Семејството на премиерот Христијан Мицкоски никогаш не го користело владиниот авион, одговорија од Владата и од ВМРО-ДПМНЕ по барањето на СДСМ премиерот да каже дали летал со членови од семејството со владиниот воздухоплов.

Во соопштението од Владата се вели дека лажна вест е тврдењето на СДСМ дека семејството на премиерот Христијан Мицкоски патувало до Сплит, Хрватска.

„Службениот авион стар 20 години е користен исклучиво од премиерот Мицкоски, без семејна придружба за негови службени потреби, и во период од две години само за 4 патувања во соседството. Лицемерно е однесувањето на СДСМ и лидерот Венко Филипче, кој во затворени разговори се согласува за набавка на нов владин авион, а во јавност сосема спротивно истото го критикува. Додека СДСМ и Венко самите се договорат со себе, апелираме информациите кои произлегуваат од оваа партија да се земаат со голема претпазливост поради нејзините шпекулативни намери“, се нагласува во соопштението од Владата.

Од ВМРО-ДПМНЕ го потсетуваат СДСМ, пред да влезе во материјална и теснограда расправа за владиниот авион, да биде свесен дека Македонија има еден нерасветлен атентат врз претседател и уште еден инцидент на трагично загинат претседател на држава со владино летало.

„Очигледно е дека работи фројдовскиот елемент кај СДС, и тие на тој начин самите се издаваат дека Зоран Заев летал со целото семејство во Амстердам на одмор и дека најчеста дестинација на авионот била Ниш во времето на владите на СДС“, наведуваат од ВМРО-ДПМНЕ. Актуелното владино летало од кое СДС и Венко Филипче прават евтин сензационализам е старо 20 години, купено 2005 година и од 2017 до сега се потрошени околу 4 милиони евра за поправки. Воедно индикативно и би можело да се оцени за крајно лицемерно е поведението на лидерот на СДС Венко Филипче кој зад затворени врати го поддржа купувањето на новиот владин авион, а во јавноста се противи поради ситен партиски интерес и гол популизам. Кој Венко се противи, тој кој во 4 ѕида вели купете авион, или тој кој пред микрофони вели не купувајте авион, дадете пари за минимална плата? Ова се вика дефиниција за лицемерие. СДС шири лажни вести“, се наведува во реакцијата на ВМРО-ДПМНЕ.

Во однос на парите за минимална плата од ВМРО-ДПМНЕ предлагаат дека тие може да се обезбедат од, како што велат, крадените пари од кои Венко Филипче купи хациенди на Водно, од парите од провизиите од кинеските вакцини „стабри“ кои ги договораше Венко Филипче, или пак од парите со кои Заев гради згради во Дубаи, или пак од парите кои Вице Заев ги украде од РЕК и ги префрли на бугарска фирма.

The post СЕМЕЈСТВОТО НА МИЦКОСКИ НИКОГАШ НЕ ЛЕТАЛО СО ВЛАДИНИОТ АВИОН Од ВМРО-ДПМНЕ тврдат дека Заев со семејството летал до Амстердам на одмор appeared first on plusinfo.mk.

ПР-от на СДС предводен од Башановиќ, изгледа заборава дека СДС е партија во Македонија, а не во Србија, реагира ВМРО-ДПМНЕ.

„Башановиќ е во лоши односи со Вучиќ – човек кој направи повеќе за Македонија, отколку Заев кога беше премиер. Но, ни се отвора нова загатка, а таа е за поврзаноста на Башановиќ, Заев и Гашиќ. Кружат информации во кулоарите на нарко бизнисот во Србија дека оваа тројка и тоа како има поврзаност со запленетата дрога од 5 тони. Дополнително, ако потсетиме дека човекот кој ја одгледувал дрогата во случајот ‘Јовањица’ е близок до Гашиќ, а во Македонија бил соработник во фирми на братучедите на Заев, (Трајче) чиј возач го уапси ДЕА за 200 килограми дрога кога сакаше да ги пренесе низ граница“, се наведува во реакцијата на ВМРО-ДПМНЕ.

Вучиќ освен со Башановиќ, како што наведува ВМРО-ДПМНЕ, по сѐ изгледа дека не е во добри односи и со Гашиќ, по она што се случи во Коњух каде беа запленети 5 тони дрога на член на СНС, близок до Гашиќ. Вучиќ изгледа не е во добри односи и со Заев, па оттаму и нападите на СДС против Вучиќ.

„Клопчето се одмотува, поврзаноста на Заев и Филипче со дрогата во Србија и во Македонија по сѐ изгледа ќе излезе на површина“, се додава во реакцијата на ВМРО-ДПМНЕ.

The post ШТО ГИ ПОВРЗУВА БАШАНОВИЌ, ЗАЕВ И ГАШИЌ? Од ВМРО-ДПМНЕ го прашуваат СДСМ дали знае дека Вучиќ е политичар во друга држава appeared first on plusinfo.mk.

По сѐ што Филипче и СДС, се обидуваат да ѝ сервираат на јавноста околу темата за канабис, редно е да дадат и објаснување за фотографијата со Тони Котев, сопственикот на фирмата „ЦБД Медплант“, поврзана со илегална марихуана, велат од ВМРО-ДПМНЕ.

Оттаму велат дека наместо да водат кампања која е само спин и манипулација, Филипче и СДСМ јавно да објаснат каде завршувала марихуаната што, според законите, не можела да се користи како легален медицински производ. Јавноста има право да знае дали станува збор за лични или партиски интереси и кој имал профит од овој нелегален бизнис.

Од ВМРО-ДПМНЕ го повикаа Јавното обвинителство итно и темелно да ја истражи целосната релација помеѓу Заев и Филипче, нивната можна вмешаност и одговорност во случајот со запленетата марихуана, како и сите околности што упатуваат на партиски и лични интереси во нарко-бизнисот.

„Филипче и Заев како најпознато криминално дуо кое некогаш постоело во земјава имаат оставено црн печат секаде, во секој сектор, во секоја институција, во секоја пора на општеството. Околу темата за канабисот, Филипче пред неколку дена на национална телевизија беше видливо нервозен и конфузен, а Заев пак никна на социјалните мрежи со статуси кои очигледно беа напишани во паника. Јавноста се сеќава кога во 2020 година, ова дуо сакаше да ја легализира марихуаната во земјава, па откако тоа не им успеа, се фрлија на масовно издавање лиценци за медицински канабис на лица кои беа блиски до СДС“, велат од ВМРО-ДПМНЕ.

За кратко време струмичкиот регион стана жариште на производство на марихуана, што според ВМРО-ДПМНЕ значи дека имало координирано ширење на индустријата под покровителство на Заев и Филипче.

„Клучниот момент е измената на Правилникот за одгледување канабис од 2023 година, каде во член 2 се додаде можноста канабисот да се одгледува и на отворено. Овој подзаконски акт за канабис е во директна колизија со законот, бидејќи дозволува производство на канабис цвет кој не ги исполнува ГМП стандардите. Ако не ги исполнува тие стандарди, финалниот производ не може легално да се користи како медицински“, нагласуваат од ВМРО-ДПМНЕ.

По заплената на 40 тони марихуана од компании со лиценци за медицинско производство, 70% од неа или околу 30 тони потекнува од „ЦБД Медплант“, или фирма основана во 2018 година од страна на блиски луѓе до Заев, поконкретно Христијан Котев, син на Тони Котев, кој е поранешен претседател на ОО на СДС во Ново Село, и човек близок до Заев, наведуваат од ВМРО-ДПМНЕ.

The post ВМРО-ДПМНЕ ГО ПОВИКА ОБВИНИТЕЛСТВОТО ДА ЈА ИСТРАЖИ ВРСКАТА НА ЗАЕВ И ФИЛИПЧЕ СО МАРИХУАНАТА Дуото да одговори и за поврзаноста со газдата на фирмата appeared first on plusinfo.mk.

Не го слушнавме Венко Филипче да се огради од своите и од криминалите на СДСМ во обраќањето на Конгресот што се одржува денеска во Скопје, реагира ВМРО-ДПМНЕ.

„Венко Филипче во празниот говор за отчет пред Конгресот не објасни: Зошто е петта партија во Скопје и трета во Македонија? Не се огради ниту кажа лош збор за неговиот ментор Зоран Заев. Не се огради и го штитеше криминалот на кланот Дубаи чиј што составен дел е самиот тој. Не објасни зошто СДС сервираше услуги кон Бугарија и кон Грција, го наметна францускиот предлог, склучи штетен договор со Бугарија. Не објасни зошто ги напаѓаат САД, се во политичка војна со Обединетото Кралство“, се наведува во реакцијата од ВМРО-ДПМНЕ.

Оттаму прашуваат и зошто Филипче останал осамен со неуспешниот дипломат Андреј Жерновски кој јавно говорел во полза на бугарскиот наратив за Македонија.

„Зошто денес СДС не претставува никаква алтернатива. Зошто не му смета што СДС стана помал чирак на ДУИ во криминалот. Не се огради од Артан Груби и неговиот криминал во Лотарија. Филипче самиот исто така не изостанува од криминалниот синџир на тендери, не кажа од каде му е службеното луксузно ‘ауди’ и каква е неговата врска со Енис Колашинац кој ЕСМ го снабдуваше со јаглен за време на власт на СДС. Филипче не се огради ниту од нивниот бегалец Васко Ковачевски кој ја испокраде државата и го оштети македонскиот Буџет за 6,5 милиони евра за што е познатиот случај ‘Адитив’. Не се огради од антидржавното однесување на Зоран Верушевски“, се додава во реакијата од ВМРО-ДПМНЕ.

Оттаму заклучуваат дека за ВМРО-ДПМНЕ нема подобро решение од Венко Филипче. Проблемот е што тој е штетен за Македонија и за нејзините интереси, додава ВМРО-ДПМНЕ.

The post ФИЛИПЧЕ НЕ СЕ ОГРАДИ ОД КРИМИНАЛОТ НА КЛАНОТ ДУБАИ Од ВМРО-ДПМНЕ оценија дека говорот му бил празен и неотчетен appeared first on plusinfo.mk.

Венко Филипче треба да знае дека проблемот не е во медиумите, новинарите, бизнис заедницата, синдикатите кои ги злоупотребува, ниту во ВМРО-ДПМНЕ, туку проблемот на СДСМ е криминалот, корупцијата и нечесните политики на Венко Филипче и на менторот Заев, кои го доведоа СДСМ на вака ниски гранки, реагира ВМРО-ДПМНЕ по денешната прес конференција на лидерот на СДСМ.

„Жална е епизодата кога лидер на некогаш големата СДСМ, ќе го гледате како се жали како тетка на чешма, за тешката судбина во која тој и менторот од Дубаи, Зоран Заев, сами се доведоа. Кога одговорите на дилемите ќе ги побара во своите редови, тогаш ќе ја сфати и сериозноста на проблемите. Досега го јадеа шлагот на тендерите, бизнисите на Вицето, зделките и куферчињата на Заев, зделките и профитите од модуларната болница, хациендите кои си ги градеа, проблемот е што стигнаа сега до фекалиите кои се излеаjа врз СДСМ и народот сето тоа го гледа. Од тој аспект Венко Филипче е штетен за државата и граѓаните, а ВМРО-ДПМНЕ секогаш се водела од државните и национални интереси. Очигледно портпаролката Боданка Кузеска кога е на зимување, ја заменува Венко Филипче. Од пресот на Филипче може да се заклучи дека СДСМ е партија на многу интриги и проблеми. На Филипче, крив му е народот и секој што мисли дека е криминалец, само не се тој и Заев, кои што правеле криминал поради што секој мисли дека се криминалци“, се наведува во реакцијата од ВМРО-ДПМНЕ.

Оттаму додаваат дека наместо да кажува факти, Филипче глуми жртва и плаче за „медиумски октоподи“.

„Тие ‘октоподи’ седум години му служеа на СДСМ како портпароли, додека се пљачкаше државата. Денес, кога никој не му ги прикрива лагите, одеднаш сите му се виновни: медиуми, новинари, институции, па дури и реалноста. Филипче колку повеќе зборува, толку појасно е дека нема ниту факти, ниту политика. Има само паника и обид со врева да се покрие празнината“, се додава во реакцијата на ВМРО-ДПМНЕ.

The post ДОДЕКА КУЗЕСКА Е НА ЗИМУВАЊЕ, ЈА МЕНУВА ФИЛИПЧЕ Од ВМРО-ДПМНЕ му рекоа на Венко да не се жали од медиумите како тетка на чешма appeared first on plusinfo.mk.

Венко Филипче треба да расчисти самиот себе и пред партијата, каде СДСМ е опозиција, во Македонија или во Србија?

Вака одговори ВМРО-ДПМНЕ откако СДСМ лиферуваше соопштение под наслов „Манасије српски“ – првиот македонски бот, во кое изнесе навреди кон Валентин Манасиевски, член на Извршниот комитет на ВМРО-ДПМНЕ.

„Што се однесува до паралелите со соседна Србија, нема да се мешаме во аранжманот на Венко со српските контрактори. Тоа е нивна интерна работа“, се наведува во реакцијата од ВМРО-ДПМНЕ.

Според владејачката партија, реакцијата на СДСМ е преполна со навреди и квалификации и е само потврда на тоа дека Валентин Манасиевски погодил во целта – „директно сведоштво како Зоран Заев гради 40-катница во Дубаи, а во тоа му асистира Венко Филипче.“

„Тие во својата реакција ставија доволно количина омраза и уличен речник за да не се зборува тоа како Заев од Струмица гради со украдени пари во Дубаи. Нема ниту демант, што значи дека сведоштвата за тоа се вистина.

Сега треба да одговори Зоран Заев лично, што и како гради во Дубаи, и од каде му се парите за тоа? Како од продавање на бостан на пазар во Горни Милановац, се стасува до градење облакодери во Дубаи, и каква е врската на Венко Филипче во сето ова?“, прашува ВМРО-ДПМНЕ.

Претходно СДСМ го нарекоа Манасиевски „првиот македонски бот“ и го преименуваа во Манасије и Манасијевски.

„Стиснуваат копче и ете го Манасије. Се поклонува и почнува со Заев, Филипче, СДСМ… функционира навистина како најнова верзија на АИ. Потребно е ВМРО Ванчовистичка да се грижи за Манасије. Зголемете му малку буџет за мода, треба модерно да изгледа“, се наведува во реакцијата на СДСМ, која се однесува на информациите дека Заев гради 40-катница во Дубаи, а во која партијата не демантира ништо од наведеното.

The post СДСМ ДА РАСЧИСТИ ДАЛИ Е ОПОЗИЦИЈА ВО СРБИЈА ИЛИ ВО МАКЕДОНИЈА! Од СДСМ нема демант за 40-катницата на Заев во Дубаи appeared first on plusinfo.mk.

Наводите на СДСМ дека усвоената Резолуција за осуда на манипулациите на опозицијата и за потврда на политиките против нелегалната миграција е неуставна и дека ја нарушува слободата на изразување претставуваат грубо неразбирање или свесна злоупотреба на уставно-правната природа на овој акт, реагира ВМРО-ДПМНЕ на најавите на опозициската партија дека документот ќе го оспорат пред Уставниот суд, затоа што го рушел уставниот поредок.

„Резолуцијата е политички акт на Собранието, со декларативен карактер, преку кој законодавниот дом изразува став, оценува појави од јавен интерес и утврдува политички позиции. Таа не е закон, не е подзаконски акт и не создава општообврзувачки норми, ниту пак воведува забрани, санкции или ограничувања на права и слободи. Оттука, тврдењата дека со Резолуцијата се гуши слободата на говорот се правно неосновани. Слободата на изразување, гарантирана со Уставот, може да биде ограничена само со закон, под строго утврдени услови. Во конкретниот случај, не постои ниту законска интервенција, ниту правен механизам што би ја ограничил политичката активност или јавното изразување на СДСМ или на кој било друг политички субјект“, се вели во реакцијата на ВМРО-ДПМНЕ.

Резолуцијата, се додава, не забранува дебата, не забранува изнесување ставови и не воведува цензура.

„Таа осуда на дезинформации не претставува уставно-правна санкција, туку политичка оценка, што е целосно легитимно право на Собранието. Дополнително, уставната слобода на изразување не подразбира апсолутна слобода за ширење невистини, манипулации и намерно создавање паника кај граѓаните, особено по прашања што директно ја засегаат јавната безбедност и општествената стабилност“, се вели во соопштението.

Политичката критика е дозволена и заштитена, а дезинформациската кампања не е уставна вредност, се додава во соопштението.

„Апсурдно е СДСМ да зборува за уривање на правниот поредок, кога токму тие во минатото носеа одлуки и склучуваа аранжмани поврзани со мигрантски центри без транспарентност, без јавна расправа и без јасна политичка одговорност. Денес, кога преку Резолуцијата јасно се потврдува дека нема и нема да има мигрантски кампови, СДСМ се обидува преку Уставниот суд да ја продолжи сопствената лажна кампања“, порачува ВМРО-ДПМНЕ.

Најавите за обраќање до меѓународни институции и до „прогресивни сили“ не можат да ја сменат правната реалност, додава партијата.

„Резолуцијата е уставно дозволен политички акт, не задира во човековите права и не создава правни последици по слободата на говорот. СДСМ повторно избира паника наместо аргументи, политичка конструкција наместо уставно право. Вистината е едноставна и правно чиста: Резолуцијата е уставна, а лагите за мигрантски кампови се политичка манипулација“, категорична е ВМРО-ДПМНЕ.

Новата потпретседателка на СДСМ, Јована Тренчевска, денеска рече Резолуцијата е неуставна, ја загрозува слободата на говорот и на политичко дејствување на опозицијата, целта е да се забрани каква било дебата за договорот мигранти за пари, а секој што ќе зборува јавно за мигранти, ќе одел во затвор.

СДСМ ЈА ОСПОРИ ПРЕД УСТАВНИОТ СУД РЕЗОЛУЦИЈАТА НА ВМРО-ДПМНЕ Ќе се бореле против мигранти, ќе барале помош и од граѓаните и од ЕУ

The post СДСМ НАМЕРНО ПРОДОЛЖУВА ДА ШИРИ ПАНИКА Слободата на изразување не е дозвола да лажат за мигранти, регира ВМРО-ДПМНЕ appeared first on plusinfo.mk.

Ако СДСM молчи, тоа ќе биде доказ дека ја одобрува морбидната реторика на Бранко Тричковски и дека стои зад неа, реагира денеска ВМРО-ДПМНЕ.

„СДСМ потона во својата безидејност и очај. Немајќи што да му понуди на македонскиот граѓанин, СДСМ потпре на нејзините мегафони кои шират омраза и повици на насилство. Безидејниот СДСМ, ја сведе политиката и изборната кампања во поле на омраза, наместо натпревар на идеи, проекти и визија. Нивниот долгогодишен пропагандист и медиумски гласноговорник, Бранко Тричковски повторно премина на неговите морбидни повици за ликвидација на претседателот, Христијан Мицкоски“, се наведува во реакцијата на ВМРО-ДПМНЕ.

Во врска со настанот од пред некој ден за лажна дојава на бомба во центарот на Скопје, перјаницата на СДСМ, Тричковски на социјалните мрежи, со морбиден речник напиша дека „Најголем предизборен штос би направиле кога во куферот би го напикале распарчаното тело на Христијан!“.

„Ваквиот јавен повик за убиство не е и не може да се смета за слобода на говор, ниту метафора, тоа е повик за криминален акт против животот на друг човек. Исто така, овој испад не е изолиран случај или дело на лице со нарушена психолошка состојба, туку тоа е резултат на очајот во кој се пропаднати СДСМ и нивниот политички банкрот. Ова не е еден човек што зборува сам за себе, туку ова е гласот на очајот на СДСМ, кој се слуша преку нивните медиумски издувни вентили. Многу е јасно кога гласноговорниците и мегафони на СДСМ повикуваат на распарчување на претседателот на ВМРО-ДПМНЕ и премиер во период на изборен процес, тоа не е црн хумор, туку црна кампања насочена кон создавање страв, поделби, дестабилизација“, се нагласува во реакцијата на ВМРО-ДПМНЕ.

Оттаму потенцираат дека и медиумите кои ги пренесуваат овие пораки имаат одговорност – „дали тоа го прават по налог и како дел од сценарио, или затоа што веруваат и се согласуваат со она што тој го пишува.“

„Сите кои го споделуваат, оправдуваат или ќе го штитат овој човек се соучесници во поттикнувањето и нормализирањето на опасната реторика. Токму поради тоа ги повикуваме надлежните органи да проверат дали Тричковски има формални врски со политички структури, а СДСМ јавно да се огради од овој срамен чин“, се додава во реакцијата на ВМРО-ДПМНЕ.

Оттаму порачуваат дека нема да дозволат омразата да стане кампања и ќе ги бранат институциите на системот, државата и демократијата од секој обид за насилство, без разлика од каде доаѓа.

The post ПОВИКОТ ЗА РАСПАРЧУВАЊЕ ПРЕМИЕР Е ЦРНА КАМПАЊА Од ВМРО-ДПМНЕ бараат СДСМ да се огради од нивниот мегафон Тричковски appeared first on plusinfo.mk.

ВМРО-ДПМНЕ со најостра осуда реагира на срамниот, злонамерен и монструозен обид за политичка злоупотреба на трагичните настани во Кочани преку дистрибуција на фотомонтажи и лажни обвинувања кон претседателот на Владата и други функционери, соопшти партијата.

„Овие содржини беа објавени на интернет страницата ubijcitenakocani.com. Според јавниот WHOIS-извештај објавен на whois-страницата, доменот е регистриран вчера, на 16.9.2025 година. Од WHOIS-записот не се гледаат јавни детали за вистински регистрант или за крајни сопственици. Ова јавно отсуство на податоци, во комбинација со именуваните name servers и регистратор, укажува на обид за анонимност и за прикривање на вистинските нарачатели и сопственици на сајтот, што дополнително ги засилува сомнежите дека станува збор за намерна, организирана кампања, со цел политичка манипулација и сокривање на траси кон вистинските иницијатори“, се вели во реакцијата на ВМРО-ДПМНЕ.

За ВМРО-ДПМНЕ, се додава, е јасно дека зад ваквите обиди стојат структури блиски до Венко Филипче и неговите инсталации, кои со години ја злоупотребуваат политиката и јавниот простор за лични и партиски цели.

„ВМРО-ДПМНЕ повикува на итна реакција на надлежните институции. Не сакаме да веруваме дека некој сака по уште еден пат да предизвика болка, овојпат преку гнасна политичка злоупотреба на оваа трагедија. Зарем Обвинителството ќе остане немо на вакви содржини, кои директно шират омраза, дезинформираат и претставуваат закана за безбедноста на луѓето? Дали институциите ќе ги испитаат регистраторските траги и ќе утврдат кои стојат зад анонимниот сајт и кој ги нарачал овие монструозни материјали“, соопшти партијата.

Јавноста мора да знае дека обидот да се оцрни политичкиот противник преку вакви монструозни конструкции не е ништо друго освен признание за немоќ и недостаток на идеи, се додава во соопштението.

„Болката на семејствата мора да остане света и недопирлива, а не инструмент за најниска политичка злоупотреба. ВМРО-ДПМНЕ останува посветена на демократијата, дијалогот и решавањето на проблемите на граѓаните преку одговорни политики, а не преку ширење на омраза и лаги“, соопшти ВМРО-ДПМНЕ.

The post МОНСТРУОЗНА ПОЛИТИЧКА ЗЛОУПОТРЕБА НА ТРАГЕДИЈАТА ВО КОЧАНИ ОД ИНСТАЛАЦИИТЕ НА ФИЛИПЧЕ Обвинителството итно да реагира, бара ВМРО-ДПМНЕ appeared first on plusinfo.mk.

ВМРО-ДПМНЕ бара веднаш да има седница на Комисијата за надзор на Агенцијата за национална безбедност (АНБ), а на СДСМ му порача причината за нејзино одложување да ја бара „кај нивниот коалиционен партнер Скендер Реџепи и ДУИ“.

„ВМРО-ДПМНЕ повторно и денес, бара уште веднаш итна седница на Комисијата за надзор на АНБ, и веќе следниот работен ден, односно во вторник во 09 часот, да се изврши увид во просториите на АНБ. СДСМ и денес докажува дека го следеле претседателот Мицкоски откако се излетаа на прес-конференција. Во однос на одложената седница, ги замолуваме СДС да се обратат кај нивните коалициони партнери, односно Скендер Реџепи и ДУИ“, реагираше кусо ВМРО-ДПМНЕ.

Претходно, се откажа седницата која беше закажана за денеска на Комисијата за надзор над работата на Агенцијата за национална безбедност и на Агенцијата за разузнавање во врска со актуелните сомнежи за незаконско прислушување од Агенцијата за национална безбедност, кое се вршело во периодот од 2019 до 2024 година. Од собраниските служби немаше образложение за одложувањето на седницата.

Претседателот на Собранието, Африм Гаши за денеска во 11 часот ја имаше закажано седницата на Комисијата за надзор над работата на Агенцијата за национална безбедност и на Агенцијата за разузнавање.

Како што информираа вчера од собраниската прес-служба, со седницата требаше да претседава пратеничката на СДСМ, Славјанка Петровска.

Ова следи откако пратеникот Љупчо Пренџов како член на собраниската Комисија за надзор на АНБ и АР јавно го повика претседателот на Комисијата Скендер Реџепи од Eвропскиот фронт да закаже итна седница по што претседателот на Комисијата Скендер Реџепи рече дека додека е претседател и дискриминиран нема да свика таков состанок.

– Целта е на седницата да се разгледаат загрижувачките сомнежи за незаконско постапување во АНБ, односно да утврдиме точен датум за официјална посета во Агенцијата за национална безбедност преку која ќе извршиме директен увид во состојбите и темелно испитување на сите околности поврзани со овие настани – изјави Пренџов.

Овие случувања, според пратеникот, предизвикале силна вознемиреност во јавноста и, како што рече, ја поткопуваат демократијата и довербата во институциите задолжени за заштита на националната безбедност.

Реџепи потенцира дека тој не може да присуствува на таква седница бидејќи информациите се класифицирани, а тој нема одговор на барањето за безбедносен сертификат кое го побарал уште во ноември или декември минатата година.

– Која би била логиката, претседателот на Комисијата да не може да присуствува на една таква Комисија или таков претрес во службите. Пред една година имам поднесено барање за безбедносен сертификат. Сметам дека тоа е дискриминација – истакна Реџепи.

The post ВМРО-ДПМНЕ БАРА ИТНА СЕДНИЦА ЗА НАДЗОР НА АНБ За одложувањето на денешната седница од власта го вперуваат прстот кон СДСМ и кон ДУИ appeared first on plusinfo.mk.