Одговарајќи на новинарски прашања пред затворењето на Самитот Македонија 2025, Мицкоски најави дека во првите сто дена новата влада ќе објави гринфилд инвестиција во енергетиката, вредна 400 – 500 милиони евра. Се работи, рече тој, за приватен капитал, за голем играч со исклучително големи европски финансиски институции во акционерската структура. Обртот на компанијата би била околу 80 – 100 милиони евра по основа на продадена електрична енергија и истргувани зелени сертификати, а договорот со неа е завршен. Според Мицкоски, ќе се произведува околу еден терават час електрична енергија што е една третина од производството на РЕК Битола.

– За договорот со „Бехтел и Енка“ има две опции. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот. Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одерена мерка неприменлив поради големите правни проблеми, проблеми со експропријација и технички проблеми. Мојата порака е дека како идна влада сакаме да градиме, а не да рушиме – истакна Мицкоски.

Во врска со осигурувањето на автомобилите, тој го повтори ставот дека не е добро државата да ги диктира пазарните услови.

– Пристапот каде државата ќе ги диктира пазарните услови по мене не е добар. Ценам дека владата треба да овозможи амбинет во кој бизнисот ќе се чувствува комотно да води бизнис, а политичарите да водат политика. Треба да ги видиме сите детали. Информациите со кои располагаме и кои доаѓаат од институциите се дека се случува буквално грабеж во Македонија. Повеќе од 85 отсто од буџетскиот дефицит планиран за цела година веќе е потрошен. Мислат дека на тој начин ќе ја отежнат работата на новата влада, но како многу пати досега, се преигруваат – рече Мицкоски.

The post НОВАТА ВЛАДА ЌЕ ГО РЕПРЕГОВАРА ДОГОВОРОТ СО „БЕХТЕЛ И ЕНКА“ Во првите 100 дена ќе објавиме инвестиција во енергетиката, најави Мицкоски appeared first on plusinfo.mk.