Вчера во 16:40 часот поради сторени сообраќајни прекршоци по член 139 точка 11, член 36 точка 5 од Закон за возила и член 225 точка 9 од Закон за безбедност на патниот сообраќај, полициски службеници од Полициското одделение Теарце го приведоа Р.Љ.(56) од Тетово, кој се движел со патничко моторно возило „мерцедес“ со тетовски регистарски ознаки, информираше Министерството за внатрешни работи (МВР).

„Од него се одземени преправени регистарски таблички и вградени светлосни сигнали флешери, а по документирање на случајот ќе му бидат изготвени соодветни поднесоци“, наведено е во полицискиот билтен.

The post 📷 ГИ ОБОИЛ РЕГИСТАРСКИТЕ ТАБЛИЧКИ СО ЦРВЕНА БОЈА И ВГРАДИЛ ФЛЕШЕРИ Приведен е 56-годишен тетовец appeared first on plusinfo.mk.

Службата за општи и заеднички работи на Владата отопочна постапка за брендирање, односно означување на сите службени возила во државата. Целта е до 29 септември, односно до почеток на кампањата за локалните избори сите службени возила и возила во сопственост на државата да бидат брендирани, односно да ги заменат регистарските таблички на службените возила со нови, специјални таблици во боја, изјави директроот на Службата за општи и заеднички работи на Владата, Ивица Томовски.

Томовски, денеска на прес-конфернеција информираше дека станува збор за околу 7.000 до 7.500 возила, нагласувајќи дека МВР заклучно со 31 декември годинава презело обврска да направи регистар на службени возила.

– Вчера прославивме 34 години независност и пред тоа слушавме многу пати во овие 34 години дека ќе се брендираат, ќе се спречи онаа можна злоупотреба на сите службени возила за приватни и партиски цели, но тоа не се случило досега. Сега, ние на дело го покажуваме тоа. Им дадовме насока и препорака на сите институции во државата да отпочнат со промена на тие таблици. Ова нека биде втор повик. Имаат рок до 15 септември, овој месец да ги брендираат сите возила. Доколку и тоа не го направат, ќе повикаме по трет пат да се брендираат, со цел до 29 септември, односно до почеток на кампањата за локални избори сите службени возила и возила во сопственост на државата да бидат брендирани – нагласи Томовски.

Правилникот не предвидува казни, рече Томовски, појаснувајќи дека доколку некои избегнат односно не направат брендирање во рокот до 29 септември тоа ќе мора да го направат со регистрација, кога ќе добијат специјални таблици во боја.

– Тука сте медиумите, тука сме инстититуциите да дадеме со какви возила располага државата, тука е Антикорупциска која веќе има некаков регистар. Да оставиме простор до крајот на неделава, чинам дека сите институции ќе одговорат – изјави Томовски.

Правилникот предвидува да се брендираат сите возила кои што се во сопственост на државата, како што се владините возила, општинските возила, возилата на Јавните претрпијатија и сè она што значи доминантна сопственост на државата.

– Правилникот ќе претрпи мали измени во текот на годинава, бидејќи ги опфаќа и возилата кои што се за специфични намени, како што се дел од возилата на МВР и дел на Агенцијата за национална безбедност. Тие ќе бидат исклучени од ова брендирање, но сите останати ќе бидат брендирани. Зборуваме најмногу за возила кои го користи администрацијата. Да ќе има дел од МВР кои што ќе бидат исклучени, но дел ќе бидат брендирани, бидејќи ги користи администрацијата, изјави Томовски.

Одлуката за оваа новина беше донесена на владината седница на 29 јули, а први чии возила веќе се брендирани се СОЗР, ТИРЗ, Агенцијата за храна и ветеринарство и Царинската управа.

The post АКО Е ЦРВЕНО, ЗНАЧИ Е ДРЖАВНО Дел од службените возила ги заменија таблиците, рокот е до 15 септември appeared first on plusinfo.mk.

Најдоцна до почетокот на септември сите државни возила ќе добијат таблички во боја, најави вечерва директорот на Службата за општи и заеднички работи Ивица Томовски додавајќи дека тоа ќе се случи пред локaлните избори што ќе бидат најверојатно околу 15 октомври.

МВР веќе има распишано тендерска постапка за набавка на црвена и жолта боја со која ќе се бележат службените возила, а јавното отворање ќе биде на 25 јуни.

– На 25 јуни ќе биде јавното отворање на тоа. Се надевам дека ќе имаме фирма која ќе ни ги достави побаруваните бои и ќе добиеме најниска цена и веднаш после завршената постапка ќе донесеме заклучок на Влада односно задолжение за сите државни институции, тука спаѓаат ЈП, општините, државните институции, министерствата, Владата во рок од триесет денови да ги променат таблиците – објасни Томовски.

Промената на таблиците ќе падне на товар на самите институции.

– Некаде околу 1.200 денари е промена на таблици со промена на сообраќајна дозвола, но тоа не е некоја голема финансиска штета за државата отколку што може да се заштеди и да излеземе сериозни кон граѓаните, вели тој.

Државата нема регистар на службени возила, па така од анализата на СОЗР се работи за околу 7.000 возила, од кои веројатно илјада ќе се исклучат од безбедносни причини – МВР, АРМ итн. Втората работа што се планира, како што кажа Томовски, е да се објави јавен телефонски број и мејл адреса каде граѓаните ќе можат да пријавуваат злоупотреба.

– Не знам какви се законските одредби дали ќе може тие луѓе да се казнуваат, но во најмала рака ќе подлежат на јавна критика и не верувам дека би го повториле тоа дело – рече директорот на СОЗР.

На истиот принцип како што се прави регистар на службени државни возила, се прави и регистар на државни објекти на што работи вицепремиерот Арбен Фетаи.

– Целта ни е да ги фузираме овие два регистри и да имаме еден регистар во државата и за имоти и за возила – рече Томовски.

Томовски исто така рече дека овој Буџет не дозволува набавка на нов владин авион, иако на државата ѝ треба поголем ваков авион. Според него, тоа не е луксуз, туку потреба на една држава.

Комплексот „Македонско село“, денеска беше повторно отворен, а Томовски нагласува дека тој не е клучен само заради економијата туку има неколку аспекти, како идентитетот на државата. Таму има 12 куќарки кои ја прикажуваат државата на едно место и, вели тој, добиваме нова туристичка дестинација и нови работни места.

– Овој пат одлучивме да го дадеме под класична закупнина, нема јавно-приватно партнерство. Ние немаме никаква обврска како држава. Му го даваме на концесионерот на 15-годишно владеење. Се она што ќе го инвестира во комплексот, останува во сопственост на државата, но да ја зачува намената. Да нема злоупотреби – рече Томовски.

The post ТАБЛИЦИТЕ НА ДРЖАВНИТЕ ВОЗИЛА ЌЕ ПОЦРВЕНАТ ДО СЕПТЕМВРИ Тендерот е распишан, операцијата ќе трае до локалните избори appeared first on plusinfo.mk.

Тие ќе бидат изработени со црвена боја како позадина, додека бројките и буквите ќе бидат жолти, за да бидат лесно препознатливи.

Според директорот на службата за општи и заеднички работи на Владата, Ивица Томовски, новиот Правилник за регистарски таблици е веќе изготвен и следната недела ќе биде разгледан на владина седница.

– Министерството за внатрешни работи е задолжено да спроведе постапка за набавка на таблици со црвена боја, по што ќе започне процесот на замена. По завршувањето на тендерот, сите институции ќе имаат рок од 30 дена за да ги променат табличките. Ова ќе овозможи спречување на злоупотреби, односно службените возила нема да може да се користат за приватни и за партиски цели – изјави Томовски.

Тој најави и отворање на телефонска линија за пријавување случаи каде што службени возила се користат за недозволени цели.

Најава за промена на бојата на регистарските таблици на возилата на функционерите имаше уште во февруари годинава.

ТАБЛИЧКИТЕ НА СЛУЖБЕНИТЕ ВОЗИЛА ЌЕ ДОБИЈАТ ДРУГА БОЈА? Ќе се воведе и регистар на автомобили во државна сопственост

The post ЌЕ ПОЦРВЕНАТ ТАБЛИЦИТЕ НА СЛУЖБЕНИТЕ ВОЗИЛА НА ФУНКЦИОНЕРИТЕ Позадината ќе биде црвена, буквите жолти appeared first on plusinfo.mk.

Владата на Србија на почетокот на неделава објави одлука со која од 1 јануари се дозволува влез во Србија и слободно движење на возилата со таблички РКС.

Директорот на канцеларијата на српската влада за Косово, Петар Петковиќ, објасни дека одлуката произлегува од договорот меѓу двете страни од 2011 година, со посредство на Европската унија.

– Не ги преминавме црвените линии за зачувување на националниот интегритет и суверенитет – рече Петковиќ.

Тој додаде дека „регистерските таблички не се симбол на државноста“, која Србија не ја признава и одбива да се согласи за влез на Косово во меѓународните институции, вклучително и во Обединетите нации.

Косовскиот премиер Албин Курти ја оцени одлуката на српската влада како „обид да се минимизираат критиките од меѓународната заедница по нерегуларностите и измамите“ на неодамнешните избори. -Одлуката за слободно движење низ Србија со регистарски таблички РКС доаѓа по повеќе од 10 години неспроведување на претходните договори – беше изјавата на Курти, која вечерва ја пренесоа белградските медиуми.

The post ДАЛИ СРБИЈА ПРИЗНА УШТЕ ЕДЕН ЕЛЕМЕНТ НА ДРЖАВНОСТА НА КОСОВО? Од 1 јануари слободно движење за возила со косовски таблички appeared first on plusinfo.mk.

Нејзиното присуство на косовска територија предизвика големо внимание во регионот, а особено интересно беше тоа што и самата Брнабиќ, како и сите српски државјани кои влегуваат во Косово со автомобил, морала да ги прикрие српските ознаки на регистарските таблички, пренесуваат српските медиуми.

На интернет се појавија и снимки од пристигнувањето на Брнабиќ и нејзината придружба, во која имаше голем број службени возила, а сите возила беа со регистарски таблички на кои државните симболи се покриени со налепници.

Поради тоа што преговарачите на Србија и Косово не постигнаа договор за трајно решение за регистарските таблички за возилата од Србија и Косово, режимот на налепници сѐ уште важи. Тоа значи дека возачите на нивните автомобили, од двете страни, лепат државни симболи на регистарските таблички, што мораше да го направи и премиерката Брнабиќ и нејзината придружба.

The post БРНАБИЌ ВЛЕЗЕ ВО КОСОВО СО ФЛАСТЕРЧЕ НА РЕГИСТРАЦИЈАТА Српската премиерка морала да ги прикрие српските ознаки на возилото (ВИДЕО) appeared first on plusinfo.mk.