Околу 23 милиони деца ги пропуштија рутинските вакцинации против детски болести, вклучително и дифтерија, тетанус и пертусис, во текот на минатата година поради пандемијата на коронавирусот, покажуваат податоците на Светската здравствена организација (СЗО) и УНИЦЕФ.

Тоа е 3,7 милиони повеќе деца кои пропуштиле редовни вакцинации отколку во 2019 година, посочуваат СЗО и УНИЦЕФ. Податоците покажуваат дека опаѓање на бројот на вакцинирани деца има во повеќето земји во светот.

Ситуацијата е уште полоша со другите вакцини

До 17 милиони деца не примиле никаква вакцина против детски болести, а повеќето од нив се деца кои живеат во области погодени од конфликти и сиромашни населби и оддалечени области, каде што пристапот до основната здравствена заштита е веќе строго ограничен.

Родителите често се соочувале со затворени клиники или не ги носеле своите деца на вакцинација поради страв од инфекција.

Вакцинацијата на деца е особено одложена или тешка во земјите од Југоисточна Азија и Источен Медитеран.

И додека земјите се борат да ја добијат вакцината за ковид-19, состојбата е уште полоша со другите вакцини и децата се изложени на ризик од заразување со болести што можат да се спречат, како што се детска парализа, сипаници или менингитис, предупреди директорот на СЗО Тедрос Аданом Гебреизус.

The post Милиони деца поради ковид-19 ја пропуштија редовната вакцинација appeared first on plusinfo.mk.

Претседателот Вучиќ по средбата изјави дека е направено „многу“ на подобрување на борбената готовност и на набавката на „најмодерното оружје и воена опрема“.

-Набавивме од системот Панцир до беспилотни летала, оваа година ќе посветиме посебно внимание на електронското војување. Ги утврдивме нашите недостатоци, ќе купиме уште повеќе радарски системи, уште беспилотни летала, изјави Вучиќ.

Тој кажа дека е покренато прашањето и за враќање на задолжителната воена служба и дека за тоа ќе се води широка дискусија во јавноста.

-Тоа има свои добри и лоши страни. Некои од лошите се тоа што само во објектите и храната тоа ќе чини над осум милијарди евра, сметајте 70 милиони евра (годишно), а кога ќе се обезбедат и приходите за војниците, треба да се издвојат уште 1,2 до 1,8 милијарди евра, кажа Вучиќ,

Како што оцени, „добра страна е што некои гарнизонски места што се празни ќе бидат пополнети и во некои помали општини животот ќе се врати “.

Имаме проблем со оние кои имаат малку пониски плати и можат на друго место да добијат многу повисоки плати. Сега имате, на пример, две фабрики во Лозница – Минт и Алиент. Ние на обичниот војник му даваме 45.000 динари, а просечната плата во тие фабрики е 51.000. Зошто некој би бил во војска кога таму платата е многу поголема, кажа Вучиќ кој најави дека оваа година ќе има „големо зголемување“ на платите на припадниците на српската војска.

The post Србија размислува за враќање на задолжителната воена служба appeared first on plusinfo.mk.

Од анализите што се прават во МАНУ дали има дополнителни мутации на вирусот кај последните новодијагностицирани ковид случаи, како и целосната епидемиолошка состојба, ќе зависат идните мерки.

– Кај нас досега се детектирани осум соја на вирусот ковид-19 направено  е генетско секвенционирање во лабораторијата во МАНУ,  од последните летни месеци па наваму преовладуваат два соја, меѓутоа во  овој момент се прави генетско секвенционирање и анализи на вирусот од последните две недели  за да видиме дали има некаква мутација којашто е можеби слична на онаа што ја има во Велика Британија.  Неделава ќе знаеме дали има дополнителна мутација  на последните новодијагностицирани случаи во последните две недели – рече вечерва Филипче во гостување на ТВ Сител.

Имаме, потенцираше, значаен пад на новодијагостицирани случаи што значи дека мерките од пред неколку месеци дадоа резултат и мора да се изрази благодарност и до граѓаните кои ги почитуваа превентивните мерки.

– Сега сме во период во кој ќе треба да видиме и процениме што понатаму. Болниците се навистина подиспразнети, повеќе од 50 проценти од капацитетите на болниците ширум државата се празни, првпат после сериозно долг временски период и на Инфективната клиника има слободни кревети. Од следната недела во функција се враќаат  повеќе одделенија, офталмологија и оториноларингологија почнуваат со редовна работа, така што  ние сме во стабилна ситуација, но тоа не значи дека треба да бидеме помалку внимателни, укажа Филипче.

Во спротивно, предупреди, би можеле да се соочиме со трет бран иако засега нема такви знаци и ситуацијата е стабилна.

The post Филипче: Офталмологија и оториноларингологија почнуваат со редовна работа appeared first on plusinfo.mk.

Редовната вакцинација на децата во Скопје од денеска ќе се врши од 12 до 18 часот секој работен ден.

– Функционираат вакциналните пунктови во сите скопски поликлиники, но од 12 до 18 часот бидејќи од денеска децата смеат да излегуваат од дома по 12 часот, според новите препораки за движење.  Вакцинацијата се врши според редовниот календар во сите пунктови, само е сменето времето  – ни рече проф. д-р Виктор Исијановски, директор на Здравствениот дом – Скопје.

The post Полицискиот час ја помести редовната вакцинација во Скопје од 12 до 18 часот appeared first on plusinfo.mk.