Растот  на БДП од 3,8% во последното тримесечје од 2025 година покажа дека силната динамика на Владата за реализација на капиталните инвестиции даде резултатите. Активноста во нискоградбата е зголемена за 12,5%, велат од ВМРО-ДПНЕ по објавувањето на официјалните статистички податоци за раст на економијата во последните три месеци кани.

-Владата предводена од ВМРО-ДПМНЕ покажа дека кога се работи посветено, со јасно поставени цели и добро проектирани политики, позитивните резултати во економијата се неизбежни. Измината повеќе од година и половина се води умерена економска политика, со добро проектирани мерки, кои доведоа до последователен раст на економската активност во шест квартали. Така што последниот квартал од 2025 година, македонската економија го завршува со раст на БДП од 3,8%, при што годината заврши со раст од 3,5% – велат од партијата.

Оттаму додаваат дека растот на БДП е широка основа, но клучни сектори кои покажуваат дека македонската економија застанува на здрави нозе и кои го овозможуваат и најмногу придонесуваат во овој раст, се градежништво кое бележи раст од скоро 15%, односно високи 14,6% и извозот со 9,5%, односно скоро 10%.

– Овој висок раст на градежништвото во четвртото тримесечје од мината година е резултат на зголемената активност во нискоградбата која забележа реален раст од 12,5%. Тоа значи дека силната динамика на растот на градежништвото, најмногу се должи на посветеноста на македонската Влада предводена од ВМРО-ДПМНЕ за реализација на капитални проекти, како што се патишта и автопатите дел од паневропските коридори. Работите на терен не престануваат и со уште позасилено темпо ќе се продолжи со работа, не само за градежништвото да бележи уште повисоки проценти на раст, туку преку изградба на соодветна, брза и квалитетна инфраструктура за се развиваат сите економски сектори – велат од ВМРО-ДПМНЕ.

Економистите од партијата велат дека друг показател кој особено охрабрува е растот на извозот и неговиот сооднос со увозот на стоки и услуги. Па така, последниот квартал од минатата година извозот се зголеми за скоро 10%, додека увозот за 3,3% што значи дека нето-извозот имал значително позитивно влијание врз македонското стопанство.

– Овие се охрабрувачки параметри кои се добра основа за уште поголем понатамошен економски раст кој ќе донесе подобар животен стандард и повисоки плати за сите. Во целиот овој изминат труд, не недостигаше поддршката од државата за стопанство, за која цел Владата стави на располагање 250 милиони евра за инвестиции и развој на домашните компании. И сето ова даде резултати. Македонија мора и може повеќе – додаваат од ВМРО-ДПМНЕ.

The post РАСТ ОД 3,8% НА БДП, ШЕСТ КВАРТАЛИ ПО РЕД ЕКОНОМИЈАТА СЕ НАГОЛЕМУВА Силната динамика на капиталните инвестиции даде резултати appeared first on plusinfo.mk.

Домашната инфлација очекувано забави под влијание на забавувањето на базичната инфлација, а домашната економската активност умерено забрза. Банкарскиот сектор и натаму остварува солиден раст на депозитната база и кредитната активност, а девизните резерви се задржуваат на соодветно и сигурно ниво, оцени Советот на Народната банка, по разгледувањето на последниот квартален извештај за 2025 година.

Во извештајот се наведува дека макроекономските показатели упатуваат на стабилни остварувања во најважните сегменти на економијата и во најголем дел се во согласност со октомвриските проекции на Народната банка.

Во последниот квартал од 2025 година, Народна банка изврши приспособување на оперативната монетарна рамка заради подобрување на управувањето со ликвидноста и зајакнување на монетарната трансмисија. Со измените се става посилен акцент на инструментите со пократок рок на достасување и на почестите операции, што овозможува поефикасно пренесување на монетарните сигнали до краткорочните каматни стапки на пазарот на пари, без да се менува поставеноста на монетарната политика.

Во извештајот се наведува дека во четвртото тримесечје од 2025 година годишната стапка на инфлација изнесуваше 4,2%, што претставува очекувано забавување. Инфлацијата за целата 2025 година, во просек, изнесува 4,1%, што е близу до октомвриските согледувања.

Според октомвриските оцени, за 2026 година и на среден рок се очекува забавување на инфлацијата и постепено враќање кон историскиот просек.

– Сепак, и понатаму постојат одредени ризици, при што главните извори на неизвесност се поврзани со движењата на цените на примарните производи на светските берзи, геополитичките тензии и процесите на трговска фрагментација, како и со одредени домашни фактори што влијаат врз побарувачката- оцени Советот на НБ.

Според основното сценарио од октомври, за целата 2025 година се очекува забрзување на економскиот раст којшто би изнесувал 3,5% (3,0% во 2024 година), а во 2026 година, како и на среден рок дополнително би се засилил и би достигнал 4,0%.

На крајот на 2025 година, нивото на девизните резерви достигна 4.92 милијарди евра и според сите релевантни показатели, обезбедува соодветна поддршка за одржување на стабилноста на домашната валута.

– Податоците од монетарниот сектор укажуваат на натамошна солидна кредитна поддршка за економијата и зајакнување на депозитната база на банките. Во четвртиот квартал од 2025 година, годишниот раст на вкупните кредити изнесуваше 13%, при годишен раст и на депозитите од 10%, што е малку над нивото проектирано за крајот на годината – оценува советот на Народна банка.

The post ЕКОНОМИЈАТА ЗАБРЗА, А ИНФЛАЦИЈАТА ЗАБАВИ Народна банка со оценка за последниот квартал од 2025 година appeared first on plusinfo.mk.

Од СДС не очекуваме конструктивна или пак аргументирана критика, туку празни соопштенија кои ги пишуваат колку да помине денот. Тоа е само доказ дека кај нив владее очај и паника, од тоа што следи во октомври, а тоа е историски најголем пораз на СДСМ, соопшти ВМРО-ДПМНЕ,

„Времето кога инфлацијата беше над 20%, кога граѓаните живееја со 150 денари на ден, кога платите и пензиите стагнираа во нивно време – сега тоа време заврши. Сега сме сведоци на поинаква политика која е исклучиво во интерес на граѓаните и на подобрување на животниот стандард“, соопшти партијата.

Состојбата која ја наследивме беше тешка и лоша, но не се предадовме туку работевме и денес продолжуваме во ист правец, се додава во  соопштението.

„Од држава која беше на раб на банкрот, сега сме држава која е во топ 5 економии во Европа. Држава во која платите растат во образованието, културата, полицијата, здравството, пензиите се зголемуваат – сега веќе и до 7000 денари за само 18 месеци! Растот на БДП е 3.2%, што е убедливо подобар од минатите години на владеење на СДСМ. Индустриското производство бележи раст од 9,4%, извозот на земјоделските производи е зголемен за 50% во споредба со минатата година. Исто така, многу важно е да се напомене дека после долг период, ребаланс на Буџет ќе се прави поради зголемени приходи, а не поради минус“, потенцира ВМРО-ДПМНЕ.

Овие индикатори, се додава, значат раст, развој и економска стабилност, како и правилно управување со јавните финансии. Ова значи чесно и домаќинско работење, за добробит на граѓаните.

„Владата предводена од ВМРО-ДПМНЕ нема да ги остави граѓаните како што тоа го направи СДС, туку напротив, ќе работи за подобрување на стандардот“, се вели во соопштението на ВМРО-ДПМНЕ.

The post ЗАВРШИ ВРЕМЕТО НА ЕКОНОМСКИ ГРАБЕЖ Сега Македонија е во топ 5 економии во Европа, порачува ВМРО-ДПМНЕ appeared first on plusinfo.mk.

Ова е прво последователно намалување на стапката во последните 13 години, што укажува на промена на фокусот на ЕЦБ од намалување на инфлацијата кон заштита на економскиот раст, кој заостанува зад САД веќе две години.

Причини за одлуката на ЕЦБ

Претседателката на ЕЦБ, Кристин Лагард, на прес-конференција изјави дека дезинфлаторните процеси се „вкоренети“ и дека сите информации во последните пет недели укажуваат на пониска инфлација. ЕЦБ нагласи дека економската активност и податоците за деловната активност и инфлацијата за септември се пониски од очекуваното, што најверојатно влијаело на одлуката за намалување на каматните стапки.

Главната цел на ова намалување на каматната стапка е да се олесни пристапот до финансии и да се поттикне економскиот раст. Со намалување на каматната стапка, банките се охрабруваат да обезбедуваат повеќе кредити за потрошувачите и бизнисите, што би требало да ја зголеми побарувачката и да го стимулира производството. ЕЦБ се соочува со големи предизвици во постигнувањето на својата цел – одржување на инфлацијата на ниво од 2% – па затоа овој потег се гледа како стратешка интервенција во обидот да се стави под контрола инфлацијата.

Експертите предвидуваат дека инфлацијата во еврозоната ќе продолжи да се забавува во текот на следните месеци. Според анализите на финансиските аналитичари, инфлацијата во 2023 година се очекува да биде под 5%, со тенденција за понатамошен пад, како резултат на строгата монетарна политика на ЕЦБ. Но, и покрај оптимизмот, постојат неколку ризици кои би можеле да го попречат овој тренд, особено ако растат цените на енергенсите или дојде до нови глобални економски потреси.

Намалувањето на каматните стапки од страна на ЕЦБ може да доведе до зголемување на потрошувачката, но истовремено и до зголемување на долгот на домаќинствата и на компаниите. Со тоа, економијата може да покаже раст на краток рок, но истовремено се зголемува ризикот од натрупување долгови, што во иднина може да доведе до финансиски нестабилности. Сепак, аналитичарите сметаат дека ова е неопходен чекор за да се намали притисокот врз потрошувачите и бизнисите, кои се соочуваат со високи трошоци за кредити.

Што може да очекува Македонија?

Намалувањето на каматната стапка во еврозоната ќе има индиректно влијание врз Македонија, која е тесно поврзана со економиите на ЕУ. Од една страна, Македонија може да се соочи со зголемен прилив на капитал поради пониските каматни стапки, што може да ја стабилизира валутата и да ги поттикне инвестициите. Од друга страна, македонските финансиски институции најверојатно ќе треба да се прилагодат на новите економски услови, што може да влијае врз условите за кредитирање и достапноста на финансиски средства за бизнисите и домаќинствата.

Ако ова намалување на каматната стапка го намали притисокот врз цените во еврозоната, постои можност и за стабилизација на цените во Македонија. Меѓутоа, со оглед на тоа дека Македонија е енергетски зависна, секое зголемување на цените на енергенсите може повторно да доведе до инфлаторни притисоци, без оглед на влијанието на каматната стапка.

За да се справат со ефектите од пониските камати во еврозоната, македонските банки ќе треба внимателно да ја планираат својата монетарна политика. Можен исход е и зголемување на побарувачката за кредити во Македонија, што би можело да ја стимулира економската активност. На долг рок, меѓутоа, би требало да се внимава на тоа да не се создадат ризици од преголемо задолжување на компаниите и домаќинствата.

Со намалени трошоци за финансирање, македонските компании би можеле да ја зголемат својата инвестициска активност и да создадат нови работни места. Сето тоа може позитивно да влијае врз животниот стандард во Македонија преку стабилизација на цените на основните производи. Ова би можело да доведе до намалување на трошоците за живот, што е од суштинско значење за македонските домаќинства, кои се соочија со значителен инфлаторен притисок во изминатиот период.

Спротивставени проценки за шансите на Македонија

Можеби ова ќе ги поткрепи новите проценки на Министерството за финансии, според кои следната година се очекува економски раст од 3,7%, невработеноста да се намали на 11,2%, платите да се зголемат за  7,5%, бруто-инвестициите да растат со просечна стапка од 7,8%, а нивото на капиталните инвестиции од Буџетот  да биде 4,7% во пресек. Заеднички именител на овие проекции е очекувањето 2025 година да биде година на одлепување на македонската еконмоија од дното.

ВО 2025 ГОДИНА МАКЕДОНСКАТА ЕКОНОМИЈА ЌЕ ПОЧНЕ ДА СЕ КРЕВА Се очекува раст на БДП од 3,7% и многу странски инвестиции

Но, при анализата треба да се имаат предвид и проекциите на Светска банка, која прогнозира дека македонската економија годинава ќе забележи раст од 1,8%, следната 2025 година раст од само 2,5%, додека во 2026 година растот да биде 3%. Тоа се многупопесимистичлни предвидувања од  оние на македонските власти.

ГОДИНАВА ЌЕ ЈА ЗАВРШИМЕ СО НАЈНИЗОК РАСТ НА ЕКОНОМИЈАТА ВО РЕГИОНОТ Светска банка ни предвиде само 1,8%

Како и да е, Светска банка внимателно предвидува инфлацијата да остане над или блиску до 3% во 2024-2025 година, но потоа да се забави кон долгорочиот просек од 2%, што изгледа ќе биде стандард во еврозоната. Се предвидува стапката на сиромаштија бавно да опаѓа за дополнителни 1,2%, помогната од растот на реалната плата и растот на вработувањето.

Она што не можат да го предвидат ни банкарите ни експертите е колку ќе биде успешна Владата во обезбедување свеж капитал за македонската економија и директни странски инвестиции. Ако по утрото се познава денот – а утрото е унгарскиот мега кредит – се чини дека со неколку такви потези и со обнова на градежните работи на коридорите, сите проекции можат да се поместат во позитива.

The post ТРЕТ ПАТ ОВАА ГОДИНА ЕВРОПСКАТА ЦЕНТРАЛНА БАНКА ЈА СПУШТА РЕФЕРЕНТНАТА КАМАТНА СТАПКА Фокусот веќе не е инфлацијата, туку економскиот раст во еврозоната appeared first on plusinfo.mk.