Патот е стар речиси половина век, преполн е со ударни дупки, а на места асфалтот е целосно раскопан.

Тие се заканија дека доколку не добијат одговор од надлежните институции, ќе преземат порадикални мерки.

-И во 2020 и во 2021 година, ередтсвата беа обезбедени од ЕБОР, стои ставката за рехабилитација на Другово – Демир Хисар, нема реализација. Апелираме до надлежната институција во најбрз можен рок, да обзнани каква ќе биде нивната реакција. Ако не добиеме одговор ќе ги интензивираме протестите – рече Виктор Блажески, жител на демирхисарско.

Лошата состојба на патот, кој е од клучно значење бидејќи ја поврзува цела западна Македонија, велат дека им влијае врз нормалното живеење. Имаат огромни штети на автомобилите, а наместо за 35 минути, до Кичево пристигнуваат за 1 час.

– Ова прашање беше покренато на состаноците на Пелагонискиот плански регион, патиштата во цел регион се катастрофални, но овој мислам дека е веќе алармантно и небезбедно и мислам дека мора да се преземат мерки што е можно поскоро – изјави Никола Најдовски, градоначалник на Демир Хисар.

Од Министерството за транспорт и врски информираа дека Јавното претпријатие за државни патишта веќе работи на проектната документација за рехабилитација на регионалниот пат  Демир Хисар – Другово.

Се очекува проектот да биде завршен до пролет оваа година, а предвидена е целосна рехабилитација во должина од 42 километри од овој патен правец.

Оттаму додаваат дека ќе им излезат во пресрет на жителите и додека се работи на проектната документација, претпријатието ќе ги санира најоштетените делови од овој патен правец.

The post ГИ ИСПОКРШИВМЕ КОЛИТЕ Граѓани со протест побараа реконструкција на патот Демир Хисар – Другово appeared first on plusinfo.mk.

Деновиве ќе биде распишан тендер за реконструкција на фасада на станбен објект на улицата Аминта Трети бр.3. а во тек е постапка  за реконструкција на фасада на станбен објект на улицата Мирослав Крлежа бр. 36.

„Проектот е финансиски поддржан од Буџетот на општината во висина од 70 проценти од вкупниот износ на вредноста за реконструкција на енергетски-ефикасна фасада на станбена зграда за колективно домување од страна на заедница на станари или од мнозинство сопственици на посебни делови од станбената зграда“ соопшти општината.

Досега се одобрени проектите за  26 станбени објекти врз основа на претходно исполнети услови и критериуми.

Реконструкцијата на фасадата опфаќа обнова на нова термичка фасада, а сопствениците на посебни делови преку кредитирање ги обезбедуваат преостанатите финансиски средства во висина од 30 проценти од вкупниот износ од вредноста на енергетско-ефикасната фасада. Старата и дотраена фасадна столарија, станарите имаат обврска да ја заменат пред започнување на реконструкцијата и градежните активности.

Новите фасади, истакнуваат од општината, ќе го задржат автентичниот изглед на зградите, а станарите ќе добијат нова енергетско-ефикасна фасада, која ќе им овозможи поквалитетен живот и финансиска заштета на семејниот буџет. За овој проект општината има одвоено 10 милиони денари од Буџетот на Општина Центар.

The post Ќе се постават енергетско-ефикасни фасади на згради во Центар appeared first on plusinfo.mk.