Граѓаните кои зеле брзи кредити од финансиското друштво „Креди Јес“, на кое Министерството за финансии му ја одзеде дозволата за работа, треба да продолжат со плаќање на ратите за да не им се пресметуваат камати и да не се задолжат дополнително.

Од Министерството за финансии велат дека Законот за финансиските друштва и другата релевантна регулатива не пропишуваат отпис на долгови, па според тоа задолжените граѓани не можат да сметаат на отпишување на долгот.

Сепак, граѓаните кои сметаат дека на некаков начин се оштетени од друштвото можат да покренат судска постапка.

– Нагласуваме дека граѓаните имаат право да го оспорат договорот за кредит пред надлежен суд, доколку сметаат дека се оштетени од страна на друштвото, односно доколку сметаат дека друштвото прекршува некоја од договорените одредби – велат од Министерството за финансии.

Според Законот за финансиските друштва, по одземањето на лиценцата, друштво не смее да врши финансиски активности, освен оние кои се неопходни за зачувување на имотот на друштвото и наплата на побарувањата. Тоа значи дека „Креди Јес“ не смее да одобрува нови кредити, но може да ги наплаќа постојните побарувања.

По одземањето на лиценцата, друштвото има рок од 15 дена да поднесе жалба, период во кој, според Законот за финансиски друштва треба и да покрене постапка за ликвидација или стечај, по што се постапува согласно Законот за трговските друштва или Законот за стечај.

Од Министерството за финансии објаснуваат дека и во двата случаи – ликвидација или стечај, граѓаните кои се задолжиле во друштвото не треба да чекаат, туку треба да ги подмируваат обврските преземени со договорите.

– И во двата случаја обврските по склучените договори се подмируваат од страна на лицата коишто го склучиле договорот – велат од Министерството за финансии.

Оттаму појаснуваат дека дозволата за работа на финансиското друштво „Креди Јес“ е одземена согласно Законот за финансиските друштва, како резултат на изречени два прекршока во текот на една година.

– Првиот прекршок се однесува на недоставување на финансиски извештај и ревизорски извештај до Министерството за финансии во законски утврдениот рок, со што е постапено спротивно на член 20 став (4) од Законот за финансиските друштва. Вториот прекршок е утврден по пријава од граѓанин, при што е констатирано дека друштвото погрешно ја пресметувало годишната стапка на вкупни трошоци, поради што таа била повисока од законски дозволениот максимум, спротивно на член 20-а од Законот за заштита на потрошувачите при договори за потрошувачки кредити – појаснуваат од Министерството за финансии.

Согласно Законот за финансиски друштва, финансиското друштва во рок од 15 дена од денот на прием на решението за одземање на дозволата за работа има право да поднесе жалба.

Со одземањето на лиценцата, се затвораат околу 40 филијали на „Креди Јес“ низ државата, а без работа остануваат повеќе од 100 работници.

„Креди Јес“ беше дел од пазарот на финансиски услуги од 2019 година.

The post ДРУШТВОТО „КРЕДИ ЈЕС“ Е ЗАТВОРЕНО, АМА КРЕДИТИТЕ МОРА ДА СЕ ВРАТАТ Законот не предвидува да им се простат долговите на граѓаните appeared first on plusinfo.mk.

„Сите корисници кои имаат заостанат долг за потрошена вода, било да е тужен или редовен, имаат можност да го исплатат без камата. Ги повикуваме граѓаните да ја искористат оваа поволност во предвидениот рок“, изјавија од ЈП „Водовод и канализација – Скопје“.

Оваа одлука, сепак, не важи за државните институции, јавните претпријатија и агенции, кои не се опфатени со мерката.

По истекот на рокот, акцијата ќе заврши, а долговите повторно ќе подлежат на редовна пресметка на камати. За дополнителни информации, граѓаните можат да се обратат во „Водовод и канализација – Скопје“.

The post ВОДОВОД ВИ ГИ БРИШЕ КАМАТИТЕ, НО ИМАTE РОК Скопјани добија шанса да ги подмират долговите без дополнителни трошоци appeared first on plusinfo.mk.

Опремете го Вашиот дом или градина со нов мебел, расвета, теписи, постелнина, завеси, душеци и разни производи за домаќинство, истовремено уживајќи во неверојатни заштеди и дополнителни ексклузивни поволности.

Само за членовите на Diners Club саемските поволности започнаа порано, односно од 11 март и ќе траат сѐ до 31 март, во продажните салони. Diners Club подготви специјални понуди со цел да овозможи пофлексибилни и попаметни плаќања и да го олесни процесот при купување на сите потребни парчиња мебел, разни производи за домаќинството, расвета, нови душеци, кревети, постелнина и многу повеќе. При плаќање со Diners Club ќе имате можност да плаќате одложено дури по два месецa, односно првата рата ќе ја платите во јуни, а целата сума може да ја поделите до 12 рати и рати без камата во одредени продажни салони, партнери на Diners Club.

– Не ги пропуштајте овие неверојатни поволности само за членовите на Diners Club. Искористете ги промотивните денови до крајот на месецот и препуштете се на шопинг искуство без ограничувања – велат од Клубот.

Доколку не сте член на Diners Club, проверете како да извадите картичка и искористете ја можноста да го направите вашиот дом од соништата реалност. Погледнете ги сите продажни места каде е активна акцијата тука.

The post КУПЕТЕ МЕБЕЛ СЕГА, ПЛАТЕТЕ ГО ВО ЈУНИ! Одложено плаќање само со картичките Diners club appeared first on plusinfo.mk.

„Граѓанските обврзници не се ништо друго освен вовлекување на граѓаните во амнестирање на трошењето на оваа влада, коешто секој ден се потврдува дека е коруптивно и ненародно. А, податоците од фискалната стратегија за периодот 2024-2028 година се алармантни. Македонија треба да плати во овој период само за камати 1,8 милијарди евра, а за главница на долг којшто доспева 5,0 милијарди евра! Сумата од државниот буџет само за камати во 2024 година изнесува 260 милиони евра, во 2025 година е 315 милиони евра, во 2026 година е 376 милиони евра, во 2027 година е 425 милиони евра и во 2028 година е 413 милиони евра. Или, во 2027 година дури 7% од приходите кои ќе се соберат ќе идат за камати. Или, каматните плаќања ќе достигнат 6,5% вкупните расходи, а само за пример, капиталните расходи на оваа влада од 2018 до 2021 година се во просек 8% од државниот буџет“, велат од ВМРО-ДПМНЕ.

Оттаму велат дека високите суми за камати се одраз на алармантниот раст на долгот, којшто само во последните три години пораснал за 2,7 милијарди евра. Светска банка потврди дека овој раст на долгот е највисок во регионот, а при тоа ефектите од кризите не беа неутрализирани како во останатите земји од регионот и пошироко.

„Инфлацијата беше и сѐ уште е меѓу највисоките во Европа, а економскиот раст и неговата прогноза меѓу најниските во Европа. Кумулативно, за време на оваа влада, јавниот долг од 4,7 милијарди евра се искачи на високи 8,3 милијарди евра во вториот квартал на 2023 година. Високите суми за камати се одраз и на продолженото високо трошење на оваа влада во услови на раст на каматните стапки. Високите суми за камати за наредниот период покажуваат дека рефинансирањето на долгот којшто го создаде оваа влада ќе биде скапо и неодржливо. Високите суми за камати што ги создаде оваа влада го стеснуваат фискалниот простор за капитални инвестиции, за инвестиции во здравство, образование, за мерки за младите, за пензионерите, за изградба на градинки, студентски домови, автопатишта. Затоа нема пари за пензионерите, затоа ни тоне здравството и образованието. Затоа нема лекови и учебници. Владата нерационално управува со јавните пари и не прави никакво кратење на својот луксуз и коруптивност. Немаше никакво штедење, ама имаше раст на нивните плати. Немаше стоп во вработување на партиска администрација. Немаше стоп во јавни тендери во четири очи. Немаше стоп во шетање во странство на државна сметка. Немаше стоп за сивата економија и фирмите кои не плаќаат даноци. Немаше стоп за сомнителни тендери за РЕК Битола. Затоа мора да има стоп за оваа влада на избори!“, пишува во партиското соопштение.

The post 425 МИЛИОНИ ЕВРА ЌЕ ПЛАТИ МАКЕДОНИЈА САМО ЗА КАМАТИ НА ДОЛГОТ Од ВМРО-ДПМНЕ објавија загрижувачка проекција до 2027 година! appeared first on plusinfo.mk.

„Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање“, информираат од ЈП „Водовод и канализација“ Скопје.

Од Јавното претпријатие истакнуваат дека Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес.

The post ПЛАТИ ГО ДОЛГОТ ЗА ВОДА БЕЗ КАМАТА Акција на ЈП Водовод и канализација за регулирање на обврските од 31 март appeared first on plusinfo.mk.

Имено, во периодот од октомври 2021 до април 2022, И.А. со усмен договор му дал на заем пари на Д.И.(30) од Скопје со определена месечна камата, при што до март 2022 година Д.И. редовно му ги плаќал месечните рати по основ камата.

Според пријавеното, на 27.03.2022, И.А. телефонски побарал од Д.И. да му даде сума пари во вредност поголема од дадениот заем за да го затвори долгот, а на 03.04.2022 повторно му се јавил, обидувајќи се да му изнуди сума пари повеќекратно поголема од вредноста на заемот, притоа упатувајќи закани до него и неговото семејство. На 04.04.2022 Д.И. го пријавил случајот во полиција, а по преземени мерки и активности од страна на полициски службеници, И.А. бил приведен заедно со А.М., кој бил со него при примопредавање на дел од изнудените пари од страна на Д.И.

Во консултација со јавен обвинител, по документирање на случајот ќе биде поднесен соодветен поднесок по член 258, поради постоeње основи на сомнение за сторeно кривично дело „изнуда“, информираат од МВР.

The post УАПСЕНИ СКОПЈАНИ КОИ ИЗНУДУВАЛЕ ПАРИ Прво позајмувале, па барале назад неколку пати повеќе appeared first on plusinfo.mk.

Како што стои во информацијата, угостителите и вработените во угостителската индустрија се корисници на безмалку 100.000.000 евра комерцијални краткорочни и долгорочни кредити од македонските банки. Скоро да не постои угостител или угостителски работник корисник на разни кредити кои минатите месеци секојдневно не се соочува со притисоци на телефонски јавувања и други опомени од банките за плаќање доспеани обврски по основ на кредити, камати и рати.

„Факт е дека роковите од минатата година со кои се направени репрограмирање од страна на банките завршија, но пандемијата сѐ уште трае со што угостителите и вработените во угостителската индустрија повторно се соочуваат со предизвици да ги исполнуваат обврските по основ на рати и камата во услови кога работат со половични капацитети и ограничено работното време со посебен режим на строги препораки и протоколи за работа или им е забранета во целост вршењето на дејноста. Со оглед дека ниедна комерцијална банка ниту Народната банка не превземаат активности за промена на законска регулатива, одлуки, акти и останати законски прописи со кои ќе им се овозможи на банките да направат одлагање, отпишување или репрограмирање на доспеани обврски – рати за кредити и камати на најзагрозените индустрии кои трпат енормни последици, штети и загуби поради пандемијата ковид-19 ја поднесовме оваа иницијатива до гувернерката на Народна банка“ стои во информацијата на НУК.

За иницијативата се информирани и банките, Претседателот на државата, премиероти како и министрите за финансии и економија.

„Се надеваме дека оваа иницијатива ќе биде прифатена со што ќе се изнајдат начини и модели да се отпишат дел од долговите по основ на камати, да се одложат и репрограмираат сите доспеани обврски заклучно до 30.04.2021 година и да се овозможи дополнителен грејс период на исплата на рати заклучно со 30.04.2022 година со што би им се овозможило не само на угостителите, туку и на угостителските работници да ги стабилизираат своите приходи, изнајдат сили да ги подмират другите доспеани обврски и да ја сочуваат и продолжат својата работа и егзистенција со насмевка и ведрина“, стои во информацијата.

The post Независната угостителска комора бара со законски измени на угостителите да им се одложат ратите и каматите на кредитите appeared first on plusinfo.mk.

– Промените во новата регулативa се одразуваат на третманот на клиентите кои користат повеќе различни кредитни продукти. Пред овие измени, уредноста на отплатата кај еден клиент се следеше одделно, по користен продукт. Со измената, ќе се следи вкупниот износ, односно збир на кредитна изложеност од сите користени кредитни продукти на клиентот во Банката – појаснуваат во известувањето.

Согласно новата регулатива, за нефункционална кредитна изложеност ќе се смета доспеан долг повеќе од 90 дена, а вкупниот износ на доспеани обврски треба да е поголем од 100 евра во денарска противвредност и да надминува еден отсто од целокупната искористена кредитна изложеност.

Тоа ќе значи дека доколку граѓанинот има нефункционална кредитна изложеност на еден кредитен продукт, ќе значи дека има нефункционална кредитна изложеност на сите кредитни продукти во банката.

Одложена отплата на кредитите имаше во два наврати од 1 април минатата година до 30 септември 2020 година и вториот од 1 октомври 2020 година заклучно со 31 март 2021 година.

Поради кризата настаната од Ковид 19 беше овозможена одложено плаќање на ратите на кредитите од 1 април 2020 година до 30 септември 2020 година. Понудата важеше за сите физички лица за одложување на отплатата на ратите за кредити, кредитни картички и/или дозволени пречекорувања, а кои на 29 февруари 2020 година беа класифицирани во категорија на ризик буква А, Б или В и немаат статус на нефункционална кредитна изложеност.

Понудата,објавена до банките во согласност со регулативата на НБРСМ, според споделени податоци ја одбија една третина од граѓани, но дел од оние што првично ја прифатија потоа  се вратија повторно во редовна отплата на кредитите.

По првата можност за одлагање на отплатата на кредитите банките понудија втора со рок од 1 октомври до 31 март. Оваа понуда можеа да ја користат граѓани кои имаат намалени месечни приходи од 10 отсто или над 10 отсто во периодот на ковид-кризата споредено со месеците од пред ковид-кризата, им престанал работен однос во периодот на ковид-кризата, имале високи трошоци за лекување во периодот на ковид-кризата, како и поради отсуство на приливи на трансакциска сметка (плата и други приливи) во периодот на ковид-кризата споредено со месеците од пред ковид-кризата.

Дваесет до 30 проценти од граѓаните што ја искористија можноста за одложување на плаќање на ратите на кредитите во првиот период, кој почна од април и трае до крајот на овој месец, побараа да ја искористат и втората дадена можност од банките за одложување на отплата на обврските за уште шест месеци и таа завршува на крајот на овој месец.

Новите шест месеци одложување на плаќање на обврските не се однесуваше на сите физички лица.

Секоја деловна банка на својата веб страница имаа објавено детални иформации, а клиентите во рок од 10 дена од објава на понудата требаше да се изјаснат дали имаат потреба од продолжување на одложената отплата на обврските.

Втората можност за одлагање на отплата на ратите заклучно со 31 јануари 2021 година била искористена за 7,1 отсто од вкупните редовни кредити.

Засега банките на своите веб страниците немаат објавено нова понуда за одложување на кредитите.

Според податоците на Народната банка во јануари е забележан годишен раст од 4,6 отсто кај кредитите со поголем придонес на секторот домаќинства. На месечна основа е забележан пад од 0,1 отсто како резултат на намаленото кредитирање на корпоративниот сектор, додека кредитирањето на домаќинствата не забележа промена на месечна основа.

Во јануари, кај кредитите на корпоративниот сектор е забележан пад од 0,2 отсто, на месечна основа. Надолната промена,според податоците на НБРСМ, пред сѐ е резултат на намалувањето на кредитите одобрени во странска валута, при помало влијание и на кредитите во денари. Во споредба со истиот период од претходната година, кредитите на корпоративниот сектор се повисоки за 1,6 отсто, што во целост е одраз на растот на кредитите во странска валута, во услови на мал пад кај кредитите во денари.

Во јануари, вкупните кредити на домаќинствата се непроменети на месечна основа. На годишна основа овие кредити имаат раст од 7,4 отсто, што, според НБРСМ се должи на зголемувањето на кредитите и во домашна и во странска валута, при поизразено зголемување на кредитите во денари.

Анализирано според намената на кредитите одобрени на физичките лица, кај најзастапената категорија ‒ потрошувачките кредити, е забележан мал месечен пад од 0,8 отсто, додека на годишна основа е остварен раст од 6,3 отсто. Станбените кредити бележат месечно зголемување од 0,4 отсто и годишно зголемување од 13 отсто. Кај автомобилските кредити има пад и на месечно ниво и на годишно од  1,9 отсто, односно 10,5 отсто. Кредитите одобрени на кредитни картички се намалени за 2,7 отсто и осум отсто, на месечна и годишна основа.

The post Истекува рокот за одложената отплата на кредитите appeared first on plusinfo.mk.

– Имено, Вадрамини Инженеринг дооел од Струмица е фирма која должи околу 600 илјади евра до денот на затворање на Еуростандард банка. Според извештајот за банката од стечајниот управник Душко Тодевски, оваа фирма има земено кредит во 2018 година. Од тогаш до сега нема платено ниту една рата, ниту еден денар. А има запишано хипотека на друг недвижен имот во износ од околу 33 илјади евра. Или обезбедување речиси дваесет пати помало од земениот кредит – се вели во денешното соопштение.

Оттаму велат дека фирмата е основана во февруари 2016 година со непаричен влог од 5 илјади евра. Сопственик и управител на фирмата е Горан Минков, кој е и единствен вработен во оваа фирма. Во 2018 година, тогаш кога е земен кредитот, фирмата имала околу 35 илјади евра приход и загуба од 7 илјади евра. Според билансите, обврските на фирмата биле околу 900 илјади евра, додека фирмата имала негативен основен капитал во минатите години. Со задолженост од над 100 отсто, фирмата плива во долгови. На сето тоа, фирмата сега должи и повеќе од 7 илјади евра на Управата за јавни приходи.

– Кој потпишал и одобрил кредит на оваа фирма? Капацитетот на фирмата во изминатите години е да генерира годишен приход од 30 до 40 илјади евра, а постојано правела загуби. Како оваа фирма земала кредит од фантастични 600 илјади евра, за што има обезбедување 20 пати помало од висината на кредитот? Фирмата била и презадолжена за да земе кредит. Дали има некои критериуми од кредитната политика на банката кои се испочитувани? Дали некој ги видел интерните политики и процедури за кредитен ризик и одлуката за управување со истиот? На основа на што е одобрен овој кредит? – прашуваат Оштетените штедачи.

Тие посочуваат дека фирмата ниту имала обезбедување ниту била бонитетна. Ни од далеку немала капацитет да го враќа кредитот. Била високоризична за соработка. Не платила ниту една рата повеќе од две години пред да се затвори банката. Кредит даден за да не се врати. Чист криминал.

– За да се случи оваа криминална зделка, некој од Еуростандард банка требало да потпише и одобри, сопственикот Горан Минков да ги земе парите и да постапува понатаму со нив како што претходно договорил, додека гувернерката Анита Ангеловска Бежоска и нејзиниот прв тим во Народна банка слепо гледале, молчеле и го дозволиле овој криминал. Како гувернерката Бежоска го оценила кредитниот ризик на оваа фирма? – стои во соопштението.

Оштетените штедачи прашуваат што направила гувернерката Бежоска за да го спречи овој криминал? Наместо да му ја одземат, во 2018 година му ја продолжиле лиценцата за работа на директорот на Еуростандард банка Николче Петкоски.

– Криминалот и корупцијата не се само во редовите на раководните лица на Еуростандард банка. Во овој криминал соучесник е и сопственикот и управител на Вадрамини Инженеринг. Свесно земал кредит на вересија, којшто ниту можел да го врати ниту пак платил рата со години. Земал туѓи пари кои не ги вратил, односно ги украл. А сето тоа некој му го дозволил. Тој некој е гувернерката Бежоска која е соучесник во оваа криминална зделка – велат штедачите.

– Вакви и слични случаи во ограбената Еуростандард банка има многу. Интересни имиња, некои познати ликови, шоумени, бизнисмени, аналитичари, адвокати, браќа и сестри на високи функционери во државава, разни манипулатори и измамници. Имаме што да кажеме и да покажеме – додаваат тие.

The post Оштетените штедачи прашуваат како фирма од Струмица земала 600.000 евра кредит на вересија appeared first on plusinfo.mk.

Среќниот добитник на џекпотот претпочита да остане неименуван – Мериленд е една од државите што им овозможува на победниците да останат анонимни. Сепак, да се чува во тајност толку голема сума е тешко, особено ако билетот го купил околен жител. Лонаконинг е град со околу 300 семејства, со стапка на сиромаштија од околу 20 насто – далеку над државниот просек.

Победничките броеви за Пауербол синоќа беа: 40-53-60-68-69 и Пауербол од 22.

Постојниот џекпот на конкурентската лотарија „Мега милиони“ – од 970 милиони долари – засега е трет по големина во историјата на САД. Најголемиот џекпот од 1,58 милијарди долари, којшто се акумулираше во „Пауербол“, го освоија три лица во 2016 година.

Среќните добитници на џекпот може да изберат да ја добијат целата сума или на рати. Повеќето добитници претпочитаат да ги земат парите одеднаш. Ова значи дека среќникот кај „Пауербол“ сега може да добие 546,5 милиони – после данокот, а во случај на успех кај „Мега милиони“, денес добивката би изнесувала 715,3 милиони долари.

The post 731 милион долари за среќниот добитник на американската лотарија „Пауербол“ appeared first on plusinfo.mk.