Фудбалерите на Србија и на Албанија одиграа 0:0 на стадионот „Ер Албанија“ во Тирана во квалификацискиот натпревар за Светското првенство. Натпреварот беше од висок ризик и специјалци ги чуваа српските фудбалери кои во главниот град на Албанија беа дочекани со пцовки и со знамиња на УЧК.

Дел од албанските навивачи се однесуваа крајно неспортски и насилнички и го прекинаа дуелот пет пати удирајќи ги играчите на Србија во главата со предмети.

Зачудувачки, судијата не ги испразни трибините, ниту пак ја прекина играта според апсолутно сите критериуми што важат во натпреварувањата на УЕФА.

Потегот на натпреварот го направи Ѓорѓе Петровиќ, кој го одбрани пеналот на Митај во 45-та минута.

The post РЕМИ БЕЗ ГОЛОВИ МЕЃУ АЛБАНИЈА И СРБИЈА Српските репрезентативци од трибините беа гаѓани со предмети appeared first on plusinfo.mk.

Ако некогаш се прашувавме дали фудбалот знае за правда, вечерва добивме потврда – таа понекогаш доаѓа доцна, но кога ќе тропне, го тресе целиот град.

Скопје се тресеше од ерупција на трибините на „Тодор Проески“, кога херојот Езѓан Алиоски со удар како гром од чисто небо ја стресе мрежата на Белгија – за конечни 1:1 против тим кој вреди цело богатство.

Нашите лавови излегоа на терен со срце поголемо од арената и со игра која ги надмина сите очекувања.

Белгија – преполна со ѕвезди, со имиња кои се плаќаат со милиони – доби лекција по скромност, но и фудбалска борба каква што не видела одамна.

И сè почна со фудбалска трагедија: статива на Елмас, па втора статива на Алиоски, па потоа гол од „карамбол“ за Белгијците – среќата вечерва очигледно се изнапила белгиско пиво.

Но Македонија не падна. Селекторот Благоја Милевски постави тактика која беше како шаховска табла – умешно, дисциплинирано, со остри потези во вистинското време. Единството, духот, и жедта за победа – беа нашето тајно оружје.

Белгија тргна агресивно, со обиди на Лукаку и Де Брујне, но Димитриевски беше како ѕид од бетон. А потоа – дојде моментот кога Барди ја украде топката и тргна сам кон голот – но недостигаше малку среќа. Елмас – магионичарот – ја тресна стативата, Алиоски исто така. Како да играа против невидлива бариера.

И кога сè изгледаше загубено – се случи експлозија во 86. минута. Бомба на Алиоски и кршење на неправдата! Белгија доби што заслужи – реми. А ние – гордост што не се мери со бодови.

Ова не беше само натпревар. Ова беше симбол на отпор, на непокор, на тоа дека со срце, со народ зад себе и со вера – можеш против секој. Дури и против Белгија.

The post МАКЕДОНИЈА ЈА НАДИГРА БЕЛГИЈА, АМА ИСПУШТИ 3 БОДА Алиоски постигна гол за паметење! appeared first on plusinfo.mk.

Во рамки на јужноамериканските квалификации за Светското првенство во 2026 година, фудбалерите на Бразил синоќа во дебитантскиот натпревар на селекторската клупа на Карло Анчелоти ремизираа без голови на гостински терен против Еквадор.

Со освоениот бод, Бразил остана четвртопласиран во јужноамериканските квалификации на три кола пред крајот со 22 бодови, два помалку од Еквадор, кој е втор со 24 бодови. На Еквадор, кој е најголемото изненадување во квалификациите, претходно му беа одземени три бодови поради проблем со пасошот на еден од нивните играчи.

Аргентина е единствената јужноамериканска репрезентација која веќе го обезбеди своето место на Светското првенство. Актуелниот светски првак синоќа триумфираше над Чиле на гостински терен со 1-0 со голот на Хулијан Алварез (16 минута), лишувајќи ги Чилеанците од последната шанса да ги одржат живи надежите за пласман на Мундијалот. Светското првенство. Првата ѕвезда на аргентинската репрезентација, Лео Меси, влезе во игра во 57 минута.

Парагвај речиси сигурно ќе биде на Светското првенство откако вчера го победи Уругвај со 2-0 на домашен терен, со головите на Матијас Галарза и Хулио Енсисо од пенал, и сега е израмнет на третото место на табелата со Еквадор.

The post НЕ БАШ СЈАЕН ПОЧЕТОК ЗА НОВИОТ СЕЛЕКТОР НА БРАЗИЛ Анчелоти ремизираше на првиот натпревар appeared first on plusinfo.mk.

Барселона и Интер во Каталонија приредија полувреме што ќе се памети, со резултат 2:2 по првите 45 минути и сè уште нерешена приказна. Во само 45 минути — четири гола, бурни емоции и вистински фудбалски спектакл на „Камп Ноу“!

Интер започна со молскавичен налет и уште во првата минута го шокираше домаќинот — Маркус Турам, по само 29 секунди игра, ја затресе мрежата и донесе водство од 0:1 за гостите. Барселонците едвај се созедоа, а веќе во 21. минута Дамфрис со виртуозен потег зголеми на 0:2. Два удари, две рани за Каталонците.

GOAL | Barcelona 1-2 Inter | Lamine Yamal

WHAT A FANTASTIC GOAL FROM LAMINE YAMAL !!!!!!!!!!!!!!!!!!!!!!!!!!!!!!!!!!! WOW !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!pic.twitter.com/sXPvogTT2q

— Tekkers Foot (@tekkersfoot) April 30, 2025

Но духот на Барса, како и безброј пати досега, не беше скршен. Три минути подоцна, младиот бисер Јамал со маестрален удар намали на 1:2 и го распламти „Камп Ноу“. Притисокот продолжи, а во 39. минута Торес, на одлична асистенција од Рафиња, израмни на 2:2 — полувреме како од фудбалски роман.

Се чека второто полувреме. Дали тоа ќе донесе крај на драмата или ново вжештување на сцената?

The post 📽️ ПОЛУВРЕМЕ ШТО ЌЕ СЕ ПАМЕТИ ВО КАТАЛОНИЈА 4 гола за 45 минути, реми на мечот Барселона-Интер appeared first on plusinfo.mk.

Фудбалската репрезентација на Македонија одигра еден тежок меч против Велс, на кој прими гол во последна минута и одигра реми (1-1) во рамки на квалификациите за СП 2026. По многу тактичка битка и борба на теренот, избраниците на Благоја Милевски дојдоа до предност во 91. минута преку Бојан Миовски, но пред самиот крај, во 96. минута, Велшаните се спасија од пораз во Скопје и дојдоа до бод.

Ова е прво реми во циклусот за Светското првенство 2026 за двете репрезентации, по стартните победи.

Вечерашниот меч на Македонија против Велс накратко беше прекина во 59-тата минута во спомен на жртвите од Кочани по што следеше аплауз од публиката и играчите.

Претходно, целата арена „Тоше Проески“ во еден глас ја пееше македонската химна, а веднаш по интонирањето на националните химни, пред првиот судиски свиреж имаше и минута молк во чест на загинатите.

The post ЛАВОВСКО РЕМИ СО ВЕЛС Македонија испушти шанса за победа appeared first on plusinfo.mk.

Сонцето од Кутлеш, во својата најголема верзија доминираше на трибините во Вараждин на стартот на Светското првенство. И покрај тоа што Хрватска го забрани веењето на старото државно знаме на Македонија, тоа се појави на вчерашниот меч со Унгарија.

Македонските ракометари со реми го започнаа учеството на првенството што предизвика најразлични коментари. Но, се чини дека во Вараждин победија навивачите од „Македонската фаланга“.

Сонцето од Кутлеш беше официјално македонско знаме од 1992 до 1995 година.

The post СОНЦЕТО ОД КУТЛЕШ БЛЕСКАШЕ ВО ВАРАЖДИН И ПОКРАЈ ЗАБРАНАТA На трибините победи „Фалангата“ appeared first on plusinfo.mk.

Англичаните дојдоа во водство преку капитенот Кејн во 18 минута, а Данска израмни во 34 минута со голот на Хјулманд.

Во завршното трето коло сите четири репрезентации во групата Д влегуваат со шанси за пласман во осминафиналето.

Англија е лидер во групата со 4 бодови, пред Данска и Словенија со 2, а Србија е на последното место со 1 бод.

Третото коло на програмата е во вторник кога Англија ќе игра против Словенија, а Данска против Србија.

The post АНГЛИЈА ПОД ОЧЕКУВАЊАТА Данска го слави ремито против големиот фаворит appeared first on plusinfo.mk.

Словенците беа на чекор до победа откако со голот на Камичник во 69 минута поведоа со 1-0 и беа во предност до завршните секунди од натпреварот. Но Србија се спаси од пораз во завршницата откако Јовиќ по нафрлената топка од корнер со глава го совлада Облак во петтата минута од судиското продолжение.

Ремито ги остави двете репрезентации во игра за пласман во осминафиналето од групата Д во која вечерва играат Англија и Данска.

The post СРБИЈА ИЗВЛЕЧЕ БОД ПРОТИВ СЛОВЕНИЈА НА ЕУРО 2024 Србите се спасија со гол во судиското продолжение appeared first on plusinfo.mk.

Шкотска поведе во 13. минута со голот на Скот Мектоминај, додека Швајцарија израмни на 1-1 со погодокот на Шаќири.

Германија води во групата со 6 бода и е сигурен патник во осминафиналето, додека Швајцарија е второпласирана со 4 бода. Шкотска има еден бод и сè уште се надева дека ќе ја мине групната фаза, додека Унгарија е последна без бодови.

Во последното трето коло ќе играат Германија – Швајцарија и Унгарија – Шкотска. Двата натпревари се играат в недела со почеток од 21 часот.

The post УШТЕ ЕДНО РЕМИ НА ЕУРО 2024 По бод за Швајцарија и за Шкотска appeared first on plusinfo.mk.

Албанија во рана фаза од натпреварот го отвори резултатот со голот на Лачи во 11 минута и ја одржуваше предноста до завршните минути кога Хрватска постигна два гола за две минути и направи целосен пресврт.

Најпрво Крамариќ го израмни резултатот во 74 минута, а Хрватите дојдоа и до водство со автоголот на Џасула во 76 минута.

Сепак, истиот играч беше прецизен и на спротивната страна и во петтата минута од судиското продолжение ѝ донесе голем бод на Албанија во дуелот против фаворитот Хрватска. Со поделбата на бодовите, и Хрватска и Албанија се далеку од пласман во втората фаза.

Ова е второ разочарување за Хрватска на Европското првенство во Германија, откако на стартот „коцкестите“ беа убедливо поразени до Шпанија (3-0).

Претходно, албанските и хрватските навивачи на ЕУРО 2024 се „збратимија“ и заедно навиваа против репрезентацијата на Србија. На инстаграм се појави видео од заедничкиот настап на Хрватите и Албанците во Германија.

 

View this post on Instagram

 

A post shared by Newsport.al (@newsport.al)

Албанските навивачи на денешниот дуел против Хрватска во Хамбург  на трибините истакнаа знаме со порака „Косово е Албанија“ кое по реакција на организаторите мораа да го отстранат, пренесува агенцијата БТА.

Дуелот одигран вечерва во рамки на второто коло во групата Б на ЕВРО2024 го одбележа и инцидент во второто полувреме во кое од трибините можеше да се слушне скандирање „Убиј го Србинот“ од навивачите на двете репрезентации.

По првиот натпревар на албанската репрезентација против Италија, УЕФА соопшти дека ќе ја казни Фудбалската федерација на Албанија поради непримерно однесување на албанските навивачи, кои на натпреварот користеа пиротехнички средства, а на трибините истакнаа и пароли политички пораки.

The post 📽 ПРВО СЕ ЗБРАТИМИЈА, ПОСЛЕ ГИ ПОДЕЛИЈА БОДОВИТЕ Хрватска и Албанија одиграа нерешено на ЕУРО 2024 appeared first on plusinfo.mk.