Крајот на летото тешко може да се замисли без свежи смокви. Освен што се природно слатки и вкусни, овие плодови имаат интересен нутритивен состав и се добар извор на растителни влакна, калиум, калциум, магнезиум, бакар и манган, како и помали количества витамин К. Содржат и различни растителни соединенија, меѓу кои фенолни киселини и флавоноиди.

Сезоната на свежите смокви не трае долго, а зрелите плодови се многу чувствителни и брзо го губат квалитетот по бербата. Зрелата смоква е мека, малку свиткана кон дршката и лесно се одвојува од гранката. Ако од дршката сè уште излегува многу млечен сок, најверојатно не е целосно зрела. Свежите смокви најдобро е да се јадат што поскоро и да се чуваат на ладно.

Слатки, ама не и премногу калорични

Поради изразено слаткиот вкус, особено кога се целосно зрели, смоквите лесно оставаат впечаток дека се многу калорични. Но, свежата смоква содржи голем процент вода. Во 100 грама свежи смокви има приближно 74 калории, 2,9 грама растителни влакна и околу 16 грама природни шеќери.

Повеќе за ова прочитајте на порталот „Арт кујна“.

The post ПРИРОДЕН ДЕСЕРТ НА ДОЦНОТО ЛЕТО Зошто треба да ги јадеме додека им трае сезоната? appeared first on plusinfo.mk.