Двајца мажи, целосно прекриени со кал, биле извлечени од тунел на хидроцентрала во Непал. Еден од спасените војниците го носеле на грб преку стрмен и лизгав терен.

Непалската војска објави снимка од спасувањето во округот Расува. Подрачјето е меѓу најтешко погодените од катастрофалните бујични поплави.

На снимката се гледа како војниците ги извлекуваат мажите од тунелот. Потоа ги пренесуваат преку терен покриен со кал и наноси.

The Nepali army has released video showing rescuers saving several people from the tunnel of a hydro power plant in Rasuwa. The footage shows survivors crawling through thick mud to reach rescuers.

Follow live updates: https://t.co/76b0bURXg7 pic.twitter.com/Pr6C8RkbzO

— CNN International (@cnni) August 28, 2026

Кал, стрмнина, опасен терен

Војската соопштила дека спасувањето било дополнително отежнато поради непристапниот терен. Условите во подрачјето погодено од поплавите останале исклучително опасни.

Непалската војска утрово ги засили операциите за пребарување и спасување околу хидроенергетските постројки во Расува.

The post 📽️ ДРАМАТИЧНО СПАСУВАЊЕ ВО НЕПАЛ Ги извлекоа од тунел прекриени со кал appeared first on plusinfo.mk.

Земјотрес во Хималаите, проследен со огромна лавина од мраз и карпи, најверојатно го започнал синџирот на настани што во средата предизвика катастрофална поројна поплава долж границата меѓу Непал и Тибет. Водениот бран и огромните количества кал и камења ја опустошија долината на реката Бхоте Коши, однесоа куќи, патишта, мостови и хидроенергетски објекти, а стотици луѓе се водат како исчезнати. Во Непал досега се потврдени најмалку 95 жртви, додека 403 лица се водат како исчезнати. Со жртвите во кинескиот дел на Тибет, бројот на загинатите во катастрофата достигна најмалку 98.

Катастрофата почнала во високите предели

Првичните наоди упатуваат на тоа дека катастрофата започнала високо во планинскиот предел на тибетската страна од границата. Според реконструкцијата на настанот, земјотресот предизвикал лавина од мраз и карпи која се урнала во реката Лхенде Кхола. Огромната маса материјал го нарушила природниот тек на реката и можеби привремено го блокирала, по што дошло до нагло ослободување на насобраната вода. Таа се слеала во Бхоте Коши и создала разорен бран што за кратко време се спуштил низ долината.

Сепак, точниот механизам сè уште не е целосно потврден. Една од можностите што ја разгледуваат експертите е и таканаречениот ГЛОФ, односно ненадејно излевање на глацијално езеро. Во таков случај, водата што се насобрала зад природна ледена или карпеста преграда може одеднаш да се ослободи и да создаде огромен пороен бран. Непалските експерти предупредуваат дека за утврдување на точната причина ќе бидат потребни дополнителни теренски истражувања и анализа на сателитски снимки.

Водата и калта однесоа сѐ пред себе

Без оглед на точниот механизам, последиците беа катастрофални. Поплавниот бран ја погодил областа Расува, во северниот дел на Непал, во близина на границата со Кина. Водата и калта со огромна брзина се движеле низ долината на Бхоте Коши, носејќи со себе автомобили, куќи и делови од инфраструктурата. Уништени или тешко оштетени се патишта, мостови и хидроцентрали, а одредени населени места останале отсечени од остатокот од земјата.

Особено загрижува фактот што во погодениот регион во моментот на несреќата имало голем број туристи и верници. Непалскиот туристички одбор објави дека меѓу 403-те исчезнати лица има 341 странски државјанин. Меѓу нив се туристи и аџии од повеќе земји, од кои дел патувале кон светото место Каилаш во Тибет. Пријавени се исчезнати државјани на Индија, САД, Австралија, Велика Британија, Канада, Јужна Кореја, Малезија и други земји.

Огромен број мртви и изчезнати

Поплавата предизвика големи проблеми и на кинеската страна од границата. Во областа Ѓиронг во Тибет, одрон од кал предизвикал дополнителни жртви и разурнувања. Кинеските власти соопштија дека најмалку тројца луѓе загинале, а 265 се водат како исчезнати. Така, катастрофата ги погоди двете страни на границата, иако најголемиот број жртви досега е регистриран во Непал.

Спасувачките екипи веднаш започнаа потрага по исчезнатите, но операцијата е исклучително тешка. Голем дел од патиштата се уништени или затрупани со кал и камења, додека насобраниот нанос го отежнува движењето и слетувањето на хеликоптери. Непалската армија и полицијата се вклучени во спасувањето, а Кина испрати стотици спасувачи во погодениот пограничен регион. Помош понудија и други земји чии државјани се водат како исчезнати.

Опасноста не е помината, има повеќе блокирани водотеци!

Дополнителна опасност претставува можноста за ново излевање на реката. Спасувачките служби предупредија дека во горниот тек на Лхенде Кхола постои уште едно блокирање, поради што се следи нивото на водата и се повикува населението долж речниот тек да се оддалечи од бреговите. Предупредувања за можни поплави се издадени и за делови од соседна Индија.

Хималаите се регион многу ранлив и подложен на проиродни катастрофи. Научниците предупредуваат дека забрзаното топење на глечерите и климатските промени го зголемуваат ризикот од нестабилност на планинските падини и од ненадејно празнење на глацијалните езера. Но, во конкретниот случај, научниците сè уште ги утврдуваат точните врски меѓу земјотресот, лавината, евентуалното пукање на глацијалното езеро и огромниот пороен бран што го погоди Непал.

Потврдени 95 загинати, но бројката ќе расте

Билансот на катастрофата, според најновите достапни податоци, е најмалку 95 загинати во Непал и уште тројца во Тибет, додека стотици луѓе остануваат исчезнати. Бидејќи спасувачките екипи сè уште не успеваат да стигнат до сите погодени подрачја, властите очекуваат билансот да се менува во наредните часови.

ЛУЃЕ ПАНИЧНО БЕГААТ, ПА ОГРОМНА МАСА ОД ВОДА И КАРПИ СЕ УРИВА ВРЗ НИВ Катастрофални поплави на границата меѓу Непал и Тибет

The post 🎥📷 ЗЕМЈОТРЕС, ЛАВИНА И ОДРОН, БЛОКИРАНА РЕКА, ПА БИБЛИСКИ ПОТОП! Како дојде до невидената катаклизма во Непал appeared first on plusinfo.mk.

Најмалку 22 лица загинаа, а стотици се водат како исчезнати по разорната поројна поплава што денеска го погоди северен Непал, во близина на границата со Тибет.

Најтешко е погоден округот Расува, каде надојдената вода однесе куќи, возила, мостови, патишта и делови од хидроенергетската инфраструктура. Непалските власти соопштија дека меѓу исчезнатите се и голем број странски туристи и верници кои патувале кон тибетскиот регион.

Според податоците на непалскиот туристички одбор, околу 384 лица се пријавени како исчезнати, од кои 291 се странски државјани. Меѓу нив има најмалку 105 Индијци, но и туристи од САД, Велика Британија, Малезија, Јужна Кореја, Австралија и од други земји. Бројот на жртви и исчезнати и натаму може да расте, бидејќи спасувачките екипи тешко стигнуваат до најпогодените места поради уништените патишта и мостови и исклучително тешкиот планински терен.

A horrific scene of severe flooding at the Rasuwagadhi border point on the Nepal-Tibet border.
The strong currents wreaked havoc across the area, leaving 400 pilgrims and 105 Indian tourists also missing in the Nepal floods.#NepalFloods #Nepal #Rasuwa #FlashFlood #Floods pic.twitter.com/dwAX12Gj7l

— Ravi Pandey (@ravipandey2643) August 26, 2026

Катастрофата го погоди и соседниот тибетски регион на Кина. Во округот Ѓиронг, кај важниот граничен премин меѓу Кина и Непал, свлечиште предизвика големи разурнувања, а кинеските власти известија за „големи жртви“ и исчезнати лица. Тоа не е одделна, неповрзана несреќа – двата настани се случуваат во истата погранична област и се поврзани со наглото надоаѓање на водата во речниот систем кој од тибетската страна се спушта кон Непал.

यह वाकई बेहद डरावना है। तिब्बत, चीन के ग्यिरोंग पोर्ट की CCTV फुटेज है, जो नेपाल के रसुवा ज़िले के ठीक सामने स्थित है। यह फ्लैश फ्लड सबसे पहले यहीं आया और बाद में नेपाल में इसने भारी तबाही मचा दी। सोचकर भी डर लगता है कि इस भयावह बाढ़ में कोई कैसे बच पाया होगा। इस हादसे से… https://t.co/0jaBv7lTCu pic.twitter.com/3lDb3VugPH

— Vishal Mishra (@mishra8299) August 26, 2026

Првичните проценки укажуваат дека земјотрес со магнитуда околу 4,4 можеби предизвикал лавина од мраз и карпи, која ја блокирала реката Лхенде Кхола. По акумулацијата на вода, блокадата можела нагло да попушти и да предизвика огромен воден бран што се спуштил кон Непал. Непалските власти првично соопштија дека поплавниот бран дошол од тибетската страна, но точниот механизам на настанувањето сè уште се истражува. Експертите предупредуваат и на можност од нов бран поради дополнителна блокада на реката.

Floods in Nepal wreak havoc, sweeping away several villages and leaving over 1,000 people missing. Bridges and power plants destroyed. Army deployed.

horrific helicopter view of the Trishuli River corridor after the flood.#NepalFloods #Nepal #Rasuwa #FlashFlood #Floods pic.twitter.com/Gdj3JyAVrX

— Ravi Pandey (@ravipandey2643) August 26, 2026

Поплавата предизвика големи штети врз енергетската инфраструктура на Непал, при што се оштетени повеќе хидроцентрали и проекти. Најпогодени се областите околу Тимуре и Сјапрубеси, а властите издадоа предупредувања за населението долж реките и во други низводни окрузи.

INDIA, BE CAREFUL!

A major flood wave has entered Nepal’s Bhote Koshi from the Tibetan side, triggering alerts across the Trishuli basin.

Bhote Koshi → Trishuli → Narayani/Gandak → Bihar → Ganga.

West Champaran, East Champaran, Gopalganj, Saran & Vaishali should… pic.twitter.com/5oayN3emjN

— Megh Updates (@MeghUpdates) August 26, 2026

Индиските држави Бихар и Утар Прадеш исто така се ставени во состојба на готовност поради можниот пораст на водостојот на реките што од Непал продолжуваат кон Индија.

Засега нема потврда дека разорниот поплавен бран веќе предизвикал поплави на индиска територија. Водата, сепак, се движи низ речниот систем кој понатаму влегува во Индија, поради што индиските власти превентивно следат неколку реки и ги засилија мерките за заштита. Индиски претставници засега проценуваат дека Гандак ќе остане под опасното ниво, но предупредуваат на внимателно следење на ситуацијата.

СТРАОТНА ПОПЛАВА ЗБРИША СЕЛА ВО НЕПАЛ Властите стравуваат од голем број жртви

The post 🎥 ЛУЃЕ ПАНИЧНО БЕГААТ, ПА ОГРОМНА МАСА ОД ВОДА И КАРПИ СЕ УРИВА ВРЗ НИВ Катастрофални поплави на границата меѓу Непал и Тибет appeared first on plusinfo.mk.