Во централниот дел на Токио денеска е регистриран 34-тиот последователен ден со дожд, со што е соборен досегашниот рекорд за најдолг врнежлив период откако се водат метеоролошките мерења, соопшти Јапонската метеоролошка агенција.

Како што објави новинската агенција Кјодо, повикувајќи се на метеоролошката служба, во јапонската престолнина врне секој ден од 27 август до денеска. На овој продолжен период со врнежи му погодуваат приближувањето на неколку тајфуни, стационираниот есенски дождовен фронт и долината на низок воздушен притисок.

Претходниот рекорд изнесуваше 33 последователни дена со врнежи, а беше регистриран во периодот од 27 јуни до 29 јули 2019 година.

Најобилните врнежи во текот на овој бран беа забележани на 21 септември, кога во централен Токио наврнаа 156 милиметри дожд на квадратен метар. Вкупната количина на врнежи до понеделникот достигна 629 милиметри, што е речиси трипати повеќе од просекот за целиот месец септември.

Според прогнозите не се очекува овој продолжен период на врнежи наскоро да заврши. Дождот, главно во источниот дел на Јапонија, се очекува да продолжи најмалку до четврток, што се должи на задржувањето на есенскиот дождовен фронт кој вообичаено носи нестабилно време поради интеракцијата на сезонските воздушни маси.

Врнежите денеска зафатија и големи делови од источна и западна Јапонија. Меѓу попогодените региони е и градот Ечизен во префектурата Фукуи, во централниот дел на земјата, каде што рано утринава во рок од само еден час беа измерени повеќе од 30 милиметри дожд.

The post ВО ТОКИО НЕПРЕКИНАТО ВРНЕ ОД 27 АВГУСТ Најдолг врнежлив период во историјата на јапонската метропола appeared first on plusinfo.mk.

Пороен дожд предизвика сериозни поплави во Нагоја, Јапонија, откако во градот беше регистрирана рекордно голема количина врнежи во само еден час. На 8 септември се измерени наврнати 104,5 милиметри дожд за еден час (104,5 литри на квадрат) што е највисока едночасовна количина откако се водат мерењата во градот.

Невремето поплави улици, подвозници и делови од градската инфраструктура. Водата навлезе и на железничките пруги, а метрото во Нагоја привремено го прекина сообраќајот на сите линии. Прекините во железничкиот сообраќај оставија голем број патници заглавени за време на попладневниот шпиц.

Во делови од градот се поплавени околу 200 возила и десетици куќи. Во најтешко погодените подрачја беа издадени највисоки предупредувања поради опасност од поплави и излевање на реките. Јапонските власти ги повикаа жителите да се преместат на повисоки и побезбедни места доколку се наоѓаат во загрозени подрачја.

Метеоролошките податоци покажуваат дека во областа Чикуса во Нагоја биле измерени 219,5 милиметри дожд во период од 24 часа. Тоа е трет највисок септемвриски дневен дожд регистриран на набљудувачката станица во градот.

Невремето не ја погоди само Нагоја. Обилни врнежи зафатија поширок дел од централна Јапонија, особено префектурите Аичи и Гифу. Во Нагоја и околните подрачја има повредени лица, а јапонската метеоролошка служба предупреди на дополнителен ризик од свлечишта, поплавување на ниските подрачја и надојдени реки.

Обилните дождови се случуваат само десетина дена пред почетокот на Азиските игри во Нагоја, кои треба да се одржат од 19 септември до 4 октомври. Околу 400 спортисти и членови на тимовите привремено се евакуирани од сместувањето поради поплавите, но градоначалникот на Нагоја изјави дека невремето засега нема да го загрози одржувањето на Игрите.

 

View this post on Instagram

 

A post shared by 鳳凰資訊 PhoenixTVNews（凤凰资讯） (@phoenixtv_news)

The post 🎥 ПОГЛЕДНЕТЕ ШТО ПРАВАТ НАД 100 ЛИТРИ НА КВАДРАТ ЗА ЕДЕН ЧАС Порој предизвика сериозни поплави во јапонскиот град Нагоја appeared first on plusinfo.mk.