Можно е брзо да се договори средба меѓу претседателите на Русија и на САД, Владимир Путин и Доналд Трамп, но за тоа во моментов нема потреба, изјави портпаролот на Кремљ, Дмитриј Песков.

– Хипотетички кажано, тоа е можно, но, во моментов нема потреба од тоа – рече Песков.

Тој оцени дека сега е потребна напорна работа за украинското решение.

Претседателите на Русија и на САД се согласија да се сретнат во Будимпешта и да почнат подготовки за состанок, по телефонските разговори на 16 октомври. На 23 октомври Трамп неочекувано објави дека самитот е одложен на неодредено време, тврдејќи дека нема да може да се постигне „она што е потребно“ до предвидените датуми.

Песков изјави и дека Русија е заинтересирана за мирно решавање на конфликтот меѓу Венецуела и САД.

– Секако, ние сакаме сè да биде на патот на мирот и да не се појават нови конфликти во регионот. Светот е веќе полн со конфликтни ситуации. Нови конфликти не ни се потребни – рече Песков по повод информациите дека под закана од САД, венецуелскиот претседател Николас Мадуро побарал ракети, радари и авиони од својот руски колега Путин.

The post СПОРЕД КРЕМЉ, ВО МОМЕНТОВ НЕМА ПОТРЕБА ОД СРЕДБА ПУТИН-ТРАМП Москва повикува на мирно решение на конфликтот меѓу САД и Венецуела appeared first on plusinfo.mk.

Рускиот претседател Владимир Путин имаше телефонски разговор со турскиот претседател Реџеп Таип Ердоган, соопшти прес-службата на Кремљ. Политичарите, меѓу другото, разговараа за руско-американскиот самит што се одржа во Алјаска на 15 август.

Во разговорот со Ердоган, Путин го коментираше состанокот со американскиот претседател Доналд Трамп, а во овој контекст, претседателите на Русија и Турција разговараа за прашањето за решавање на украинскиот конфликт. Шефот на руската држава му се заблагодари на својот соговорник за посредништвото во преговорите меѓу Москва и Киев во Истанбул, соопшти Кремљ.

Покрај тоа, политичарите разговараа за актуелни прашања на билатералната агенда, на пример, продолжувањето на соработката во областа на трговијата и инвестициите.

„Беше договорено да се продолжат личните контакти“, се наведува на официјалната веб-страница на Кремљ.

Турција ги поддржува напорите за воспоставување траен мир во Украина со учество на сите страни, му рече Ердоган на Путин за време на денешниот телефонски разговор, соопшти турското претседателство.

Ердоган му рекол на Путин дека внимателно го следи развојот на настаните поврзани со тој процес и дека Турција се залага за праведен мир уште од почетокот на војната, се вели во соопштението.

The post ПУТИН И ЕРДОГАН РАЗГОВАРАА ЗА РЕШЕНИЕ ЗА УКРАИНА Лидерите дискутираа и за трговијата и за инвестициите appeared first on plusinfo.mk.