Денеска е регистриран најтоплиот ден во Франција од почетокот на систематските мерења во 1947 година, при што се соборени повеќе температурни рекорди во западниот дел на земјата, соопшти Француската национална метеоролошка служба.

Националниот термички индекс, кој ја претставува просечната вредност на дневните и ноќните температури во 30 референтни метеоролошки станици, достигна 29,8 степени, според прелиминарните податоци.

„Оваа вредност е повисока од претходните рекорди од 25 јули 2019 година и од 5 август 2003 година, кога индексот изнесуваше 29,4 степени“, соопшти метеоролошката служба.

Според експертите, ваквите температурни екстреми укажуваат на зголемена зачестеност на топлотни бранови во Европа во последните години, што дополнително го зголемува притисокот врз здравствениот систем и инфраструктурата.

The post ФРАНЦИЈА ГОРИ ОД ТОПЛИНА Срушен рекорд стар 78 години appeared first on plusinfo.mk.

Најмалку 40 луѓе се удавија во Франција во изминатите неколку дена додека се обидуваа да се разладат од рекордните горештини, изјави во вторникот францускиот премиер Себастиен Лекорну, додека топлотен бран се шири низ голем дел од Европа.

Зборувајќи пред итниот состанок за топлотниот бран, Лекорну изјави:

– Ова е тажен камшик кога станува збор за давењата, бидејќи најновите податоци што ни беа пријавени покажуваат 40 смртни случаи од 18 јуни, повеќето од нив млади луѓе.

Низ цела Франција луѓето скокаат во канали и реки за да се разладат.

Француската министерка за спорт, Марина Ферари, изјави дека го разбира нагонот за бегство од горештините, но предупреди да не се плива во неовластени или опасни области.

Голем дел од Франција е под сериозно предупредување за топлина, а во вторник се очекуваат температури околу 40 степени Целзиусови, според Метео Франс, додека во некои делови на западна Франција се очекуваат температури и до 43 степени.

Земјата штотуку го забележа своето најжешко попладне и ноќ откако почнаа да се водат рекорди во 1947 година. Педесет и четири департмани се под црвен аларм, во ситуација која синоптичарите ја опишаа како без преседан.

Во понеделникот, службите за итна помош не успеаја да реанимираат две деца, на возраст од 2 и 4 години, кои беа пронајдени во несвест од нивната мајка во семејниот автомобил пред нивниот дом во Карпентрас, југоисточна Франција.

Три постари лица починаа во одделни инциденти во регионот на Бордо за време на викендот, како резултат на здравствени проблеми предизвикани од топлотниот бран.

Велика Британија, Италија и Шпанија исто така се соочуваат со екстремни горештини, со рекордни температури во некои региони кои го нарушуваат одржувањето на наставата во училиштата и транспортните мрежи.

Европа се загрева повеќе од двојно побрзо од глобалниот просек, според Светската метеоролошка организација, што ги прави ваквите продолжени епизоди на топлина сè почести.

The post НАЈМАЛКУ 40 ЛУЃЕ СЕ УДАВИЈА ВО ФРАНЦИЈА ОБИДУВАЈЌИ СЕ ДА СЕ РАЗЛАДАТ Скокаат во канали и во реки како бегство од горештините appeared first on plusinfo.mk.

Европа се соочува со еден од најинтензивните топлотни бранови во последните години, додека екстремно високите температури погодуваат голем дел од континентот од Пиринејскиот Полуостров до Велика Британија.

Метеоролозите го нарекуваат овој феномен „Омега блок“ по атмосферскиот модел што наликува на грчката буква омега и што овозможува топлиот воздух да остане над истите области долго време.

Според климатолозите, овој систем вшмукува многу топол воздух од Северна Африка и од Сахара, носејќи невообичаено високи температури низ Западна Европа. Поради бавното движење на атмосферскиот блок, речиси и да нема ветер што би донел освежување, па топлината останува над истите региони со денови.

Бројни европски земји веќе ги доживуваат последиците од топлината.

Франција, Шпанија, Италија, Белгија и Германија издадоа највисоко ниво на предупредувања, училиштата се затворени, сообраќајот е нарушен, а здравствените служби работат под зголемен притисок.

Најмалку 18 лица починаа во Франција, вклучувајќи две деца во загреан автомобил. Во оваа земја се очекува температурата да надмине 45 степени на некои места.

Францускиот метеоролошки завод „Метео-Франс“ предупреди дека температурите би можеле да достигнат рекордни нивоа во периодот меѓу 21 и 23 јуни, при што во 60 области е прогласен портокалов аларм, а екстремните горештини се очекува да продолжат и следната недела.

Во Италија, поради топлотниот бран е активиран црвен аларм во 8 градови, а во Шпанија екстремно високите температури го отежнаа секојдневниот живот, особено во Гранада.

Во Амстердам се прогнозира дека температурите во наредните денови ќе достигнат тропски нивоа, а метеоролозите предупредуваат дека во некои области тие би можеле да надминат 34 Целзиусови степени. Кралскиот метеоролошки институт на Белгија исто така прогласи портокалов аларм поради екстремните горештини и силните невремиња.

Според најавите од Британскиот метеоролошки завод, бранот со високи температури ќе се задржи до четврток, а во најтоплите региони потенцијално температурите би можеле да достигнат до 38 степени, па и 40 степени.

Омега блок  се формира на таков начин што област со висок притисок е заробен лево и десно од области со понизок воздушен притисок. Во ваков застој во рамките на омега блокот, сувото и стабилно време опстојува, што во лето предизвикува екстремни температури.

Понекогаш таквата атмосферска ситуација опстојува неколку недели, носејќи долготрајна суша и многу високи температури во погодената област.

Ефектот на топлинска купола е последица на омега блокот, бидејќи поради високиот воздушен притисок, облаците и влагата не можат да се пробијат во внатрешноста на топлата и сува зона. Во ова време од годината, деновите се многу долги, небото е ведро, па топлината се акумулира и се зголемува од ден на ден.

Во моментов, најлошото е над Шпанија и над Франција, но и други делови од југозападна и централна Европа ќе ги почувствуваат последиците во текот на остатокот од неделата. Температурата во некои европски земји би можела да надмине 40 степени Целзиусови.

Според страницата Severe weather Europe термичкиот скок е толку интензивен што може да бидат соборени рекордите за топлина на сите времиња, кои нормално достигнуваат врв кон крајот на јули.

„Механизмот на оваа значајна климатска аномалија лежи во неподвижниот омега блок, кој делува како капак што заробува застоена маса од сув сахарски воздух и немилосрдно ја компресира надолу. Невидената топлинска купола води до прекумерна топлина што ќе биде не само интензивна, туку и долготрајна, меѓу најинтензивните и историски топлотни бранови во Европа досега. Интензитетот е толку моќен со постојаниот модел, што компресијата на воздушните маси предизвикува температурите експоненцијално да растат ден по ден, без атмосферска вентилација. По рекордната суша во мај, горниот слој на почвата е исто така лишен од сета влага, елиминирајќи ја природната способност на Земјата да се лади и претворајќи ги големите урбани центри во бетонски печки. Големите европски градови ќе доживеат прекумерна топлина, а во средиштето ќе бидат Париз, Лондон, Хановер, Франкфурт и Брисел“, пишува страницата.

ДВЕ ДЕЦА ВО ФРАНЦИЈА УМРЕА ОД ГОРЕШТИНА ВО АВТОМОБИЛОТ НА МАЈКА ИМ Влегле во возилото кое било паркирано во гаражата

The post ОМЕГА БЛОК ЈА ПЕЧЕ ЕВРОПА, ТЕМПЕРАТУРИТЕ МОЖЕ ДА ДОСТИГНАТ И НАД 45 СТЕПЕНИ Ќе бидат соборени многу топлински рекорди appeared first on plusinfo.mk.

Десетици француски градови ги забележаа највисоките мајски температури досега, а Обединетото Кралство сруши национален рекорд, поради екстремниот пролетен топлотен бран. Живата во термометрите се искачува далеку над нормалните вредности и во Шпанија, а метеоролозите најавуваат дека таквото време ќе продолжи уште неколку дена, пишува The Guardian.

Британската метеоролошка служба (Met Office) објави дека апсолутниот температурен рекорд за мај е срушен денес, откако на лондонскиот аеродром Хитроу беа измерени 33,5°C, а се очекува температурите да се искачат до 35°C во вторник.

Синоптичарите предвидуваат дека стотици нови мајски рекорди ќе бидат срушени во Франција, Шпанија и Обединетото Кралство, со температури од 12 до 13 степени над просекот.

Today has been the hottest day in May on record with Kew Gardens provisionally reaching 34.8°C – exceeding the previous highest May temperature in the UK by a full 2 degrees Celsius

This heat would be exceptional in the UK even in mid summer, let alone in May pic.twitter.com/d8boJYgaXJ

— Met Office (@metoffice) May 25, 2026

Француската Météo France ја опиша ситуацијата како „прерана, вонредна и долга“ топлотна епизода што ќе трае уште неколку дена.

Националната метеоролошка агенција на Франција соопшти дека рекордните температури се резултат на топлинска купола, со топол воздух од Мароко заробен под област со висок притисок. Тие додадоа дека Европа може да очекува вакви настани да бидат „почести, поинтензивни и порани“. Моделите веќе покажаа дека, поради климатските промени, топлотните бранови во јуни сега се околу 10 пати поверојатни во Европа отколку во прединдустриската ера, а се чини дека истиот тренд станува видлив и за мај.

– Ова продолжување на сезоната на топлотни бранови е целосно во согласност со последиците од климатските промени. На крајот ќе видиме слични топлотни настани во април и октомври“. – изјави климатологот Роберт Вотард за агенцијата Франс-прес.

Предупредување за висока температура е на сила во 31 француски департман до вторник, од кои 8 се под портокаловото ниво, второто највисоко, кое ги повикува жителите да „преземат мерки на претпазливост“. Ова е прв пат националниот систем за предупредување за топлина да се активира во мај откако беше воведен во 2004 година. Метео Франс во понеделник објави дека локалните температури би можеле да се искачат до 36°C.

„Градовите на западот од земјата веројатно ќе забележат температури неколку степени повисоки од највисоките измерени досега во мај“, се наведува во соопштението за медиумите.

Од поголемите француски градови, во недела во Париз беа измерени 32,6°C, а за понеделник се прогнозираат 33°C, додека во Бордо беа измерени 34,2°C.

Во градот Брив-ла-Гајард на југозападот од земјата беа измерени 35,3°C, што е речиси два степени повисоко од претходниот рекорд за мај. Претходните рекорди беа срушени и во недела по должината на францускиот атлантски брег, на станици во градови како Сен-Назер (31,8°C), Нуармутие (31,3°C) и Брест во Бретања (29°C).

Еден маж почина во недела за време на трка од 10 километри во париското предградие Мезон-Алфор, соопшти цивилната заштита. Се претпоставува дека доживеал срцев удар. Уште 10 тркачи мораа да бидат однесени во болница во критична состојба по трката.

Според Рубен дел Кампо од државната метеоролошка служба на Шпанија Аемет, се очекува топлотниот бран во Шпанија, каде што температурите во некои јужни области достигнаа 38 степени Целзиусови во текот на викендот, 5 до 10 степени над нормалата, да продолжи во текот на целата недела.

– Друга многу важна работа е што оваа состојба ќе остане барем до крајот на неделата. Покрај тоа, може да биде уште потопло во четврток и петок, со температури од најмалку 34°C во поголемиот дел од земјата – рече дел Кампо.

Тој додаде дека од среда до петок се очекуваат температури од 36 до 38°C во долините на реките Гвадијана, Гвадалкивир и Ебро, истакнувајќи дека „во некои од овие области, температурите би можеле да достигнат 40°C“. Дел Кампо, исто така, рече дека поголемиот дел од земјата може да очекува таканаречени „тропски ноќи“, за време на кои температурата не паѓа под 20°C.

Делови од Велика Британија би можеле официјално да влезат во топлотен бран, што значи температури над 26 до 28°C, во зависност од локацијата, три последователни дена. Во Франција, за официјално да се прогласи топлотен бран, ноќните температури исто така мора да останат над одредена граница.

The post ЕКСТРЕМНИ ТЕМПЕРАТУРИ ВО ЕВРОПА Топлинска купола ги урна сите рекорди appeared first on plusinfo.mk.

Вкупно 956 лица се лекувани од топлотен удар, дехидрација и изгореници од сонце од почетокот на жешката сезона во средината на март. Топлотниот удар беше најчеста причина за смрт.
Температурите во 27 од 32 држави во таа латиноамериканска земја во моментов се над 40 степени Целзиусови.

HISTORIC HEAT
Brutal 47.0C at Monclova MEXICO: Hottest day in history (previous was last year) >500m asl

Also all time high broken for the 4th time at Morelia with a crazy 39.3C at 1900m asl.

In TEXAS monthly record tied at Del Rio with 109F https://t.co/qSoUMT96lH

— Extreme Temperatures Around The World (@extremetemps) May 25, 2024

Во четвртокот температурите во северниот град Монклова во државата Коахуила достигнаа до рекордни 47 степени. Покрај тоа, во поголеми делови од земјата наврнаа помалку дожд од вообичаено за овој период од годината.

The post 📷 ТЕМПЕРАТУРИ НАД 45 СТЕПЕНИ! Екстремни горештини во Мексико, десетици смртни случаи appeared first on plusinfo.mk.

„Трендот на уривање рекорди што беше забележан во поголемиот дел од 2023 година продолжи и во 2024 година – јануари беше најтоплиот јануари досега“ – соопшти СМО.

Според Светската метереолоѓка организација, тоа е осми месец по ред кој е најтопол досега.

„Температурите на површината на морето се на рекордно високо ниво, десет месеци по ред“ соопшти СМО.

Просечната месечна температура на воздухот била за 1,66 степени повисока од јануарски просек во периодот од 1850-1900 година, додека во периодот од 1991-2020 година била 0,70 степени над просекот за јануари.

Според податоците на Службата за климатски промени Коперникус, во споредба со температурата од претходниот најтопол јануари 2020 година, просечната месечна температура годинава била повисока за 0,12 степени.

Организацијата ги наведе податоците добиени од американската Национална администрација за океани и атмосфера НОАА (NOAA), НАСА, службата за климатски промени Коперникус на Европската унија и Јапонската метеоролошка агенција.

The post ЈАНУАРИ 2024 БИЛ НАЈТОПЛИОТ ВО ИСТОРИЈАТА Трендот со рекордни температури продолжува и годинава appeared first on plusinfo.mk.

Австрија, Белгија, Франција, Германија, Полска, Швајцарија и Велика Британија во септември забележаа највисоки просечни температури за тој месец, речиси четири степени над долгорочниот просек.

Француската метеоролошка агенција Метео-Франс наведува дека просечната температура во септември била 21,5 степени Целзиусови. Тоа е меѓу 3,5 и 3,6 степени над просекот за референтниот период од 1991 до 2020 година во таа земја.

– Тоа беше, исто така, еден степен повисок од претходниот рекорд од почетокот на евиденцијата во 1900 година – изјави метеорологот Кристин Берн за Гардијан.

Таа додаде дека во неколку региони отстапувањето од септемврискиот просек во последните три децении надминало четири степени Целзиусови.

Просечната температура во Франција во септември била повисока од просечната за јули и август, која изнесувала 21,1 степени Целзиусови, а за прв пат во историјата во септември е издадено предупредување за топлотен бран, соопшти Метео-Франс.

Во Германија просечната септемвриска температура беше 17,2 степени Целзиусови, речиси четири степени над просекот за референтниот период од 1961 до 1990 година.

– Вонредните температури во овогодинешниот рекорден септември во Германија се уште еден доказ дека климатските промени се на дело – рече Тобијас Фукс, раководител на одделот за клима и животна средина во Германската метеоролошка служба.

Националните метеоролошки агенции во Австрија и Швајцарија, исто така, забележаа највисоки просечни температури во септември, а една студија покажа дека швајцарските глечери изгубиле 10 отсто од мразот за две години поради екстремното затоплување.

На повеќе места веќе се постигнати рекордно високи дневни температури за октомври.

Просечната температура во светот е за околу 1,2 степени Целзиусови повисока отколку во прединдустриската ера.

Научниците велат дека климатските промени предизвикани од човековите активности ја зголемуваат глобалната температура. Просечната температура во светот веќе е околу 1,2 степени Целзиусови над прединдустриското ниво.

Високите температури донекаде се последица на временскиот феномен Ел Нињо кој штотуку започна и ги загрева водите на Јужниот Пацифик.

Следниот месец во Дубаи ќе се одржи Конференцијата на Обединетите нации за климатски промени COP28. Светските лидери ќе разговараат за начините за спречување на климатските промени и за постигнување на целите поставени со Парискиот договор. Етапното укинување на фосилните горива за намалување на емисиите на стакленички гасови ќе биде клучна тема.

The post ЖИВЕЕМЕ ВО НАЈТОПЛАТА ГОДИНА ВО ИСТОРИЈАТА Рекордни температури во септември, рекордно почна и октомври appeared first on plusinfo.mk.

Американските научници предвидуваат дека 2023 година може да биде најтоплата година досега, а 2024 година се очекува да биде уште полоша. Досега, 2023 година е трета најтопла година досега, рече Сара Капник, главен научник на американската Национална управа за океани и атмосфера (НОАА).

– Веројатноста дека 2023 ќе стане најжешка година во историјата е 50% – додава Капник.

Покрај глобалното затоплување, за тоа придонесува и цикличниот феномен Ел Нињо, синоним за дополнително глобално затоплување, кој ја загрева површината на океаните. Треба да трае и по следната зима, предвидуваат експертите.

-Најсилното влијание на Ел Нињо ќе се случи во 2024 година. Затоа, очекуваме не само дека 2023 година ќе биде исклучително жешка, а можеби и рекордна, туку дека 2024 ќе биде уште пожешка – изјави климатологот на НАСА, Гевин Шмит.

Двајцата американски научници зборуваа на прес-конференција посветена на анализа на глобалните температури забележани минатиот месец, за кои НОАА потврди дека е рекорден месец.

Јули 2023 година беше најтоплиот месец досега забележан на земјата, потврди Европската служба Коперник минатата недела.

– Важно е да се запамети дека годинава е „свежо“ во споредба со средината на векот, ако продолжиме да ја загреваме нашата планета со емисија на стакленички гасови – вели Сара Капник.

Температурата на површината на океанот е особено загрижувачка за научниците, бидејќи таа достигнува рекорд четврти месец по ред, според НОАА.

– Повеќе од 40% од океаните моментално се под морски топлотен бран -предупреди Капник.

Ова има потенцијално катастрофални последици за видовите што живеат таму, особено за коралите.

– Мајката природа ни испраќа порака, а таа порака е: подобро да дејствуваме сега, пред да биде предоцна да ја спасиме нашата клима, или со други зборови, да ја спасиме нашата планета – рече шефот на НАСА, Бил Нелсон.

The post НАЈЛОШОТО ДОПРВА ДОАЃА! 2023 може да биде најтопла година досега, 2024 ќе биде уште полоша appeared first on plusinfo.mk.

Рим денеска забележа нова рекордно висока температура од 41,8 степени Целзиусови,  додека топлотниот бран опустоши поголем дел од јужна Европа, објави метеоролошката служба на регионот Лацио.

Претходниот рекорд од 40,7 степени Целзиусови беше  во јуни минатата година. Таа температура денеска беше надмината во различни делови на Рим, а метеоролошката станица во источните предградија забележа нов рекорд.

Европа се бори со високите температури, а топлотниот бран не покажува знаци на намалување.

Италијанците се предупредени да се подготват за „најинтензивниот топлотен бран ова лето и еден од најинтензивните досега“.

Пекинг денеска го собори претходниот рекорд за најмногу денови со високи температури во една година – 27 дена – во услови на топлотен бран што го зафати кинескиот главен град.

Денеска напладне температурата измерена од метеоролошката станица во јужните предградија на Пекинг се искачи на 35,1 Целзиусов степен. За еден ден да биде означен како ден со висока температура, вредностите мора да надминат 35 степени.

Претходниот рекорд за високи температурни денови во една година беше поставен во 2000 година, кога високи температури (над 35°C) беа забележани во 26 дена од годината.

The post ВО РИМ ИЗМЕРЕНА РЕКОРДНА ТЕМПЕРАТУРА Топлотниот бран не стивнува appeared first on plusinfo.mk.

Италијанскиот метеоролошки институт стравува од „најинтензивниот топлотен бран на летото, но и еден од најинтензивните на сите времиња“.

Италија, од север до југ, доживува топлотен бран со историски високи температурни рекорди кои се очекуваат денеска и во наредните денови. Денеска е прогласен црвен аларм за 16 градови низ земјата, а температурите се очекува да достигнат 36/37°C од Рим до Болоња уште пред врвот на топлотниот бран на почетокот на следната недела.

Италијанската влада ги советуваше сите во областите со црвена тревога да избегнуваат да бидат на отворено во средината на денот и да водат посебна грижа за старите и хронично болните.

Според весникот „Ил Месаџеро“, двајца фудбалери аматери, на возраст од 48 и 51 година, починале во петокот навечер откако им се слошило  поради жештините, за време на натпревари на југот на земјата.

Ниту северот од полуостровот нема да биде поштеден, а во вторник во Милано се очекуваат 38 степени Целзиусови.

Во Германија највисоки температури се измерени во саботата во баварскиот град Мерендорф-Клајнзебах (38,8 степени). Покрај тоа, во Берлин се забележани 35°C, а во Минхен 34°C, јави ДПА.

Во Франција, министерот за земјоделство, Марк Фесно, вчера беше жестоко критикуван, бидејќи увери дека температурите се „прилично нормални за лето“. Реагираа влијателни личности, како експертот за агроклиматологија Серж Зака. „Кога нашите политичари ќе ги разберат и прифатат предизвиците на климатските промени?“, се пожали тој на Твитер.

Јуни беше вториот најтопол месец од почетокот на мерењата во Франција, каде што неколку департмани беа ставени под портокалова тревога поради топлотен бран.

И Грција е погодена од топлотен бран, кој ги принуди властите да го затворат Акропол во Атина во најтоплите часови во неделата трет ден по ред, кога температурите во земјата достигнаа над 41 Целзиусови степени.

Во саботата температурите надминаа 40 степени Целзиусови на 87 мерни станици, јавија грчките медиуми. Екипите на Црвениот крст, распоредени во подножјето на Акропол за да им помогнат на туристите, интервенираа „десетици пати“ за да ги спасат посетителите во последните неколку денови.

Нов топлотен бран се очекува во Шпанија меѓу понеделник и среда, по  викендов  кога температурите надминаа 40 степени Целзиусови во Андалузија на југот на земјата, како и на Канарските Острови.

Од силниот топлотен бран зафатена е и Северна Африка. Во Мароко до вторник се предвидува нов топлотен удар, со температури меѓу 37 и 47°C во неколку провинции, соопшти Генералниот директорат за метеорологија (ДГМ).

Во Азија, неколку провинции во јужна и југоисточна Кина ќе имаат високи температури за време на викендот, кои ќе достигнат од 35 до 40 Целзиусови степени, соопшти Централната метеоролошка опсерваторија. На некои места на северозапад на земјата,температурата би можела да надмине 40°С.

Во Јапонија властите го повикаа населението да биде внимателно бидејќи се очекува температурите да достигнат до 39°C во недела и понеделник на истокот од земјата.

На другата страна на светот, јужниот дел на САД има невидени жештини: десетици милиони Американци, од Калифорнија до Тексас, трпат опасно високи температури кои се очекува да го достигнат својот врв во текот на викендот.

Во Феникс на југозападот на САД, во саботата се забележани речиси 44°C, а метеоролозите очекуваат живата да достигне 46°C. Во Долината на смртта во Калифорнија, едно од најжешките места на Земјата, денеска се очекуваат нови високи температури, веројатно и до 54°C, по високите 48°C напладне во саботата.

На југот на земјата американските пожарникари од петокот се борат со неколку многу жестоки пожари кои опустошија повеќе од 1.214 хектари и доведоа до евакуација на населението.

На глобално ниво, месец јуни бил најтопол измерен, според европскиот Коперникус и американските агенции НАСА и НОАА. Тогаш првата цела недела од јули беше најтоплата досега забележана, според прелиминарните податоци на Светската метеоролошка организација (СМО).

-Температурите ќе го достигнат врвот помеѓу 19 и 23 јули – не само во Италија, туку и во Грција, Турција и на Балканот. Неколку локални рекорди за топлина во тие области може да бидат урнати во текот на тие денови, најави италијанскиот метеоролог и експерт за клима, Џулио Бети за Би-Би-Си.

Европски топлотен бран ќе се прошири на Балканот подоцна следната недела.

Периодите на интензивни горештини поради глобалното затоплување стануваат се почести, поинтензивни и подолги.

-Топлинските бранови се зголемуваат секоја година по број и по интензитет и тие се меѓу најопипливите, евидентни, документирани и јасно видливи знаци на климатските промени. Европските лета станаа многу, многу пожешки во последниве години… Она што треба да не загрижува е дека лета без интензивни и продолжени топлотни бранови едноставно повеќе не постојат. „Нормалните“ лета станаа реткост, вели италијанскиот експерт за клима.

The post „НОРМАЛНИТЕ“ ЛЕТА СТАНАА РЕТКОСТ Рекордно високи температури од Сицилија до Калифорнија appeared first on plusinfo.mk.