рекет Archives - plusinfo.mk

КАТИЦА ЈАНЕВА ИЗЛЕЗЕ ОД ИДРИЗОВО Поранешната шефица на СЈО на условен отпуст до истекот на казната

плусинфо — Sat, 13 Dec 2025 10:16:10 +0000

Поранешната специјална јавна обвинителка Катица Јанева од понеделникот е на условен отпуст и го напушти затворот „Идризово“, откако издржуваше дел од седумгодишната затворска казна изречена во предметот „Рекет“, објави СДК.

Како што информира директорот на КПУ „Идризово“, Зоран Јовановски, Јанева добила условен отпуст и во наредниот период ќе има обврска редовно да се јавува во Основниот кривичен суд Скопје, сè додека казната формално не ѝ истече.

„Осуденичката Јанева доби условен отпуст и таа треба редовно да се јавува во Основниот кривичен суд Скопје додека 7-годишната казна целосно не ѝ истече“, изјави Јовановски за СДК.

Јанева беше осудена на седум години затвор за злоупотреба на службената положба, при што во вкупната казна ѝ беше пресметано и времето поминато во притвор.

Случајот „Рекет“, кој ја потресе јавноста и правосудниот систем, ја вклучи и осудата на Бојан Јовановски – Боки 13, кој доби подолга затворска казна за изнудување пари од бизнисменот Орце Камчев.

По апсењето на Јанева, Специјалното јавно обвинителство беше укинато со поддршка на сите парламентарни партии, додека дел од предметите што ги водеше СЈО продолжија во рамки на редовното обвинителство.

Во меѓувреме, Камчев во предметот „Империја“ призна вина и се спогоди со обвинителството, по што издржа пократка затворска казна.

The post КАТИЦА ЈАНЕВА ИЗЛЕЗЕ ОД ИДРИЗОВО Поранешната шефица на СЈО на условен отпуст до истекот на казната appeared first on plusinfo.mk.

„ЦРПНАТИОТ“ КУПУВА МНОГУ ЖЕЛЕЗО ОД РУСИЈА И ГО ПРЕПРОДАВА Никола Груевски со жесток удар ја продолжува фејсбук тепачката со Зоран Заев

плусинфо — Fri, 05 Dec 2025 22:14:26 +0000

Видно вознемирен и нервозен по вчерашниот мој ФБ текст, денес се јави лично Зоран Заев, со негов ФБ текст. Досега се криеше зад партиските соопштенија, пресови и платени од него ботови и некои медиуми. Соопштенија кои најчесто лично ги диктира, пишува или нарачува преку Филипче. Колку и да се трудел да ја прикрие нервозата и вознемиреноста, таа лесно се чита низ неоснованите напади, навреди, клевети, и зајадливи коментари.

Јас не се сомневам дека тој лично го пишувал текстот. Вокабуларот е соодветен на неговото литературно ниво, за кое е оддамна јасно дека после лектирата “Зоки-Поки” во трето одделение, не губел многу време на книжевната лична надградба, за што од неговите поранешни изјави знаеме и дека е посебно горд, од времето кога возгорделиво крикна дека иако учел по 3-4 часа во училиштето, ете станал премиер, па што му фалело. Веруваше дека народот подзаборавил зошто и како тој стана премиер, кој го постави за марионетски премиер и каква работа требаше да заврши како награда за тоа. И ја заврши. Грција доби повеќе од што некогаш сонувала во 150 вековната борба за прашањето за македонскиот идентитет, име и историја. Секако, не бесплатно.

На темата дека купува железо од Русија, додека политички е жесток противник на Русија, не се осврна, бидејќи купува и тоа многу. Кажа само дека кога би бил жеден, сметал дека Русија не би му дала капка вода. Но јас не ја лоцирав неговата дволичност во правец дека Русија нешто му дала или би му дала.

Туку дека тој дава. Дава пари за да го купи железото и да го препродаде. Русите кои му продаваат, притиснати од санкциите, не знам дали и воопшто знаат кој стои зад фирмата купувач, со скриен сопственик.

Зошто Русија не би земала пари за огромните резерви природни метали со кои располага, а сега заради санкциите потешко ги продава?

Независно дали се оние 300 милиони евра во криптовалути кои Заев ги побара и Грција најде начин да ги обезбеди, како компензација дека ќе му се намалел угледот меѓу народот со потпишување на дефакто капитулацијата која ја именуваше како договор, бидејќи претходно ветуваше јавно дека нема да го направи тоа. Со прифаќање на се што побараа, и што претходно не им беше паднало на памет да побараат. Кој потоа не може да стане успешен бизнисмен во Дубаи? Зар јас не можев да прифатам или побарам такво нешто за трговија со националните интереси? Зарем Глигоров не можеше да ја прифати понудата за саатот, куферот пари и анфората?…

Или ако парите се обезбедени од оние кои додека беше функционер ги собираше во кеш како рекет од стотици компании.

Или пак се пари од продажбата на марихуана на црно во време кога 90% од фирмите кои имаа добиено лиценца беа негови или фамилијарни фирми, па потоа повеќето од овие фирми чија единствена вредност беше лиценцата доделена од владата ги нудеа за милионски суми на странски инвеститори, бидејќи сватија дека сериозно производство и меѓународна трговија со медицинска марихуана е многу сериозен бизнис и не е едноставен како рекетот од позиција на власт.

Или зошто би одбиле плаќање со пари од банка, обезбедени од времето кога ретко кој имаше можност да гради нешто посериозно, најпрвин во Струмица, а потоа и во државата ако за подизвадувач не е вклучена некоја од фирмите на Заев, фирми за кои секогаш во таа распределба одеше поголем дел од профитот, иако за сите други подизведувачи е поинаку, особено кога неговите фирми работеа во РЕК Битола. Формално работеле легално, но работата ја обезбедиле нелегално, со притисок од позиција на власт. Кој неможе да стане успешен бизнисмен на таков начин?

Заев има многу за давање, и нема причина руските продавачи на железо да не му ги земат парите ако ги дава да купи нешто од нив, со намера да го препродаде.

Тој како премиер не го трошеше времето во неговиот мандат за да создаде услови да се отворат нови 180 илјади работни места, па од 560 илјади вработени, Македонија да добие 720 илјади, како што беше во време на мојот мандат.

Во неговиот мандат, напротив, овој број се намали за неколку десетици илјади вработени, и сеуште таа бројка е пониска и треба време да се достигне.

Тој не бараше начин како да се реши полувековно напластениот проблем со дивоградбите, а потоа и со дворните места на сиромашниот народ, и да им помогне на граѓаните кои го гласаат да станат свои на своето за симболични парични износи кои можат да си ги дозволат.

Напротив тој беше од другата страна, од оние со дивоградби, но не беше со направена трошна куќа – дивоградба за да преживее семејството, туку од оние кои свесно злоупотребувале, свесно изграден огромен трговски центар во центарот на Струмица без дозвола за градба и поважно без платени комуналии. А дека е така, се потврди, дека штом започна да функционира Законот за дивоградбите, тој како градоначалник потпиша легализација на таа дивоградба, криминал заради кој Бранко Црвенковски претходно го амнестираше.

Тој не го трошеше своето време да направи денационализација на национализираниот имот на граѓаните од комунистичкиот режим, ниту на градба на автопати, но не му пречеше по една година не пуштање во употреба на 90% готов автопат, со чочек свечено да го отвара и лажно да се прикажува дека во негово време како премиер се организирала и завршила градбата.

Тој направи зделка, знаеме со кого.

Со еден вид државен удар да биде инсталиран за премиер, да му биде ветена неказнивост нему лично, што во превод значи гаранции дека за предавствата, кражбите и злоупотребите кои ќе ги направи за време на мандатот да не биде казнет. Бараше дури и да го наградат со Нобелова награда за мир, но во меѓувреме направи толку рекети и злоупотреби што тоа стана многу ризично за кој и да е.

Кога како млад човек тој копал на нивата во близина на родното село Муртино, и сонувал да биде бизнисмен и инвеститор во Дубаи. И стана.

Се согласи да си ја продаде нацијата, името, идентитетот и историјата на цел еден народ, на соседите.

За 300 милиони исплатени во криптовалути и за не казнивост за се што ќе разграби од фирмите и народот додека е премиер.

Денес во писмото кое го објавил напишал, и тоа често го потенцира, дека пред да влезе во политиката, тој веќе бил бизнисмен. Бил многу способен бизнисмен и така заработил многу пари.

Знаеме од него дека тој бил земјоделец и ситен трговец на мало со земјоделски производи, бизнис во кој го вклучил негов близок роднина.

Но, самиот Заев ни кажа дека Господ го црпнал од нивата. Значи, од нивата! Не кажа дека го црпнал од Дубаи или од некоја кула-висококатница за која полемизираше само за бројот на катови дека не бил најпрецизно кажан. Нити кажа дека го црпнал од некоја луксузна јахта во егејското море, ниту пак од Швајцарија или Туркменистан каде додека беше премиер и потоа градеше згради.

Познато е дека големите пари Заев не ги направи со чесно копање на нива. Знаат земјиделците во Македонија колку може да се заработи од тоа. Ниту од продавање на тезга во Горни Милановац.

Големите пари почнал најпрвин да ги прави кога поврзувајќи се со криминални структури во Струмица работел на почетокот ситна а подоцна и нешто покрупна лихва забранета со закон, а параван била отворената штедилница каде подоцна кога тој стана градоначалник на Струмица, ги праќаше уценетите локални бизнисмени да го предадат митото. И не бирале помали или поголеми кога требало да се даде “евро за Вицето, евро за црквата”, па и извесен Мичо бишкарот го пратиле во штедилницата. Како градоначалник покрај другото беше посветен и на делење стотици тендери на општината на блиски роднини и партиски блиски соработници во Струмица, што уште оддамна еден по еден беа објавени.

Но, така само почна. Потоа продолжи кога уште на почеток на мандатот како премиер сите македонски амбасадори ги внесе во луд натпревар кој повеќе од неговиот ајвар ќе продаде, толку повеќе мандат ќе добие.

Веќе следниот чекор беше директен рекет од компаниите, градежни подизведувачки работи, копање и продавање на јаглен во РЕК Битола и потоа на листата и нема крај.

Вели дека тој не губел време на мене, но јас сум имал вишок време и сум го посветувал на него.

Досега во животот ме напаѓале за многу работи и ми лепеле многу етикети, навистина многу. Единствено нешто што не ме нарекле е дека сум неработник. Не му е нему дали јас работам или не. Нервозата е што ја обелоденувам неговата дволичност, алчност, измамнички дух и навики, и секако неговите измами.

Пепел ја направи државата. Ни пола, ни цело дијаПАзамче не му помага на народот после него да ја преживее агонијата во која ја доведе земјата. “Си го фрли сидрото од скапата јахта на Халкидики за да го одвлече накај Персискиот залив”.

Навистина дел од моите согледувања се можеби посодржајни, а со тоа и поекстензивни, но јас не ни очекувам некој што не може да склопи проширена реченица или мисли дека “рибата смрди од опашката” да може да ги прочита. Не се за оние кои царевите од средновековието ги доживуваат како туристи, на пример, тој беше убеден дека „Цар Самуил је пуно шетао, а и Кирил и Методиј су радили исто такве ствари”.

Не е точно дека тој не пишува за мене. Не сметајќи некое можно попатно странично спомнување, последен мој текст пред овие два деновиве, што се однесувал главно на него е од пре 10 месеци.

Но, божем пензионираниот политичар, а всушност целосно вклучен во политиката од позадина, три недели по ред пишува соопштенија и текстови за прес конференции на СДСМ во кои се занимава со мене.

И потоа два мои текста на иста тема го доболеле.

Таму во СДСМ од доаѓањето на Филипче, една рака пишува соопштенија и текстови за прес конференции. И без информациите кои ги имам, се гледа по стилот, по вокабуларот кој е авторот. Нема во СДСМ дотолку неписмени луѓе да пишуваат такви соопштенија, и толку фрустрирани како Заев, во секое или во секое второ да ме напаѓаат мене со измислени работи, сега одкако десер години веќе не сум премиер.

Кутриот полн со злоба, а празен во главата напаѓајки ме, ми направи и по некој комплимент. Комплимент е на овие години ако не е така, некој коментирајќи го вашиот изглед да изрази убеденост дека истиот е таков заради некакви медицински или козметички интервенции.

Сакал да се покаже и малку вицкаст. Можел да смисли нешто ново од гулаш или ајвар.

Тресењето зелени и лажењето не е македонска традиција, како што ниту „холокаустот не е еврејска традиција” ама кој имал повеќе од четири часа на училиште знае.

Што да кажам на крај, освен „Доста си се чукао и ударао у градима нашима”, модрици ќе ти останат.

Де објасни за бизнисот со марихуана и вмешувањето на американската ДЕА. Де објасни за тендерите во РЕК и стотици криминали со твој потпис.

Кога веќе пишуваш соопштенија и пред конференции на СДСМ формално водена од Филипче, напиши нешто и за тоа.

Објасни како Кацарска ти доаѓаше на рапорт во кабинет за да и ги кажеш затворските казни на политички прогонетите твои политички противници, за што ја награди со титула претседател на уставниот суд.

Јас ли да објаснувам како се прикажуваше дека си спасител пред вознемирените семејства на дел од политички прогонетите, вртејќи пред нив телефони да ослободиш некој од притвор, и силно барајќи за против услуга да имаат лажно сведочење против мене. Испопаѓаа куп предмети досега заради непостоење на докази. Стразбур се чуди што си нарачувал, а ти уште се обидуваш да го командуваш обвинителството и судот.

Бил демократ. Се фалеше дека ќе си го отворел “суството ко пупка”. Демократ кој уапси, стави во притвор и им се закани со 20 години затворски казни на осум пратеници од опозицијата, за да ги принуди да гласаат промена на уставот заради смена на името, и за да ги земе парите кои ќе му го остварат дубајскиот сон додека копал на нивата, и продавал пиперки на пазар.

Иако со поголемо задоцнување, народот “при уши, не се направи слеп” па ве крена на клоци од власта и не знаете каде сте сега. Уште органите на прогонот да не се прават слепи.

The post „ЦРПНАТИОТ“ КУПУВА МНОГУ ЖЕЛЕЗО ОД РУСИЈА И ГО ПРЕПРОДАВА Никола Груевски со жесток удар ја продолжува фејсбук тепачката со Зоран Заев appeared first on plusinfo.mk.

Камерите се криви

Методија Анѓелкоски — Wed, 03 Dec 2025 10:24:29 +0000

Знаевте дека денот има 86.400 секунди? Некој знае, некој не. А кога тие 86.400 секунди ќе се поделат со 26.000 прекршоци, добиваме една бизарна равенка: на секои десет секунди, во просек, тројца во Скопје прекршуваат сообраќајно правило. Ако сакате симболика – ете ја, совршена дијагноза за нашата возачка култура. Но, наместо луѓето да кажат „ова е страшно, да видиме што не чини“, колективната енергија се истури во друга насока: камерите не биле прецизни, казните биле превисоки, а Safe City бил „нов рекет“. Нашата сегашна култура просто ни налага: ние сме совршени и безгрешни, „системот е погрешен“. Уште да сфатиме дека сме дел од системот, и имаме услов за градење нормална држава.

Што е со таа фамозна прецизност на камерите во однос на брзината? Кога ќе чуеш некој како тврди дека камерата греши 10 km/h, сфаќаш дека за него технологијата е мистична алатка што ја контролира длабока држава. Во реалност, камерите имаат строго дефинирана маргина на грешка – најчесто помала од 2% – и работат токму според европските стандарди што другите земји ги имаат усвоено уште на почетокот на веков. Никој не те казнува за 51 km/h на улица со ограничување 50. Те казнува ако тие 51 km/h се надвор од рамките на толеранцијата (што значи можеби си возел и со 53). Толеранцијата е вградена во системот, но кај нас е полесно да се посомнева во камерата отколку во сопственото возачко однесување. Како што реков: ние сме совршени, овојпат се криви камерите.

А што е со ситуацијата кога исто возило е снимено од две различни камери во краток временски интервал? Тоа е класичен пример каде што егзактноста мора да се сретне со правичноста. Во нормалните системи, ваквата ситуација се третира како еден продолжен прекршок, а не како два независни. За волја на вистината, не знам дали ова е решено во Safe City, па порака до инженерскиот тим, доколку не е – да се реши. Технички, спојувањето на овие два настани е банално: timestamp matching, 20 нови реда софтвер и здраворазумска логика. Но мора да биде пропишано законски. Кај нас, бидејќи сè е потенцијално „рекет“, мора да се елиминира секоја сенка на сомнеж – не само да биде правилно, туку и да делува така за јавноста. Строгост да, но удвојување без логика – никогаш.

Сега да ја разгледаме самата филозофија зад казнената политика… Ова е погрешно по дизајн, и сметам дека треба да се смени. Причината е едноставна: навлегуваме во суштинскиот апсурд – фиксни казни врзани за произволни опсези, наместо процентуално мерење. Така некој возел 62 km/h, друг 78 km/h – и двајцата влегуваат во ист „казнен опсег“ при ограничување од 50 (11 до 30 над дозволеното). Со оглед на тоа дека ја разбирам физиката, ќе спомнам само дека пренесената кинетичка енергија при судар е пропорционална со квадратот на брзината. Брзина од 62 има околу 50% можност за фатален крај на пешак, додека 78, овој процент скока на 75, според повеќето меѓународни студии за удар врз пешак! Тоа не е правичност, тоа е механичка администрација.

Ако сакаме нормален систем, треба да зборуваме во проценти. Ако камерата пријави +13%, а нејзината маргина на грешка е 2%, тогаш реалниот прекршок е +11%. Едноставно, математички, чисто. Нема простор за импровизација, расправии, за „јас не сум толку брз бе“. А бројките не се караат – само покажуваат. И казнената политика се врзува со тој процент, не со фиксна вредност. На пример, секој процент се наплаќа 30 денари (или половина евро, сеедно). Така, ако сте возеле 60 km/h (со вкалкулирани 2% грешка), тогаш сте возеле со 20% повеќе, односно казната би била 500 денари. Со ова се избегнува и огромната дискрепанција. Сегашното решение вели: при ограничување 50, ако возите со 80, казната е 45 евра; ако возите со 81 – казната е 300 евра! И тука не гледам правичност. Дискретниот модел мора да се замени со процентуален, или со комбинација процентуален плус екстреми (на пример, над 50% прекршокот важат други тарифи, веќе не е половина евро, туку едно евро и слично).

Што е со фиксните казни за други прекршоци – појас, светла, телефон, поминување на црвено? Тука проблемот е поинаков. И сè е своја приказна. Неносењето појас во град, каде просечната брзина е околу 28 km/h, не може да се третира исто како на автопат; ризикот е различен, ситуациите различни, а казната идентична. Може да се земе предвид дури и фактот дека неносење појас го става под ризик самиот возач повеќе отколку други лица, но не би го образложувал тоа. Згаснатите светла најчесто се заборав, не намера како брзото возење. Згаснати светла на високо осветлен булевар, лесно е да не се забележат од возачот. Тука повеќе би одел во насока на опомена, не казна (на пример СМС порака). Телефонот, пак, е нешто сосема друго – реална опасност, и таму казните треба да одат во спротивна насока: построго, не поблаго. Поминувањето на црвено е висок ризик, најчесто комбиниран со брзината, и треба да биде висока казна, можеби пропорционална со брзината. Во секој случај, фиксните цени за нееднакво ризични ситуации не прават систем; прават чувство на неправда.

И на крај, што е со најголемиот проблем – културата? Ако имаме 26.000 прекршоци дневно, просечно еден на секои три секунди, тогаш камерите не се проблемот. Камерите само го покажуваат она што одамна го знаеме, но избегнуваме да го признаеме. Нашиот возач не сака правило; сака исклучок. Во Македонија гинат 120 до 150 луѓе годишно. Болна вистина е дека третина од нив се помлади од 35 години. За илустрација: сите сме, со право, во шок од несреќите во Кочани, Ласкарци, модуларната болница и автобусот на Беса Транс, но игнорираме дека сите тие трагедии заедно даваат ист број жртви како што дава непрописното возење – секоја година. Повторувам: секоја година. И имаме дрскост и глупава смелост да коментираме дека „казните се големи“!

Да резимирам: Safe City е новороденче, и ќе има „детски болести“ што треба да се прележат. И секако ќе има инфантилни политичари кои ќе се обидат и од тоа да прават политички поени. Но Safe City не е скандал; скандал е што на политичката сцена има луѓе способни да го претстават редот и законитоста како закана.

The post Камерите се криви appeared first on plusinfo.mk.

🎥🤣ПА ОД КОГО ЌЕ ЗЕМАМЕ РЕКЕТ СЕГА?! Вештачката интелигенција откри што зборувал човекот од фотелјата кај Боки 13

плусинфо — Fri, 17 Oct 2025 10:07:00 +0000

Имало и вистински снимки. На нив ќе почекате малку…

The post 🎥🤣ПА ОД КОГО ЌЕ ЗЕМАМЕ РЕКЕТ СЕГА?! Вештачката интелигенција откри што зборувал човекот од фотелјата кај Боки 13 appeared first on plusinfo.mk.

НОВ СКАНДАЛ СО РЕКЕТИРАЊЕ БИЗНИСМЕН, ПОД ИСТРАГА Е ПОЗНАТ СКОПСКИ АДВОКАТ Под лупа се и Катица Јанева, Боки 13 и обвинителите Стефанова и Рустеми

плусинфо — Sun, 07 Sep 2025 11:03:48 +0000

Познат скопски адвокат кој има блиска роднина на моќна позиција во Скопскиот кривичен суд е дел од новиот случај на рекет кој го истражува обвинителството, открива МКД.

Ова за порталот го тврдат вработени во поранешното Специјално јавно обвинителство кои ги знаат релациите меѓу Бојан Боки 13, Катица Јанева и адвокатот инволвиран во случајот кој сега го истражува Јавното обвинителство.

Според написот, во случајот, се инволвирани и поранешната обвинителка Катица Јанева од некогашното СЈО, обвинителите Лиле Стефанова и Бурим Рустеми и се испитува евентуалната вмешаност на Бојан Јовановски, познат како Боки 13.

The post НОВ СКАНДАЛ СО РЕКЕТИРАЊЕ БИЗНИСМЕН, ПОД ИСТРАГА Е ПОЗНАТ СКОПСКИ АДВОКАТ Под лупа се и Катица Јанева, Боки 13 и обвинителите Стефанова и Рустеми appeared first on plusinfo.mk.

📽️ НА АЛКАРАЗ МУ ТРЕБАА САМО 104 МИНУТИ ДО ОСМИНАФИНАЛЕ Брутални 6-0 против Дардери во последниот сет

плусинфо — Fri, 29 Aug 2025 20:41:03 +0000

Карлос Алкараз му дозволи само 6 гејма на Италијанецот Луијано Дардери кој заврши по 104 минути, јави „Марка“. Вториот рекет на светот ги реши сите три сета со импресивна леснотија: 6-2, 6-4 и неверојатни 6-0.

Шпанецот имаше најголема борба во вториот сет, каде Дардери се обиде да му парира, но неуспешно. Последниот сет го доби без загубен гејм, што е редок подвиг на Гренд слем турнирите во елиминациска фаза.

– Мојата игра беше цврста, се чувствував одлично на теренот – соопшти Алкараз по мечот.

Следната негова пречка ќе биде победникот од дуелот меѓу Французите Бонци и Риндернек. Според тениските аналитичари, ниту еден од нив не делува како реална закана за формата која Алкарас ја покажува во Њујорк.

The post 📽️ НА АЛКАРАЗ МУ ТРЕБАА САМО 104 МИНУТИ ДО ОСМИНАФИНАЛЕ Брутални 6-0 против Дардери во последниот сет appeared first on plusinfo.mk.

📽️ ПРВИОТ РЕКЕТ НА ЃОКОВИЌ БИЛ РОЗЕВ, МОЖНО Е ДА Е СОЧУВАН Познатиот тенисер се присети на детството

Панорама — Thu, 28 Aug 2025 13:15:45 +0000

По победата над Захари Свајда на Отвореното првенство на САД, Новак Ѓоковиќ ги сподели своите спомени од раните денови од својата кариера. Тој се присети на Копаоник и на својот прв рекет, кој го добил од родителите кога имал само 4 години. Рекетот го претставувал почетокот на неговото патување во светот на тенисот.

Овој рекет не бил само обичен предмет. Тој ги симболизирал соништата и амбициите на едно момче од Белград кое сакало да стане најдобар играч. Сепак, Новак признава дека не знае каде е тој рекет денес.

– Го добив мојот прв рекет од моите родители кога имав четири години на Копаоник. Искрено, не знам каде е тој рекет сега, мислам дека е кај мајка ми. Беше шарен, некоја розова и бела боја. Така се облекував, тоа беа деведесеттите. Ги имитирав тенисерите, тој одреден код, или став или пристап. Како дете, многу брзо го апсорбираш тоа. Не станува збор само за играње и подобрување на моите удари, туку за следење на движењата и гестовите на врвните шампиони. Така дојдоа моите имитации – изјави асот.

Ѓоковиќ го победи 145-тиот светски тенисер Закариј Свада со 6:7 (5-7), 6:3, 6:3, 6:1 во второто коло на Отвореното првенство на САД.

– Не сум задоволен од мојата игра, особено на почетокот, но победа си е победа. Не ѝ гледаш во лице на победата. Тоа беше прв пат да играм против него и секогаш е малку непријатно на почетокот, сè додека не се навикнеш на темпото, тактиката и брзината на шутот. Различно е кога гледаш некого и го анализираш, а кога си на терен со него и се навикнуваш на тоа низ играта. Она што ми го отежнуваше беше тоа што не се чувствував добро на теренот, во однос на играта, координацијата и рамнотежата, направив многу грешки. Ми требаше време да го пронајдам мојот ритам, па тој имаше повреда што му го отежнуваше сервирањето, а тоа ми олесни и ми помогна да го пробијам тој стрес и блокада што ја имам и да играм подобро. Ќе биде подобро, знам дека можам подобро, и се надевам дека ќе биде подобро – објасни познатиот тенисер.

The post 📽️ ПРВИОТ РЕКЕТ НА ЃОКОВИЌ БИЛ РОЗЕВ, МОЖНО Е ДА Е СОЧУВАН Познатиот тенисер се присети на детството appeared first on plusinfo.mk.

📷 СПОРТСКА ФОТОГРАФИЈА ВРЕДНА 1.000 ЗБОРОВИ Овековечен мигот кога Јасмин Паолини ѕирка низ рекетот

плусинфо — Wed, 27 Aug 2025 19:20:37 +0000

Италијанскиот фотограф Реј Губило го овековечил неверојатен момент во светот на тенисот – лице што изгледа како да носи маска направена од сопствениот рекет. Снимена на Отвореното првенство на САД, фотографијата ја прикажува италијанската тенисерка Јасмин Паолини во миг кога нејзиниот рекет совршено ги следи контурите од лицето.

„Шансите да се фати ваков кадар се речиси нула“, напиша Губило на својот профил на Инстаграм, додавајќи дека станува збор за „една од најчудесните фотографии што ги направил во кариерата“.

When your name is Ray Giubilo and you shoot at the #USOpen2025 one of the sports pictures of the year. pic.twitter.com/2Wtgu1vr5B

— Clay (@_claymagazine) August 26, 2025

Милиони гледачи на интернет ги преплавија социјалните мрежи со коментари, а најчесто се повторуваше фразата: „Една во милион фотографии“. Некои дури ја споредија фотката со оптичка илузија.

„Гледате лице, па потоа рекет, па пак лице. Ова не е само фотографија, ова е оптичка игра“, напишал еден корисник на социјалната мрежа Икс.

„Не се работи само за спортски кадар, туку за уметност која настанала во една милисекунда“, пишува во соопштението на Американската тениска асоцијација.

The post 📷 СПОРТСКА ФОТОГРАФИЈА ВРЕДНА 1.000 ЗБОРОВИ Овековечен мигот кога Јасмин Паолини ѕирка низ рекетот appeared first on plusinfo.mk.

ЛАЖНО СЕ ПРЕТСТАВУВАЛ ВО ИМЕ НА МИНИСТЕР И ОБВИНИТЕЛИ, ИЗНУДИЛ 1,5 МИЛИОНИ ДЕНАРИ На рекетар му се заканува затворска казна

плусинфо — Thu, 21 Aug 2025 12:08:47 +0000

Лице во четири наврати на локации во Скопје му исплатило милион ипол денари на човек кој му се заканувал дека ќе поведе судска постапка против него, соопшти Основното јавно обвинителство.

Јавниот обвинител до судија предложи притвор за, како што се вели во соопштението „заканувачот кој во повеќе наврати од различни телефонски броеви, претставувајќи се во име на министерот за внатрешни работи и тројца јавни обвинители, преку пораки го контактирал осомничениот и ги барал од него паричните средства со цел да биде изземен од обвинение, односно да не биде спроведена постапка против него“.

Според соопштението, изнудувачот го познавал лицето од претходно.

Јавниот обвинител донесе одлука да поведе истрага за изнуда, бидејќи од преземените дејствија на осомничениот произлегува дека тој користел сериозна закана да го присили оштетениот да стори нешто на штета на својот имот.

За ова дело е предвидена построга затворска казна која изнесува најмалку една година, а може да биде изречен и законскиот максимум.

Обвинителот ги разгледал прибавените докази од полицијата откако претходно во Министерството за внатршени работи била поднесена пријава за кривично дело измама.

„Пријавениот, во периодот од 15.07.2025 до 28.07.2025, со намера да се стекне со противправна имотна корист, уверувал едно лице дека против него ќе биде поведена судска постапка доколку не исплати околу 1.500.000 денари“, се вели во написот на ОЈО.

The post ЛАЖНО СЕ ПРЕТСТАВУВАЛ ВО ИМЕ НА МИНИСТЕР И ОБВИНИТЕЛИ, ИЗНУДИЛ 1,5 МИЛИОНИ ДЕНАРИ На рекетар му се заканува затворска казна appeared first on plusinfo.mk.

РЕКЕТ НА ЛЕГЕНДАРНИОТ НАДАЛ Е ПРОДАДЕН ЗА РЕКОРДНИ 157.300 ДОЛАРИ Шпанецот играше со него во финалето на Ролан Гарос

МИА — Tue, 10 Jun 2025 09:57:00 +0000

Рекет на тенисерот Рафаел Надал е продаден на аукцијата, организирана од компанијата „Престиж меморабилија“, за рекордни 157.300 долари, објави каналот „ЕСПН“.

Со овој рекет Шпанецот играше во финалето на Ролан Гарос во 2017 година, каде што го победи Швајцарецот Стен Вавринка во 3 сета и по 10. пат во кариерата го освои турнирот.

Цената е највисока во историјата на продажба на тениски рекети на аукција.

Претходниот рекорд му припаѓаше и на рекетот на Надал од финалниот меч на Австралија опен во 2022 година против Русинот Даниил Медведев (2:6, 6:7, 5:7, 6:4, 6:4, 7:5). Во 2023 година беше продаден на аукција „Sotheby’s“ за 139.700 долари.

The post РЕКЕТ НА ЛЕГЕНДАРНИОТ НАДАЛ Е ПРОДАДЕН ЗА РЕКОРДНИ 157.300 ДОЛАРИ Шпанецот играше со него во финалето на Ролан Гарос appeared first on plusinfo.mk.