– Како одговор на новата енергија што се внесува во билатералните односи, предвидовме поголема динамика во нашата работа. Закажавме 3 средби до средината на мај. Ова зголемување на ритамот не е нешто ново, од бугарска страна комисијата сакаше да има уште многу состаноци низ годините за да има резултати – додаде проф. Димитров.

Тој додава дека на почетокот нивна желба била опишувана како политички притисок, но сега има желба од другата страна. Првата средба годинава е на крајот на февруари, коментира професорот.

– Нема притисок врз комисијата. Имаме искуство, знаеме што да очекуваме и пристапуваме со внимание и реализам, без посебни очекувања. Ние сме во средниот век, уште сме на предметот што се учи во основно училиште, сѐ уште не сме стигнале до она што се учи во средно, а работиме 3 и пол години. Сето тоа е поради неподготвеноста на нашите колеги да прифатат дека имаме заедничка историја, а тоа започна во средниот век, тоа се должи на блокирањето на нормалниот ритам на комисијата – рече проф. Димитров.

Професорот вели дека инсистирал повторно да се отвори разговорот за Гоце Делчев, но жал нивната средба ќе биде по 150-годишнината од раѓањето на Гоце Делчев, коментира проф. Димитров.

– Не очекувам ништо што ќе предизвика голем ентузијазам во работата на комисијата – додаде тој.

The post ДИМИТРОВ НЕ ОЧЕКУВА НАПРЕДОК Ние сме заглавен во среден век, а Македонците не прифаќаат заедничка историја appeared first on plusinfo.mk.