Приведен е тетовец кој под дејство на алкохол и со пиштол денеска се обидел да изврши разбојништво во угостителски објект.

Од СВР Тетово информираат дека денеска во 16 часот на улица Илинденска во Тетово, полициски службеници го лишиле од слобода Х.Д.(22) од Тетово. ​При преглед кај него бил пронајден и одземен еден гасен пиштол, а по извршено алкотестирање било утврдено дека е под дејство на алкохол, односно му биле измерени 1,35 промили алкохол во крвта.

Претходно, во тетовската полиција А.И.(38) од Тетово пријавил дека околу 15:30 часот на неговото работно место во угостителскиот објект Х.Д. врз него извршил обид за разбојништво. Според пријавеното, тој влегол во објектот и со закана со пиштол побарал од вработениот А.И. да му ги даде парите. Откако А.И. одбил и му рекол да излезе, помеѓу нив настанала физичка пресметка, при што осомничениот со кундакот од пиштолот го удрил А.И. во пределот на главата. После тоа, Х.Д. побегнал од местото, но набргу по преземени мерки е пронајден и лишен од слобода.​ Тој е задржан во полициска станица и по целосно документирање на случајот против него ќе биде поднесена соодветна пријава.

The post ПИЈАН ТЕТОВЕЦ СО ПИШТОЛ СЕ ОБИДЕЛ ДА ОГРАБИ УГОСТИТЕЛСКИ ОБЈЕКТ Полицијата го уапси appeared first on plusinfo.mk.

Охридската полиција поднесе кривична пријава против Г.А. (49) од Охрид, поради сомнение дека сторил кривично дело „разбојништво“.
Според информациите од СВР Охрид, на 8 декември 2025 година, осомничениот насилно влегол во домот на Д.Б. од Охрид, физички го нападнал, а потоа му го одзел паричникот.
Полициски службеници за кратко време го лоцирале сторителот и го лишиле од слобода, по што против него е поднесена соодветна кривична пријава.

The post МУ ВЛЕГОЛ НАСИЛА ДОМА, МУ ГО ЗЕЛ ПАРИЧНИКОТ Дрско разбојништво во Охрид appeared first on plusinfo.mk.

Основното јавно обвинителство во Битола поведе истражна постапка против 53-годишен жител на градот, осомничен за разбојништво, откако, според наводите, со секира се заканувал во казино на „Широк Сокак“ и насилно одзел пари од вработена.

Инцидентот се случил на 15 декември, кога осомничениот, револтиран поради парите што ги изгубил играјќи на слот-машини, побарал да му бидат „вратени“ 8.600 денари. Заканата не била само вербална – мажот извадил секира скриена под јакната и почнал да замавнува кон оштетената, ставајќи ѝ го животот во непосредна опасност.

Исплашена од неговото однесување, вработената ја отворила касата и му ги предала парите што ги барал. По тоа, осомничениот го напуштил казиното.

Имајќи ја предвид тежината на делото, начинот на извршување и фактот дека станува збор за лице со претходна осудуваност, јавниот обвинител оценил дека постои сериозен ризик од повторување на делото или од бегство. Поради тоа, до судијата на претходна постапка е поднесен предлог за определување мерка притвор.

The post СО СЕКИРА ИМ ВЛЕГОЛ ВО КАЗИНО И СИ ГИ БАРАЛ ПАРИТЕ ШТО ГИ ИЗГУБИЛ Касиерката му вратила 8.600 денари appeared first on plusinfo.mk.

Основното јавно обвинителство Скопје поведе истрага против четири лица – двајца мажи и две жени – осомничени за разбојништво, откако со насилство му одзеле околу 200.000 денари на еден маж во мотел во главниот град.

Настанот се случил на 30 октомври, кога оштетениот со една од осомничените жени отишол во мотел во Скопје. Таа му предложила да повикаат уште една девојка, на што тој се согласил. Двете жени потоа го убедиле да заминат во „поубав и поевтин хотел“, но штом излегле од собата, во дворот ги пречекале двајцата мажи кои биле во договор со нив.

Мажите му се нафрлиле на оштетениот, го претепале со боксови по главата и телото сè додека не паднал на земја, а потоа му ги одзеле парите, мобилниот телефон и личната карта.

Обвинителството поднесе предлог до Основниот кривичен суд – Скопје за определување мерка притвор за сите четворица осомничени, поради опасност од бегство и можност да го повторат делото. Една од жените е сè уште во бегство, а мерката притвор ќе започне да важи кога ќе биде пронајдена и приведена.

The post ДВЕ ЖЕНИ ГО НАМАМИЛЕ, ДВАЈЦА МАЖИ ГО ПРЕТЕПАЛЕ И ОГРАБИЛЕ Разбојништво во скопски мотел appeared first on plusinfo.mk.

Истрага е отворена против четири лица, двајца мажи и две жени, кои според обвинителството брутално претепале и ограбиле човек во мотел во Скопје. Од оштетениот одзеле 200.000 денари, мобилен телефон и лична карта.

Настанот се случил на 30 октомври. Според истрагата, мажот најпрво се сретнал со една од осомничените жени и заедно отишле во мотел. Таа потоа му предложила да повикаат уште една девојка, на што тој се согласил. Кога пристигнала втората жена, двете заедно го убедиле да заминат во, како што му рекле, „поубав и поевтин хотел“.

Кога излегле од собата, во дворот на мотелот ги чекале двајца мажи. Во моментот кога оштетениот поминал покрај нив, сите четворица му се нафрлиле. Според сведочењето, го удирале со боксови по глава и тело додека не паднал на земја, па му ги зеле парите и другите лични предмети.

Од Основното јавно обвинителство Скопје соопштуваат дека за сите четворица е побаран притвор, бидејќи постои опасност да побегнат или да го повторат делото.

– Обвинителството достави предлог до судот за определување мерка притвор за сите осомничени. За едната жена, која по извршувањето на делото е во бегство, мерката ќе започне да важи веднаш по нејзиното пронаоѓање – велат од ОЈО Скопје.

Истражителите ги собираат сите докази, а се очекува во наредните денови да се појават и нови детали за тоа како четворицата ја испланирале и извршиле разбојничката замка.

The post НАМЕСТО ЉУБОВНА СРЕДБА ГО НАТЕПАЛЕ И ОГРАБИЛЕ Две жени го намамиле во мотел, па го нападнале со уште двајца мажи appeared first on plusinfo.mk.

Крадец влегол во стан на Бит-пазар, а сопственичката го затекнала додека крадел накит.

„На 29.10.2025 година во 22.50 часот во СВР Скопје 48-годишна жена од скопско пријави дека на 25.10.2025 година околу 19.00 часот во домот на подрачјето на Бит Пазар, едно лице влегло преку незаклучена врата, по што ѝ одзело личен накит. Откако пријавителката го затекнала, тој ја турнал и побегнал“, соопшти денеска полицијата.

Се преземаат мерки за расчистување на случајот.

The post КРАДЕЦ ВЛЕГОЛ ВО СТАН, СОПСТВЕНИЧКАТА ГО ЗАТЕКНАЛА, ТОЈ ЈА ТУРНАЛ Драма на Бит-пазар, полицијата го бара дрскиот разбојник appeared first on plusinfo.mk.

Основното јавно обвинителство Скопје поведе постапка против едно лице осомничено за кривичното дело  Разбојништво.

„Осомничениот 32-годишен скопјанец, на 18 август, маскиран со маица со која си го покрил лицето и со капа, преку незаклучена влезна врата влегол во домот на негов соселанец во селото Бучимци. Во рацете држел ловечки нож и кога во една од собите го затекнал сопственикот, му се заканил дека ќе го убие ако не му даде пари. Оштетениот, исплашен за својот живот, извадил 4.000 денари од комодата, но го замолил разбојникот да му дозволи да задржи барем 1.000 денари, бидејќи му се неопходни. Осомничениот се согласил и го напуштил местото со 3.000 денари кои противправно ги одзел од сопственикот“, соопшти Обвинителството.

Јавниот обвинител до судијата на претходна постапка достави предлог за определување мерка притвор за осомничениот, бидејќи постојат околности кои укажуваат на опасност од бегство, можност за влијание врз оштетениот со заплашување и со уценување, како и на можност да го повтори делото.

The post МУ ВЛЕГОЛ ДОМА СО НОЖ, МУ ОДЗЕЛ 4.000 ДЕНАРИ, ПА МУ ВРАТИЛ 1.000 Разбојништво во скопско Бучимци appeared first on plusinfo.mk.

Скопјанец е осомничен дека извршил тешка кражба во објект на булеварот Борис Трајковски одземајќи алат вреден 6.000 евра, соопшти Министерството за внатрешни работи.

„Кога при кражбата бил затекнат од чувар на градилиштето, осомничениот употребил сила и закана дека ќе го убие, физички го нападнал со тупаници по лицето и тешко телесно го повредил. Потоа побегнал, носејќи со себе една вреќа украдени предмети“, се наведува во полицискиот билтен.

МВР соопшти дека осомничениот 29-годишник влегол во магацинот на 12 октомври 2024 година со умисла да украде разновиден електричен алат, калориметри и други предмети во вредност од 363.000 денари.

„Имајќи предвид дека осомничениот и претходно бил осудуван за кражби, како и начинот на кој го извршил ова дело, јавниот обвинител оценил дека постои ризик од бегство и опасност да го повтори делото, па до судијата на претходна постапка од Основниот кривичен суд Скопје доставил предлог за определување мерка притвор“, се додава во билтенот.

The post МУ СЕ ЗАКАНИЛ НА ЧУВАРОТ И ОДЗЕЛ АЛАТ ВРЕДЕН 6.000 ЕВРА Предложен е притвор за скопјанец appeared first on plusinfo.mk.

„На 20 декември 2024 година, осомничениот дошол пред врата на стан на улицата Венјамин Манчуковски во Аеродром и тропнал на вратата. Кога сопственикот излегол, осомничениот физички го нападнал со тупаници, од раката му го одзел мобилниот телефон, а кога оштетениот паднал на земја, му одзел уште 1.200 денари“, соопшти Обвинителството.

На 26 декември 2024 година, заедно со еден малолетен соизвршител, осомничениот извршил тешка кражба во угостителски објект во Аеродром, на булеварот Кузман Јосифовски – Питу. Двајцата влегле во објектот со провалување и по пребарување одзеле мобилен телефон.

„Уште една тешка кражба извршил осомничениот на 18 јануари годинава, кога насилно влегол во пицерија на улицата Фрањо Клуз. Оттаму украл 3.000 денари, клуч од касата и шишиња пиво, во вкупна вредност од 12.000 денари. Јавниот обвинител до судијата на претходна постапка достави предлог за определување мерка притвор за осомничениот“, се вели во соопштението на ЈО.

The post ЗАЅВОНИЛ НА ВРАТА, ПА ГО НАПАДНАЛ СО ТУПАНИЦИ И ГО ОГРАБИЛ СОПСТВЕНИКОТ Обвинителството бара притвор за 26-годишен разбојник од Скопје appeared first on plusinfo.mk.

Маскиран 72-годишник на 15 јануари 2025 година влегол во канцеларија за кредитирање на улицата „Прилепска“ во Битола и насила се обидел да одземе парични средства со намера противправно да ги присвои, соопшти ОЈО Битола. Обвинителството поведе постапка против едно лица кое се сомничи за разбојништво и „неовластено изработување, држење, посредување и тргување со оружје или распрскувачки материи“.

Со хебла во едната рака и огнено оружје – пиштол во другата, тој ѝ се заканил на вработената и побарал од неа да ги стави парите во торбичка што ѝја подал.

Таа одбила по што ја удрил неколку пати со хеблата по раката и по телото. Оштетената избегала надвор од објектот, по што и осомничениот го напуштил местото.

Разбојништвото се обидел да го изврши со пиштол марка „Црвена застава“ што го држел неовластено. При претрес во домот каде престојувал било пронајдено оружјето и осум куршуми, информира обвинителството.

Јавниот обвинител до судијата на претходна постапка достави предлог за определување мерка притвор за осомничениот.

The post ЈА УДРИЛ СО ХЕБЛА ЗАТОА ШТО ОДБИЛА ДА МУ ДАДЕ ПАРИ ОД КАСАТА Филмски обид за разбојништво во канцеларија за кредитирање во Битола appeared first on plusinfo.mk.