На утрешната пленарна собраниска седница се очекува да биде ставен предлогот на Владата за разрешување на државниот јавен обвинител Љупчо Коцевски, соопшти претседателот на Собранието, Африм Гаши на денешниот брифинг со новинарите.

Сѐ уште не е пратена покана до Коцевски дека на утрешната седница на дневен ред ќе биде ставено неговото разрешување, но таа би требало да му биде доставена во текот на денов.

До крајот на декември се очекува да се одржат четири пленарни седници. На 23 декември пред пратниците годишно обраќање треба да има претседателката Гордана Сиљановска Давкова, а на 25 декември треба да се одржи седница за пратенички прашања.

Гаши на средбата со новинарите посочи и дека наскоро ќе бидат донесени два закона од Реформската агенда, а тоа се Законот за јавни патишта и Законот за Судски совет, а останатите закони се чекаат да пристигнат во Собранието.

The post РАЗРЕШУВАЊЕТО НА КОЦЕВСКИ УТРЕ НА СЕДНИЦА ВО СОБРАНИЕТО Во текот на денов треба да му стаса покана appeared first on plusinfo.mk.

Пратениците го бираат јавниот обвинител, тие се оние кои решаваат кое е најдоброто решение за функцијата. Главен јавен обвинител ќе биде избиран на јавен повик, на кој ќе може да се пријави секој оној кој ќе ги исполнува условите согласно закон и согласно објавениот повик. Тоа денеска го посочи премиерот Христијан Мицкоски одговарајќи на прашања на новинарите во врска со предлогот на Владата за разрешување на главниот јавен обвинител, Љупчо Коцевски.

Премиерот рече дека очекува брзо да се одвива целата процедура на избор на нов главен јавен обвинител.

– Предлогот за разрешување на главниот јавен обинител веќе е образложен. Истиот ако не е досега доставен до Собранието, ќе биде – рече Мицкоски.

За негативното мислење од страна на Советот за јавни обвинители по однос предлогот за разрешување на Коцевски, премиерот рече дека тоа е став на тоа тело, односно дека Владата има поинакво мислење.

Владата на вчерашната седница усвои предлог за разрешување на државниот јавен обвинител Љупчо Коцевски. Во појаснувањето на одлуката беше посочено дека Владата ја продолжува постапката што беше привремено стопирана за време на изборниот период.

Предлогот до Собранието за разрешување на Коцевски од функцијата се спроведува врз основа на член 88 став 1 од Законот за Јавно обвинителство, а по претходно добиено мислење од страна на Советот за јавни обвинители.

The post НОВ ДРЖАВЕН ОБВИНИТЕЛ ЌЕ СЕ ИЗБИРА НА ЈАВЕН ПОВИК Мицкоски очекува процедурата да се одвива брзо appeared first on plusinfo.mk.

Процедурата за разрешување на државниот обвинител Љупчо Коцевски ќе започне многу скоро, најави денеска премиерот Христијан Мицкоски на брифинг со новинарите.

– Разрешувањето на Коцевски ќе започне многу наскоро. Тоа е процедура што ќе трае најмалку месец ипол до два – рече Мицкоски.

Висок владин функционер пред неколку дена најави дека Владата планира до крајот на месецов да ја активира постапката во Собранието за разрешување на Коцевски.

Според обвинителот, најавите за негово разрешување се политички мотивирани.

The post РАЗРЕШУВАЊЕТО НА КОЦЕВСКИ ЌЕ ПОЧНЕ НАСКОРО Процедурата ќе трае до два месеца appeared first on plusinfo.mk.