Шаќири во пораката вели дека Курбан Бајрам е голем празник затоа што содржи многу историски и општествени димензии со извонредно значење за човештвото воопшто, и особено за верниците.

– Во овие денови заврши објавувањето на Светиот Куран, со кој Исламот како вера и систем на живот, за сите времиња и места, ја доби својата последна форма. Се извршува петтиот исламски услов – Хаџ, и во текот на Курбан Бајрам се извршува задачата за колење на курбани, што е главната порака за афирмација и зајакнување на човечкото суштество. Ова е потврдено со случајот на Ибрахим (а.с.), кога тој сакаше да го исполни ветувањето дадено на Бога, го зеде својот син да го жртвува во Негово име, во тој момент, наместо неговиот син, му беше даден животно за курбан. Овој чин уште еднаш, конкретно и одлучно ја нагласи и ја докажа вредноста и достоинството на човекот кон другите суштества – вели во пораката реисот.

Тој додава дека празникот на Курбан Бајрам е празник на голема радост затоа што со актот на колење на курбан верникот се издига високо покажувајќи вистинска покорност во еден Бог, и негува висок морал, надминува на страста и емоциите.

– Со курбанот колен заради Бога, имаме за цел да надвладееме над нашите страсти – вели Шаќири.

Шаќири од свое име и од име на Исламсната верска заедница упати честитки до сите верници во земјата и надвое од неа.

– Молејќи се на Семоќниот Алах на овој благословен празник да ги прифати нашите курбани и нашите ибадети, да го зајакнеме мирот во светот, да го елиминираме злото меѓу луѓето, да издржиме разни предизвици и искушенија во животот, особено семејствата на жртвите на трагичната болест ковид-19. Нека Аллах нè благослови со своите бесконечни благодети. Бајрам мубарек олсун! – наведува во честитката Реисот, Фетах Шаќири.

The post Реис Фетах Шаќири по повод Курбан Бајрам: Да издржиме разни предизвици и искушенија во животот, особено семејствата на жртвите на трагичната болест ковид-19 appeared first on plusinfo.mk.

– Настана ненамерна гршка на пи-ар тимот кога го пишувале соопштението, така што моите ставови за осуда на извиците „УЧК“ и „Голема Албанија“ на протестот за случајот „Монструм“ ги навеле како заеднички ставови со реисот Шаќир Фетаи. Тоа се мои, лични ставови. Со реисот зборувавме за верата и влијанието на верските организации врз мирот и соживотот. Тимот при пишување на соопштението ненамерно згрешил, а јас бидејќи бев во движење не успеав да го прочитам пред да биде пуштено за објава. Со реисот имавме конструктивен разговор. И тој е на позициите дека треба да работиме на процесот на помирување и соживот помеѓу сите заедници и на намалување и искоренување на меѓуетничката омраза, процес во кој сите верски заедници може да помогнат со своето големо влијание и дека не треба да се провоцира и протестите да се користат за разгорување на омраза меѓу заедниците – ни изјави Ангелов.

Тој вели дека со ненамерната грешка го довеле реисот во ситуација да се правда. Ангелов потенцира дека е во дводневна посета на Тирана и дека затоа не можел веднаш да реагира и да ја објасни грешката на пи-ар тимот.

По средбата помеѓу Ангелов и реисот, од ЦУК информираа дека заеднички ги осудиле скандирањата.

Реисот на Фејсбук напиша дека на 2 февруари на барање на директорот на ЦУК имало средба, но објаснува дека тој не стои зад осудата.

Тој вели дека на состанокот разговарале за состојбата на криза прогласена од државните институции како резултат на справување со глобалната пандемија на ковид-19, како и за меѓуинституционалната соработка во итни ситуации како што се земјотреси, поплави, пожари, итн. Тој вели дека е поздравена вистинската соработка и поддршка што институцијата ИВЗ ја обезбедува за благосостојбата на населението во РCМ за време на кризни ситуации, како и помошта што таа ѝ ја дава на државните институции за справување, што е можно поуспешно, со вакви ситуации и во интерес на мирот, стабилноста и социјалната благосостојба.

„Во едно мултиетничко и мултиконфесионално општество, како што е РСМ, толеранцијата, соработката и меѓусебното почитување е основа врз која мора да се гради заедничка демократска држава на законот и редот, каде што правата и слободите на секој граѓанин мора да бидат загарантирани, без оглед на националноста или верската припадност. Судските процеси поставени на етничка или верска основа не смеат да се дозволи да ги уништуваат судбините на невините индивидуи и на демократското општество како целина. Правото на протест и изразување на слободна мисла се демократски вредности и непобитен дел од основните права на човекот, општеството и индивидуата. Затоа, треба да се осуди секоја тенденција  овие права да се ограничат или злоупотребат за тесни приватни интереси и провокации.
Во исто време, нагласуваме за јавноста дека националните и историските вредности, како што се оние на ОНА – Ослободителна народна армија – или други организации, не биле, и не можат да бидат тема на разговорот на оваа средба. Обидот да се земе дел од оваа средба надвор од контекст е пристрасно и злонамерно. Секако дека е непобитен факт дека ОНА е вредноста што го смени политичкиот и правниот статус на Албанците и, зошто да не, и на сите други заедници во РCМ, што резултираше со потпишувањето на Охридскиот меѓународен мирoвен договор, кој беше вграден во Уставот на РСМ и го отвори патот за реформскиот процес кон евроатлантските интеграции (ЕУ и НАТО) на РСМ“, напиша реис ул улема на ИВЗ Шаќир еф. Фетаи.

The post Ангелов: Јас го осудив скандирањето „УЧК“, а не реисот, кој мораше да се правда appeared first on plusinfo.mk.

Аангелов изразил задоволство од воспоставената директна комуникација и големото заедничко разбирање и настојувања за продуктивна и мирна иднина на државата што е во корелација и со целокупниот Државен врв, нагласуваќи неколку важни работи коишто, како и што се согласија тројцата соговорници, се во полза на сите граѓани и како активности не треба да сопрат, се вели во соопштението.

– Продолжување на процесот на помирување меѓу дел од Македонците и дел од Албанците во Македонија. Искоренување на меѓуетничкото насилство кај младите, за во секојдневието на улица, да не наседнуваат на меѓуетничките повици на омраза коишто се зло за сите граѓани во државата. Заедничкото осудување на радикаизмот и национализмот, како на пример, неодамнешното скандирање „УЧК-УЧК“ и „Голема Албанија“ на каков било митинг, протест или настан, бидејќи тоа директно го дефокусира вниманието од целта на настан, протестирање и ја подгрева меѓуетничката нетрпериливост и омраза, а секако и работење постојано на процена на ризиците по безбедноста што се и дел од работата на ЦУК, во соработка со сите релевантни чинители во општеството и во Системот за управување со кризи – вели Ангелов.

Реисот изразил задоволство од добрата соработка што ја имале со сите официјални претставници на државата, а сега и со Центарот за управување со кризи. Тој посочил дека секој радикализам е штетен и за верата и за државата и дека треба со зеднички напори да се настојува за мир и соживот, а особено да се реализираат и активности во правец да не се дава легитимитет на радикални групации. Тој посочил дека: „Добриот човек е добар човек, без разлика на неговата вера и нација“.

The post Ангелов и реисот Шаќир Фетаи го осудија скандирањето „УЧК, УЧК“ и повиците „Голема Албанија“ appeared first on plusinfo.mk.

„Да, Ние ти дадовме добро изобилно. Па, клањај Му се на Господарот твој и заколи курбан! Оној што те мрази ќе остане без помен, навистина!„  (Ел-Кевсер, 1-3), со овие зборови од Светата книга Коранот, в.д Реисул улема на Исламската верска заедница во Република Северна Македонија, Фетах Шаќири ја почнува честитката упатена до верници за утрешниот празник Курбан Бајрам. Според него со честувањето на овој празник верниците од придружуваат на радоста на целиот исламски свет.

– Овој е голем празник, затоа што во овие денови заврши објавата на Светиот Куран, кој го заокружи исламот како последна религија во историјата на човештвото и стана концепт на животот за сите времиња, простори, народи и места каде што таа се практикува. Она што го прави овој празник да биде најголем е тоа што во овие денови на овој празник се обавува петтиот исламски столб – Хаџ, како верска обврска за секој муслиман, кој е ментално, морално и материјално способен – вели Шаќири.

Oна што го прави овој празник уште поголем е извршувањето на задолжителната обврска – што е на ниво на ваџиб – колењето на курбани од страна на верниците кои имаат материјална можност.

– Колењето на курбан не е, едноставно, ритуал без никакво значење; поточно, тоа е длабока работа, со неисцрпно значење. Да се ​​понуди жртва значи дека верникот има најголема подготвеност да биде подготвен во секој момент да го искористи богатството што му е дадено од Семоќниот Аллах во служба на Семоќниот Аллах. Во исто време, колењето на курбан е најголем гест на грижата за човекот, како најголемо дело на Бога, а споделувањето на неговото месо претставува солидарност во дело за да сее радост во овој голем ден на сиромашните, на семејството, на роднината, на пријателот, на соседот, како и на сите оние кои го опкружуваат без оглед на верска и национална припадност – посочува Шаќири.

Деновите на Курбан Бајрам се одбележани, незаборавни денови на љубовта кон Бога и човекот. Затоа, нека биде прослава на нашата заедничка радост, мир, солидарност, благосостојба и братство меѓу себе; прослава на взаемно помирување, почит едни кон други, наведува во својата честитка Реисот, Фетах Шаќири.

The post Реисот Фетах Шаќири упати порака по повод Курбан Бајрам appeared first on plusinfo.mk.

Вршителот на должноста претседател на ИВЗ, реисот Шаќири, уште истакна дека оваа институција се залага за целосна транспарентност кон медиумите и јавноста.

– Ние ќе бидеми отворени за сите медиуми. Ќе имате можност да поставувате какви прашање сакате. Ние ќе соработуваме со сите албански, турски, македонски медиуми. Моментално сме многу зафатени со делегации. Десет дена поминаа откако ја презедов функцијата. Ви ветувам дека ќе бидеме многу отворени со аргументи. Но, бараме да имаме искрен однос со вас, без некоја предрасуда – рече Шаќири.

Тој додаде дека медиумите ќе бидат поканети на сите настани на ИВЗ. Меѓутоа, вршителот на должноста реис на ИВЗ, не одговори од кои причини е отстранет поранешниот реис, Сулејман Реџепи. За разлика од неговиот претходник кој после молитвата на Рамазан Бајрам, го прогласи корона вирусот за мртов, Шаќири, истакна дека ИВЗ од првиот момент била во служба на олеснување да се надмине оваа болест.

– Ние сме верска институција и не сме компетентни да зборуваме дали болеста е вистинска или не е вистинска. Институции кои се професионални и компетентни потврдија дека во некои делови на државата вирусот почнал пак да се шири со поголема брзина. Јас апелирам уште повеќе да бидеме сериозни, одговорни и да дадеме придонес за што побрзо да излеземе од оваа состојба – рече Шаќири.

Тој потенцираше дека во сите џамии се почитуваат мерките за заштита од ковид-19.

The post В.д. реисот рече дека не е компетентен да зборува дали вирусот е вистински или не appeared first on plusinfo.mk.

„Последните денови во јавноста се пласираа редица дезинформации и се одвиваше кампања што јас ја сметам за нецивилизирана, а која што се однесуваше на мојата личност при што се нанесоа сомнежи на мојата активност и ангажирање на чело на ИВЗ.. Како верски водач и човек, длабоко сум трогнат од оваа навредлива кампања, но во ниту еден момент не го оспорив правото на кој било да го изнесе своето мислење и став, свесен и уверен дека единствениот и конечен судија за делата на секој човек е и ќе биде секогаш единствениот семоќниот Алах“, пишува Реџепи.

Во врска со своето работење на чело на ИВЗ, Реџепи вели дека било во функција на подигање на  квалитетот на исламското верско образование и подигање и ревитализација на стотици џамии.

„Ја известувам јавноста дека поднесувам неотповиклива оставка од функцијата ренсул Улема на ИВЗ, нагласувајќи при тоа дека за мојата досегашна работа одговарам пред Бога и спремен сум да одговарам пред Законот“, напиша Реџепи.

The post Реџепи: Подготвен сум да одговарам пред Бога и законот appeared first on plusinfo.mk.

Поглаварот на исламската верска заедница на Македонија, реисот Сулејман Реџепи денеска пред џамијата на Мустафа Паша во Скопје го честиташе празникот Фитер Бајрам и порача дека вирусот ковид-19 е мртов, пренесува „ТВ 21“.

– Очекуваме во наредниот период секогаш лошото да го победуваме и да знаете дека ковид-19 може слободно да го прогласам дека е умрен од денеска со оглед на тоа дека го победивме и заради тоа сме тука – посочи тој.

The post Реисот Сулејман Реџепи: Ковид-19 е умрен од денеска (ВИДЕО) appeared first on plusinfo.mk.

Јетиши е активистка на ДУИ во Студеничани.

Од партијата потврдуваат дека Јетиши е новата сопруга на реисот кој има 74 години.

Фото: Tetovasot

The post Реисот Реџепи по вторпат застана на лудиот камен, се ожени со 50 години помлада жена appeared first on plusinfo.mk.

Денеска телефонски разговарав со поглаварот на Македонската Православна Црква – Охридска Архиепископија, Митрополит Скопски, Архиепископ Охридски и Македонски и на Јустинијана Прима, г.г. Стефан, како и со поглаварот на Исламската Верска Заедница, Реис Ул Улема хаџи Сулејман ефенди Реџепи. И, на двајцата лидери им ги пренесов моите ставови и загриженост во врска со вчерашните случувања во Струга, како и за најавата на ИВЗ дека ќе ги отворат верските објекти на 12 мај, информира претседателот на државата Стево Пендаровски.

– Како претседател на сите граѓани им укажав на верските лидери дека од нив очекувам како и досега да повикаат на одговорно однесување на граѓаните за време на верските празници, како и да го осудат секое однесување спротивно на мерките пропишани од државните органи.

Една од клучните работи што ни ги покажа пандемијата со ковид-19 е дека без разлика на која заедница припаѓаме, сите еднакво сме под ударот на коронавирусот.

Мерките кои се воведени за заштита од пандемијата, не забрануваат на ниту еден граѓанин да ја практикува својата религија. Но, она што мораше да се ограничи и уште е ограничено, се масовните собирања по повод кој било верски празник, како и верски обичаи.

Ги повикувам надлежните институции да постапуваат соодветно, во рамки на одговорностите кои ги имаат за одржување на стабилноста. На сила е вонредна состојба, пандемијата на ковид-19 уште трае, а здравствените работници неуморно и со натчовечки напори секојдневно се ангажирани за лекување на нашите сограѓани кои се заразени.

Вложивме многу за да ги избегнеме негативните последици со кои се соочија многу земји каде што имаше голем број на жртви и кои доведоа до затворање на храмови и светилишта како во христијанскиот, така и во муслиманскиот свет.

Во интерес на сите граѓани, а со цел што поскоро надминување на состојбите побарав од поглаварот и од реисот да делуваат превентивно и да не ги поттикнуваат собирите на големи групи верници – вели Пендаровски во изјавата.

The post Пендаровски: Поглаварот и реисот да делуваат превентивно и да не ги поттикнуваат собирите на големи групи верници appeared first on plusinfo.mk.