Компанијата КАМ повторно го потврдува реномето на еден од најпосакуваните работодавци во земјава и во пресрет на летната сезона ќе им го исплати првиот дел од регресот за годишен одмор од 46.000 денари на сите вработени.

Износот овојпат е речиси трипати повисок од законски утврдениот минимум, но оваа практика компанијата ја негува долго време и секоја следна година обезбедува поголема поддршка за својот тим составен од над 1.400 луѓе.

Регресот за 2025 е највисокиот досега и е признание за вложениот труд и лојалноста на вработените, а ќе биде исплатен во три дела – во текот на летниот период, во октомври и во декември.

– Наша компаниска мисија е да создаваме средина во која луѓето ќе се чувствуваат ценети поддржани и мотивирани. Со исплатата на рекорден регрес и постојано унапредување на бенефициите, испраќаме јасна порака – дека вреднувањето на трудот и грижата за тимот остануваат во сржта на нашето работење. Веруваме дека задоволниот вработен е и најдобриот амбасадор на компанијата – велат од КАМ.

Според новите податоци достапни на „Бизнис Мрежа“, КАМ и во 2024 година ја задржува позицијата на работодавец со најмногу вработени помеѓу трговските синџири во Македонија и воедно е предводник по висината на просечната плата во истата категорија.

Компанијата ја доби и наградата за најпосакуван работодавач за 2024 во категоријата маркети која ја доделува vrabotuvanje.com.mk

Покрај финансискиот аспект, КАМ постојано ги надградува и бенефициите за своите вработени – меѓу кои се издвојува и попустот за одмор во хотелот „Вилиџ“ во Охрид, особено популарен во летниот период. Воедно, компанијата вложува во човечкиот капитал и со постојано зголемување на платите, подобрување на условите за работа и редовни обуки за професионален развој.

КАМ останува посветен на градење силна, стабилна и човечки ориентирана организација, каде што секој поединец е важен и препознаен.

The post КАМ ЌЕ ИМ ИСПЛАТИ РЕКОРДЕН РЕГРЕС ОД 46.000 ДЕНАРИ НА СВОИТЕ ВРАБОТЕНИ Износот расте од година во година appeared first on plusinfo.mk.

Во овој месец инспекторите извршиле вонредни инспекциски надзори кај вкупно 230 работодавачи по пријава на работници дека не им е исплатен регрес на годишен одмор.

– Донесени се вкупно 68 решенија за отстранување на недостатокот, односно за исплата на регрес, од кои 65 се со инспекциска мерка опомена и 3 се со наредба – информираат од трудовиот инспекторат.

Податоците покажуваат дека најголемиот дел од поплаките на работниците се однесуваат за приватни работодавачи, но има и неколку од јавниот сектор.

Од инспекторатот велат дека и во текот на овој месец ќе се вршат контроли за исплата на К-15.

Законот утврдува казна затвор од една година за работодавачите кои не исплатиле регрес за годишен одмор или го исплатиле и потоа го побарале назад.

Од синдикатите велат дека речиси сите приватни компании во кои постојат синдикални организации исплатија законските суми на регресот, освен во компаниите каде што се исполнети услови за намален износ поради финансиски проблеми. За нив е дадена согласност и од синдикатите.

Тешко се доаѓа до податоци колку од компаниите во приватниот сектор кои немаат синдикални организации исплатиле регрес за годишен одмор.

Во јавниот сектор, пак, проблемот на исплата на регрес за годишен одмор произлегува од фактот што не е потпишан општ колективен договор за јавен сектор, ниту пак има колективни договори по гранки. Регрес за годишен одмор добиле вработените од јавниот сектор кои се членови на синдикатот на УПОЗ и тоа во износ од 9.000 денари како што е договорено во колективниот договор. Од УПОЗ велат дека вработените во овие државни институции примиле К-15 и за 2020 година како резултат на голем број тужби на вработените.

Според членот 35 од Општиот колективен договор за приватниот сектор од областа на стопанството, регресот за годишен одмор се исплатува во висина од најмалку 40% од основицата, под услов работникот да работел најмалку 6 месеци во календарската година кај ист работодавач.

Основицата за пресметување на надоместоците на работниците претставува просечната месечна нето-плата по работник исплатена во последните три месеци.

Кај работодавачите во кои нема формирано синдикат спогодбата се потпишува со избран претставник од работниците.

The post 68 РАБОТОДАВАЧИ СЕ ПРДУПРЕДЕНИ ДЕКА НЕ ИСПЛАТИЛЕ К-15 Инспекторите посетиле 230 фирми за кои имало поплаки од работници appeared first on plusinfo.mk.

За ваквото однесување на работодавачите се предвидени и затворски казни од 3 месеци до 1 година, но тоа веројатно не ги плаши. Досега, според податоци на синдикатите, инспекторатот за труд изрекол 188 казни за неправилности при исплата на К-15.

Од Сојузот на синдикатите (ССМ) посочуваат дека во првата половина од годинава повеќе од 4.400 работници се пожалиле дека им е прекршено правото да земат К-15, а до крајот на годината се очекуваат и нови поплаки. Но, дури во следната година ќе се знае конкретно кои компании и колкав износ исплатиле за регрес.

Кај другите синдикални здруженија, поплаките се очекуваат на крајот на годината, кога и последниот рок ќе биде пробиен.

Малверзации има, како и секогаш: Од Конфедерацијата на слободни синдикати (КСС) велат дека моментално не располагаат со податоци колку од работниците во јавниот и приватниот сектор кои се синдикално здружени кај нив, зеле К-15. Но, проблеми во исплатата има како и секогаш.

– Рокот на исплата на оваа обврска за работодавачите тече и се надеваме дека нема да има жалби од работниците за неисплатен регрес. Кај нас обично работниците чекаат до крајниот рок да ги добијат парите, па дури потоа се жалат. При крајот на декември ќе видиме каква е состојбата. Сега и во јавниот сектор некаде има исплатен регрес, а некаде нема– вели Благоја Ралповски, претседател на КСС.

За малверзации со исплатата на регресот и во текот на оваа работна година информираат и другите здруженија кои ги штитат правата на работниците.

Според нив, работодавачите одат до таму што наместо целиот износ определен по закон, на работниците им се даваат понижувачки износи и од 100 денари, со цел да се покрие законската обврска дека исплатиле К-15. Оваа појава е актуелна во текстилниот сектор, во кој нема синдикални организации. Но, истото се случува и во фирми од други сектори.

Дел од работодавачите не исплаќаат регрес за годишен одмор, со образложение дека имаат загуби во работењето. Со колективните договори им е овозможено под одредени услови да исплатат помал К-15 или дури и воопшто да не исплатат.

Синдикатите во борба за регрес: Од Синдикатот на текстилците во ССМ, каде што членуваат 2.000 раобтници од текстилниот и од кожарскиот сектор, велат дека досега 70 отсто од големите текстилни компании исплатиле цел износ на К-15.

– Во уште 2 до 3 компании се преговара да се исплати целиот износ и очекуваме да биде исплатен. За останатите 36.000 работници во овој сектор кои не се наши членови, немаме информација дали и на каков начин се исплаќа регресот – вели Љупчо Радевски, претседател на Синдикатот за текстил и кожарство.

Дека има законски неправилности во давањето на К-15 потврдуваат и податоците на синдикатот, според кои во 467 инспекциски надзори, инспекторатот за труд констатирал вкупно 188 неправилности, за кои се донесени решенија.

Синдикатите предупредуваат дека законскиот износ на К-15 за работодавачите во приватниот сектор и за дел од јавниот е 31 декември. По овој рок следат пријави и тужби.

– Работниците кои работеле најмалку 6 месеци во календарската година кај ист работодавач имаат право на регрес за годишен одмор. Тој се исплаќа еднаш во текот на годината, а исплатата на регресот е задолжителна за работодавачите. Работникот има право на регрес за годишен одмор во висина од најмалку 40 проценти од основицата. Износот на регресот се утврдува според основицата, која важи на денот на донесувањето на одлуката за исплата – појаснуваат од ССМ.

Како е во јавниот сектор: Според пресметките, до крајот на годината на работниците треба да им се исплати износ од 12.740 денари регрес за годишен одмор, кој се добива од просекот на плата за последните 3 месеци и законскиот минимален процент од 40 отсто од овој просек. Но, работодавачите можат да исплатат и повисок износ на К-15.

Во јавниот сектор, велат од ССМ, исплатен е регрес за годишен одмор во судовите и во дел од јавните обвинителства.

– Само над 1.000 вработени од јавниот сектор добија регрес за годишен одмор. Во тек се постапки пред судовите за исплата на регрес за вработени од јавниот сектор каде што ова право работниците не го остварија на доброволна основа. Добиени се и првите пресуди во корист на работниците – велат од ССМ.

The post ГАЗДИ, ДАВАЈТЕ К-15, ДА НЕ ФРЧАТ ТУЖБИ И КАЗНИ! Синдикатите ги предупредуваат работодавачите да не манипулираат со регресот за годишен одмор appeared first on plusinfo.mk.

– На работниците на кои нема да им биде исплатен регресот за годишен одмор им укажуваме дека можат да побараат интервенција преку новата мобилна апликација ССМ – мои работнички права за да можеме да интервенираме до Државниот инспекторат за труд, или пак да започнат судска постапка за заштита на своите права – велат од ССМ.

Оттаму потсетуваат и дека за неодговорните работодавци кои не исплаќаат регрес за годишен одмор или бараат од работниците да ги вратат исплатените средства по овој основ, Кривичниот закон предвидува затворската казна до една година.

Според ССМ, регресот за годишен одмор е право воспоставено по пат на дијалог помеѓу претставниците на работниците во конкретниот случај Сојузот на синдикатите на Македонија и од претставниците на работодавците – ОРМ и со оглед на тоа што се работи за право уредено спогодбено со потпишување на колективен договор, очекувано е работодавците целосно да ја исполнат обврската која доброволно ја презеле.

„Согласно член 35 од ОКД за приватниот сектор од областа на стопанството регресот за годишен одмор се исплаќа во висина од најмалку 40 отсто од основицата, под услов работникот да работел најмалку шест месеци во календарската година кај ист работодавец“, се вели во соопштението.

Од Сојузот на синдикати потсетуваат дека основицата за пресметување на надоместоците на работниците претставува просечната месечна нето-плата по работник исплатена во последните три месеци.

– Со колективен договор на ниво на дејност или колективен договор на ниво на работодавец може да се утврди регрес за годишен одмор во поголем износ од износот утврден со овој колективен договор. Регресот за годишен одмор се исплатува еднаш во текот на годината, а износот се утврдува според основицата која важи на денот на донесувањето на одлуката за исплата – велат од ССМ.

The post ИСПЛАТЕТЕ К-15 НАВРЕМЕ! Синдикатите најавуваат мерки против неодговорните работодавци appeared first on plusinfo.mk.