Актерката и музичарка Тејана Тејлор се најде во центарот на драмата зад сцената на Оскарите во 2026 година, откако беше фатена во жестока вербална расправија во ходникот на театарот Долби. Видеото, кое брзо стана вирално на социјалните мрежи, ја прикажува вознемирената Тејлор како обвинува маж дека физички ја туркал додека луѓето се движеле низ толпата зад сцената.
Видеото ја прикажува Тејлор како се пробива низ група луѓе и реагира гласно, очигледно вознемирена од ситуацијата.

– Ти си маж и ставаш раце на жена – рече таа, покажувајќи кон некого надвор од кадарот.

– Толку си груб. Толку си груб. Толку си груб – повтори таа додека присутните се обидуваа да ја смират.
Кога еден од луѓето во близина ѝ се приближил за да разбере што се случило, Тејлор ја објаснила ситуацијата:

– Затоа што ги стави рацете врз жена – рекла таа, додавајќи дека инцидентот бил од физичка природа.

– Тој буквално ме турна. Речиси ја турна и неа – рекла таа, покажувајќи кон неидентификувана жена што стои до неа.

Видеото завршува со нејзиното предупредување до сите околу неа: „Не ме допирајте, не ме туркајте, не ме туркајте.“

Teyana Taylor just blew up and got in a massive fight at the Oscars after “a man touched her” pic.twitter.com/DTyhdnc4rf

— Matt Wallace (@MattWallace888) March 16, 2026

Напнатиот момент зад сцената се случил само неколку минути откако Тејлор веќе предизвика огромна дебата на социјалните мрежи околу нејзината реакција на губењето на Оскарот за најдобра споредна женска улога.

Ејми Мадиган ја освои наградата таа вечер, додека меѓу номинираните беа Вунми Мосаку, Инга Ибсдотер Лилеас и Ел Фенинг. За време на објавувањето, камерите ги прикажаа реакциите на номинираните актерки на поделен екран.

Кога беше прочитано името на победничката, Тејлор скокна од своето место, ги крена рацете над главата и почна гласно да плеска, што многу гледачи го протолкуваа како претерана или лажна реакција.

– Тејана Тејлор се преправа дека е среќна. Девојко, седни и опушти се; Оваа реакција на Тејана Тејлор е најлажната работа досега – напишаа корисниците на платформата X.
Експертот за говор на телото, Џуди Џејмс, верува дека реакцијата не била случајна, туку начин за прикривање на вистинските емоции.

– Двете го криеја своето вистинско разочарување со маскирање на автентичните изрази на лицето – рекла Џејмс за Тејлор и Ел Фенинг.

Според нејзината анализа, Тејлор реагирала многу брзо.

– Тејана рипна од седиштето како да ја удриле со струја, со главата надолу, што значи дека едвај можеше да го прилагоди изразот на лицето. Кога стана, беше во целосно славеничко расположение, плескајќи со рацете над главата – објаснила таа.

Додаде дека таквото однесување често укажува на обид да се скрие силно разочарување.

– Овој вид однесување обично укажува на бран на силна основна емоција – во овој случај, веројатно разочарување – кое се обидува да се маскира со подеднакво силен приказ на спротивната емоција – заклучила таа.

Amy Madigan wins Best Supporting Actress at the #Oscars for ‘WEAPONS.’
pic.twitter.com/oQRkAObfma

— Film Updates (@FilmUpdates) March 15, 2026

И покрај контроверзноста, номинацијата за Оскар претставува голем момент во кариерата на 35-годишната Тејана Тејлор. За нејзината улога во филмот „Една битка по друга“, таа веќе го освои Златниот глобус за најдобра споредна женска улога, а беше номинирана и за наградите БАФТА, избор на критичари и НААЦП имиџ.
Тејлор е позната и по својата успешна музичка кариера. Нејзиниот албум „Escape Room“ ѝ донесе номинација за Греми во категоријата најдобар R&B албум, потврдувајќи го нејзиниот статус како еден од најразновидните уметници на денешницата.

The post 🎥 НOМИНИРАНАТА АКТЕРКА СЕ СКАРА НА ОСКАРИТЕ Видеото со нервозната Тејана Тејлор стана вирално на социјалните мрежи appeared first on plusinfo.mk.

Ужасната трагедија во Кочани ги запре напорите на владејачката коалиција да спроведе кадровска реформа на клучните позиции во правосудството.

Имав целосно разбирање за фактот дека во околности кога целата нација беше во жалост и гневна поради она што се случи во Кочани, промената на државниот јавен обвинител Љупчо Коцевски, на пример, ќе беше разбрана како „блокирање“ на истрагата, па дури и како обид таа да се забошоти.

Спин по спин – приказна

Но, знаев дека таа изнудена одлука на премиерот Христијан Мицкоски да го поштеди Коцевски од смена ќе биде разбрана погрешно, а потоа и спинувана во спротивната насока. Така се прошири наративот дека Мицкоски му дал шанса на државниот обвинител, со намера да го држи под контрола и за да ја насочува истрагата.

На сличен начин се спинува и запирањето на притисокот за смена на петте членови на Судскиот совет на кои парламентот им изгласа недоверба. Брзо се прошири спинот дека на тој начин партијата на власт сака да ги стави под контрола тие членови и целиот Судски совет, како и судиите кои зависат од нив.

Да се разбереме, кога јас би бил „спин-доктор“ на опозицијата, веројатно и јас би креирал таква манипулација. Така се прави тоа. Најбезобразно.

Не можеш да „рестартираш“ зарибана „триосумшестка“

А состојбите во правосудството, дури и после трагедијата во Кочани, воопшто не се променети и нема да се променат. Најмалку под притисок на јавните протести под мотото „кој е следен“.

Сите оние повици на протестите против „системот“ ниту сменија нешто, а ниту ќе сменат. Бидејќи „системот“ не е апстракција, туку жив организам кој се состои од прописи, институции и луѓе кои треба да дејствуваат согласно со процедурите и со правилата на игра.

Заблуда е дека „системот“ може да се „рестартира“. Тоа е како да се обидете да „рестартирате“ стар компјутер, како оние зарибани „триосумшестки“ што ги имаме по подрумите. Не постои волшебно копче што може тоа да го направи.

Не ми зборувај за реформи без кадровски резови

Едноставно, мора да сфатиме дека „системот“ е корумпиран, искомпромитиран и нефункционален, затоа што луѓето се такви. Луѓето го прават системот таков, а не обратно.

Не се дрогира „системот“, не беснее тој по улици, не зема тој мито, не купува тој дипломи и не е тој што прави триста други глупости. Луѓето го прават сето тоа, а потоа го приспособуваат „системот“ на тие лоши практики, ги заробуваат институциите, бараат „дупки“ во законите и се снаоѓаат за да се извлечат. Успеваат во тоа, но не затоа што се многу паметни, туку затоа што знаат дека се несменливи.

Затоа, не ми зборувајте за сериозна промена на правосудниот систем, ако не сте спремни на сериозни кадровски резови, ако на клучните позиции во обвинителствата и во судовите на дојдат саглам луѓе, кои ќе спроведат законски, институционални и секакви други реформи на сите нивоа.

Ако не дојде до такви промени, сите ние заедно, на чело со премиерот Христијан Мицкоски, како неспорен лидер на владеjaчката коалиција и на државата, со големо разочарување ќе гледаме дека „системот“ продолжува да „преде“ по формулата што своевремено и официјално ја промовираше Али Ахмети – како до сега!

Кој Судски совет – оној со петте членови на кои парламентот им изгласа недоверба?

Всушност, веќе сме сведоци и на такви разочарувања.

Ете, читам, премиерот изјавил дека бил „згрозен“ од пресудата со која човекот што одзеде еден млад живот во сообраќајка во Тетово е осуден на казна затвор од две години. Мицкоски ќе барал Судскиот совет да ја „преразгледа“ работата на судијата кој ја донесе пресудата што предизвика жестоки реакции во јавноста.

„Јавно да прашам, има ли некој во државава кој смета дека тука имаме задоволена правда?“, праша премиерот.

Ова е добро прашање, се разбира. Наскоро премиерот Мицкоски ќе има прилика пак да го постави. Но, не треба да не прашува нас дали е задоволена правдата. Се знае кого треба да праша, освен себеси. Лидерот на владејачката коалиција не треба да се надева дека Судскиот совет, со петте члена на кои парламентот им изгласа недоверба, ќе биде субјектот што ќе ја задоволи правдата во случајот на несреќната Теодора од Тетово.

Се плашам дека зад оваа изјава ќе остане само уште еден спин, дека Мицкоски наводно врши притисок врз судството. Пак … Како до сега …

Дали некој ја води и истрагата за трагедијата во Кочани во слепа улица?

Би сакал во оваа прилика да предупредам и на некои гласини што ги слушам, кои се однесуваат за досегашниот тек на истрагата за случајот во Кочани. Добро информирани извори ме убедуваат дека истрагата се води со сомнителни јавнообвинителски наредби, со кои таа се насочува кон спорни правни квалификации за сторените кривични дела. „Кваката“ веројатно е во тоа однапред да се подготви ситуација во која судското процесуирање на овој случај ќе почива на кревки правни темели, што ќе им даде шанса на вистинските виновници да се извлечат.

Не знам дали е точно ова за истрагата во Кочани, но истражувам и веќе имам некои сознанија кои ги зацврстуваат моите сомнежи. А кога ќе погледнам кои луѓе го водат „шоуто“ и со каков бекграунд се тие, можам да кажам само едно – би бил многу поспокоен кога клучни луѓе во истрагата би биле некои други, постручни и поодговорни обвинители.

Што е фатално – терапијата или апатијата?

Како и да е, мислам дека владејачката коалиција во Македонија веќе доаѓа до сознанието дека „бонусот“ што им го даде на клучните луѓе во правосудството веќе е погрешно разбран и сигурно нема да ги натера да бидат она што не се и што никогаш не биле – стручни, одговорни, непристрасни, бескомпромисни, некорумпирани и некомпромитирани.

На крајот на денот, Мицкоски пак ќе дојде до сознанието дека тој самиот не може да преземе политичка одговорност за реформи во оваа област, без да спроведе кадровска обнова и за таа цел во полн капацитет да ги искористи надлежностите и на извршната и на законодавната власт.

Дали таа „терапија“ предизвикува контраиндикации и нуспојави? Да, ама не се фатални. Фатална е оваа апатија од која никако да се извлечеме.

А најфатално е кога терапијата доцни. Кога операцијата ќе успее, а пациентот е мртов.

Затоа една позната изрека вели – не можеш да направиш омлет без да скршиш неколку јајца.

The post Премиере, не можеш да направиш омлет без да скршиш неколку јајца! appeared first on plusinfo.mk.

Средбата помеѓу српскиот претседател Александар Вучиќ и косовскиот премиер Албин Курти во Брисел почна со ниски очекувања и со очигледна нервоза кај двете страни. Српскиот претседател во Брисел беше пречекан од шефот на европската дипломатија Жозеп Борел.

Вучиќ пред средбата изјави дека правото и правдата се на страната на Србија, но дека сите крупни на Запад се против Србија. Тој на Инстаграм објави видео снимено во авион, во кое наведува дека веќе неколку дена, особено вчера и денеска, Курти води „брутална и валкана кампања против Србија“.

 

View this post on Instagram

 

A post shared by Aleksandar Vučić (@buducnostsrbijeav)

И премиерката на Србија, Ана Брнабиќ изјави дека нема очекувања од денешната средба на претседателот на Србија, Александар Вучиќ и премиерот на Косово, Албин Курти во Брисел, бидејќи, како што рече, не само што не ја гледа намерата на Приштина да го спроведе договореното пред десет години, туку смета дека Приштина намерно го прекршува Бриселскиот договор.

„Не гледам како нештата ќе се променат по повеќе од десет години од потпишувањето на Бриселскиот договор како прв договор за нормализација гарантиран од ЕУ со неговиот потпис. Не гледам никаква подготвеност во Приштина,“, рече Брнабиќ одговарајќи на новинарски прашања.

Брнабиќ додава дека Курти не само што не го спроведува Бриселскиот договор, туку и го прекршува.

„Но, и со овие квази-избори што се одржаа на северот на Косово и Метохија, повторно ништо за тоа не слушнав од ЕУ. Всушност, она што се слушна беа практично гласови за одобрување за прекршување на Договорот од Брисел од страна на Приштина, така што денеска немам никакви очекувања.Се трудиме да продолжиме да бидеме толерантни, да го зачуваме мирот и некаква стабилност и покрај напорите на Приштина да предизвика дестабилизација“, рече Брнабиќ.

Косовската претседателка Вјоса Османи денеска изјави дека Косово треба да го претстави својот нацрт Статут на Заедницата на српските општини, изготвен во согласност со Уставот на Косово, со одлуката на Уставниот суд од 2015 година и со писмениот став на САД.

ВУЧИЌ И КУРТИ УСВОИЈА ДЕКЛАРАЦИЈА ЗА ИСЧЕЗНАТИ ЛИЦА Клучно прашање е Заедницата на српски општини на Косово

The post (ВИДЕО)„СИТЕ СЕ ПРОТИВ НАС“ Вучиќ разочаран дојде на средбата со Курти во Брисел appeared first on plusinfo.mk.

Тој во интервју за „Програма 200“ во Алсат-М откри дека на средбата со евроамбасадорот во Скопје го искажал своето мислење дека на земјава не ѝ треба разочарување на граѓаните, како што се случи со поранешното Специјално јавно обвинителство.

Доколку нема поддршка од ЕУ и од САД, министерот Лога рече дека не може да има процес на ветинг.

– Со други зборови, на Македонија најмалку ѝ треба поголемо разочарување од тоа што се случи. Ние сме во фаза на контакти и размена на мислења, тоа што го споменав претходно, ќе се избира модалитетот како ќе влеземе во овој процес. Ако немаме директна вклученост на ЕУ, со постојани советници во смисла на инструментот што треба да ни помогне, како и вклучувањето на САД за да го зголемиме кредибилитетот во овој процес, тогаш верувам дека нема потреба од ветинг. Или ќе влеземе во вистински процес, кој ќе го оправда кредибилитетот кон мене и кон министерството и кредибилитетот на јавноста, или воопшто не вреди да се почне – изјави министерот Лога.

Тој додаде дека евроамбасадорот изразил подготвеност директно да се вклучи во овој процес, а потсети дека и американската амбасадорка покажала посебен интерес за тоа.

The post ЛОГА НЕ САКА СО ВЕТИНГОТ ДА БИДЕ РАЗОЧАРУВАЊЕ КАКО СЈО Или поддршка од ЕУ и од САД, или ништо, категоричен е министерот за правда appeared first on plusinfo.mk.

После дводневната хајка против судиите на Апелациониот суд во Скопје, коишто ја укинаа пресудата на првостепениот суд за случајот „Таргет-Тврдина“ (да ја спомнеме тука воздржаноста на Бујар Османи, колку за показ дека не се сите исти), едвај се дочека понеделников за да се побара став на Американската амбасада за „бесрамнициве“ од скопска Апелација.

Сигурен сум дека воспалениве очекувале мадам Агелер да објави не само изрази на шокираност и разочараност, туку и најава за одлучна акција на американскиот тим за санкции, во поддршка на извршната власт, која се отепа од борба против корупцијата и гледај сега какви клипови ѝ ставаат во машината.

И глеј чудо! Нов шок и ново разочарување!

За Стево Пендаровски, нормално. И за Оливер Спасовски, па и за Димитар Ковачевски, за Славица Грковска и веројатно најмногу за Зоран Заев.

Ладнокрвно и одмерено, Амбасадата на САД во Скопје соопшти дека ги следи одлуките на судот за предметите „Таргет-тврдина“ и „Трезор“. И толку. Нема разочараност, нема шокираност. Анџела Агелер одбила да ги коментира одлуките на апелациските судии, со кои двата предмета се вратени на повторно судење во прв степен.

Еми, шупрајме сеа?

Не знам дали на нашиве изненаѓени и увреѓени политици, журналисти и колумнисти им е јасно која е и што претставува Анџела Аџелер во Македонија. Би сакал да им го појаснам тоа, бидејќи имам впечаток дека една лекција од областа споредбени политички системи не им е научена. Таа лекција се учи во петок на четвртиот час, па тие што во петок имале само три часа и после урда јаделе, ја прескокнале.

Вицот е дека воопшто не е важно која е приватно мадам Агелер, дали е вегетаријанец или крка пастрмајлии, дали нѐ сака или нѐ мрази, дали е добра вила или е зла вештерка. Важно е дека таа во Македонија го претставува американскиот претседател, лично и персонално.

Ај да ви биде уште појасно – кога зборува Анџела Агелер, зборува Џо Бајден!

А американскиот претседател може да ви каже сѐ и сешто, може и да ве бомбардира ако му текне, но никогаш нема да си дозволи јавно да коментира судска одлука. Па дури и во еден ваков Бантустан, во каков што е претворена Македонија!

Треба да си политички аматер и правно неписмен претседател, премиер или министер, па да си дозволиш јавно да изразиш „разочараност“ и „шокираност“ од судска одлука.

И треба да си или глупав, или ептен очаен, за да не сфатиш дека таквите изјави директно ја компромитираат кривично-правната постапка којашто не е завршена и дека таа компромитација е цврста основа за докажување на грубо кршење на едно од основните човекови права на обвинетите, правото на презумпција на невиност.

Јас знам дека Зоран Заев не е многу правно едуциран и дека заостанал во времето кога заедно со Катица, Оливер и со Радмила договарале што и како да прават со „бомбите“ и со предметите на СЈО. Им се извинувам на Јанева, на Спасовски и на Шеќеринска за оваа индискреција, но ова се зборови на Заев, а не мои. Тие зборови ги слушна цела Македонија.

И секако, јасно ми е дека Заев е очаен, веројатно и самиот свесен дека „камшикарите“ од САД не дошле овде баш за Сашо Мијалков, туку попрво за некои други, досега недопрени и неказнети магови на корупцијата во оваа земја.

Ама, зошто бре да се разочарани и очајни Пендаровски и Ковачевски?

Зарем чувствуваат обврска кон човекот кому му ги должат своите политички кариери?

И навистина ли му ги должат?

Не би рекол…

Како и да е, би ги посоветувал веднаш да размислат зошто Анџела Агелер крајно внимателно зборува за судски одлуки и зошто е воздржана. Мојата претпоставка е дека таа има добар тим советници од областа на правото и правосудството, кои внимателно прочитале зошто Апелациониот суд одлучил да ја укине првостепената пресуда за „Таргет-Тврдина“.

Под притисок на јавноста, „бесрамниците“ од Апелација денеска мораа во соопштение упатено да медиумите да ја објаснат својата одлука.

Пендаровски, вие како професор и човек којшто работел во МВР, прочитавте ли што пишува таму?

Кога Апелација вели дека во првостепената пресуда се сторени суштествени повреди на одредби од Законот за кривична постапка, како и повреди на кои Судот внимава по службена должност, тоа значи навистина многу.

Кога апелациските судии утврдиле дека тие повреди влијаеле и врз правилното утврдување на фактичката состојба и на правилна примена на материјалното право, на секого мора да му е јасно дека тоа се смета за дисквалификациска маана на првостепената пресуда. Со други зборови, таквата пресуда мора да падне.

Ај да ви го преведам и ова кога Апелациониот суд вели дека „фактите коишто ги зел за утврдени првостепениот суд, а по однос на дејствијата на извршување на обвинетите, не соодветствуваат со доказите изведени на главната расправа пред првостепениот суд, по однос на наодите и мислењата на вештите лица на Јавниот обвинител и на одбраната, како во делот на дејствијата по однос на следењето на комуникациите, така и по однос на вредноста на уништената опрема“. Јасно ли ви е што е овде напишано? Напишано е дека целата доказна постапка е промашена и дека пресудата е донесена без докази.

На мене сево ова ми е јасно одамна. Напишав неколку написи за ова. Ме пцуеја читатели, ме навредуваа, ме клеветеа, но никој не седна и со аргументи да ми докаже дека не сум во право.

Како испаднав толку паметен?

Не бе, другарчиња, не е до памет работата. Треба само умот да се отвори.

За разлика од повеќето мои колеги (некои од нив и долгогодишни хроничари на судски процеси), кои во известувањето им дадоа предност на Обвинителството и на политичките моќници под чиј диктат и притисок беше составено фалично обвинение и потоа беше донесена неодржлива пресуда, јас постапив поинаку. Сум чул дека во нашиот правосуден систем веќе не е како порано, дека сега обвинителот и обвинетите се рамноправни странки во постапката. Логично, сфатив дека двете страни треба да имаат и рамноправен пристап до јавноста.

И така, решив да направам разлика. Да го обезбедам токму тоа, рамноправен пристап и за обвинетите и за нивните бранители. Сега го правам истото и за одбрана на Драги Рашковски. Пак некои ме пцујат, ме караат зошто сум ги објавувал брифинзите на одбраната и колумните на Рашковски. А јас истото ќе го сторам и за одбраната на Мухамед Зеќири, ако посака, се разбира. Рашковски и Зеќири мене не ми беа другарчиња, на Заев му беа. Добро, Муки го знам како колега, ама Драги не сум го сретнал никогаш. Тие беа блиски соработници и многу блиски пријатели на муртинецот. Патем речено, ако поранешниот премиер навистина му е кум на Мухамед и ако е чесен и честит како што се претставува (мислам на Зоќе, де), ќе му каже дека Геро во една прилика предварително го предупредил кумот Заев другарчето Муки да не прави некои работи и да си го покрие газот, зашто нема да биде на арно (за ова што го зборувам постои и сведок).

Простете за оваа дигресија, но не можев да одолеам. А сакав само да кажам дека е доволно малку непристрасност, отвореност и професионалност, за секој новинар и секој читател што ги читаше моите написи, во кои укажував дека на Сашо Мијалков и на Гордана Јанкуловска им се суди со фатални процесни повреди и без докази, да ми поверува. Ако не, оак, да провери дали она што го тврдам е вистина.

Е сега никој не мора да ме проверува.

Апелационите судии ја кажаа вистината.

И тоа е многу важно, драги мои. Тоа е суштински важно за тоа како функционира и како изгледа оваа држава.

Во една нормална, цивилизирана држава, во која владее правото, а не волјата на султанот, секој има право на законита и фер судска постапка. Апсолутно секој!

Да, и Мијалков, и Јанкуловска, и сите други осомничени за масовното прислушување.

Сега читам како некои се тупкаат в гради и тврдат дека биле прислушувани, та затоа биле разочарани, а ќе им пропаднеле и оштетните побарувања. Се смеам кога читам вакви глупости. И јас сум еден од прислушуваните. И јас добив „диплома“ од СДСМ, односно це-де со транскрипти од мои прислушувани разговори. Мислам дека беа 12. После Заев ми понуди да ми ги сними сите мои разговори на стикче, бидејќи ги имало многу. Одбив, се разбира. И не поднесов никакво оштетно побарување, бидејќи не сакам арам пари од никого. Сакав само да се дознае вистината. А таа можеби нема да се дознае ако ова судење пропадне. А може да пропадне не поради застарување, туку поради политичка компромитација. И потоа вистината пак нема да се дознае, бидејќи за иста работа не смее да се суди два пати.

Штоооо? И за ова не сте чуле?! Е па за ова се учи на петти час во петок. Бурекот е изеден и се играат џамлии…

Се прашувам, а да не беше токму тоа идејата? Да не беше идејата никогаш да не се дознае како се прислушувало? И особено да не се разбере како потоа нелегалнните снимки стасале во рацете на Заев? И зошто од неговите раце се распрснаа на триста страни?

Не знам…

Навистина не е мое да судам. Не е наше да судиме. Не е на Анџела Агелер да суди. Не смеат да судат ни Пендаровски и компанија. Судат судиите. Ние следиме. Имаме право на свои мислења, но немаме право на свои факти. Затоа следиме мирно и спокојно. На судиите им оставаме да судат според законот и според сопствената совест.

Ако не постапуваме така, грешиме. И тоа опасно.

Кажав и ќе повторам – доаѓа крајот на Прекиот суд на Зоран Заев. Готово е. Финито. Тој што ќе се мачи да го задржи ден повеќе, да има на ум дека еден ден и самиот ќе заврши на обвинителна клупа. Напишав неколку пати досега, паѓа главата на Дантон, ама после паѓа и главата на Робеспјер. Па дајте, мајку му стара, сурфнете малку и научете кои се овие двајцата и што им се случило. Не почнува светот и историјата од Муртино…

Време е на обвинителите и на судиите да им помогнеме да демонстрираат интегритет, храброст и одговорност.

Погрешно се мисли дека тоа зависи само од нив. Не. И од нас зависи. Затоа, за почеток, намалите доживљај. И тоа е нешто…

The post Шо е воа, другарчиња, зошто Анџела не е разочарана и шокирана? appeared first on plusinfo.mk.

„Има ли оваа жена срам?!“ Ова е најчестиот коментар на гледачите на сцената кога Меган го навредува неговото семејство, а Хари црвенее од срам.

Во филмот Хари и Меган се однесуваат така што ги губат симпатиите од сите кои до сега покажуваа разбирање за маките на кралската двојка.

Во една од епизодите на документарната серија, Меган Маркл ги исмева обичаите на кралското семејство и за време на напад на смеа, се обидува да здивне, објаснувајќи како Британците ѝ се поклонуваат на кралицата.

Цело време додека таа зборува за тоа, Хари црвенее од срам и се чувствува понижен од начинот на кој неговата сопруга ги опишува обичаите на кралското семејство.

Но, за вкусовите обично не се расправа. Кој сака, може да ја погледне серијата и самиот да донесе заклучок. Ова е официјалниот трејлер:

The post ДУРИ И ФАНОВИТЕ РАЗОЧАРАНИ ОД ХАРИ И МЕГАН НА НЕТФЛИКС „Има ли оваа жена срам?!“ appeared first on plusinfo.mk.

Русија е разочарана од шестмесечното претседателство на Германија со Советот на Европа, посочи Захарова.

– Разочарани сме од германското претседателство во оваа структура, со чија помош беше организиран овој напад врз нашата земја. За сите шест месеци, Берлин не се однесуваше како водач на пан-европска организација, туку како предводник на антируските сили, ставајќи ги интересите на Унијата над целта утврдена во статутот на Советот на Европа, односно зајакнување на единството меѓу своите членки – изјави портпаролката на руското МНР.

Захарова го оцени како тажен фактот што Германија го заврши претседателството со одлука на Советот на министри за Крим, што претставува „колекција на лажни тврдења и апсурдни обвинувања“ против Русија.

– Справувањето со такво наследство ќе бара многу напор од здраворазумските земји. Дали ќе можеме да се вратиме на агендата за обединување или нова криза е неизбежна, останува отворено прашање – заклучи Захарова.

The post Захарова: Русија е разочарана од германското претседателство со Советот на Европа appeared first on plusinfo.mk.