Љубовната приказна на актерката Маргарет Кволи и музичарот и продуцент Џек Антоноф, која со години важеше за една од најромантичните на холивудската сцена, очигледно дојде до својот крај. Според списанието „Пипл“, двојката се разделила само неколку месеци пред третата годишнина од бракот.

Веста ги изненади нивните обожаватели, бидејќи Маргарет и Џек долго време беа сметани за еден од најстабилните и најхармоничните славни парови.

Според извори блиски до нив, нивната врска веќе извесно време минувала низ криза, а во моментов се обидуваат да одлучат како понатаму. Разделбата доаѓа во период кога и двајцата се целосно посветени на професионалните обврски. Антоноф е на турнеја со својот бенд „Bleachers“, додека Кволи се подготвува за снимањето на новиот хорор-филм „Possession“.

Дополнителни сомнежи предизвика и фактот што Антоноф неодамна сам пристигнал на свадбата на својата долгогодишна пријателка, пејачката Тејлор Свифт, и нејзиниот партнер Тревис Келси. Наместо сопругата, друштво му правела неговата сестра, модната дизајнерка Рејчел Антоноф.

Маргарет и Џек првпат беа поврзани во летото 2021 година, кога беа фотографирани за време на романтична средба во Бруклин. Следната година веќе јавно се појавуваа заедно, а набргу ја објавија и свршувачката.

Се венчаа во август 2023 година во Њу Џерси, во присуство на бројни славни гости, меѓу кои беа Тејлор Свифт, Лана Дел Реј, Зои Кравиц, Ченинг Тејтум и Кара Делевињ.

Нивната љубовна приказна долго време изгледаше како бајка. Антоноф во повеќе наврати јавно изјавуваше дека уште при првата средба знаел дека Маргарет ќе биде неговата сопруга.

– Ја видов и беше како сцена од романтичен филм. Кога ја запознав, почнав да размислувам за работи за кои претходно никогаш не сум размислувал, како што е бракот – изјавил тој во емисијата на Хауард Стерн.

Открил и дека ја побарал за жена за време на нивниот престој во Париз, откако претходно ја повикал нејзината сестра за да побара благослов.

Ниту Маргарет, чија мајка е познатата актерка Енди Мекдауел, никогаш не криела колку е среќна во нивната врска.

Во интервју за списанието „Харперс Базар“, дадено пред нивната свадба, таа го нарече Антоноф „својата личност“.

– Пресреќна сум што ја пронајдов својата личност. Тоа е вистинско. Неверојатно е. Тоа е најубавото чувство на светот – изјавила тогаш актерката.

Таа признала и дека токму благодарение на Џек првпат посакала да создаде вистински дом.

– Пред да го запознаам Џек никогаш не создавав дом. Живеев во мали станови и постојано се селев. Денес ми е прекрасно да градиме заеднички живот и да имаме нешто за кое можеме да се грижиме – раскажала таа.

Нивната љубов била толку инспиративна што Лана Дел Реј во 2023 година ја објави песната „Маргарет“, именувана токму по актерката. Една година подоцна, пејачката призна дека токму односот меѓу Маргарет и Џек ја поттикнал да не се откаже од љубовта.

Засега претставниците на Маргарет Кволи и Џек Антоноф не ги коментирале написите за разделбата.

Иако извори блиски до двојката тврдат дека нивниот однос минува низ тежок период и дека сè уште се обидуваат да најдат решение, веста за разделбата означува крај на една љубовна приказна која со години важеше за една од најромантичните на холивудската сцена.

The post СЕ РАЗВЕДУВААТ ЌЕРКАТА НА ЕНДИ МЕКДАУЕЛ И ПРОДУЦЕНТОТ НА НАЈГОЛЕМИТЕ ПОП-ХИТОВИ Љубовната приказна на Маргарет Кволи и Џек Антоноф важеше за една од најромантичните во Холивуд appeared first on plusinfo.mk.

Манекенката и актерка Кара Делевињ првпат јавно потврди дека била во романтична врска со Амбер Херд во периодот кога актерката минувала низ бурниот развод со Џони Деп. Со ова таа стави крај на долгогодишните шпекулации што со години го следеа еден од најконтроверзните љубовни триаголници во Холивуд.

Во интервју за подкастот на Луис Теру, Делевињ изјави дека таа и Херд „биле многу блиски“ и дека, додека траел разводот со Деп, нивниот однос прераснал во романтична врска, која ја опиша како „заплеткана ситуација“. Според неа, тие се познавале уште неколку години претходно, но токму во тој турбулентен период станале многу поблиски.

Веста повторно го оживеа интересот за драмата што со години ги брануваше медиумите. Разводот на Херд и Деп во 2016 година подоцна прерасна во серија судски процеси, кои кулминираа со спектакуларното судење за клевета во 2022 година. Тогаш вниманието не беше насочено само кон нивниот брак, туку и кон приватниот живот на Херд и кон нејзините други врски. Во тој период се појавија и гласини дека Херд истовремено била поврзувана и со милијардерот Илон Маск.

Делевињ во интервјуто потврди дека Маск бил дел од сложените односи што тогаш ја опкружувале актерката, но не навлегуваше во дополнителни детали. Името на Маск се споменуваше и во старите медиумски тврдења за наводна љубовна врска меѓу тројцата. Сепак, Маск уште во 2020 година категорично ги демантираше тие шпекулации, тврдејќи дека никогаш немал интимна врска со Делевињ и дека со Амбер Херд започнал да се гледа дури по нејзината разделба со Џони Деп.

The post РАЗОТКРИЕНА ДЕЦЕНИСКАТА ТАЈНА ЗА ЕДЕН ОД НАЈПОЗНАТИТЕ ХОЛИВУДСКИ ТРИАГОЛНИЦИ Кара Делевињ призна дека била во врска со Амбер Херд за време на разводот со Џони Деп appeared first on plusinfo.mk.

Американскиот кантри музичар Џели Рол и неговата сопруга Бани Ксо решија да стават крај на нивниот речиси десетгодишен брак. Според судските документи, 41-годишниот музичар, чие вистинско име е Џејсон Бредли Дефорд, поднел барање за развод во државата Тенеси, наведувајќи „непомирливи разлики“ како причина за раскинувањето.

Иако со години важеа за еден од најомилените и најблиските парови на американската музичка сцена, извори блиски до парот тврдат дека одлуката за развод била взаемна и дека сакаат да ја зачуваат приватноста во овој чувствителен период. Особено е интересно што тие го наведоа 9 мај како датум на раскинување, само девет дена пред официјално да биде поднесено барањето за развод на суд, а разводот ги изненади нивните обожаватели бидејќи парот неодамна изјави дека се подложува на третман со вештачко оплодување.

Нивната љубовна приказна започна во 2015 година, а една година подоцна се венчаа во познатата капела „Little White Wedding“ во Лас Вегас. Со текот на годините, тие често јавно зборуваа за својата љубов, но и за предизвиците со кои се соочуваа. Еден од најголемите удари врз нивната врска дојде во 2018 година кога Џели Рол призна дека ја изневерил својата сопруга, чие вистинско име е Алиса Дефорд. Подоцна тој момент го опиша како еден од најлошите во својот живот и отворено проговори за вината што ја чувствувал поради аферата. Неверството го поврза со проблемите што ги имал во тоа време, вклучувајќи ги зависностите и лошото друштво со кое бил опкружен. И покрај ова, Бани, која претходно работела како ескорт дама, решила да му даде втора шанса.

Двојката ја надминала кризата, ја вратила довербата, па дури и повторно размениле брачни завети во 2023 година во истата капела каде што првпат се венчале. Тие постојано нагласуваат дека поминувањето низ најтешките моменти ги направило посилни.

Уште во февруари оваа година, нивната врска изгледаше стабилна. Потоа Бани јавно проговори за импресивната трансформација на нејзиниот сопруг по големото слабеење од повеќе од 100 килограми, нагласувајќи дека тој добил нова енергија и оптимизам за животот. Истиот месец, Џели Рол ѝ се заблагодари за време на говорот на доделувањето на музичките награди за тоа што му помогнала да го промени својот живот.

Но, само неколку месеци подоцна, пристигна веста за нивниот развод. Дополнителни сомнежи предизвикаа фотографиите од камион во движење пред нивната луксузна вила од 6,5 милиони долари во близина на Нешвил, иако не е познато кој од нив се исели.

Џели Рол, кој има две деца од претходни врски, и Бани Ксо сè уште јавно не ги објавија деталите за нивниот развод. Сепак, крајот на нивната љубовна приказна изненади многумина, особено по годините во кои отворено зборуваа за тоа како успеале да преживеат кризи кои неповратно би уништиле многу други врски.

The post 🎥 МУЗИЧАРОТ КОЈ ОСЛАБЕ 100 И КУСУР КИЛОГРАМИ, СЕГА СЕ РАЗВЕДУВА Музичарот Џели Рол и неговата сопруга Бани Ксо беа заедно една деценија appeared first on plusinfo.mk.

The post 🎥 СИНГЛ, АНКСИОЗЕН И ТРОШИ МНОГУ ПАРИ Зошто „осамениот“ Кит Урбан ги загрижува пријателите? appeared first on plusinfo.mk.

Во врска со трагичниот случај во кој мајка и дете го загубија својот живот, Министерството за социјална политика, демографија и млади изразува длабоко сочувство до семејството и блиските.

„Постапувајќи согласно законските надлежности и принципот на должно внимание, Министерството веднаш изврши вонреден инспекциски надзор во Центарот за социјални работи – Скопје, со цел целосно и непристрасно утврдување на фактичката состојба и начинот на постапување на институцијата.

Според првичните информации од инспекторите, починатата заедно со сопругот за прв пат се евидентирани во Центарот на 07.10.2025 година, по барање на Основниот граѓански суд за постапување по тужба за развод на брак.

Во однос на пријавено насилство, допис од Министерството за внатрешни работи е примен и заведен во Центарот на 02.02.2026 година, а се однесува на настан од 19.12.2025 година, за сторен прекршок против јавниот ред и мир односно физички напад на сопругот врз сопругата.

Министерството има јасен и недвосмислен став: секое евентуално пропуштање, ненавремено постапување или непочитување на законските обврски мора да биде целосно утврдено, а одговорност мора да има согласно закон.

Заштитата на жртвите на насилство и превенцијата од семејно насилство се врвен приоритет и нема да дозволиме институционални слабости да останат неадресирани.

Инспекцискиот надзор е во тек, а по неговото завршување Министерството транспарентно ќе ја информира јавноста за наодите и за понатамошните мерки. Министерството будно ќе го следи случајот и ќе преземе сè што е во негова надлежност за да се обезбеди целосна одговорност и зајакнување на системот на заштита“ – се вели во соопштението на Министерството за социјална политика.

МАЈКА СКОКНАЛА ОД ЗГРАДА СО ДЕТЕТО ВО РАКА Трагедија во скопски Карпош, Итната помош само констатирала смрт

The post СЕ РАЗВЕДУВАЛЕ, ЈА ТЕПАЛ, БИЛ ПРИЈАВУВАН… Ресорното министерство ќе бара каде е пропустот appeared first on plusinfo.mk.

Џесика Алба и Кеш Ворен официјално се разведоа после 16 години брак, дури деновиве, две години откако објавија дека се разделуваат. Според судските документи, поранешниот пар постигнал договор за поделба на имотот и старателството над своите деца.

Во документите се наведува дека поранешниот пар се откажал од правото да си плаќа алиментација еден на друг. Сепак, Ворен ќе добие исплата од 3 милиони долари од Алба за да се изедначи поделбата на имотот. Актерката ќе ја плати сумата на две рати од по 1,5 милиони долари – првата веднаш, а втората во рок од една година.

Според договорот, Алба и Кеш ќе продолжат да ги одгледуваат своите ќерки Онор (17) и Хејвен (14) и синот Хејс (8) заедно.

По разводот од Кеш Ворен, Џесика Алба беше видена во Мајами како разменува нежности со актерот Дени Рамирез, кој е 11 години помлад од неа.

44-годишната мајка на три деца е 11 години постара од ѕвездата на филмот „Капетан Америка: Храбриот нов свет“, но разликата во годините воопшто и не се забележува.

Двојката за прв пат беше видена заедно на 14 јули по романтичниот одмор во Канкун, и оттогаш се речиси неразделни.

Тие изгледаа многу блиски и на најновите фотографии од плажа. Иако актерот веќе има објавено нивни заеднички фотографии на Инстаграм, Алба сè уште не споделила ниту една.

 

View this post on Instagram

 

A post shared by curators of pop culture (@deuxmoi)

Според договорот со поранешниот сопруг, Алба и Кеш ќе продолжат да ги одгледуваат своите ќерки Онор (17) и Хејвен (14) и синот Хејс (8) заедно.

Рамирез неодамна го заврши своето режисерско деби, фудбалската драма „Батон“, чиј  извршен продуцент е Дејвид Бекам, а пред него има голем број актерски проекти, вклучувајќи филмови со Педро Паскал и „Одмаздници: Судниот ден“ на Марвел.
Алба, која се здоби со слава во серијата „Темен ангел“, ја продолжува својата актерска и продуцентска кариера и ја води успешната компанија „The Honest Company“, која сега се проценува на 300 милиони долари.

The post 📷 КОЈ БИ РЕКОЛ ДЕКА Е 11 ГОДИНИ ПОСТАРА ОД НЕГО? По разводот, Џесика Алба најде нова среќа со својот колега appeared first on plusinfo.mk.

Хрватската инфлуенсерка и ќерка на покојниот хрватски крал на фанкот, Дино Дворник, Ела Дворник ги изненади своите следбеници со објава на Инстаграм, во која откри дека цела недела престојува во иста куќа во Истра со својот бивш сопруг и нивните ќерки.

– Среќен понеделник. Првата недела е во февруари, што значи дека повторно ќе живеам со бившиот една недела. Овој пат во Истра ќе носам само облека за вежбање, бидејќи минатиот пат носев облека за да се облекувам убаво, но сега не ми се прави тоа. И морам да носам пижами, бидејќи е толку ладно во таа куќа, што е иронично, со оглед на тоа што поминуваме низ апсолутен пекол на земјата – напиша таа.

Ела и претходно пишувала за нејзината семејна ситуација преку прашања и одговори со нејзините следбеници, кога некој ја праша дали девојчињата живеат со неа.

Таа одговори: „Браво, директно во глава. Тие не живеат со мене. Имаме споделено старателство (засега). Но, судијата привремено нареди девојчињата да живеат со нивниот татко во нашата семејна куќа во Истра. Јас сум потстанар во Нов Загреб.“

Нејзината искреност за необичниот договор со нејзиниот поранешен сопруг Чарлс Пирс, со кого го дели истиот покрив секоја втора недела заради децата, исто така привлече посебно внимание.

– Ова е најапсурдната работа досега, но само за да знаете дека постои. Кога се моите седум дена, ги поминувам во истата куќа со мојот поранешен сопруг и ќерките. Значи, сите живееме заедно седум дена секоја втора недела, како среќно семејство. Можам да се потсмевам на ова затоа што ниту мене ниту нему тоа не ни се допаѓа, но така ни е кажано – откри Ела.

Патем, Ела и Чарлс поминаа десет години заедно. Се венчаа во 2019 година во Лас Вегас, а ја објавија својата разделба во 2023 година. Нивниот процес на развод сè уште не е завршен, а бидејќи нивната постојана адреса беше во Бале, рочиштата за развод се одржуваат во Пула и се затворени за јавноста.

The post ЕЛА ДВОРНИК ЖИВЕЕ СО БИВШИОТ СЕКОЈА ВТОРА НЕДЕЛА „Преживуваме пекол на земјата…“ appeared first on plusinfo.mk.

Тие некогаш беа еден од најпознатите брачни парови, а потоа нивната разделба ги шокираше сите. По четири години, Том Брејди проговори за тоа како неговиот развод од Жизел Бундшен влијаел на неговата одлука конечно да се пензионира.

Пред светот на славните да полуди по комбинацијата на музичка суперѕвезда и најдобриот тајт енд во историјата на американската фудбалска лига НФЛ, Тејлор Свифт и Тревис Келс, најпознатиот пар беше бразилската манекенка Жизел Бундшен и лидерот на Њу Ингланд Патриотс и Тампа Беј Баканирс, Том Брејди. Затоа не беше ни чудо што сите беа шокирани од нивниот развод во 2022 година, наводно предизвикан од тоа што Брејди се врати на теренот еден и пол месец откако објави дека ќе се пензионира.

Легендарниот НФЛ играч и седумкратен победник на Супербоул отворено зборуваше за својата последна сезона во професионалниот американски фудбал и призна колку неговиот развод од манекенката влијаел на неговата игра и неговата одлука да се пензионира.

Појавувајќи се во „The Herd“, Брејди размислуваше за сопственото искуство додека коментираше за можното пензионирање на 42-годишниот поранешен соиграч Арон Роџерс од НФЛ. Том призна дека сезоната 2022 била исклучително тешка за него поради лични проблеми што се одвивале паралелно со неговите натпреварувачки обврски.

– Мојата последна сезона беше тешка. Поминував низ некои сериозни семејни проблеми и тоа ми одзеде многу енергија, и физички и ментално – рече Брејди, додавајќи дека по 23-годишна кариера, не чувствувал дека остава нешто недовршено со пензионирањето.

Тој посебно нагласи дека во тој момент сакал да ги промени своите приоритети и да се посвети повеќе на своите деца: „Сакав да бидам на нивните натпревари. Тие ме гледаа мене веќе доволно пати.“

Разводот меѓу Брејди и Бундхен се случи на средина од сезоната, откако поранешниот модел се спротивстави на неговата одлука да се врати на теренот по освојувањето на Супербоулот во 2021 година со Тампа Беј Буканирс, откако го објави своето пензионирање 40 дена претходно. Нивниот брак траеше 13 години, а разделбата беше една од најследените во светот на спортот и шоубизнисот.

Heartbreaking: Tom Brady speaks about how rough his divorce from Gisele Bündchen was during his final year in the NFL.

“I had a lot of personal family issues, and it was a challenge. It just took a lot out of me in terms of my ability to continue to play.”

You can just see the… pic.twitter.com/x9Hy4WjbNB

— Dov Kleiman (@NFL_DovKleiman) January 16, 2026

Во меѓувреме, Бундхен се премажи, за инструкторот по џиу-џицу Хоаким Валенте, со кого неодамна доби дете. Според американските медиуми, Брејди бил информиран за свадбата и мирно ја прифаќа целата ситуација, фокусирајќи се главно на својот однос со своите деца.

Брејди, кој оттогаш стана експертски коментатор на FOX за неделните натпревари и малцински сопственик на Лос Вегас Рејдерс, исто така се осврна на советите што би им ги дал на играчите кои размислуваат за пензионирање. Тој нагласи дека повлекувањето од професионалниот спорт е исклучително тешко, но дека сезоната не треба да се игра половично.

– Ако не можете целосно да се посветите, тогаш сезоната никогаш нема да заврши како што треба – рече тој, додавајќи дека само целосната посветеност му дава шанса на тимот да успее, особено кога станува збор за стартен квотербек.

Со својата искрена изјава, Брејди уште еднаш покажа дека дури и најголемите спортски икони се соочуваат со тешки лични моменти и дека понекогаш тие се оние кои одлучуваат за крајот на една одлична кариера.

The post 🎥 TOM БРЕЈДИ СИ ГО ОТВОРИ СРЦЕТО Легендарниот НФЛ играч проговори за тоа колку му бил тежок разводот од Жизел Бундшен appeared first on plusinfo.mk.

The post РОДИТЕЛСТВО ПОСЛЕ РАЗВОД Поранешните сопружници кои заедно одгледуваат среќни и здрави деца следат 4 едноставни правила appeared first on plusinfo.mk.

Ејми Шумер (44) официјално поднесе барање за развод од својот сопруг Крис Фишер, објавува Us Weekly.

Актерката го поднесе барањето на 6 јануари, во Врховниот суд на округот Њујорк, според документите до кои дошле од Us Weekly.

– Бла бла бла. Крис и јас донесовме тешка одлука да го прекинеме нашиот брак по седум години – објави Шумер преку Инстаграм на 12 декември 2025 година.

Многу се сакаме и ќе продолжиме да се фокусираме на одгледувањето на нашиот син. Ја молиме јавноста да ја почитува нашата приватност во овој период.

Потоа Шумер сподели фотографија од себе и нејзиниот сопруг како се смешкаат заедно во метрото во Њујорк. Шумер и Фишер почнаа да се забавуваат во ноември 2017 година, а неколку месеци подоцна се свршија.

– Начинот на кој мојот сегашен сопруг ми предложи брак беше сосема безвреден – се пошегува Шумер за време на нејзиниот монолог во Saturday Night Live во мај 2018 година.

– Беше тоа глупаво запросување. Беше утро. Спиев. Тој фрли кутиче кон мене и рече: „Ти го купив ова“. Но, тоа е реалистично запросување.“

И покрај помалку импресивното запросување, Шумер и славниот готвач се венчаа во февруари 2018 година. Двојката го доби своето единствено дете, синот Џин, во мај 2019 година. Шумер и Фишер продолжија да се поддржуваат еден со друг во текот на целиот брак, честопати соработувајќи на разни проекти.

Тие работеа заедно на серијата на Хулу серијата на Шумер Life & Beth, а Фишер беше консултант за сценариото. Во ноември 2025 година, се појавија гласини дека Шумер и Фишер имаат проблеми во врската.

Двојката го продаде својот дом во Бруклин за 11 милиони долари истиот месец. И покрај шпекулациите за разделба, Шумер го пофали својот сопруг на почетокот на декември 2025 година, потсетувајќи се на нејзината операција на ендометриоза во 2021 година.

– Ејми сè уште го обожава Крис, само не романтично – изјави извор ексклузивно за Us откако се појави веста за разделбата.

– Тој е одличен човек и уште подобар татко.

Изворот објаснил во декември 2025 година дека нивниот брак едноставно „ја изгубил својата искра“, истакнувајќи дека „немало голема, скандалозна причина за разделбата“. Потоа додава дека двојката веќе со месеци се обидувала да сфати како ќе изгледа нивната разделба, особено кога станува збор за нивниот 6-годишен син.

– Целта е преминот да биде што е можно помирен за да не се наруши дневната рутина на детето – изјавил изворот за Us. Една од многуте работи за кои се согласуваат е дека Џин и неговата среќа секогаш се на прво место.

The post СЛАВНАТА АКТЕРКА ПОДНЕСЕ БАРАЊЕ ЗА РАЗВОД ПО 7 ГОДИНИ БРАК „Многу се сакаме и ќе продолжиме да се фокусираме на одгледувањето на нашиот син“ appeared first on plusinfo.mk.