinfo.mk.

Премиерата на Санденс е неверојатна чест. „Диџеј Ахмет“ е длабоко лична приказна за пронаоѓање на сопствениот глас во свет кој често го замолчува. Преку патувањето на Ахмет, се надевам дека ќе ја истакнам универзалната борба меѓу традицијата и самоизразувањето. Санденс е совршена платформа за да се сподели оваа приказна со светската публика“, изјави режисерот Георги М. Унковски.

Сместен во оддалеченото јуручко село Коџалија, Македонија, филмот „Диџеј Ахмет“ ја раскажува приказната за 15-годишниот Ахмет, кој открива прибежиште во електронската музика како излез од неговата традиционална средина. Филмот е драма со примеси на комедија, приказна за љубовта, пријателството и самооткривањето на еден тинејџер, поставена на динамична позадина во која се судруваат традиционалните вредности и модерното време.

Снимањето на филмот траеше 36 дена и се одвиваше на крајот на 2023 година, во селата Коџалија и Али Коч во Радовиш, а дел од снимањето беше и во Скопје. Филмот е на турски и македонски јазик.

Директор на фотографија е Наум Доксевски, сценографи се Дејан Ѓошевски и Александра Чевреска, костимограф Роза Трајчевска, шминка и маска Душица Вуксановиќ Дуда, снимател на тон Павел Јан. Монтажата ја изработи Михал Раих, композитори се браќата Синкауз од Хрватска, а дизајнери на звук се Миросла Червена Чалупка и Лудвиг Бохадло.

Главните улоги во филмот ги играат Ариф Јакуп, Дора Акан Златанова, Агуш Агушев кои за прв пат се појавуваат на филмското платно и Аксел Мехмет. Во останатите улоги се: Селпин Керим, Атила Клинче, Елхаме Билал, Адем Карага, Хакан Даци, Метин Ибрахим, Јеткин Сезаир и други. Кастинг директор е Киријана А. Николоска.

Продуценти на филмот се Иван Унковски и Ивана Шекуткоска, линиски продуцент Виктор Павловски.

„Диџеј Ахмет“ е копродукција помеѓу Синема Футура и Сектор филм од Македонија, Алтер Вижн и Аналог Вижн од Чешка, Бекрум продукција и Баш челик од Србија, 365 филмс од Хрватска. Филмот е поддржан од Агенција за филм на Македонија, Чешки филмски центар, Филмски центар Србија, Хрватскиот аудио визуелен центар, СЕЕ Синема Нетворк како и од европскиот филмски фонд Еуримаж.

Филмскиот фестивал Санденс е еден од најпрестижните светски фестивали за независно кино. Познат по откривање на храбри нови гласови во филмската уметност, изданието за 2025 година ќе се одржи од 23 јануари до 2 февруари во Парк Сити, Јута. Од многу голем број на аплицирани филмови ширум светот, примени се околу 80-тина. „ДЈ Ахмет“ на Унковски е меѓу десет филмови кои ќе се натпреваруваат во меѓународната програма. Годинешниот филмски фестивал Санденс ветува возбудливо издание со присуство на познати актери и режисери. Потврдени се учествата и на Оливија Колман, Џон Литгоу, Бенедикт Камбербач, Џенифер Лопез и Џош О’Конор кои ќе ги претстават своите најнови филмови. Фестивалот исто така ќе понуди разновидни панели и дискусии, зацврстувајќи ја својата позиција како врвна манифестација за промоција на најнови достигнувања од филмот.

Основана во 2013 година од Иван Унковски, е продукциска куќа посветена на оригинални гласови во киното. По успехот со краткометражниот филм Sticker, прикажан на Санденс во 2020, oва е второ учество на фестивалот во програмата со долгометражни филмови.

Георги М. Унковски е роден 1988 година, во Њујорк. Студирал фотографија на Институтот за технологија во Рочестер, САД, а магистрирал режија на FAMU во Прага, Република Чешка. Ова е негов прв долгометражен филм. Неговиот претходен краток филм својата премиера ја имаше исто на Санденс 2020, а потоа се прикажа на повеќе од 220 фестивали и повеќе стриаминг платформи како ХБО, МУБИ и CANAL+ и освои повеќе од 50 награди.

The post ГОЛЕМ УСПЕХ ЗА „ДИЏЕЈ АХМЕТ“ НА УНКОВСКИ Филмот влезе во официјална конкуренција на Санденс appeared first on plusinfo.mk.

„Обожавам режија, но има промена во мојата семејна ситуација што прави невозможно да режирам неколку години“, изјави актерката за „Ентертејмент викли“.

Како што тврди актерката, ѝ требале пократкотрајни работи за да може што повеќе време да поминува дома. Иако Џоли и Бред Пит се разделени подолго време, официјалниот развод сè уште не е завршен.

Наскоро излегува филмот „Those Who Wish Me Dead“ со Анџелина во главната улога. Наидувала на проблеми додека глумела. Таа морала да го потисне мајчиниот инстинкт затоа што ликот што го отелотворува има поинаков став кон децата.

– Понекогаш режисерот Тејлор Шеридан ме коригираше, бидејќи моето однесување кон детето беше различно од однесувањето на Хана кон некое дете. Ми требаше некое време да почнам да се однесувам лошо, но успеав – рекла Џоли.

The post Анџелина Џоли проговори: Дојде до промена во мојата семејна состојба ВИДЕО appeared first on plusinfo.mk.