Познатиот Формула 1 возач Макс Верстапен се радувал на триумф во Остин кога стигнала неочекувана вест: ФИА го повикала тимот на Ред Бул на сослушување поради можни прекршоци со спортскиот кодекс, јави Рејсинг Њуз.

Ред Бул доби глоба од 50.000 евра, јавува Моторспорт. Од таа сума, 25.000 се суспендирани, што значи, нема да бидат изречени доколку тимот не направи слична повреда до крајот на сезоната.

Неофицијално, еден од членовите на тимот се вратил на гридот откако зоната требала да биде расчистена, што може да претставува прекршување на член 12.2.1. од правилникот за безбедно изведување на трката.

Unbelievable weekend!!! Let’s keep this momentum up @redbullracing pic.twitter.com/VB4E53qii4

— Max Verstappen (@Max33Verstappen) October 19, 2025

Иако самата грешкка може да била поврзана со отстранување на трака (маркер) поставена од тимот Мекларе за позиционирање на возачот Ландо Норис, тоа не беше официјалниот прекршок. Прекршокот се базираше на безбедносното нарушување при влегувањето.

Од ФИА потврдиле дека повикот бил испратен веднаш по крајот на трката и најавиле дека дополнителни детали ќе бидат објавени по сослушувањето во просториите на стјуардите.

Ред Бул засега молчи, но исходот би можел драстично да влијае врз поредокот во шампионатот. Во случај на казна, победата би преминала во рацете на возачот на Мекларен, Ландо Норис, со што битката за титулата би добила сосема нов тек.

The post ПРЕСВРТ ВО ОСТИН, РЕД БУЛ КАЗНЕТ ВЕДНАШ ПО ПОБЕДАТА Член од тимот се вратил на гридот откако зоната била расчистена appeared first on plusinfo.mk.

Британскиот возач на Мерцедес Џорџ Расел со Мерцедес победи на трката за ГН на Лас Вегас во Формула 1, но големата вест е четвртата последователна светска титула на Холанѓанецот Макс Верстапен со Ред Бул.

Заврши на петтата позиција, но зад себе го остави големиот ривал Ландо Норис (Велика Британија, Мекларен), оставајќи го денеска зад себе повеќе од 25 секунди.

Расел заврши со најбрзо време, а Мерцедес направи двоен триумф со седумкратниот шампион Луис Хамилтон од Велика Британија кој заврши на второто место.

Возачите на Ферари, Карлос Саинц (Шпанија) и Шарл Леклер (Монако) завршија на третото и четвртото место.

The post ВЕРСТАПЕН ЈА ОСВОИ ЧЕТВРТАТА ТИТУЛА СО РЕД БУЛ Расел победи на трката во Лас Вегас appeared first on plusinfo.mk.

Следната трка во Ф1 ќе се вози на 24 септември во Јапонија.

Party time #SingaporeGP @Carlossainz55 pic.twitter.com/Iy5rPk4EP6

— Formula 1 (@F1) September 17, 2023

The post ПРЕКИНАТА РЕКОРДНАТА ПОБЕДНИЧКА СЕРИЈА НА РЕД БУЛ ВО ФОРМУЛА1 Карлос Саинц најбрз на трката во Сингапур appeared first on plusinfo.mk.

Lewis Hamilton got some air during his crash pic.twitter.com/ayZqsGETKw

— Action Network (@ActionNetworkHQ) August 28, 2022

Двајцата возачи се вратија на патеката „Спа“ по судирот. Сепак, имаше технички проблеми со болидот на Хамилтон. По влегувањето во боксот, беше одлучено Британецот да не ја продолжи трката и да се повлече од патеката. Алонсо му мафна на Хамилтон по ударот.

Наградата отиде кај Верстапен, а ова е двоен успех на Ред Бул со оглед на второто место на Серхио Перез. Победничкиот подиум го комплетира Карлос Сајнц јуниор кој трката ја заврши на третата позиција.

Бодови уште освоија (4 – 10.место) : Џорџ Расел, Фернандо Алонсо, Шарл Леклер, Естебан Окон, Себастијан Фетел, Пјер Гасли и Алекс Албон.

По денешната победа Верстапен кој трката ја почна од 14-та позиција, ја зголеми предноста на табелата во однос на конкурентите за титултата. Сега Холанѓанецот има 284 бодови, Перез е втор со 191, Леклер трет со 186.

Во поредокот на конструктори, Ред Бул е прв со 475 бода, Ферари собра 357, Мерцедес 316.

The post ХАМИЛТОН СЕ БАПНА ВО АЛОНСО, ВЕРСТАПЕН ПОБЕДИ Ред Бул е двоен победник во Белгија (ВИДЕО) appeared first on plusinfo.mk.

Актуелниот светски шампион во Формула 1, Макс Верстапен, го освои првото место на денешниот спринт возен во рамките на Големата награда на Австрија.

Спринтот го одреди стартниот редослед на утрешната главна трка на австриското Гран при.

Еве како завршија првите десетмина:
1. Макс Верстапен (Ред Бул) – 26:30.059 минути (23 круга)

2. Шарл Леклер (Ферари) +1,675 секунди
3. Карлос Сајнц (Ферари) +5.644
4. Џорџ Расел (Мерцедес) +13.429
5. Серхио Перез (Ред Бул) +18.302
6. Естебан Окон (Алпин) +31.032
7. Кевин Магнусен (Хаас) +34.539
8. Луис Хамилтон (Мерцедес) +35.447
9. Мик Шумахер (Хаас) +37,163
10. Валтери Ботас (Алфа Ромео) +37,557                                                                                                                                Главната трка за Големата награда на Австрија на патеката „Ред Бул Ринг“ ќе се вози утре со почеток во 15 часот. 

The post ВЕРСТАПЕН НАЈБРЗ НА СПРИНТОТ Утре ќе биде борбата за Големата награда на Австрија appeared first on plusinfo.mk.

Возачот на Ферари, Шарл Леклер ја освои пол-позицијата пред утрешната трка за Големата награда на Монако, што ќе се вози низ улиците на Монте Карло.

Леклер кој е роден токму во Монте Карло, победи во квалификациите со време од 1:11.376 минути, а второто место го зазеде неговиот клупски колега Карлос Саинс кој заостана 0.225 стотинки.

Во вториот стартен ред на утрешната трка ќе бидат возачите на Ред Бул, Серхио Перес кој беше трети и актуелниот шампион Макс Ферстапен.

Меѓу првите десет во квалификациите се најдоа и Ландо Норис, Џорџ Расел, Фернандо Алонсо, Луис Хамилтон, Себастијан Фетел и Естебан Окон.

The post ФЕРАРИ НА ПРВИТЕ ДВЕ МЕСТА Леклер ја освои пол-позицијата во родното Монте Карло appeared first on plusinfo.mk.

Жалбата која германскиот тим во Формула 1, Мерцедес, ја поднесе по вчерашната трка во Абу Даби и спектакуларната завршница во која Макс Верстапен (Ред Бул) го победи Луис Хамилтон и стана светски првак, е одбиена.

Како што е соопштено од раководството на трката, холандскиот возач не го прекршил правилникот на трката.

Во финишот на трката, во време додека на патеката беше безбедносното тркало, Верстапен имаше забрана за претекнување, но таа одлука беше повлечена со влегувањето во последниот круг во кој Холанѓанецот на драматичен начин го мина Хамилтон и стана 34. светски првак во историјата на Формула 1.

The post ФИА ОСТАНА НА СТАВОТ Одбиена жалбата на Мерцедес, Верстапен е шампион appeared first on plusinfo.mk.

Холанѓанецот Макс Верстапен (Ред Бул) е нов светски првак во Формула 1, откако денеска триумфираше во последната трка од сезоната, Големата награда на Абу Даби, пред Британецот Луис Хамилтон (Мерцедес).

Верстапен до својата прва титула во кариерата дојде на драматичен начин, претекнувајќи го Хамилтон во последниот круг од трката.

Верстапен и Хамилтон влегоа во трката во Абу Даби бодовно израмнети (369.5) што однапред ветуваше драматична завршница сезонава во Формула 1.

Холанѓанецот стана 34. возач во историјата кој ја освоил титулата светски првак, а рекордери се Луис Хамилтон и Германецот Михаел Шумахер со по седум титули. Аргентинецот Хуан Мануел Фанџо има пет, додека Французинот Алан Прост и Германецот Себастијан Фетел по четири светски титули.

The post ПОСЛЕДНИОТ КРУГ БЕШЕ РЕШАВАЧКИ Верстапен е светски првак во Абу Даби appeared first on plusinfo.mk.

Возачот на Мерцедес, Луис Хамилтон, кој вчеравечер  го освои второто место на Големата награда на Мексико Сити, ги сподели своите емоции од трката.

Хамилтон загуби од главниот ривал во шампионатот, Макс Верстапен од Ред Бул, но успеа да ги одбие нападите од вториот пилот на Ред Бул, Серхио Перез и на крајот заврши на второто место.

– Прво, му честитам на Макс. Нивниот болид беше супериорен викендов и во суштина ништо не можевме да направиме околу тоа. Ја дадов сета моја сила и знаење и на крајот добро се изборивме со Серхио. Барем успеавме да стигнеме до втората позиција. Трката покажа колку е брз нивниот болид кога Серхио ми се доближи и постоеја шанси да ме помине. Тој возеше прекрасно и продолжи да притиска. Сепак, навистина уживав во трката – изјави седумкратниот шампион во Формула 1.

По вчерашната трка, во Генералниот пласман Верстапен ја зголеми предноста во однос на Хамилтон. Холанѓанецот сега има 312,5 бода, додека Британецот собра 293,5.

До крајот на сезоната во Формула 1 шампионатот остануваат уште четири трки.

The post БОЛИДОТ НА РЕД БУЛ Е СУПЕРИОРЕН Хамилтон задоволен и со второто место appeared first on plusinfo.mk.

Стјуардите го казнија Луис со казна од десет секунди, што не го спречи да ја освои трката за Големата награда на Британија.

– Адвокатот треба да провери што може да се направи во оваа ситуација во рамките на законодавството за спорт. Макс има многу среќа што не му се случи ништо сериозно. Автомобилот е скршен, моторот е веројатно исто така. Не можете да поминете низ тоа така. Суспензијата за трката би било праведно решение. Правилата мора да се ревидираат – ова исто така важи и за работата на стјуардите. Перез доби две казни од пет секунди во Австрија за лесен контакт кога никој не излета од патеката. Хамилтон за многу поголем инцидент добие казна од десет секунди. Макс беше на својот пат, а Хамилтон мораше да си остане на својот правец. Не можете да удрите во противникот во еден од најбрзите свиоци, каде што лесното допирање може да доведе до фатални последици. Хамилтон треба да знае за ова – рече Марко.

Инцидентот се случи уште во првиот круг, по што Верстапен остана без пласман и заврши во болница на превентивни прегледи, додека Хамилтон на крајот победи и покрај казната од десет секунди која предизвика големи реакции кај љубителите на Формула 1.

The post Со адвокат Ред Бул ќе го испитува судирот меѓу Верстапен и Хамилтон appeared first on plusinfo.mk.