Русија забрани извоз на авионско гориво до крајот на ноември со цел, да обезбеди доволно резерви за домашниот пазар, соопшти руската влада. Забраната важи и за авионското гориво купено преку стокови берзи и ќе биде во сила до 30 ноември.

Иако Русија не е доминантен светски извозник на авионско гориво, одлуката за забрана на извозот претставува уште еден сигнал за проблемите во руската рафинериска индустрија по серијата украински напади врз енергетската инфраструктура. Аналитичарите предупредуваат дека ограничувањето на извозот на керозин и дизел може дополнително да ја намали понудата на глобалниот пазар на нафтени деривати, што би извршило притисок врз цените на авионското гориво и трошоците на авиокомпаниите ширум светот.

Според руската влада, од мерката се исклучуваат пратките кои веќе биле во царинска постапка пред да стапи во сила забраната и испораките кои се извршуваат врз основа на меѓудржавни договори.

Одлуката доаѓа во време кога енергетските пазари се под зголемен притисок поради нестабилноста на Блискиот Исток и нарушувањата во глобалните синџири на снабдување.

Русија направи сличен потег во април, кога го забрани извозот на бензин до домашни производители до 31 јули.

The post РУСИЈА ЗАБРАНИ ИЗВОЗ НА АВИОНСКО ГОРИВО Нов притисок врз трошоците на авиокомпаниите appeared first on plusinfo.mk.

Барселона не блескаше, меѓутоа ја оствари целта и ги освои трите бода на гостувањето во Мадрид кај Леганес и со тоа ја задржа предност во однос на Реал на табелата во Ла Лига.

Каталонците сега се фокусираат на реваншот со Борусија Дортмунд во Лигата на шампионите, но во меѓувреме шпанските медиуми одбележаа една комична ситуација која се случила на клупата за резерви на саботниот лигашки меч.

Некој од играчите „пуштил гулапче“, а тоа донесе реакции.

– Кој прдна -прашува Де Јонг.

– Дефинитивно Фати – вели Кубарси.

– Ова е одбратно, човече – истакнува Мартин.

Ansu Fati Farted??? During the match against CD Leganés, there was a question on the bench from the “who farted” category. Cubarsi pointed to Ansu Fati.

Frenkie de Jong: “Who just farted?”

Cubarsi: “Of course Fati.”

Gerard Martin: “Disgusting”

pic.twitter.com/Q4jjOFbBp4

— Bᴀʀᴄ̧ᴀVᴇʀsᴇ (@BarcaVerse_) April 14, 2025

The post 📽️ „КОЈ ПРДНА, ОВА Е ОДВРАТНО“ Комична ситуација на клупата на Барса откако некој „пушти гулапче“ appeared first on plusinfo.mk.

Како што пишува изданието, германскиот концерн за производство на воена опрема „Рајнметал“ ќе го зголеми производството на барут за 60% до 2028 година, но тоа не е доволно.

Со ограничените залихи на памук, кој е потребен за производство на нитроцелулоза, недостигот на барут само се зголемува. Памукот сега се увезува од Кина, што ја загрозува стабилноста на снабдувањето. Покрај тоа, на Западот му недостасуваат специјалисти за производство на експлозиви.

The post НА ЕУ Ѝ НЕДОСТИГААТ БАРУТ И ТНТ Европа сака да прави муниција, но нема материјали appeared first on plusinfo.mk.

Според платформата, се верува дека државните хакерски групи создале резерви од 13.562 биткоини (BTC), во вредност од 1,14 милијарди долари.

Оваа платформа цитира податоци од Arkham Intelligence, компанија со седиште во Доминиканската Република која е специјализирана за откривање трансакции што помага да се идентификува перење пари и други сомнителни активности.

САД имаат резерви од 198.109 БТК, додека ОК има 61.245 БТК.

Во заедничкото соопштение на Јужна Кореја, САД и Јапонија, објавено во јануари, се вели дека хакерските групи од Северна Кореја, вклучително и групата Лазарус, стојат зад серијата сајбер напади во 2024 година кои украле криптовалути во вредност од 659 милиони долари.

The post СЕВЕРНА КОРЕЈА Е ТРЕТА ЗЕМЈА ПО РЕЗЕРВИ НА БИТКОИН ВО СВЕТОТ Кои земји се пред неа? appeared first on plusinfo.mk.

– Резервата ќе биде капитализирана со биткоини што ги држи федералната влада откако ќе биде запленета во кривична или граѓанска постапка – рече Сакс.

Претходно оваа недела, Трамп ги објави имињата на пет дигитални валути за кои рече дека ќе ги вклучи во резервата. Петте дигитални валути се – Bitcoin, Ether, XRP, Solana и Cardano.

Според Сакс, резервите на Биткоин ќе бидат еден вид „дигитален Форт Нокс“.

Кога станува збор за криптовалутите, САД веќе имаат околу 200.000 биткоини, според Сакс. Ова претставува околу 17,5 милијарди долари.

По информацијата за резервата, курсот на Биткоин падна за 5,7 отсто, бидејќи пазарите беа фигуративно разочарани што не се предвидуваше владино купување на криптовалути за резервни цели. Биткоинот денеска падна на 84.707 долари.

Создавањето на резерва се уште претставува силна порака до индустријата за криптовалути и дава дополнителен кредибилитет на ова редовно критикувано средство, наведуваат американските медиуми.

Според извршната наредба на Трамп, министерот за финансии и министерот за трговија ќе можат да понудат купување дополнителни биткоини, но тие нема да станат дел од резервите. Извршната наредба на претседателот ја нагласува посветеноста на Трамп да ги направи САД главен град на криптовалутите во светот, вели Сакс.

The post АМЕРИКА ЌЕ КУПУВА БИТКОИНИ ЗА НЕДАЈ БОЖЕ Криптовалутите влегуваат во стратешките резерви на САД appeared first on plusinfo.mk.

Компанијата „Сентрика“ (Centrica), која управува со најголемиот магацин за складирање гас во Велика Британија, предупреди дека земјата се соочува со значителен ризик од недостиг на гас.

Во магацините моментално има количина на гас, доволна за помалку од една недела, што е за 26% помалку од истиот период минатата година. Складиштата се наполнети само до половина од нивниот капацитет, што е алармантно во услови на ниски температури и на зголемена потрошувачка.

Домаќинствата во Британија во голема мера користат гас за греење, додека, пак, гасот е клучен и за производството на електрична енергија. Нискиот капацитет на складирање го зголемува ризикот од енергетска несигурност, особено во зимските месеци.

Складиштето за гас „Раф“ (Rough), кое сочинува половина од капацитетот за складирање гас во земјата, беше повторно пуштено во работа во 2022 година, но со намален капацитет.
„Сентрика“ најавува дека модернизацијата на објектот би чинела 2,46 милијарди долари и бара владина поддршка за да се осигура исплатливоста на инвестицијата. Компанијата апелира за итна поддршка од владата за да го зголеми капацитетот за складирање, со што би се подобрила енергетската стабилност на земјата.

Глобалната енергетска криза, поттикната од војната во Украина, ја нагласи потребата за долгорочни вложувања во капацитети за складирање енергија и за диверзификација на изворите на енергија. Британија се соочува со предизвик да ги осигура своите граѓани во услови на продолжени енергетски турбуленции и непредвидливи временски услови.

The post ВЕЛИКА БРИТАНИЈА ИМА ГАС ЗА ЕДВАЈ ЕДНА НЕДЕЛА Студениот бран ја доведе земјата во алармантна ситуација appeared first on plusinfo.mk.

– Уште една лоша вест нѐ погоди утрово. Добивме известување од Азербеџан дека од денес не можеме да се ослониме на 1,7 милиони кубни метри гас којшто секојдневно пристигнуваше. Од денес ќе почнеме многу посериозно да ги трошиме нашите резерви. Сите велеа „лудиот Вучиќ“, но сега испадна дека било паметно што собиравме резерви. Имаме толку многу гас што можеме да го дополниме додека не нѐ стаса нов малер. Се надевам дека Азербеџан ќе може да го реши проблемот за еден или за два месеца, а ако е невозможно, сметајте дека ќе мораме да трошиме резерви во следните четири месеци, по 2 до 2 и пол, 3 милиони – изјави Вучиќ.

Вучиќ нагласи дека нема да има недостиг на гас, ниту, пак, нафта и други деривати, и дека и понатаму не се менува целта на Србија да биде најбрзо растечка економија во Европа.

The post СИТЕ ВЕЛЕА „ЛУДИОТ ВУЧИЌ“, НО СОБИРАЊЕТО РЕЗЕРВИ ИСПАДНА ПАМЕТНО Азербејџан веќе нема да испорачува гас во Србија appeared first on plusinfo.mk.

Резервите на нафта, бензин и други нафтени деривати во САД се намалиле многу повеќе од очекуваното во неделата заклучно со 10 мај, соопштија од Агенцијата за информација во енергетиката (ЕИА).

Според Агенцијата резервите на нафта се намалиле за 2,5 милиони барели до 457 милиони барели, на бензин се намалиле за 235.000 барели до 227,8 милиони барели, а резервите на деривати се намалиле за 45.000 барели до 116,4 милиони барел.

Аналитичарите очекуваа резервите на нафта да се намалат за 543.000 додека резервите на бензин да се зголемат за 537.000 барели, а на деривати до 824.000 барели, се вели во најновиот извештај на ЕИА.

Потрошувачките цени во САД во април пораснале само за 0,3%, соопшти денеска Министерството за труд, додека аналитичарите очекуваа раст од 0,4 %.

The post СЕ ТОПАТ РЕЗЕРВИТЕ НА НАФТА ВО САД Американците потрошиле 2,5 милиони барели за една недела appeared first on plusinfo.mk.

Како што е наведено, резервите се на најниско ниво од 2010 година, поради што оваа стока, широко користена во многу индустрии, моментално се тргува по највисока цена во последните 12 години. Ова главно се должи на пониските глобални резерви по невообичаено суво време, што имаше ефект на намалување на производството во Индија и Тајланд, вториот и третиот најголем извозник во светот.

Експертите забележуваат дека по потивок период кога цените почнаа нагло да растат на почетокот на оваа година, Тајланд ефективно го сврте пазарот со воведување контрола на цените за прв пат од 2018 година. На големо им беше дозволено да се зголемат за да им помогнат на земјоделците да се справат со зголемените трошоци.

– Сето тоа придонесува за несигурност во трговијата со храна, поради комбинираните ефекти од климатскиот феномен „Нињо“, војната во Украина и послабите валути. Побогатите западни земји можат да апсорбираат повисоки трошоци, но посиромашните се борат, се вели во анализата, истакнувајќи дека Организацијата за храна и земјоделство на Обединетите нации предвидува пад од два отсто на глобалното производство на шеќер во сезоната 2023-2024, во споредба со претходната година, што ќе доведе до загуба од околу 3,5 милиони тони – изјави Фабио Палмери, истражувач на ФАО за глобалниот земјоделски пазар.

„Нињо“ на глобално ниво предизвикува се поекстремни временски услови од суши до поплави. Кога станува збор за шеќерот, нестабилноста е предизвикана од тоа што тој се повеќе се користи за биогорива како што е етанолот, па глобалните резерви на шеќер се на најниско ниво од 2009 година, пишува овој европски портал.

Сепак, прогнозите се дека жетвата во Бразил ќе биде за 20 отсто поголема од минатата година. Бидејќи земјата се наоѓа на јужната хемисфера, зголемувањето на глобалните резерви нема да се случи дури во март следната година. Земјата имаше поволни временски услови, но Бразил значително ја зголеми површината под шеќерна трска, според податоците на USDA.

Најголемата грижа за следните неколку месеци, вели Палмери од ФАО, е што зголемената потрошувачка на шеќер не ги оптоварува дополнително залихите на оваа храна.

Тој посочи дека Индонезија, најголемиот увозник на шеќер минатата година, го намали увозот, а Кина, вториот увозник, беше принудена да го ослободи шеќерот од своите резерви првпат по шест години за да ги компензира високите цени на домашниот пазар.

Да потсетиме, светската цена на шеќерот нагло порасна и во февруари годинава имаше месечен скок од 6,9 отсто, што уште еднаш создаде конфузија на пазарот. За Европа, од клучно значење беше тоа што Франција, како главен производител, очекува најслабо сеење шеќерна репка во последните 14 години. Сушата, болестите и одлуката на судот на Европската унија за забрана на пестицидите за заштита на шеќерната репка резултираа со помали површини за сеење во таа земја.

The post СВЕТОТ ИМА ШЕЌЕР ЗА САМО 68 ДЕНА Загрижувачки податоци, експертите предупредуваат за постојано намалување на резервите appeared first on plusinfo.mk.

Според последните податоци на гасната инфраструктура на Европа, 90,12% од капацитетот или 1.024 терават-часови гас се полни во европските магацини, што е еднакво на 93 милијарди кубни метри природен гас, пишува Н1.

Со цел да се подготви за претстојната зима, ЕУ си постави обврзувачка цел до 1 ноември да ги наполни складиштата за гас до 90%.

Складирањето на гас е клучно за сигурноста со снабдувањето во Европа бидејќи може да покрие до една третина од побарувачката на гас во текот на зимските месеци.

Европската комесарка за енергетика Кадри Симсон изјави дека денешната потврда дека целите за складирање на гас се исполнети пред предвиденото покажува дека ЕУ е подготвена за зима и оти тоа ќе помогне за дополнително стабилизирање на пазарите во наредните месеци.

– Енергетскиот пазар на ЕУ е во многу постабилна позиција од ова време минатата година, во голем дел поради мерките преземени на ниво на ЕУ. Но, во последните недели видовме дека пазарот на гас останува чувствителен. Комисијата ќе продолжи да ја следи ситуација, така што нивото на складиран гас да биде на доволно високо кога ќе влеземе во следната зима – рече Симсон.

Таа додаде дека состојбата може дополнително да се подобри со инвестирање во обновливи извори на енергија и енергетска ефикасност.

Овие податоци укажуваат дека ЕУ успеа да ја намали зависноста од рускиот гас, кој пред војната задоволуваше околу 40% од потребите на Унијата.

Рускиот гас во голема мера е заменет со увоз од САД, Норвешка и Азербејџан, но некои земји од Централна Европа, особено Австрија, сè уште се потпираат на увоз преку гасоводи низ Украина.

Поради намалувањето на извозот во европските земји, приходите на Русија од извозот на енергетски производи се намалија за 41% на 43,4 милијарди долари во првите седум месеци од оваа година, а рубљата минатата недела падна на најниско ниво во изминатата година и половина.

The post ЕУ ЈА НАМАЛИ ЗАВИСНОСТА ОД РУСКИОТ ГАС Капацитетите за складирање гас веќе се полни до 90% appeared first on plusinfo.mk.