За разлика од лани, бројот на склучени договори е намален незначително, но мора да се потенцира тоа дека иако и лани се очекуваше производство од околу 26.000 тони на тутун, се откупија само 15.000 тони.

Според директорот на Државниот земјоделски инспекторат Јане Станкоски, годинава временските услови биле добри за тутунопроизводството и се очекувало побогат род.

– Сметам дека како што кажав претходно климатските услови кои ги имаме оваа година се многу поволни за тутунопроизводството, лани беше преполовено, но нивите беа насадени, луѓето го произведоа расадот, но стануваше збор за намалено производство по декар – вели Јане Станкоски, директорот на Државниот земјоделски инспекторат.

Но исто како и за ланската реколта така и за годинешната, иако се покажа одредена волја и се започнаа првични чекори за промена на законот за тутун до истото не дојде.

Според Станкоски, доколку се донесат некои измени истите може да се додадат со анекси на веќе склучените договори.

– Останува периодот тоа да се продолжи, никогаш не е доцна да се направи тоа. Доколку дојде до промена на законот за тутун, има време и за тоа. Ќе се конституира парламентот, ако се договорат засегнатите страни за нови членови во законот за тутун, со анекси може да се променат договорите и текот на откупот на тутун – кажа Станкоски.

Инаку, тутунот од ланската реколта се откупи по просечна цена од 365 денари за килограм и скоро целиот беше откупен во прва класа.

Субвенциите за секоја класа беа покачени за 20 денари и субвенцијата за прва класа изнесуваше 100 денари по килограм.

Како годинава ќе се одвива откупот и дали тутунарите ќе бидат задоволни ќе покаже периодот кој следува.

The post ТУТУНАРИТЕ ТРИЈАТ РАЦЕ Откупувачите бараат 26.000 тони тутун, лани имаше само 15.000 appeared first on plusinfo.mk.

Менде Стомнароски, претседател на Сојузот на земјоделските здруженија, вели дека годинава со откупувачите е договорено производство од  околу 26.400 тони, што е повеќе од лани и очекуваат добра година.

– Моментално тутуновиот расад е добар и се очекува временските услови да помогнат и навреме да се засади. Можеби причината е што лани тутунарите добро поминаа: родот беше квалитетен, брзо се откупи и се постигна просечна цена од 290 денари за килограм. Сепак, останува да се види дали договореното ќе се исполни – изјави Стомнароски.

Тутунарите и годинава ќе бараат зголемување на цената на тутунот, зашто се зголемени трошоците за производство.

– Очекуваме добра производна година, иако многу зависиме од временските услови. Очекуваме цените да се зголемат, да стигнеме до реални исплатливи цени за одржливот на тутунопроизводството. Само исплатливоста може да ги привлече помладите генерации да го садат тутунот за да не остане само повозрасните да се занимаваат со тутунопроизводството – смета Стомнароски.

Деновиве на тутунарите им се исплаќаат субвенциите за ланската реколта. На околу 16.000 тутунари за ланскиот род им се префрлени 26 милиони евра. Министерот за земјоделство Љупчо Николовски, при посетата на Прилеп ги увери тутунарите министерството и државата остануваат да ги поддржуваат производителите, бидејќи тутунот е стратешка култура.

The post ТУТУНАРИТЕ САДАТ И СЕ НАДЕВААТ НА ВИСОКИ ОТКУПНИ ЦЕНИ Ако не, само старци ќе останат на нивите! appeared first on plusinfo.mk.

Евгениј Балицки, шефот на руската администрација на регионот Запорожје, изјави дека планираните зделки вклучуваат продажба на жито на Ирак, Иран и Саудиска Арабија.

Тој рече дека е постигнат договор за испорака на 150.000 тони жито во Иран, додавајќи дека руските земјоделски трговци и државните компании купуваат жито од земјоделците во регионот.

– Цените не се лоши во моментов. Земјоделецот добива околу 200 долари за тон жито, што е одлично, бидејќи цената на неговото производство е околу 120 долари, дури и ако трошоците за долгиот период на складирање, што тој беше принуден да го земе предвид – изјави Балички за ТАСС.

Цените на руската пченица со 12,5 отсто содржина на протеини за испорака од пристаништата на Црното Море изнесуваа 375 долари за тон бесплатно на бродот (FOB) на крајот на минатата недела.

Според Балицки, регионот Запорожје оваа недела ќе добие 300 железнички вагони со цел да се забрза испораката на жито од Русија, покрај камионскиот транспорт.

– Железницата сѐ уште не работи во голем обем, до неодамна имавме само 11 вагони – рече тој, истакнувајќи дека постапката на контролните пунктови за Крим е поедноставена.

Тој исто така изјави дека има околу 1,5 милиони тони жито во магацините во регионот пред неодамнешниот почеток на овогодишната реколта.

The post ЗАПОЧНА ИЗВОЗОТ НА ЖИТО ОД ЗАПОРОЖЈЕ Русија обезбеди коридор, познато е која земја прва ќе ја добие испораката appeared first on plusinfo.mk.