Согласно мерењата и набљудувањата на метеоролошките станици во земјава, месец јули 2025 година се карактеризира како екстремно топол и многу сушен во споредба со многугодишните просечни вредности (1991-2020 година), соопшти УХМР.

Средномесечната температура се движеше од 18,5 степени Целзиусови во Лазарополе до 28,5 степени во Гевгелија. Споредено со просечните јулски средномесечни температури, за триесетгодишен период (1991-2020 година), годинашната температура беше натпросечна за 2,3 степени на ниво на држава. Средномесечната температура во Скопје Зајчев Рид изнесуваше 27,6 и беше 2,9 степени повисока од просекот.

Во државата беше најжешко на 26 јули

Највисоката максимална температура во државата, беше измерена на 26 јули во Скопје Гази Баба и изнесуваше 43,7 степени. Притоа, во Скопската котлина беше надмината апсолутната максимална температура на воздухот од 43,4 на 43,7 степени. Во Скопје беше надмината и апсолутната максимална среднодневна температура. Надминати беа апсолутните максимални температури и во Охрид и во Маврово. Во Охрид од 37,5 на 38,1, а во Маврово од 34,2 на 34,3 степени. Имаше појава на топлотен бран од почетокот на месецот до 8 јули и од 20 до 27 јули, на ниво на држава.

Во Лазарополе беше најстудено

Најниската минимална температура во текот на месецот беше измерена во Лазарополе, на 10 јули и изнесуваше 4,4 степени.

Месечната сума на врнежи во државата во јули варираше од 0,0 мм во Битола до 10,7 мм во Берово. Врнежите беа од дожд и град. Максимално дневно количество на врнежи од 8,7 мм беше регистрирано во Берово на 18 јули.

Споредено со јулската просечна вредност за многугодишен период (1991-2020 година), измерената месечна сума на врнежи беше 87% подпросечна на ниво на држава, посочуваат од УХМР.

The post ОВОЈ ЈУЛИ СО РЕКОРДНИ ЖЕШТИНИ ВО ПОСЛЕДНИТЕ ДЕЦЕНИИ Температурата достигна 43,7 степени во Скопје, дожд речиси и да немаше appeared first on plusinfo.mk.

Обединетите Арапски Емирати денеска регистрираа рекордно висока температура за месец мај – дури 50,4 степени Целзиусови, што претставува највисока мајска температура во земјата од почетокот на мерењата во 2003 година.

„Највисоката температура регистрирана денеска е 50,4°C во областа Ал Шавамех, во емиратот Абу Даби“, соопшти Националниот центар за метеорологија преку социјалната мрежа „Х“.

Овој екстремен топлотен бран доаѓа по невообичаено жешкиот април, кога беше измерена просечна максимална температура од 42,6°C – исто така рекорд за тој месец. На 27 април беа забележани 46,6°C, што ја постави втората највисока температура во април во историјата на земјата, веднаш по 46,9°C во април 2012 година.

Поради растечките температури, властите во ОАЕ издадоа препораки за избегнување активности на отворено во најжешките часови од денот, со цел да се заштити здравјето на населението.

The post ПЕКОЛ ВО ДУБАИ ВО МАЈ Измерени 50,4 Целзиусови степени, најмногу во последните 20 години appeared first on plusinfo.mk.

Топлотниот бран ги принуди иранските власти да го намалат работното време денеска и да наредат сите владини и комерцијални институции да затворат утре, недела, откако повеќе од 200 луѓе беа примени во болниците поради топлотен удар, објави Гардијан.

Иранската новинска агенција ИРНА објави дека банките, канцелариите и јавните институции ширум земјата ќе бидат затворени во недела за да се заштити здравјето на луѓето и да се заштеди електрична енергија. Ќе работат само медицинските и итните служби.

Во главниот град на Иран, Техеран е забележана температура од 42 степени, а во 10 ирански провинции температурата денеска надмина 45 степени, додека во градот Делган на југоистокот од земјата е забележана рекордна температура од 49,7 степени.
Метеоролозите за во понеделник најавија пад на температурата.

На глобално ниво, екстремните горештини предизвикуваат речиси 19.000 смртни случаи годишно, како и речиси 23 милиони повреди на работните места ширум светот.

Генералниот секретар на Обединетите нации (ОН) Антонио Гутереш ги повика сите земји да се ангажираат на светско ниво во борбата против климатските промени откако беше забележана рекордна глобална температура, што е прв повик на светска организација за глобална акција поради екстремните горештини, пренесува Ал Џазира Балканс.

– Светот мора да се соочи со предизвикот на порастот на температурите – рече Гутереш.

Генералниот секретар на ОН истакна дека се потребни мерки за заштита на работниците од екстремните горештини, врз основа на човековите права.

ОН ги повика владите не само да ја елиминираат употребата на фосилни горива, туку и да ја зајакнат заштитата на најранливите делови од населението, вклучително и повозрасните, бремените жени и децата, како и да ги зајакнат мерките за заштита на работниците.

Меѓународната организација на трудот (МОТ) објави дека во моментов повеќе од 70 отсто од работната сила, односно 2,4 милијарди луѓе се изложени на висок ризик од екстремни горештини.

– Во Африка речиси 93 отсто од работната сила е изложена на екстремни температури, а во арапските земји 84 отсто – според МОТ.

Во светот поради климатските промени топлотните бранови се сѐ почести и тие стануваат поинтензивни и подолготрајни.

The post ПЕКОЛНО ЛЕТО ВО ИРАН Повеќе од 200 луѓе примени во болница поради топлотен удар appeared first on plusinfo.mk.

Во Дубровник вчера температурата на морето во 17 часот изнесуваше 29,7 степени Целзиусови. Досега, апсолутната највисока температура на морето во Хрватска на станиците на ДХМЗ беше измерена на 21 јули 2015 година на островот Раб и изнесуваше 29,5 °C.

Во северниот дел на хрватското крајбрежје туристите се згрозени од валканите лигави површини на водата предизвикано од т.н. цветање на морето. Релативно високите температури на морето, многу врнежи и многу хранливи соли поттикнаа поголема репродукција на природниот фитопланктон, кој формира лигави површини во морето.

VIDEO: Turiste zgrozile plaže u Istri: ‘Pune su prljavštine i sluzi’ Stručnjaci: ‘I dalje cvjeta more’ https://t.co/hr0oJsjTw2

— 24sata (@24sata_HR) July 16, 2024

Читателка на хрватскиот портал 24сата, која веќе седум дена е во Ровињ, изјавила дека планирала да остане уште седум дена, но не знае дали ќе биде можно, бидејќи, како што вели, плажите се многу валкани.

Таа додава дека била на три плажи и сите три изгледаат страшно, толку што и странските и домашните туристи се згрозени. Читателката испратила неколку фотографии и видеа на кои се гледа дека на површината на морето „плови нешто кафено“ .

– Повеќето од плажите се речиси преполни, а ретко кој плива во морето. Нечистотијата останува на костимите за капење, тешко се отстранува, некои од туристиотецсе обидуваат да ја растераат пената и нечистотијата, но безуспешно – вели таа.

Порталот напоменува дека за слична ситуација ги контактирале и многу други домашни туристи, од места низ цела Истра и испратиле фотографии и видеа од валканата површина на морето во крајбрежните делови.

Хрватските медиуми повикувајчи се на информациите од Министерството за заштита на животната средина, посочуваат дека водата на морето во Хрватска се проверува два пати месечно и дека сите неодамнешни тестови на примероци од вода, спроведени за следење на чистотата на морето и плажите во Ровињ, покажале дека водата е со одличен квалитет.Во овој случај, наведуваат, се работи за веќе потврден случај на цутење на морето, кое е најизразено кај Ровињ.

The post 📷 ВО ДУБРОВНИК ИЗМЕРЕНА РЕКОРДНА ТЕМПЕРАТУРА НА МОРЕТО Валкана пена ги избрка туристите од Истра appeared first on plusinfo.mk.