Како што соопштија денеска од Развојната банка, зголемувањето на поддршката на приватниот сектор ќе се реализира преку проширување на портфолиото на банката со издавање на царински гаранции.

Царинските гаранции, како што посочуваат од банката, беа предвидени со четвртиот сет економски мерки за ревитализирање на економијата. Со овој производ, ќе се олесни увозот на материјали заради облагородување кој се реализира како извоз во форма на производи и услуги.

– Преку Развојна банка на Северна Македонија досега се реализираа две бескаматни кредитни линии за поддршка на микро, мали и средни компании со кои се поддржаа околу 1.400 компании со 18 илјади вработени. Дополнително, преку Развојна банка се ставија на располагање на приватниот сектор 50,9 милиони евра поволни кредити од ЕИБ кредитната линија за проекти на 189 компании кои треба да вработат нови 605 лица – се наведува во соопштението.

Тековно од Развојната банка информираат дека се реализира третата бескаматна кредитна линија со грант компонента за микро и мали трговски друштва, ТП и занаетчии, за која поднесувањето на кредитни барања започнува во среда на 16 декември од 00:01 часот на полноќ.

Третата бескаматна кредитна линија се реализира со финансиска поддршка до 30 милиони евра од Европската Унија преку активноста „ЕУзаОтпорност“ од ИПА програмата, како и од буџетски средства во износ од 1 милион евра.

The post Приватниот сектор ќе добие поголема поддршка преку Развојната банка appeared first on plusinfo.mk.

Шестата транша од кредитната линија ЕИБ фаза 5 која ја користи Развојна банка, е одобрена за нови 8 проекти на домашни компании. Со ова, досега на вкупно на 113 домашни компании преку шест комерцијални банки им се овозможи да користат евтини кредити со каматна стапка до 1,6 отсто. Овие 113 домашни компании ќе поддржат вработување на вкупно 222 лица.

Најголем дел од овие средства, 35 отсто или 10,7 милиони евра, се наведува во соопштението на банката, се одобрени за проекти во секторот производство. Дваесет и два отсто од средствата или 6,9 милиони евра се одобрени за секторот трговија, додека 13 отсто или 4 милиони евра се одобрени за проекти во секторот угостителство. За секторот транспорт се одобрени средства во износ од 3,5 милиони евра или 11 отсто, за секторот услуги се одобрени 2,6 милиони евра или 9 отсто, додека за секторот здравство се одобрени средства од 0,6 милиони евра. За други сектори се одобрени вкупно 2,3 милиони евра или 8 отсто.

На почетокот на септември ќе биде повлечена и последната, седма транша од ЕИБ кредитната линија во износ од околу 20 милиони евра.

Досега, од кредитната линија ЕИБ фаза 5 која изнесува 100 милиони евра се повлечени шест транши во вкупен износ од 79,7 милиони евра, со кои се поддржани 259 проекти на домашни компании со кои се вработуваат 706 лица.

The post Нови 5 милиони евтини кредити од Развојната банка за домашните компании appeared first on plusinfo.mk.

Бесмакатните кредити се наменети за зачувување на работните места и подобрување на ликвидноста на фирмите, објави вечерва министерката за финансии Нина Ангеловска на нејзиниот официјален фејсбук профил.

– Нова линија од 8 милиони евра бескаматни кредити преку Развојната банка за фирмите погодени од COVID-19 Олеснети услови и начин за аплицирање, Поголем износ на кредити. Важи за СИТЕ погодени компании Минимален износ на кредит е 3.000 евра. Максимален износ на кредит е 90.000 евра. Сумата на кредитот се одредува според бројот на вработени од заклучно со 31.01.2020 наведен во изјава при аплицирање, се множи по бројот на вработени, за пресметани најмногу 3 месеци.

Формулата за пресметка на износот кој компанија може да го искористи е следен:
Број на вработени x 14.500 ден x 3 месеци
На пример: компанија со 10 вработени ќе може да добие 14.500 денари X 10 вработени X 3 месеци = 435.000 денари или 7.073 евра

Кредитни услови:
Каматна стапка од 0% на годишно ниво
Рок на отплата до 3 години со вклучен грејс период до 12 месеци.
Обезбедување со меница
——————————–
Кој може да аплицира

СИТЕ подогодени компании, од СИТЕ дејности КОИ:

Имаат намалување на приходот на за повеќе од 30% во тековниот период, на пример во месеците март или април 2020 во споредба со истиот месец минатата година или со просечниот месечен приход во 2019 година се регистрирани повеќе од половина година:

Немаат неплатени даноци и придонеси до 31.01.2020

Не се во постапка на стечај или ликвидација;

Не се во категоријата исклучително ризични кредитобаратели, стои на фб статусот на министерката Ангеловска.

The post Нова кредитна линија за фирмите погодени од коронавирусот appeared first on plusinfo.mk.

По структура од вкупно одобрените кредитни апликации, микро компаниите до 10 вработени учествуваат со 69 отсто, малите компании до 50 вработени учествуваат со 28 отсто, а средните компании до 250 учествуваат со 4 отсто.

Владата на последната седница одобри бескаматни кредити во вкупен износ од 936.602 евра. за уште 118 компании со 1.116 вработени.

Досега до Развојната банка се пристигнати повеќе од 1,050 кредитни апликации на износ од 7,5 милиони евра.

Владата за овие кредити обезбеди кредитна линија во износ од 13, 7 милиони евра.

The post Бескаматни кредити досега добиле 254 компании appeared first on plusinfo.mk.

Кредитите се распределени така што микрофирмите со максимум 10 вработени се предвидени од 3.000 до 5.000 евра, за малите со 10 до 50 вработени од 10.000 до 15.000 евра, а за средните компании со 50 – 250 вработени од 15.000 до 30.000 евра.

Каматата е нула отсто, отплатата на кредитот ќе биде две години, а грејс периодот изнесува шест месеци. Првата рата ќе треба да почне да се отплаќа девет месеци од одобрувањето на кредитот.

Аплицирањето е преку Развојната банка,  а листата на дејности од НКД кои може да аплицираат за кредитната линија е следна:

The post Кој може да аплицира за бескаматниот кредит на Развојна банка? appeared first on plusinfo.mk.

– Кредитите се со рок на отплата од 24 месеци грејс период од шест месеци – информира директорот на Развојната банка Кире Наумов.

Тој рече дека максималниот износ на кредитот кој ќе биде одобрен не може да биде повисок од 3.000 евра, а минималниот износ на кредитот ќе биде 30.000 евра.

– На компании до 10 вработени, може да им се одобри кредит до 5000 евра. На оние од 11 до 50 вработени, кредитот ќе изнесува 15.000 евра,додека на компании со 51 до 250 вработени, до 30.000 евра- рече Наумов.

Компаниите, како што рече Наумов, ќе треба да бидат активни и регистрирани во земјава и да се со најмалку 51 отсто во приватна сопственост и не се во постапка на стечај или ликвидација.

– Да немаат неплатени даноци и придонеси, освен ако на истите им е одобрено одложено плаќање на даноците и придонесите во согласност со посебните прописи и истите редовно ги плаќа, да работат подолго од 6 месеци и имаат поднесено годишна сметка во централен регистар;согласно финансиските извештаи за последната фискална година има главнина и резерви (наведен во билансот на состојба) не помалку од 50% од износот на бараниот кредит; согласно податоците од кредитен регистар на НРБСМ со состојба од 31.01.2020 година се во класификација подобра или еднаква на Б (се врши пресметка на просечна ризичност) или кои немаат кредитна изложеност – рече Наумов..

Тој додаде дека ова е иницијална прва мерка, но Развојната банка ќе обезбеди и други средства со кои ќе се кредитираат и другите сектори.

– Сега се појавува проблем и со патничкиот транспорт. Во овој момент за оваа кредитна линија ковид е можат да се јават и тие. Подоцна ќе се јави и проблем кај трговците и компаниите од другите сектори. Кредитите и за нив ќе се даваат под исти кредитни услови, но прво треба да се утврдат секторите – рече Наумов.

Идните кредити за стопанството, како што рече, ќе бидат со нула каматна стапка без никакви трошоци за обработка на податоците. Ќе се работи за кредити за кои обазбедување е само меница .

Тој најави и дека е планирано да продолжи соработката со комерцијалните банки при што Развојната банка ќе се труди да обезбеди што пониски каматни услови, па дури и нула каматна стапка..

– Ќе продолжи со соработка со комерцијалните банки со ниска или нула каматна стапка, па се надеваме дека и нивната маргина дека ќе биде пониска – рече Наумов.

The post Развојната банка го објави огласот за кредитната линија „Ковид1“, од полноќ се аплицира appeared first on plusinfo.mk.