Министерот за дигитална трансформација, Стефан Андоновски, го пречека претседателот на Црна Гора, Јаков Милатовиќ, на аеродромот во Скопје.
Посетата претставува потврда за добрите и пријателски односи меѓу двете земји, како и за заедничката посветеност кон унапредување на регионалната соработка и европската иднина, се вели во соопштението.

На покана на претседателката на Република Македонија, Гордана Сиљановска-Давкова, претседателот Милатовиќ престојува во официјална посета на земјава.

Во текот на следните два дена, претседателот Милатовиќ ќе оствари неколку билатерални средби со македонскиот државен врв, насочени кон зајакнување на соработката, со фокус на економскиот развој, регионалната стабилност и европската интеграција.

Посетата претставува потврда за добрите и пријателски односи меѓу двете земји, како и за заедничката посветеност кон унапредување на регионалната соработка и европската иднина.

The post АНДОНОВСКИ ГО ПРЕЧЕКА ЦРНОГОРСКИОТ ПРЕТСЕДАТЕЛ Mилатовиќ во Скопје ќе оствари средби со државниот врв appeared first on plusinfo.mk.

Министерот за надворешни работи и надворешна трговија Тимчо Муцунски утрово остварил телефонски разговор со министерот за Европа и надворешни работи на Република Албанија, Ферит Хоџа, во кој двајцата министри го потврдиле заедничкото задоволство од одличните билатерални односи меѓу двете земји нагласувајќи ја подготвеноста за нивно натамошно унапредување.

Како што соопшти Министерството за надворешни работи и надворешна трговија, во разговорот станало збор и за европската перспектива на двете држави, како и за заедничките активности на патот кон Европската Унија.

Воедно била истакната и важноста на проектот за Коридорот 8, кој претставува заеднички приоритет од значење за двете земји, како и за унапредување на регионалната поврзаност и развој.

„Министерот Муцунски ја истакна важноста на македонското национално малцинство во Албанија, кое претставува значаен мост на пријателство и дополнително придонесува за продлабочување на односите меѓу двете држави. Воедно, министрите разговараа и за Охридското Езеро, обврските што произлегуваат од УНЕСКО, како и за заедничката одговорност за неговата заштита и одржливо управување со регионот“,  се наведува во соопштението.

Двајцата министри размениле мислења и за актуелните прашања од регионалната соработка, при што ја нагласиле важноста од негувањето на добрососедските односи и заедничкиот придонес на двете земји кон стабилноста и безбедноста во регионот.

The post КОРИДОРОТ 8 И ЗАШТИТАТА НА ОХРИДСКОТО ЕЗЕРО СЕ ПРИОРИТЕТ Муцунски и Хоџа со порака за уште посилно партнерство appeared first on plusinfo.mk.