Сите очекуваа од Роналдо да блеска на секој натпревар и на публиката да ѝ приредува вистинско шоу со топката, меѓутоа, тој сѐ уште го очекува првиот гол на официјален натпревар, а не му оди најдобро ни со дриблинзите за време на натпреварите.

Разочаран од него е тренерот Руди Гарсија, но разочарани се и сопствениците на Ал Наср.

На социјалните мрежи деновиве кружи снимка на која се гледа како еден од газдите на клубот реагира револтирано по натпревар на Ал Наср. Иако останатите се смеат, се чини дека и нему не му е сеедно од тоа што го виде досега од Роналдо.

„Дадов 200 милиони евра, а тој знае да направи само ‘Сиууу’. Неверојатно“, наводно вели шеикот додека другите го снимаат и паѓаат од смеење.

What happened yesterday after the Al-Nassr Match pic.twitter.com/Ote1OisbL5

— Mrfavour (@Mrfavour53) January 27, 2023

The post ДАДОВ 200 МИЛИОНИ ЕВРА ЗА РОНАЛДО, А ТОЈ ЗНАЕ САМО „СИУУУ“ ДА ПРАВИ Газдите на Ал Наср се разочарани од Португалецот (ВИДЕО) appeared first on plusinfo.mk.

Мицотакис, освен што изразува осуда од грчка страна, вели дека оваа одлука влијае на односите на Турција не само со Грција, туку и со ЕУ, со  УНЕСКО и со светската заедница во целост.

– Оваа одлука и секако 85 години по прогласувањето за музеј, го навредува екуменскиот карактер. Станува збор за избор што ги навредува сите оние кои го признаваат споменикот, како дел од светското културно наследство и секако влијае, не само на односите на Турција со Грција, туку и на нејзините односи со Европската Унија, со УНЕСКО и со светската заедница во целост. Жално е што турското раководство, кое во 2005 година работеше за Алијанса на цивилизациите, денес одбира да се движи во комплетно спротивна насока – истакнува грчкиот премиер.

Претседателката на Грција Катерина Сакеларопулу вели дека Света Софија е споменик со екуменски карактер, кој „припаѓа на човештвото и на светското културно наследство“ и е „симбол е на православието и на целиот христијански свет“.

– Одлуката на Турција да ја претвори Света Софија во џамија директно го навредува нашето историско сеќавање, непоправливо ги поткопува вредностите на толеранцијата и меѓуверскиот дијалог и предизвикува сериозна штета на нејзините односи со Грција, Европската унија и меѓународната заедница, истакна Сакеларопулу.

Поранешниот грчки премиер, а сега лидер на опозициската СИРИЗА, Алексис Ципрас, меѓу другото, порачува дека Владата има должност да го покрене конкретното прашање на меѓународно ниво.

– Одлуката на претседателот на Турција, да ја претвори во џамија, Света Софија, уникатниот  споменик на светското културно наследство со големо историско и духовно значење за христијанството, претставува сериозна провокација што го поткопува меѓуверскиот дијалог и флагрантно ги прекршува универзалните вредности, кои денес се неопходни повеќе од било кога. Меѓународната заедница е должна решително да се справи со овие активности, а Владата има должност да го покрене прашањето на меѓународно ниво, посочи Ципрас.

Портпаролката на американскиот Стејт департмент Морган Ортагус синоќа изјави дека САД се разочарани со одлуката на турската Влада за смена на статусот на Света Софија во Истанбул.

– Укажуваме на преземената обврска на турската Влада дека ќе гарантира пристап до Аја Софија за сите посетители и со нетрпение очекуваме да ги видиме нејзините планови за управување со објектот, истакна Ортагус.

Претседателот на Турција, Реџеп Тајип Ердоган вчера потпиша декрет со кој Света Софија повторно ќе биде џамија. Тој го потпиша указот откако турскиот Високиот административен суд ја поништи одлуката на Советот на министри од 24 ноември 1934 година за пренамена на Света Софија од џамија во музеј.

Ердоган најави дека на 24 јули во Света Софија ќе се одржи петочна молитва.

Тој истакна дека барањата Света Софија да остане музеј е исто како „ да се бара Ватикан да се претвори во музеј и да се затвори за богослужба“.

Света Софија беше најголемата христијанска црква, изградена во шести век од Византијците, а во џамија беше претворена по османлиското освојување на Цариград, денешен Истанбул, во 1453 година. Статусот од верски објект во музеј беше променет со указ во 1934 година од тогашниот турски претседател Мустафа Кемал Ататурк. Света Софија во 1985 година е прогласена за споменик на Светското културно наследство на УНЕСКО.

The post САД и Грција разочарани поради одлуката на Истанбул да ја претвори Света Софија во џамија appeared first on plusinfo.mk.