Снимка направена со мобилен телефон, објавена во петокот, ги прикажува моментите што довеле до фаталното пукање на жена од Минеаполис од страна на федерален агент, во период на ескалација на тензиите околу мерките на администрацијата на Доналд Трамп против нелегалната имиграција во градот.

Видеото беше објавено два дена откако агент на американската Служба за имиграција и царина (ICE) фатално ја застрела Рене Никол Гуд, додека таа, според наводите, се движела кон федералните службеници.

Снимката, направена од камера поставена на телото на агент на ICE, го прикажува возилото „Хонда Пилот“ на Гуд паркирано на средина од станбена улица, при што изгледа дека го блокира сообраќајот.

– Во ред е, човече. Не сум лута – му вели Гуд на агентот.

WATCH: New video shows federal agent perspective during Minneapolis ICE shooting that left 37-year-old Renee Nicole Good dead pic.twitter.com/n8PKxklDJl

— Rapid Report (@RapidReport2025) January 9, 2026

Агентот се движи околу возилото за да ја провери регистарската табличка. Неколку секунди подоцна, друг агент се приближува до возачката страна од автомобилот и ѝ наредува на Гуд да излезе.

– Излези од колата. Излези од ебаната кола – се слуша како вели агентот.

Потоа, Гуд го поместува возилото наназад, а потоа повторно го придвижува напред кон агентот што ја носи камерата на телото. Во тој момент се слуша како вели „уау“, по што следуваат истрели.

Автомобилот на Гуд потоа се судира со паркирано возило.

Околностите под кои дојде до нејзината смрт предизвикаа бран критики кон администрацијата на Трамп и остра осуда на постапките на агентите на „ICE“.

Федералните власти соопштија дека агентите дејствувале во самоодбрана и инцидентот го окарактеризираа како чин на домашен тероризам. Демократските претставници, пак, го отфрлија тврдењето дека станува збор за самоодбрана.

WATCH: New video shows federal agent perspective during Minneapolis ICE shooting that left 37-year-old Renee Nicole Good dead pic.twitter.com/n8PKxklDJl

— Rapid Report (@RapidReport2025) January 9, 2026

Агентот кој отворил оган, според официјалните информации, бил влечен и повреден од возач во бегство во посебен инцидент минатата година. Властите соопштија дека тој се опоравувал од повредите и во средата, но градоначалникот на Минеаполис, Џејкоб Фреј, ги минимизираше неговите повреди.

– Агентот на „ICE“ си замина со повреда на колкот што можеше да ја добие и од затворање на вратата од фрижидерот со колкот. Дајте ми малку време – не, не беше прегазен. Излезе оттаму со лесен чекор – изјави Фреј пред новинарите во петокот.

Властите, исто така, тврдат дека Гуд претходно истиот ден ги следела и малтретирала федералните службеници.

Според федерални извори, таа била активистка за имиграциски прашања со седиште во Минеаполис и членка на групата „ICE Watch“. Извори од Одделот за внатрешна безбедност за „Fox News“ изјавија дека групата има за цел да ги следи, надгледува, попречува и да се спротивставува на тековните федерални операции за спроведување на имиграциските закони и дека е активна во повеќе градови-засолништа низ САД.

The post 📽️ НОВА СНИМКА ОД УБИСТВОТО НА РЕНЕ ГУД Дали жената го прегази агентот пред тој да ја застрела? appeared first on plusinfo.mk.

Рене Никол Гуд, жената која во Минеаполис беше застрелана од агент за миграција, е писателка, поет и мајка на три деца, објавија западните медиуми. Снимка на која агентот го протерува болничарот што се обидува да дојде до неа за да ѝ го опипа пулсот предизвика бура на социјалните мрежи.

Мајката на Рене, Дона Гангер, едвај ја изговорила реченицата:

– Толку е глупаво. Веројатно била исплашена.

Се појавија спротивставени наративи околу тоа што довело до пукањето. Портпаролката на Одделот за внатрешна безбедност, Триша Меклафлин, тврди дека жената „го вооружила своето возило, обидувајќи се да ги прегази нашите полицајци во обид да ги убие“.

Локалните власти, пак, велат дека виделе видео кое ги побива тие тврдења.

На социјалните мрежи се појави уште едно видео на кое може да се слушне како доктор се обидува да стигне до жена за да ѝ го провери пулсот и да види дали е жива, по што друг агент го брка и му вели да се оддалечи.

Сепак, снимката не е официјално потврдена.

Unverified Video from Minneapolis:

Can I, can I go check a pulse?
No. Back up. Now.
I’m a physician.
Listen, I understand. We got AMS coming. I get it. Just give us a second. We have medics on scene. We have our own medics.
Where are they? Where are they?
How can I relax? You… pic.twitter.com/bwT8YMaxba

— Afshin Rattansi (@afshinrattansi) January 8, 2026

Гуд, 37-годишна, по потекло од Колорадо, живеела во Минеаполис со својот партнер. Таа зад себе остави три деца, најмалото со покојниот сопруг Тими Реј Меклин, кој почина во 2023 година.

„Неверојатно човечко суштество“

Во изјавата за „Минесота Стар Трибјун“, мајката раскажала дека ќерка ѝ не била дел од никакви протести.

– Рене беше една од најљубезните личности што сум ги познавала. Го сакаше секого, простуваше, им помагаше на соседите.

Нa бдеењето пред нејзиниот дом, стотици луѓе држеа свеќи и скандираа „Рене!“. Соседите рекле дека не можат да поверуваат дека токму таа жена, убава, тивка, добродушна, заврши под куршумите на државата што ја сакаше.

Поетеса, писателка, подкастерка

Гуд дипломирала креативно пишување на Универзитетот „Олд Доминион“ во Вирџинија. Добитничка на награда за поезија во 2020 година, активна на социјалните мрежи, каде се опишувала како „поетеса, писателка и мајка, која пишува, чита и создава неуредна уметност“.

Соседите ја паметат како личност што секогаш им носела чај и насмевка. Мери Радфорд, 27, раскажала:

– Го сакаше нашето куче. Секогаш доаѓаше со синчето. Беше толку топла жена.

Снимките што го потресоа градот

Видеата од местото покажуваат темноцрвен теренец опколен од агенти на службата за мигранти. Еден агент се приближува, друг отвора оган – три истрели. Возилото удира во паркиран автомобил.

Во следната снимка, човек облечен во медицинска униформа се обидува да се доближи за да ѝ го провери пулсот, но агент му довикува да се оддалечи.

Федералните служби не го потврдија настанот со болничарот, но локалните активисти тврдат дека лекар бил спречен да ѝ помогне.

Трамп и Ноем со различен тон

Претседателот Доналд Трамп на својата мрежа Truth Social напиша дека агентот бил „сурово прегазен“ и дека реагирал во самоодбрана. Министерката за внатрешна безбедност Кристи Ноем изјави дека жената „ги следела полицајците цел ден“ и го претворила возилото во оружје.

Но, локалните организации, меѓу нив и Советот за американско-исламски односи (CAIR-MN), ја отфрлија таа верзија:

– Таа почина затоа што ги сакаше своите соседи – и зјави Џајлани Хусеин.

The post 📽️ ПОЗНАТО Е КОЈА Е ЖЕНАТА ЗАСТРЕЛАНА ОД АГЕНТ ВО САД Болничарот сакал да ѝ пријде, бил спречен? appeared first on plusinfo.mk.