Европската агенција за лекови (ЕМА) ја одобри вакцината против ковид-19 на американската биотехнолошка компанија „Новавакс“. Ова е петта вакцина одобрена во ЕУ од почетокот на пандемијата, по оние на „Фајзер/Бионтек“, „Модерна“, „АстраЗенека“ и „Џонсон и Џонсон“.

ЕМА соопшти дека вакцината можат да ја користат сите лица со 18 и повеќе години. Одлуката треба да ја потврди Европската комисија и таа следува додека Европа се бори со брзото ширење на сојот омикрон. „Новавакс“ кажа дека моментално ја тестира делотворноста на вакцината против овој сој.

Вакцината на „Новавакс“ е заснована на протеин и е налик на оние што низ светот се користат како заштита од многу детски болести. Според компанијата од Мериленд, вакцината покажала ефективност од 90,4% на тестирањата во Северна Америка.

The post УШТЕ ЕДНА ВАКЦИНА ДОБИ ЗЕЛЕНО СВЕТЛО „Новавакс“ е петтата која е одобрена од ЕМА appeared first on plusinfo.mk.

Авионот на Боинг – 737 Макс беше повлечен од употреба во март минатата година по две сериозни несреќи во кои загинаа вкупно 346 лица. Идентификувани се технички неправилности и регулаторите го тестираат за да проверат дали може повторно да лета.

– За првпат по година и пол, можам да кажам дека на повидок е крајот на работите врз Макс, изјави Патрик Ки, извршен директор на европскиот регулатор.

ЕАСА очекува да ја укине техничката забрана „кратко време“ откако американскиот регулатор ќе го стори тоа, веројатно во ноември, но дозволите за работа за некои земји потребни за авиокомпаниите да продолжат да летаат во Европа може да траат подолго, рече Ки.

– Очекуваме ова да биде сторено во ноември, вели тој. – На Кина ќе и треба повеќе време, додаде тој, без да навлегува во детали.

The post Боинг 737 Макс добива дозвола за летање од ЕУ appeared first on plusinfo.mk.