Претседателката Гордана Сиљановска – Давкова, денеска во Обединетите нации во Њујорк, имаше средба со генералниот секретар на ОН, Антонио Гутереш. Како што јави известувачот на МИА, средбата е во рамки на работната посета на претседателката на САД и учеството на 80. Сесија на Генералното собрание на ОН.

Сиљановска – Давкова на средбата изрази почит кон улогата на Гутереш како глас на разумот и правдата во време на големи глобални предизвици и тектонски промени во меѓународниот поредок.

– ОН треба да ја зајакнат својата улога и да бидат главната арена за справување со глобалните предизвици – од војната во Украина и конфликтите на Блискиот Исток, до климатската криза и спроведувањето на Агендата 2030. Затоа се потребни суштински реформи, преку јакнење на репрезентативноста и демократизацијата на Генералното собрание и на Советот за безбедност-  истакна претседателката на срдбата со генералниот секретар на ОН.

Нагласувајќи ја важноста на женското лидерство, таа укажа дека активно се спроведува и Вториот национален акционен план за жени, мир и безбедност.

Според неа, водството на Гутереш отвора простор за спроведување на потребните реформи на светската организација, а одличното партнерство со тимот на ОН во земјава, резултира со значајна поддршка на реформите за владеење на правото, борбата против корупцијата и доброто управување – приоритети кои се клучни за македонската европска интеграција.

Сиљановска-Давкова му се заблагодари на Генералниот секретар на ОН за безрезервната поддршка на македонскиот пат кон ЕУ и за неговата позиција за потребата од забрзување на евроинтегративниот процес.

Во соопштението од кабинетот на Гутереш, пак, се наведува дека генералниот секретар и претседателката разменија мислења за случувањата во Западен Балкан, вклучително и процесот на пристапување на Северна Македонија во Европската Унија. Тие разговараа и за соработката меѓу Обединетите нации и Северна Македонија.

По средбата со Гутереш, Сиљановска – Давкова, во Постојаната мисија на ЕУ во Њујорк, ќе присуствува на ручекот што за лидерите од Западен Балкан го организира високата претставничка на ЕУ за надворешни работи и безбедносна политика Каја Калас.

Според агендата, таа ќе присуствува и на церемонијата организирана од страна на Атлантскиот совет за доделување награди за глобални граѓани, како и на приемот организиран од меѓународниот центар „Низами Ганџави“.

Претседателката Гордана Сиљановска – Давкова синоќа присуствуваше на приемот што го приреди американскиот претседател Доналд Трамп.

Предвидено е, таа утре да има обраќање на 80. Сесија на Генералното собрание на ОН.п

The post ГУТЕРЕШ Е ГЛАСОТ НА РАЗУМОТ ВО ВРЕМЕ НА ГЛОБАЛНИ ПРЕДИЗВИЦИ Сиљановска Давкова порача дека е потребно јакнење на позицијата на ОН appeared first on plusinfo.mk.

– Најважно е денеска да се гласа. Ја користам оваа прилика да ги повикам Бугарите да излезат и да гласаат за да не дозволат некој друг да одлучува за нив – додаде шефот на државата.

Легитимитетот на следниот парламент и влада зависи од излезноста на гласачите, од кои очекуваме важни одлуки, посочи тој.

The post БУГАРИЈА ПАК ГЛАСА Радев очекува конечно да надвладее разум во бугарската политика appeared first on plusinfo.mk.

– Повикувам на разум и на совест и да се врати дебатата во партиските органи, со конкретни аргументи за излез од оваа настаната ситуација – рече Меџити.

Во врска со назначувањето на Бујар Османи за политички координатор во огранокот на ДУИ во Чаир од страна на Али Ахмети, Меџити рече дека оваа постапка е недемократска и спротивна на статутот на ДУИ.

Во меѓувреме новиот владен партнер, Алијанса за Албанците, како што јавуваат медиумите на албански јазик, направила список на директори на институции коишто ќе му ги предложи на премиерот Димитар Ковачевски, а на чие чело не се само членови на Алтернатива, туку има и членови на „огнената група“ на ДУИ.

The post МЕЏИТИ БАРА РАЗУМ ОД АХМЕТИ Бара да ја смири топката со „огнените“ appeared first on plusinfo.mk.

Каква релативизација и обид за лажна еквидистанца помеѓу демократите и автократите!

Дугин и неговото семејство се поддржувачи на Путин, воен автократ одговорен за инвазија на соседна земја и илјадници жртви кај тие што ги нарекуваше како братски народ.

Дугин и семејството шетаат со „Z“ маички, како бесрамни поддржувачи на тој масакр.

Дугин е филозофот кој стои позади интелектуалната архитектура и наративот за актуелната војна, поддржувајќи ја тезата дека ова е историската улога на Русија.

Жалам, ама во време на војна која ти си ја почнал и ти ја поддржуваш, таквите позиции те прават стратешка, односно политичка цел.

Дугин по ништо не е цивил.

Ружди, од друга страна, не застапува никоја држава, се застапува себеси и своите слободоумни ставови, најчесто наспроти опресивната моќ на државните автократии.

Ружди е слободен човек и како таков е нападнат, Дугин е неслободен човек во неслободна држава и за таков е нападнат.

Двете нешта и двајцата луѓе не би можеле да бидат поодалечени едни од други, како што мирот е далеку од војната, како што вистината од лагата, како што разумот од омразата.

Модерниот фашист и империјалист нема ништо заедничко со слободата на говорот.

Неговиот е говор на смрт и неслобода.

(ФБ статус на авторот)

The post Дугин и Ружди appeared first on plusinfo.mk.

Тој вели дека мерките биле носени на секои три месеци следејќи ги тековите во економијата. Се согласува дека некогаш тие не доаѓале навреме до граѓаните, но смета дека во време на криза најважно е да преовлада разумот кај сите политички чинители.

–   Ние сме единствена земја, не само на Балканот, туку и пошироко, во која немаше разум. Влеговме во здравствена и економска криза, а се однесувавме неразумно како да живееме во мирнодопски моменти. Во Грција на пример, опозицијата се однесуваше разумно затоа што сметаше дека животот на граѓаните е најважен и дека во пандемија не сакаш да покажеш кој е попаметен и подобар политичар и дека за политички мегдан има време. Се согласувам дека некогаш мерките не доаѓаа навремено кај нашите граѓани, но сигурно се сеќавате дека јас повикував речиси секој втор ден дека на нашите пратеници кои се изгласани од граѓаните им се потребни само пет секунди да го кренат зеленото картонче и да ги изгласаат мерките. Замислете, пет секунди да се поважни од еден човечки живот. Јас тоа не можам да го разберам и никогаш нема да го разберам – истакнува Битиќи.

The post Битиќи: Во пандемијата се однесувавме без разум, како во мирнодопски услови appeared first on plusinfo.mk.

– Нивно право е дали ќе поднесат амандмани, но јас очекувам да има разумност во целиот процес затоа што и Алијанса и Алтернатива како опозиција и ВМРО-ДПМНЕ повикуваше на одлагање на пописот имајќи ја предвид епидемиолошката состојба во државата и зголемениот број заразени и починати лица. Како и што ќе се случува на седницата ќе видиме на самата седница и доколку се закаже почеток на комисиска работа на седницата ќе видиме со што ќе истапат Алијанса и Алтернатива – рече Мицевски.

Според него Алијанса за Албанците и Алтернатива нема да соберат Бадентерово мнозинство за да го блокираат законот, и посочи дека исходот од седницата ќе се види во текот на денот.

The post Мицевски: Очекувам разумност на денешната седница appeared first on plusinfo.mk.

The post Секој пат ја промашуваат целта appeared first on plusinfo.mk.