Билетите за отворањето на 54. издание на Мајските оперски вечери, кое ќе се одржи на 9 мај, 2026 година се распродадоа за само 30 минути, потврдувајќи го огромниот интерес и најавувајќи издание што веќе се смета за едно од најважните досега, соопшти Националната опера и балет.

Овогодишното издание носи репертоар што ја поврзува традицијата со современата уметничка визија. Од драматичната моќ на „Риголето“, преку интензитетот на „Тоска“, до длабоката емоција на „Мадам Батерфлај“, потоа елеганцијата и трагедијата во „Травијата“, и завршувајќи со спектакуларното финале „Набуко“, секоја вечер е дел од внимателно креирана приказна што ќе го заокружи месец мај.

Погледнете го комплетниот репертоар и обезбедете билети: https://operabalet.mk/events/list/

The post ЗА ПОЛОВИНА ЧАС РАСПРОДАДЕНИ БИЛЕТИТЕ ЗА ОТВОРАЊЕТО НА МАЈСКИ ОПЕРСКИ ВЕЧЕРИ Погледнете го репертоарот appeared first on plusinfo.mk.

Од Кинотека на Македонија најавија „исклучително богата и естетски разновидна филмска програма“ во месецот што следува, односно во јули.

„Со внимателно куриран репертоар, што ги обединува безвременските холивудски класици и актуелни авторски остварувања, Кинотеката уште еднаш ја потврдува својата улога како културна институција што го негува филмското наследство и ја отвора вратата кон новите кинематографски визии“, се наведува во денешното соопштение.

Според најавите, заинтересираните ќе имаат можност да ги погледнат филмовите. „Филаделфиска приказна“ (The Philadelphia Story, 1940), „Булевар на самракот“ (Sunset Boulevard, 1950), „Лаура“ (Laura, 1944), но и „Арманд“, „Семето на светата смоква“ (The Seed of the Sacred Fig, 2023), „Жена од…“ (Kobieta z…, 2024).

„По повод 125-годишнината од раѓањето на големиот шпански и светски режисер – Луис Буњуел, Кинотеката ќе оддаде почит кон овој мајстор на надреализмот, критичар на буржоаскиот морал и вечен провокатор. Буњуеловото дело останува бесценето сведоштво за силата на филмот како средство за разобличување на општественото лицемерие и на потсвеста на човекот, се нагласува во соопштението.

За в среда, со почеток од 20 часот во летното кино „Мирно лето“ на „Кинотека“, најавена е соработка со Друштвото на писателите на Македонија – проекција на 7 кусометражни играни филмови, работени според сценарија на македонски писатели.

The post ФИЛМСКИ СВЕТИЛНИЦИ ВО ЈУЛСКАТА НОЌ Кинотека на Македонија следниот месец нѐ враќа на култните класици – еве што ќе се прикажува appeared first on plusinfo.mk.

„Трио џентлмен”  е поп-класично трио составено од тројца професионални оперски пејачи: тенорите Дејан Стоев и Јане Дунимаглоски и баритонот Кристијан Антовски.

Од Домот на културата соопштија дека поп-класичното  пеење е веќе познат жанр низ светот и дека „Трио џентлмен“ е создадено по примерот на веќе познати светски поп-класични состави,  кои подолг период го изведуваат овој музички жанр.

– Ова  е прв и единствен состав на нашите простори кој го негува и презентира тој жанр на музика и во нашата држава. На нивниот репертоар се најголеми светски поп-хитови,  наполитански канцони, латино-композиции,  руски романси, македонски евергрини, балкански поп-композиции и сето тоа изведено во поп-класичен манир, појаснуваат од Домот на културата „Иван Мазов-Климе“.

The post Целовечерен концерт на „Трио џентлмен” во Кавадарци appeared first on plusinfo.mk.