респираторни машини Archives - plusinfo.mk

Филипче: Вирусот се пренесува и преку асфалт и преку обувки

плусинфо — Mon, 16 Mar 2020 08:38:16 +0000

Министерот за здравство Венко Филипче вели дека го очекуваат секое можно сценарио во однос на развојот на ситуацијата со коронавирусот кај нас.

– Во Дебар и околината тоа е можно. Имаме вирус кај кој нема правила, сѐ уште има непознати. Излезе дека се пренесува не само преку воздухот, туку и со валкани раце, повеќе денови останува на површините, дури и на асфалтот. Во Италија пронашле и на обувките, контролните брисови тоа го покажале. Се смета дека е безбедна дистанца метар ипол до два – рече министерот Филипче денеска на Утрински брифинг на „Слободна ТВ“.

Статистиката покажува дека во земјава од 18 пациенти, 10 се луѓе од 55-годишна возраст.

– Младите се пренесувачи. Најкритична група се повозрасните, особено оние со хронични болести, смртноста е најголема кај нив. Тоа го покажаа Кина и Италија. Но, никој не е поштеден, сега имаме заразено момче и на возраст од 15 години. Добар дел од ширењето е од младите луѓе – рече министерот.

Тој најави дека оваа недела завршува постапката за набавка на респиратори и стигнуваат уште 50, а има шанса да обезбедиме уште 50 за една недела до 10 дена.

Амбасадорот на Кина ја понудил нивната помош за размена на искуства меѓу нивните експерти и нашите епидемиолози, па може да добиеме уште 200 машини од Кина.

– Не станува збор само за машини, мораме да ги спремиме и луѓето, бидејќи не секој знае да ракува со нив. Тоа што веќе се направи е распоред на докторите анестезиолози, кои знаат да ракуваат со овие машини. Ќе ротираат во места кои претходно ги одредивме каде ќе се третираат пациенти со цел да спласне притисокот и да се штеди кадарот. Ако во некоја институција се најде заразен целиот персонал оди во изолација. Од денес се редуцирани оперативните интервенции за да се штеди кадарот и крвта, редуцирани се и крводарителските акции. Нема да има интервенции кои може да се одложат. Нема повеќе утрински стручни состаноци, со цел да се редуцира физичкиот контакт, телефонски ќе се зборува. Еден доктор може да биде одговорен за повеќе пациенти. Тоа што почнува да се прави е тренинг на медицински сестри кои треба да работат на интензивна нега. Тие што беа примени изминатите две години, ставени се во функција да работат на обични одделениија, а на поискусните им треба мала едукација за интензивните одделенија – истакна министерот.

The post Филипче: Вирусот се пренесува и преку асфалт и преку обувки appeared first on plusinfo.mk.

Филипче: Нема некаков ризик дека нема респираторни машини

МИА — Fri, 13 Mar 2020 18:41:20 +0000

Нема некаков ризик дека нема респираторни машини. Имаме осум од нив, и до сега, историски гледано наназад, тука се приклучени граѓани кои имале компликации од сезонскиот грип кој кај нас, е добро што полека бројката опаѓа, истакна вечерва министерот за здравство Венко Филипче во интервју за НОВА ТВ.

– Ние добивме задолжение од владата да добиеме дополнителна количина на опрема што веќе го почнавме како постапка, 50 дополнителни машини да стигнат наредната недела и уште 50, евентуално ако се согласно сегашната проценка, согласно сегашната инфраструктура како што е поставен – рече Филипче

Информираше дека има место каде да се постават респираторните машини и дека има и експерти коишто може да манипулираат, ракуваат со тие апарати.

– Направивме и еден план, дополнителна бројка на доктори од други специјалности, ако имаат искуство со такви машини, да бидат активирани, тука пред се мислам на анестезиолозите од Клиниката за анестезија, од Клиниката од неврохирургија – појасни Филипче

The post Филипче: Нема некаков ризик дека нема респираторни машини appeared first on plusinfo.mk.

Во изолација се околу 200 граѓани, кај бебињата не се одложуваат вакцини

плусинфо — Thu, 12 Mar 2020 13:00:59 +0000

Околу 200 граѓани во земјата се во изолација поради коронавирусот, но ќе се направи точна анализа, а епидемиолозите подготвуваат и ексел табела со точни времиња, тајминзи, на што се работи, рече денеска министерот за здравство, Венко Филипче.

Тој наброја што уште ќе се набавува:

– Педесет респираторни машини, уште 1.000 тестови и два мобилни РТГ апарати за снимање на Инфективна клиника, за пациентите да не одат на Рендген институтот, ќе бидат набавени. Иницијално беа набавени 1.000 тестови, околу 50-тина се потрошени и има уште 950 – истакна Филипче.

А дали редовната вакцинација во советувалиштата ќе биде одложена?

– Работат пунктовите за превентива, нема одложување на бебињата и предучилишните деца, а согласно прегледите и здравствената состојба кај училишните деца може да има одложување на периодот за примање на вакцина од еден до два месеци, меѓутоа тоа ќе го кажат експертите и по препорака ќе го добијат од Комитетот за имунизација – рече министерот.

Низ Скопје Филипче забележал дека на повеќе места се поставени средства за дезинфекција и апелираше тоа да го направи секој – тоа е една од мерките со која се спречува ширењето на инфекцијата.

The post Во изолација се околу 200 граѓани, кај бебињата не се одложуваат вакцини appeared first on plusinfo.mk.