– Можам да потврдам дека официјално влеговме во процесот – изјави портпаролот на Инеос за британските медиуми.

Сегашните сопственици на Манчестер јунајтед, американското семејство Глејзер, кон крајот на минатата година објавија дека почнале да разгледуваат опции за 20-кратниот англиски шампион, вклучувајќи нови инвестиции или потенцијална продажба, 17 години откако го купија клубот од Олд Трафорд.

Инеос е четврта по големина хемиска компанија во светот, а нејзиниот сопственик Ретклиф е меѓу најбогатите Британци.

Во изминатите две децении неговата компанија прерасна во гигант со 19.000 вработени и годишен промет од над 60 милијарди долари.

Личното богатство на Ретклиф се проценува на над 15 милијарди фунти, а познат е по поддршката што ја даде за британскиот излез од Европската унија.

The post МИЛИЈАРДЕР ГО КУПУВА МАНЧЕСТЕР ЈУНАЈТЕД Гигантот се враќа на голема врата! appeared first on plusinfo.mk.