Американскиот претседател Доналд Трамп денеска ја разреши државната обвинителка Пем Бонди од функцијата, поради растечкото незадоволство од нејзиниот учинок, објави „Ројтерс“.

Разрешувањето следува по критиките за бавното водење на истрагите, особено оние поврзани со покојниот финансиер и сексуален престапник Џефри Епстин, како и поради недостатокот на активности во гонењето на критичари и политички противници на Трамп.

За време на нејзиниот мандат, Бонди беше енергичен застапник на агендата на Трамп и ја демонтираше долгогодишната традиција на Министерството за правда за независност од Белата куќа во истрагите. Меѓутоа, повторените критики околу досиејата за Епстин, како и од сојузници на Трамп и некои републикански пратеници, ја направија контроверзна личност во правосудните кругови.

Бонди беше обвинувана дека лошо раководела со објавувањето на записите од истрагите за сексуалната трговија поврзана со Епстин, што создаде политички главоболки за Трамп, посебно поради неговото поранешно пријателство со Епстин.

Овој потег на Трамп може да доведе до промена на стратегијата во Министерството за правда и потенцијално до зголемен притисок врз американскиот правосуден систем во случаите поврзани со неговите политички и приватни ривали.

Бонди е втор висок функционер на Трамп што неодамна беше отстранет. На 5 март, претседателот ја разреши и министерката за внатрешна безбедност, Кристи Ноем, по критики за управувањето со агенцијата и имиграциската политика.

Пем Бонди, поранешна републиканска државна обвинителка на Флорида, тврдеше дека нејзиниот приоритет бил да се насочи Министерството за правда кон борба против насилниот криминал и да ја врати довербата кај поддржувачите на Трамп, но нејзиниот мандат беше проследен со остри забелешки поради отстранувањето на искусни обвинители и критики за транспарентноста во објавувањето на материјалите поврзани со Епстин.

The post ТРАМП ЈА РАЗРЕШИ ОБВИНИТЕЛКАТА БОНДИ Претседателот на САД бил незадоволен од бавното гонење на неговите противници, а и поради Епстин appeared first on plusinfo.mk.

На забава што се одржа во вторникот во Вашингтон, на група републикански пратеници им беше послужена торта во облик на Гренланд, покриена со американско знаме.

Во видео од настанот, може да се слушне како домаќинот им вели на гостите: „Дојдете овде, сликајте се и исечете ја тортата“. Тој ја опишува тортата како „51. држава“.

На видеото се гледа претставничката Ана Паулина Луна од Флорида како го сече првото парче од тортата.

Републиканските претставници Абе Хамадех од Аризона и Енди Оглс од Тенеси исто така беа на настанот. Во еден момент од вечерта, Оглс доби награда за амандман што го предложи, со кој ќе му се овозможи на 79-годишниот Трамп да се кандидира за трет мандат.

HOLY SH*T Members of Congress cut a Greenland cake that has the America Flag on it. LET’S GO

pic.twitter.com/5UUCbBjGdr

— MAGA Voice (@MAGAVoice) January 21, 2026

The post 🎥 РЕПУБЛИКАНЦИТЕ СЕЧЕА ТОРТА ВО ОБЛИК НА ГРЕНЛАНД Беше декорирана со боите на американското знаме appeared first on plusinfo.mk.

Не е фер луѓето кои се сликани со сексуалниот претстапник Џефри Епштајн да бидат „осудени поради една фотографија“, вели американскиот претседател Доналд Трамп. Ова е прва реакција на Трамп откако Министерството за правда на САД објави илјадници фотографии.

– Го сакам Бил Клинтон, секогаш сме се согласувале, бил љубезен со мене, јас со него. Не ми се допаѓа што негови фотографии се покажуваат. Но ова го бараат Демократите, и неколку лоши Републиканци, па ги објавуваат и моите – рекол Трамп во разговор со новинари во неговата резиденција Мар-а-Лаго во Флорида.

Сликите на поранешниот американски претседател Бил Клинтон со Епштајн се најдоа на насловните страници во западните медиуми.

Трамп тврди дека многу луѓе „невино“ се сретнале со Епштајн и дека тоа не значи дека биле вклучени во неговите активности.

– Многу луѓе се лути затоа што нивните слики со него излегуваат, а тие немале ништо со неговите работи. Само биле на иста забава, и ете ти, репутацијата уништена.

Трамп ја обвинил Демократската партија во САД дека ја користи темата како одвлекување од економските успеси на неговата администрација.

– Денес градиме најголеми и најмоќни бродови во светот, а тие ме прашуваат за Епштајн. Мислев дека тоа е завршено.

Законот за транспарентност, Epstein Files Transparency Act (EFTA), усвоен со речиси едногласна поддршка во Конгресот и потпишан токму од Трамп, бара Министерството за правда целосно да ги објави сите материјали поврзани со случајот.

Но, досега е објавен само првиот дел од документите, што предизвика гнев кај жртвите и дел од конгресмените.

Портпаролот на Бил Клинтон, Анџел Урена, објавил писмена изјава:

„Некој или нешто се штити. Не знаеме кој, што или зошто. Но сигурни сме дека не ни треба ваква заштита.“

Урена додал дека постои „широко распространета сомнеж“ дека објавувањето се врши селективно, за да се создаде впечаток на вина кај лица кои веќе биле расчистени од Министерството за правда.

Џефри Епштајн, богат финансиски посредник со влијателни врски во политиката и науката, беше уапсен во 2019 година под обвинение за трговија со малолетни девојки. Неколку недели подоцна беше пронајден мртов во својата ќелија во Њујорк, што официјално беше прогласено за самоубиство.

Неговата главна соработничка, Џилејн Максвел, беше уапсена во 2020 година и подоцна осудена на 20 години затвор за врбување и помагање во сексуалната експлоатација на малолетнички.

Меѓу личностите чии имиња се спомнуваат во новите документи се јавуваат Ноам Чомски, Мајкл Џексон (постхумно), поранешниот министер Лари Самерс и други јавни личности.

Сепак, ниту едно од тие имиња не е поврзано со кривично дело, туку со контакти или патувања што се документирани во архивите на Епштајн.

The post ШТО АКО ЧОМСКИ, ЏЕКСОН, САМЕРС „НЕВИНО“ СЕ СРЕТНАЛЕ СО ЕПШТАЈН? Трамп го брани Клинтон, „не е фер да гори за една фотка“ appeared first on plusinfo.mk.

Министерството за правда на САД го одложи целосното објавување на „Епштајновите досиеја“, предизвикувајќи жесток политички судир меѓу демократите и републиканците. Дел од документите, според најавата на заменик-државниот обвинител Тод Бланш, ќе бидат достапни уште вечерва, но остатокот – дури во следните недели.

– Ќе објавиме неколку стотици илјади документи од сите истраги поврзани со Џефри Епштајн – изјавил Бланш, појаснувајќи дека приоритет е заштитата на жртвите. „Секое име и секој идентитет мора да остане безбеден.“

Иако законски Министерството е обврзано да ги објави сите досиеја до денес, демократскиот лидер Чак Шумер го обвини Трамп дека намерно го прекршува законот потпишан токму од него.

– Ова е обид да се скрие вистината – рече тој, барајќи итна интервенција на Конгресот.

Пратеникот Томас Маси, еден од авторите на Законот за транспарентност, се огласи на мрежата Икс:

„Времето истече. Објавете ги документите. Ако нема имиња на мажи обвинети за сексуални злосторства, значи нешто е скриено“.

Демократите Роберт Гарсија и Џејми Раскин најавија тужба против администрацијата, тврдејќи дека Министерството „свесно ги крши федералните обврски и го заштитува кругот на моќни соучесници“.

Во меѓувреме, Одборот за надзор во Конгресот објави нови фотографии од имотот на Епштајн – патни документи, дневници и архиви што наводно покажуваат контакти со јавни личности, без наведување на контекст. Републиканците реагираа дека „сликите без докази се политички театар“.

Демократите во надзорниот комитет на Претставничкиот дом објавија нова серија фотографии без датум и без наслов. Фотките вклучуваат стихови од Лолита напишани на женско тело и ги прикажуваат познатиот милијардер Бил Гејтс и познатиот интелектуалец Ноам Чомски.

Законот „Epstein Files Transparency Act“, усвоен со двопартиска поддршка во ноември, бара Министерството да ги објави сите некласифицирани материјали во рок од 30 дена.

The post ПРЕСВРТ ВО САГАТА „ЕПШТАЈН“ Американското министерство не ги објави сите документи, Демократите бесни appeared first on plusinfo.mk.

Претседателот на САД Доналд Трамп, призна дека ќе биде тешко за Републиканската партија да ја задржи контролата врз двата дома на Конгресот по меѓуизборите закажани за есента 2026 година.

– Ќе видиме како ќе оди. Треба да победиме, но статистички ќе биде многу тешко да се победи. Ќе се обидеме да направиме сѐ што можеме – изјави тој во интервју за „Волстрит Џурнал“.

Трамп изјави дека обезбедил повеќемилијардски инвестиции за САД, но не знае „кога тие пари ќе се реализираат“.

– Ја создадов најголемата економија во историјата, но веројатно ќе треба време луѓето тоа да го сфатат – додаде американскиот лидер.

Среднорочните избори за Конгресот на САД ќе се одржат на 3 ноември 2026 година. Целиот Претставнички дом (435 члена) и една третина од сенаторите (33 члена) се кандидираат за реизбор. Двата дома во моментов се под контрола на републиканците.

The post ТРАМП СТРАВУВА ДЕКА ЌЕ ЈА ИЗГУБИ КОНТРОЛАТА ВО КОНГРЕСОТ Изборите ќе се одржат на 3 ноември 2026 година appeared first on plusinfo.mk.

Време е да се објават досиејата на Епстајн, бидејќи немаме што да криеме, напиша претседателот на САД Доналд Трамп на социјалните мрежи повикувајќи ги Републиканците да гласаат „за“. Според него, откривањето на документите ќе стави крај на, како што ја нарече, „измамата на демократите“ насочена кон оцрнување на неговото име.

Позицијата на Трамп доаѓа како изненадување, коментира Би-Би-Си.

„Главната промена во ставот на Трамп доаѓа откако потенцијално десетици републиканци сигнализираа дека се подготвени да ги напуштат редовите и да гласаат за објавување на документите“.

Американските законодавци, кои со месеци притискаат за декласификација на документите поврзани со истрагата против финансиерот Џефри Епстин, конечно се приближуваат до историска победа. Очекувањата се дека Претставничкиот дом ќе гласа во корист на предлог-законот, откако повеќе од сто републиканци застанале зад иницијативата, дел од нив и покрај првичниот отпор на раководството и на самиот Доналд Трамп, јави Политико.

Претседателот на Претставничкиот дом, Мајк Џонсон, деновиве изјави дека гласањето за објавување на документите би помогнало да се стави крај на шпекулациите дека Трамп имал поврзаност со Епстајн.

– Републиканците во Домот треба да гласаат за откривање на досиејата, бидејќи немаме што да криеме – напиша Трамп, повикувајќи на транспарентност.

Во објавата тој ги нападна „радикалните левичари“, обвинувајќи ги дека го користат случајот за да го свртат вниманието од, како што рече, „успесите на Републиканската партија“.

Во јавноста повторно се појавија документи што отвораат дилеми за мрежата на Епстајн, меѓу нив и е-пошта од 2019 година во која тој наводно пишува дека Трамп „знаел за девојките“. Белата куќа ги обвини демократите дека селективно објавуваат материјали за да го компромитираат поранешниот претседател.

Иако Трамп и Епстајн се фотографирани заедно на настани од 90-тите, Трамп тврди дека двајцата се скарале „пред да излезат обвиненијата“. По самоубиството на Епстајн во 2019 година, Трамп нареди Министерството за правда на САД да испита дали видни демократи имале поврзаност со финансиерот.

Трамп никогаш не бил обвинет во врска со случајот. Официјално, Епстајн почина во затвор додека го очекуваше судењето за сексуална трговија. Тој имал блиски врски со политичари и славни личности од целиот свет.

The post ПРЕСВРТ, ТРАМП ПОВИКА ДА СЕ ОБЈАВАТ ДОСИЕЈАТА НА ЕПСТАЈН Попушти пред притисокот на Републиканците? appeared first on plusinfo.mk.

Потпретседателот на САД Џеј Ди Венс се издигнува како доминантен наследник на Доналд Трамп за изборите во 2028 година, покажува новата анкета на „Емерсон Колеџ“. Истражувањето спроведено меѓу регистрирани републикански гласачи откри дека 54 отсто од нив би го поддржале Венс за претседателска номинација, што претставува зголемување од дури 30 поени во однос на ноември 2024 година, јави „Њузвик“.

Меѓутоа, 25 проценти од анкетираните сè уште не одлучиле кого ќе поддржат. Доналд Трамп добил седум отсто од гласовите, иако Уставот не му дозволува трет мандат. Сенаторот Марко Рубио има шест проценти, а гувернерот на Флорида, Рон Десантис, само два отсто. Преостанатите шест проценти би избрале некој друг кандидат.

Од другата страна на политичкиот спектар, ситуацијата кај демократите изгледа далеку понејасно.

Анкетата покажува дека 35 отсто од нивните гласачи се неодлучни. Гувернерот на Калифорнија, Гевин Њусом, води со 24 проценти, поранешната потпретседателка Камала Харис има 10 проценти, а поранешниот секретар за транспорт, Пит Бутиџиџ, девет отсто. Конгресменката Александрија Окасио-Кортез добила само два отсто поддршка, додека останатите 19 проценти би избрале друг кандидат.

Сепак, резултатите доаѓаат во момент кога демократите ја зацврстуваат својата позиција по убедливите победи на локалните избори во Њу Џерси, Вирџинија и Њујорк Сити. Победите им го подигнаа моралот на партиските редови една година по враќањето на Трамп во Белата куќа.

На општото конгресно гласање за 2026 година, 44 отсто од анкетираните изјавиле дека ќе гласаат за демократски кандидат, 40 отсто за републикански, а 16 отсто останале неодлучни. Според истражувањето, демократите во моментов се поентузијастични и повеќе мотивирани да излезат на среднорочните избори во споредба со републиканците.

Анкетата на „Емерсон Колеџ“ е спроведена меѓу 1.000 регистрирани гласачи на 3 и 4 ноември, со маргина на грешка од плус или минус три процентни поени.

The post РЕПУБЛИКАНЦИТЕ ВО НЕГО ГЛЕДААТ ВИСТИНСКИ НАСЛЕДНИК НА ТРАМП Бројките за 2028 година се поволни за младиот лидер appeared first on plusinfo.mk.

Претседателот на САД, Доналд Трамп, го гледа потпретседателот Џеј Ди Венс како личноста која ќе ја преземе водечката улога во неговото движење „Да ја направиме Америка повторно голема“ (МАГА) во иднина, како и можен републикански претседателски кандидат во 2028 година.

– Па, мислам дека најверојатно. Да бидеме фер, тој е потпретседателот – изјави Трамп на прашање дали Венс е наследникот на МАГА, за време на настан во Белата куќа во вторникот.

Тој, исто така, сугерираше дека Марко Рубио – кој моментално служи како државен секретар, вршител на должноста советник за национална безбедност и вршител на должноста државен архивар на САД – би можел да му се придружи на Венс на некоја идна републиканска претседателска листа, како „некој со кого можеби би се здружил со Џеј Ди на некој начин“.

Трамп се воздржа од конкретна поддршка за кој било кандидат

Но, Трамп сепак се воздржа од конкретна поддршка за кој било кандидат за 2028 година.

Ова е најблиску до тоа Трамп да покаже отворена поддршка на Венс за идна претседателска кандидатура.

Кога во февруари беше прашан дали го гледа Венс како свој наследник, Трамп рече:

– Не, но тој е многу способен.

Тогаш додаде дека е „прерано“ да се размислува за 2028 година.

– Мислам и дека имаме неверојатни луѓе, некои од луѓето се тука со мене на бината. Значи, прерано е, секако, да се зборува за тоа, но тој навистина одлично си ја врши работата и најверојатно би бил фаворит во овој момент – рече Трамп во вторникот, додека стоеше покрај секретарката за внатрешна безбедност Кристи Ноем и покрај главната обвинителка Пем Бонди, меѓу другите.

Трамп уште во мај ги именуваше Венс и Рубио како можни наследници.

Рубио нема огромни амбиции за претседателска функција

Најновиот коментар на Трамп доаѓа откако Рубио минатиот месец изјави дека Венс „би бил одличен кандидат ако реши да се кандидира“.

Рубио, кој се кандидираше за претседател во 2016 година, ги намали своите лични амбиции во интервју за „Фокс њуз“, велејќи дека е фокусиран на својата моментална функција државен секретар и дека би бил задоволен ако тоа биде „врвот“ на неговата кариера во јавната служба. Сепак, додаде:

– Никогаш не знаете што носи иднината; никогаш не треба да се исклучи нешто.

Овие коментари доаѓаат и откако Трамп во вторникот изјави дека „најверојатно нема“ повторно да се кандидира за претседател. Тој и неговите сојузници во неколку наврати ја спомнаа идејата за трет мандат. Тоа е забрането според 22. амандман на Уставот, но Трамп постојано навестува дека постојат „методи“ со кои би можел да го заобиколи тоа.

The post ЏЕЈ ДИ ВЕНС Е ИДНИОТ НАСЛЕДНИК НА ТРАМП?! Американскиот претседател има двајца фаворити за лидери на МАГА appeared first on plusinfo.mk.

Американскиот претседател Доналд Трамп изјави дека државната обвинителка Пем Бонди треба да објави сè што смета дека е веродостојно за сексуалниот престапник Џефри Епштајн. Изјавата на Трамп доаѓа во време кога тој се соочува со отпор од поддржувачите кои не сакаат случајот да се затвори, јави Би-Би-Си.

Обвинителката Бонди добила критики од дел од политичката база на Трамп, откако минатата недела истакнала дека нема докази дека Епштајн имал список на клиенти или дека уценувал моќни личности.

– Таа се справува многу добро со ова и ќе зависи од неа. Што и да смета дека е веродостојно, треба да го објави – изјави Трамп.

Кога новинар прашал дали државната обвинителка го информирала Трамп дали неговото име се појавува во некои од документите, тој одговорил со „Не, не“.

Трамп за време на викендот ги повика поддржувачите да не губат време и енергија за овие наводи. Но, сојузниците на Трамп, вклучувајќи го и претседателот на Претставничкиот дом Мајк Џонсон, инсистираат на транспарентност.

Подоцна во вторник, Трамп повторно повика на објавување на веродостојни информации за случајот со Епштајн, но прашал зошто трае опсесијата со случајот Епштајн, нарекувајќи го „валкан, но здодевен“.

– Само навистина лоши луѓе, вклучувајќи ги и лажните вести, сакаат да продолжат со нешто вакво – истакна Трамп.

Минатата недела Трамп во Овалната соба изрази фрустрација за фиксацијата со Епштајн и ги повика вработените „да го надминат тоа“.

Сепак, некои Републиканци сепак, не се откажуваат. Во интервју со американскиот коментатор Бени Џонсон, претседателот на Претставничкиот дом Џонсон рекол дека му верува на Трамп и на неговиот тим, но сепак очекува Бонди да излезе и да им го објасни тоа на сите.

– Треба да објавиме сè на виделина и да дозволиме луѓето да одлучат – изјави Џонсон.

Конгресменката од Џорџија, Марџори Тејлор Грин, во одделно интервју исто така нагласи дека лидерите мора да ги исполнат ветувањата кон гласачите.

Смртта на Епштајн во 2019 година во американски затвор беше прогласена за самоубиство, но дел од движењето МАГА (Направи ја Америка повторно голема) тврди дека вистинските детали биле прикриени за да се заштитат влијателни личности или разузнавачки агенции.

The post ОБВИНИТЕЛКАТА НЕКА ОБЕЛОДЕНИ СÈ ЗА ЕПШТАЈН Трамп ги смирува страстите во својата Републиканска партија appeared first on plusinfo.mk.

„Заедно со претседателот на Републиканската партија на САД, Мајкл Ватли во Вип ложата во Вашингтон ги следиме инаугуративните активности на новиот американски претседател, Donald J. Trump“.

Вака напиша премиерот Христијан Мицкоски на Фејсбук и објави фотографии со Ватли од настаните по инаугурацијата на Трамп.

На фотографиите може да се види дека тие се на Capital One арената во Вашингтон.

Мицкоски е единствен лидер од Балканот на инаугурацијата. Тој оствари бројни средби со луѓе од новата американска администрација и бизнисмени блиски до Трамп, меѓу кои Ричард Гренел, Девин Нунес, Џон Битов, Марко Галина бизнисмен Крис Павловски.

The post ЗАЕДНО СО ПРЕТСЕДАТЕЛОТ НА РЕПУБЛИКАНЦИТЕ ВО ВИП ЛОЖАТА Мицкоски ја проследи инаугурацијата на Трамп appeared first on plusinfo.mk.