Раперот Меклмор најави дека ќе ги донира сите милион долари што требало да ги заработи од турнејата на Ед Ширан на шест организации кои обезбедуваат помош за Палестинците. Најавата дојде само два дена откако беше отстранет од американскиот дел од турнејата „Loop“ по контроверзата околу неговите настапи и јавната поддршка за Палестина.

Меклмор настапуваше како предгрупа на концертите на Ширан, но на 4 септември, за време на настапот на стадионот „МетЛајф“ во Њу Џерси, јавно изрази поддршка за Палестинците и повика на „слободна Палестина“. Следниот ден повторно зборуваше за оваа тема. Неговите изјави предизвикаа и поддршка и критики, а Израелско-американскиот совет побара тој да биде отстранет од турнејата.

На 14 септември промоторот „Messina Touring Group“ соопшти дека Меклмор нема да настапува на преостанатите концерти. Според објаснувањето на промоторот, неколку стадиони на кои требало да се одржат следните концерти известиле дека нема да дозволат настап со Меклмор во составот, што, според организаторот, можело да доведе до откажување на концертите и да влијае врз стотици илјади посетители.

По неговото отстранување, од турнејата се повлекоа и преостанатите предгрупи, меѓу кои Финес, Арон Роу и Лукас Греам, како и ирскиот бенд „Beoga“, кој е дел од придружниот состав на Ширан. Тие наведоа различни причини, но нивните повлекувања уследија непосредно по случајот со Меклмор.

Во меѓувреме, дел од обожавателите на социјалните мрежи почнаа да бараат поврат на парите за билетите за концертите на Ширан, особено затоа што при купувањето биле најавени одредени предгрупи. Сепак, според „Business Insider“, правилата на „Ticketmaster“ велат дека продажбата во принцип е конечна и дека поврат на средства е можен само во ограничени околности, според правилата на организаторот. Компанијата упатила на организаторите за одлуката дали ќе има рефундации.

Ширан во својата реакција изјави дека Меклмор бил отстранет по одлука на промоторите и сопствениците на стадионите, а не по негова лична одлука. Тој истакна и дека конфликтот меѓу Израел и Палестина го смета за човечка трагедија и дека страдањето постои на двете страни.

Меклмор, пак, во објавата со која ја најави донацијата напиша дека целата сума од неговата заработка од турнејата, околу еден милион долари, ќе биде распределена на шест организации за помош на Палестинците. Меѓу нив се „Palestine Children’s Relief Fund“ и „Medical Aid for Palestinians“. Тој истовремено го повика милијардерот Роберт Крафт, кој е сопственик на стадионот „Gillette“ и јавно ја поддржа одлуката тој да не настапува таму, да ја удвои сумата.

The post МЕКЛМОР ДОНИРА МИЛИОН ДОЛАРИ ЗА ПАЛЕСТИНА По исфрлањето на раперот од турнејата на Ед Ширан, дел од публиката бара рефундација за билетите appeared first on plusinfo.mk.

Граѓаните кои сакаат да помогнат на семејствата на настраданите во страшната трагедија што го погоди Кочани, можат тоа да го сторат преку финансиски донации на веб-страницата www.supportkocani.com.

„Оваа страница содржи податоци за индивидуални сметки на децата повредени во трагедијата. Сите податоци се објавени со доброволна согласност од родителите или нивните блиски“, се наведува на платформата.

Во овие тешки моменти, најголема поддршка им е потребна на семејствата кои се директно погодени од несреќата, како и на родителите на децата што се на лекување во странство.

Како што многупати досега сме покажале дека знаеме да се обединиме во моменти на криза, така и сега можеме да направиме разлика.

Веб-страницата www.supportkocani.com е создадена за да се спречат можни злоупотреби, а податоците за донации овозможуваат парите да одат директно кај родителите на повредените деца од пожарот во дискотеката „Пулс“.

Оваа страница е привремена и служи исклучиво за оваа хуманитарна цел.

 

View this post on Instagram

 

A post shared by @supportkocani

 

View this post on Instagram

 

A post shared by @supportkocani

The post 📽️ ВАШАТА ПОМОШ МОЖЕ ДА НАПРАВИ РАЗЛИКА Донирајте директно на семејствата на повредените! appeared first on plusinfo.mk.

Директорот на ФЗОМ, Сашо Клековски, денеска истакна дека е побарано да се направат две клучни измени во правилникот: прво, да се овозможи преместување на лекови од болничката на аптекарската позитивна листа, а второ, Фондот да добие право за преговарање на цените на лековите кои се субвенционирани.

– Позитивната листа претставува форма на субвенција за одредени лекови. Сметаме дека кога државата веќе ги субвенционира, треба да имаме право да преговараме за нивната цена, а не да ја прифаќаме автоматски големопродажната цена. Забележавме дека со претходното зголемување на позитивната листа сите производители ги користеа максималните дозволени цени – изјави Клековски.

Тој додаде дека лековите кои се на позитивната листа треба да бидат достапни по пониска цена, со цел субвенциите да имаат реален ефект.

– Прв приоритет ни е префрлањето на антикоагулансите, особено Клексан, кој веќе е на болничката листа. Наместо пациентите да чекаат рефундација, ќе можат директно да го подигнат на рецепт. Очекуваме штом Комисијата почне со работа и правилниците бидат усогласени, оваа промена да стане реалност – објасни Клековски.

Тој истакна дека за таблетарниот антикоагуланс Ксарелто сè уште нема договор, бидејќи производителите засега не сакаат да го вклучат на позитивната листа.

– Разговараме со еден од производителите за да обезбедиме пониска цена, бидејќи овој лек е често користен кај повозрасните пациенти со кардиолошки проблеми – додаде Клековски.

The post КЛЕКСАНОТ ЌЕ СЕ ПОДИГНУВА НА РЕЦЕПТ Фондот најави важни измени за лековите appeared first on plusinfo.mk.