Првата Еко-трампа „На ти го, дај ми го“, посветена на одржливост, заедништво и креативна размена ќе се одржи на 22 ноември во Собрание Бистро, на улицата Даме Груев, позади Собранието, со почеток од 12 часот.

Настанот е отворен за сите кои сакаат да им дадат нов живот на старите предмети што веќе не ги користат, а го организира здружението Еко-свест.

Концептот е едноставен – секој учесник може да донесе до пет предмети (облека, книги, модни додатоци, ситни апарати или други употребливи предмети) и за секој донесен предмет ќе добие купон за размена. Со тој купон може да избере нешто што друг учесник го донел.

Сите предмети треба да бидат чисти, зачувани, а доколку станува збор за електронски уреди – функционални. Како мал знак на благодарност за учеството, секоj учесник ќе добие бесплатно кафе – затоа што секоја добра размена започнува со пријатен разговор и топол пијалок, велат организаторите.

Овој настан е инспириран од слични практики ширум светот, кои ја промовираат културата на повторна употреба и одржлив животен стил. Со „На ти го, дај ми го“, Еко-свест има за цел да ја внесе оваа позитивна навика и во македонското секојдневие.

– Често ми се случувало да видам уникатно парче облека и да дознаам дека е рачна изработка или стар модел од некоја претходна сезона. Денешната глобализирана мода нè тера сите да изгледаме слично, но токму користените парчиња облека и размената носат посебен шарм и автентичност. Со овој настан сакаме да потсетиме дека убавината не мора секогаш да биде нова – таа може да биде обновена, прераскажана и споделена – вели Искра Манојлоска, координаторка за комуникации во Еко-свест.

The post ДОНЕСИ ШТО НЕ ТИ ТРЕБА, ЗЕМИ ШТО ТИ СЕ БЕНДИСУВА Прва еко-трампа „На ти го, дај ми го“ во Македонија appeared first on plusinfo.mk.

Висок претставник на Хамас за Би-Би-Си изјавил дека палестинската исламистичка вооружена група ќе го одбие најновиот американски предлог за нов прекин на огнот во Газа и договор за ослободување на заложниците.

Белата куќа вчера соопшти дека Израел се согласил со планот на американскиот пратеник Стив Виткоф и дека се чека официјален одговор од Хамас.

Израелските медиуми цитираа израелски официјални лица кои рекоа дека Хамас во две фази ќе предаде 10 живи заложници и тела на 18 мртви заложници во замена за 60-дневен прекин на огнот и ослободување на палестински затвореници од израелските затвори.

Претставникот на Хамас, кој Би-Би-Си не го именуваше, рече дека предлогот не ги задоволува клучните барања, вклучувајќи го и прекинот на војната, и дека ќе одговори во догледно време.

Хамас е подготвен да ги врати сите заробеници во замена за целосен прекин на непријателствата и целосно израелско повлекување од Газа.

Израелската влада не коментираше, но премиерот Бенјамин Нетанјаху наводно во четвртокот им рекол на семејствата на заложниците дека го прифаќа планот на Виткоф.

The post ХАМАС ГО ОДБИ ПРЕДЛОГОТ НА САД Не е прифатен прекинот на огнот од 60 дена во Газа appeared first on plusinfo.mk.

Русија и Украина ја продолжија најголемата размена на заробеници досега, при што секоја страна ослободи уште 307 лица, соопшти денеска руското Министерство за одбрана, пренесува ДПА.

Министерството најави дека размената на заробеници ќе продолжи.

И украинскиот претседател Володимир Зеленски потврди дека уште 307 украински воени заробеници се вратиле дома како дел од размената, договорена со Русија.

Русија и Украина вчера соопштија дека размениле по 390 лица, како дел планираната осолободување на по вкупно 1.000 воени заробеници и од двете страни. Ова е најголемата размена на заробеници од почетокот на војната во Украина, а беше договорена минатата недела за време на разговорите во Истанбул.

За потсетување, шефот на руската дипломатија, Сергеј Лавров изјави дека Русија е подготвена да ѝ достави на Украина нацрт-документ со предложени услови за долгорочен мировен договор. Тој рече дека Москва останува посветена на мирно решавање на конфликтот што трае повеќе од 3 години.

– И натаму сме отворени за дијалог и активно работиме на документ што ќе ги дефинира условите за стабилен и траен мир. Штом завршат размените на заробеници, ќе бидеме подготвени да ѝ го предадеме тој нацрт-договор на Украина – изјави Лавров.

РУСИЈА СПРЕМА НАЦРТ-ДОГОВОР ЗА ТРАЕН МИР Ќе ѝ го предаде на Украина по размената на затвореници

The post РУСИЈА И УКРАИНА РАЗМЕНИЈА 307 ЗАРОБЕНИЦИ Дали Украина е поблиску до добивање нацрт-договор од Кремљ за траен мир? appeared first on plusinfo.mk.

Претседателот на Соединетите Американски Држави Доналд Трамп денеска, 23 мај, објави дека голема размена на воени заробеници меѓу Русија и Украина е успешно завршена.

„Голема размена на заробеници штотуку е завршена меѓу Русија и Украина. Честитки до двете страни за оваа преговарачка победа. Ова би можело да доведе до нешто големо“,  напиша Трамп на неговата социјална мрежа Truth Social.

Украина претходно ѝ достави на Русија список од 1.000 воени заробеници, како дел од подготовките за најавената размена, изјави вчера претставник на украинската воена разузнавачка служба.

Договорот за спроведување на размената беше постигнат претходно овој месец во Истанбул, за време на првите директни разговори меѓу Русија и Украина по повеќе од три години.

The post РАЗМЕНИЈА ЗАРОБЕНИЦИ КАКО ШТО СЕ ДОГОВОРИЈА ВО ИСТАНБУЛ Москва и Киев ја извршија најголемата рокада досега во војната appeared first on plusinfo.mk.

Претседателот на Украина, Володимир Зеленски, најави формирање на постојана проширена национална преговарачка група, која ќе работи на дипломатски напори за завршување на војната и воспоставување вистински и траен мир.

„Се одржа специјален состанок посветен на нашите дипломатски напори. Мораме да го искористиме секој механизам за мир и да покажеме јасна посветеност“, напиша Зеленски на Фејсбук.

Министерот за одбрана, Рустем Умеров, информирал за активностите на украинската делегација за време на разговорите во Турција. Средбите одржани на 15 и 16 мај, според Зеленски, ја покажале сериозната намера на Украина да работи на мирно решение, но и ја потенцирале потребата од зголемен притисок врз Русија за прекин на непријателствата.

Еден од најзначајните резултати од разговорите, според Зеленски, е постигнатиот договор за размена на 1.000 украински за 1.000 руски заробеници.

„Нашиот тим моментално работи на деталите за размената. Благодарен сум на сите што придонесоа за овие напори“, истакна украинскиот претседател.

The post ЗЕЛЕНСКИ СО НОВ ПРЕГОВАРАЧКИ ТИМ Украина го забрзува патот кон траен мир со Русија appeared first on plusinfo.mk.

Израел не се обврза на прекин на огнот со радикалната палестинска група Хамас во Појасот Газа, ниту на размена на заложници за Палестинци во израелски затвори, туку само на обезбедување безбеден коридор за ослободување на заложникот со израелско и американско државјанство Едан Александар, соопшти денеска израелскиот премиер Бенјамин Нетанјаху.

Соопштението на премиерот беше објавено од неговиот кабинет.

Нетанјаху додаде дека преговорите за ослободување на сите други заложници на Хамас во Газа ќе продолжат, паралелно со подготовките за засилување на офанзивата против движењето во енклавата.

Вчера висок претставник на групата Хамас изјави за ДПА дека ослободувањето на Александар се очекува во следните 48 часа. Изјавата беше дадена пред патувањето на американскиот претседател Доналд Трамп на Блискиот Исток, каде ќе ги посети Саудиска Арабија, Катар и Обединетите Арапски Емирати.

Претседателот Трамп потврди дека заложникот ќе се врати дома кај своето семејство.

„Со радост соопштувам дека Едан Александар ќе се врати дома кај своето семејство. Ова е чекор во добра насока кон САД и напорите на посредниците – Катар и Египет – за ставање крај на оваа брутална војна и враќање на сите живи заложници и останките на нивните најблиски“,напиша Трамп на својата социјална мрежа „Трут Соушал“, нарекувајќи ја оваа вест „монументална“.

The post ИЗРАЕЛ НЕ СЕ ОБВРЗА НА ПРЕКИН НА ОГНОТ Нетанјаху вели дека преговара само за безбедна рута за заложниците appeared first on plusinfo.mk.

Русија и Украина денеска, како резултат на преговарачкиот процес, разменија по 205 воени заробеници, соопшти руското Министерство за одбрана.

„Како резултат на преговарачкиот процес, 205 руски војници беа вратени од територијата која ја контролира режимот во Киев“, соопшти руското Министерство.

Во исто време, руските сили ослободија 205 украински борци, а хуманитарни и медијациски напори беа обезбедени од Обединетите Арапски Емирати.

The post РУСИЈА И УКРАИНА РАЗМЕНИЈА ВОЕНИ ЗАРОБЕНИЦИ По 205 борци од двете страни се вратија дома со помош на Емиратите appeared first on plusinfo.mk.

Русија и Украина денеска треба да разменат затвореници, а посредник во договорот повторно се Обединетите Арапски Емирати, соопштил извор кој е запознаен со преговорите.

Ќе бидат разменети вкупно 492 војници – 246 од двете страни, како и уште 46 ранети украински војници.

За време на војната Русија и Украина со посредство на ОАЕ веќе разменија вкупно 3.233 воени заробеници.

The post НОВА РАЗМЕНА НА РЕЧИСИ 500 ВОЈНИЦИ МЕЃУ РУСИЈА И УКРАИНА Обединетите Арапски Емирати повторно посредуваат appeared first on plusinfo.mk.

Ксенија Карелина, руско-американска државјанка, осудена на 12-годишна затворска казна во Русија под обвинение за предавство, е ослободена и е на пат за САД, објави американскиот државен секретар Марко Рубио.

Претходно „Волстрит џурнал“ напиша дека Русија и САД очигледно извршиле размена на затвореници денеска во Абу Даби.

Карелина(33) беше обвинета за предавство за наводно собирање пари за украинската војска. Минатата година таа беше осудена на 12 години затвор откако донираше нешто повеќе од 50 долари на американска хуманитарна организација која ја поддржува Украина.

Живеела во Лос Анџелес и вежбала балет, а американско државјанство добила во 2021 година. Таа отпатувала во Русија во јануари 2024 година за да ги посети својата 90-годишна баба, сестра и родители, со планови да се врати во Лос Анџелес по две недели, но била уапсена.

За возврат, Вашингтон, наводно, го ослободил Артур Петров, германско-руски двоен државјанин, кој беше уапсен во 2023 година на Кипар на барање на САД за наводен извоз на чувствителна микроелектроника. Директорот на ЦИА Џон Ретклиф, кој наводно бил вклучен во преговорите за затворениците со директорот на ФСБ, Александар Бортников, го пречекал Карелин на аеродромот во Абу Даби каде што се одвивала размената.

– Денеска, претседателот Трамп донесе дома уште еден погрешно приведен Американец од Русија. Горд сум на офицерите на ЦИА кои неуморно работеа за да го поддржат овој напор и ја цениме Владата на Обединетите Арапски Емирати што ја овозможи размената – додаде тој.

Ослободувањето на Карелин е втора размена на затвореници меѓу САД и Русија откако Доналд Трамп ја презеде функцијата во јануари. Во февруари Русија го ослободи Марк Фогел, училишен учител и поранешен вработен во американската амбасада во Москва.

Фогел отслужил три и пол години од 14-годишната затворска казна за шверц на дрога, откако бил фатен како поседува помала количина марихуана.

За возврат, Вашингтон тогаш го ослободи Александар Виник, осуден руски сајбер криминалец кој пред американскиот суд се изјасни за виновен за заговор за перење пари.

Најмалку 10 други Американци остануваат зад решетки во Русија, надевајќи се дека нивната влада ќе обезбеди нивно ослободување. Меѓу нив е Стивен Хабард, 73-годишен роден во Мичиген, кој во октомври беше затворен речиси седум години под обвинение дека служел како платеник во Украина.

The post САД И РУСИЈА РАЗМЕНИЈА БАЛЕРИНА И ЗАТВОРЕНИК Рубио потврди дека Ксенија Карелина се враќа во САД appeared first on plusinfo.mk.

Украина и Русија денеска соопштија за нови меѓусебни напади со дронови во текот на изминатата ноќ.

Украинската новинска агенција Укринформ јави дека украинските вооружени сили собориле сто руски беспилотни летала насочени кон цели во јужна, северна и централна Украина.

#Запоріжжя. Станом на 07:30 кількість поранених унаслідок дронової атаки окупантів зросла до 13. Ще двоє людей загинули

Деталі: https://t.co/v6MW0GSJ8n

Наш телеграм-канал: https://t.co/9Rxg9YOuzo#НПУ #поліція_Запоріжжя #новини #поліція_на_війні #обстріли #stoprussia pic.twitter.com/y3xzgzst2y

— Поліція Запоріжжя (@Police_ZP) March 22, 2025

Руските напади со беспилотни летала почнале синоќа во 19 часот и 30 минути по локално време и траеле до утрово во 08:30 часот. Соборените 100 руски дронови.

#UCRANIA

Bombardeo ruso con drones Geran-2 sobre la ciudad ucraniana de #Zaporiyia #Запоріжжя #Запорожье.
Ingentes daños producidos. pic.twitter.com/12s3MSZbBi

— Koldo News (@Koldo_News) March 21, 2025

Министерство за одбрана на Русија, пак, соопшти дека пресретнало 47 беспилотни летала во текот на ноќта над регионите Воронеж, Белгород, Ростов, Волгоград и Астрахан. Во украинските напади повредени се шест лица.

Во Ростов од напад со дрон оштетени се неколку станови и повреди две лица, изјави регионалниот гувернер Јуриј Сљусар.

Во Горловка, дел од отцепената Доњецка Народна Република во источна Украина, дрон удрил во противпожарно возило. Во нападот се повредени четворица пожарникари, соопшти руското Министерство за вонредни состојби.

Русија и Украина ги засилија воздушните напади додека американскиот претседател Доналд Трамп ги притиска Москва и Киев да се договорат за прекин на огнот по повеќе од три години војна.

The post 📽️ ВОЈНАТА НЕ СТИВНУВА Украина и Русија повторно разменуваат жестоки напади со дронови appeared first on plusinfo.mk.