Инфлацијата мерена преку индексот на трошоците на животот во октомври во однос на истиот месец лани бележи раст од 4,5 %, а цените на мало пораснале за 2,8 %, објави Државниот завод за статистика.

Зголемувањето на инфлацијата во октомври е резултат на зголемување на трошоците за живот кај храната за 7%, кај алкохолот и тутунот за 6,7%, мебелот и покуќнината за 4,7% …

Најголем раст на цените во октомври годинава во однос на октомври лани има кај индустриско прехранбените производи од 7,5% и прехранбените производи од 6,7%. Цените на земјоделските производи за една година пораснале за 4,3% а на пијалаците за 1,4%.

Податоците за месечната инфлација покажуваат дека инфлацијата е намалена за 0,2% во однос на инфлацијата во септември, а цените на мало се зголемиле за 1,3%.

Намалувањето на инфлацијата во октомври 2025 година, во однос на септември 2025 година, е резултат на намалувањето на трошоците на животот во следните групи: Транспорт за 6,1%, Мебел, покуќнина и одржување на домаќинствата за 0,3%, Образование и Рекреација и култура за 0,1%.

Во октомври 2025 година, во однос на септември 2025 година, зголемување на трошоците на животот е забележано во следните групи: Алкохолни пијалаци, тутун и наркотици, Облека и обувки за 1,2%, Комуникации, Храна и безалкохолни пијалаци за 0,3%, Домување, вода, електрика, гас и други горива, Ресторани и хотели за 0,2 % и Здравје за 0,1%.

The post ИНФЛАЦИЈАТА ВО ОКТОМВРИ ИЗНЕСУВАЛА 4,5% Цените на мало пораснале за 2,8% appeared first on plusinfo.mk.