Анџелина Џоли пристигна во Украина како амбасадор на УНИЦЕФ, а во вторникот го посети Херсон, град на првата линија на одбраната на Украина против Русија. Ова е нејзина втора посета на Украина од 2022 година, кога го посети Лавов.

Висок украински функционер изјави за POLITICO дека се случил инцидент помеѓу член на нејзината придружба и локални воени регрутери на контролен пункт. Украинските власти се обидуваат да утврдат што точно се случило. Службеникот, исто така, рекол дека Џоли не ја известила украинската влада за нејзината намера да ја посети земјата и дека влегла во Украина пеш.

Копнените сили на украинската армија објавија соопштение во кое открија детали за инцидентот. Во нив се тврди дека регрутираното лице бил возачот на Анџелина. Изјавата подоцна беше избришана, а властите тврдат дека не можат ниту да потврдат ниту да негираат што точно се случило.

– Информациите што се шират во медиумите се искривени, истрагата е во тек и сите околности моментално се разјаснуваат – рекле тие.
Регионалната канцеларија за воено регрутирање на Николаев го потврди инцидентот за POLITICO, велејќи дека возачот на Џоли бил воен резервист и му било наредено да се јави на воена обука. Не е познато дали веднаш бил испратен на обука, а претставникот на Анџелина Џоли одби да го коментира случајот за јавноста.

Локалниот портал Никвести објави видео од Џоли во Николаевската област, а шпекулациите за инцидентот се проширија на социјалните мрежи.

The post АНЏЕЛИНА ЏОЛИ НЕНАЈАВЕНО ВО УКРАИНА Холивудската ѕвезда влегла во земјата пешки, а потоа избувнал невиден скандал appeared first on plusinfo.mk.