– На територијата на Војводина тогаш секако би почнал распустот. Законската можност е календарот на воспитно-образовните активности во основните и средните училишта да се менува за пет отсто во работните денови во смисла на зголемување или намалување на тој број – изјави таа, пренесоа српски медиуми.

Министерството за образование на Србија вчера соопшти дека испратило предлог до Владата на Србија зимскиот распуст подеднакво да започне за основните и средните училишта низ територијата на Република Србија, во вторник на 24 декември 2024 година. Од Министерството соопштија дека одлуката е донесена по разгледување на околностите кои влијаат на квалитетот и зачувувањето на наставниот процес, како и интересот и правото на учениците на образование.

„Поради намерата на Министерството за образование и Владата на Република Србија насилно да го прекинат полугодието, водејќи се само од најмала штета што може да ја нанесе ваквата избрзана одлука – бараме предлогот да се повлече“, соопштија вчера четири репрезентативни синдикати за образование.

Ако српската Влада и Министерството за образование не реагираат, ќе реагираат вработените во образованието – велат од синдикатите.

Наставната програма, како што се наведува, опфаќа и реализација на наставните содржини преку утврдување и систематизација.

„Значи, со оваа одлука, нашите ученици се донесени пред свршен чин. Тие се спречени да бидат истрајни во процесот на учење“, се вели во соопштението.

The post ВЛАДАТА НА СРБИЈА ДОНЕСЕ ОДЛУКА Од 24 декември почнува зимскиот распуст appeared first on plusinfo.mk.

Финалните анкети на родителите покажале дека тие не сакаат, но истото го мислат и повозрасните ученици.

– Оваа година пролетен распуст нема да има – кажа Јаневска во изјава за медиумите, додавајќи дека учебната година ќе започне на 2 септември, понеделник.

На прашањето дали во МОН се разгледува друга можност за краток одмор на учениците, Јаневска вели дека во моментов нема такво нешто.

– Направивме легитимна анкета и граѓаните ги кажаа своите потреби – додаде министерката.

Претходно од МОН објавија анкета за тоа дали е потребно организирање на пролетен распуст.

„Со оглед на различните ставови во јавноста по однос на пролетниот распуст во основното и средното образование минатата учебна година, а со цел на транспарентен начин да се одлучи дали да се организира и во учебната 2024/2025, министерството испрати прашалник до училиштата, а истиот е достапен и за целата јавност на следниот линк, со цел сите засегнати – наставници, ученици, родители/старатели да го дадат своето лично мислење“, се посочуваше во информацијата на ресорното министерство.

Претходната учебна година, основците и средните училишта од понеделник 29 април до 6 мај беа на пролетен распуст. За прв пат имаше промена и во училишниот календар, па така 2023/2024 година за основците заврши на 17 јуни, додека за средношколците, како и изминатите години, на 10 јуни.

The post НЕМА ДА ИМА ПРОЛЕТЕН РАСПУСТ ЗА УЧЕНИЦИТЕ Новата учебна година ќе започне на 2 септември appeared first on plusinfo.mk.

Тој на гостување на телевизија „Сител“ потенцираше дека во одредени кризни и здравствени ситуации, како што беше Ковид кризата, постои простор да се одлучува за помал број на денови, без разлика што законот предвидува точен број на работни денови во училиштата.

Шаќири напомена дека доколку се донесе одлука за продолжување на учебната година, таа нема да биде добредојдена ниту за учениците ниту за наставниот кадар кој работи во основните училишта.

– Во текот на 2023 година на владина седница донесовме одлука за завршување на учебната година и за основците и за средношколците според календарот што беше објавен и во Службен весник. За првпат во нашата земја се воведе и пролетниот распуст кој во општеството беше многу добро прифатен. Кон крајот на првото полугодие имавме и редовни состаноци со Унијата на средношколците, која официјално до нас достави допис дека го прифаќа пролетниот распуст, но заради техничка изработка на документите потребни за високо образование, побара учебната година да заврши на 10 јуни – рече Шаќири.

Тој додаде дека Законот за основно образование го одредува точниот број на работни денови кои треба да ги има една учебна година, но во Законот за средно образование не е дефиниран бројот. Според постоечкиот Закон, се дава простор да се одлучува и за пократок период на реализација на работните денови, но со усогласување на учебните програми.

-Не се работи само за 8 мај, се работи и за 24 април. Тоа се денови кои поради изборите ќе влијаат на вкупната бројка на учебни денови во училиштата, но јас ќе ги направам сите анализи и ќе настојувам на тоа дека учебната година мора да заврши како што е предвидено, на 17 јуни – рече министерот Шаќири.

The post ЌЕ НАСТОЈУВАМ УЧЕБНАТА ГОДИНА ДА ЗАВРШИ НА 17 ЈУНИ Шакири вели дека двата неработни дена за претстојните избори не треба да го поместат планот appeared first on plusinfo.mk.

Во учебната 2023/2024 основците и средношколците ќе имаат и пролетен распуст. На денешната седница, Владата, на предлог на Министерството за образование и наука, одлучи учебната година да почне на 1 септември, а првото полугодие да заврши на 29 декември 2023 година.

„Од 30 декември учениците ќе користат зимски одмор, а второто полугодие почнува на 22 јануари. Во периодот од 29 април до 5 мај 2024 година, учениците ќе бидат на пролетен распуст. Учебната година ќе трае до 17 јуни, а летниот одмор почнува на 18 јуни и завршува на 31 август 2024 година“, се вели во соопштението на Министерството за образование и наука.

The post УЧЕБНАТА ГОДИНА ЌЕ ЗАПОЧНЕ НА 1 СЕПТЕМВРИ, А ЌЕ ЗАВРШИ НА 17 ЈУНИ Учениците ќе користат пролетен распуст appeared first on plusinfo.mk.

Учeбната година да започнува на 11 септември, а да завршува на крајот на јуни. Ваков предлог наводно постои, но тој сѐ уште не е доставен до Владата, изјави денеска министерот за образование и наука Јетон Шаќири, одговарајќи на новинарско прашање дали наставниците и синдикатите се консултирани за ваквите потенцијални измени.

Предлогот вклучува и неколкудневен пролетен распуст.

– Сѐ уште не е доставен предлогот до Владата, а станува збор за дискусија којашто започна да се води заедно со синдикатите. Иако кај нас новата учебна година започнува на 1 септември, сепак, во други земји таа стартува подоцна – рече Шаќири.

Тој нагласи дека Владата ќе одлучи што е најдобро решение, нагласувајќи дека овие промени може да се реализираат и од септември, за што, според него, има доволно време.

– Доколку одлучиме за 1 септември, ќе биде петок. Доколку се одлучиме за втората варијанта, тоа е во средината на месец септември. Третата варијанта е почеток од 1 септември, но, исто така учениците да имаат пролетен распуст – појасни Шаќири.

Запрашан дали новата учебна година ќе започне без проблеми, министерот одговори дека смета оти таа ќе биде една од поуспешните во делот на доставување на учебници уште од самиот старт.

The post УЧЕБНАТА ГОДИНА ЌЕ ЗАПОЧНУВА НА 11 СЕПТЕМВРИ? Учениците ќе имаат пролетен распуст, ама ќе учат до крајот на јуни appeared first on plusinfo.mk.

Пролонгирањето на учебната година за основците се должи на продолжениот зимски распуст заради заштеда на електрична енергија за греење на училиштата, така што второто полугодие од учебната година наместо на 18 јануари почна на 23 јануари.

Датумите се наведени и во изменетите календари на МОН за организација на работата за оваа учебна година кои им се доставени на училиштата.

The post УТРЕ ПОЧНУВА РАСПУСТОТ ЗА СРЕДНОШКОЛЦИТЕ Основците ќе одработуваат денови од зимскиот распуст appeared first on plusinfo.mk.

Заради подобро функционирање на училиштата е одложен почетокот на второто полугодие од учебната година, на 23-ти наместо на 18 јануари, изјави ресорниот министер Јетон Шаќири.

Доколку има потреба, додаде тој, наставата од двата работни дена што ќе се загубат поради продолжениот зимски распуст ќе се надоместат во јуни.

– Нема целосна работна недела, се работи за два односно три работни дена за одредени ученици. Требаше да се почне во среда, четврток е празник, да се продолжи во петок. Заради подобро функционирање на училиштата, одлучивме да се почне од понеделник – истакна Шаќири.

Во однос на загубените наставни часови во првото полугодие во училиштата каде што беа пратени пораки за наводно поставени бомби, тој рече дека онлајн настава не е решение на проблемот бидејќи учениците повторно ќе треба да се вратат во училиштата и очекува сторителите да бидат откриени.

– Затоа инсистирам докрај за физичко присуство на настава и побрзо да се најдат виновниците на лажните дојави за бомби – изјави Шаќири по потпишувањето на Правилникот за функционална проценка на деца и млади со попреченост.

The post УЧЕНИЦИТЕ ЌЕ ГИ ОДРАБОТУВААТ ДЕНОВИТЕ ОД ПРОДОЛЖЕНИОТ ЗИМСКИ РАСПУСТ? Министерот Шаќири не сака ни да чуе за онлајн настава appeared first on plusinfo.mk.

Владата на Република Северна Македонија денеска на 118-та редовна седница го разгледа и го усвои предлогот на Министерството за образование и наука, второто полугодие од учебната 2022/23 година наместо на 18 јануари да започне на 23 јануари (понеделник) со физичко присуство за сите ученици, наведено е во владиното соопштение.

„Во образложението од Министерството за образование и наука е наведено дека зимскиот распуст се продолжува поради заштеда на греење и заштита на здравјето на учениците“, се вели во владиното соопштение.

На истата владина седница денеска беше разгледан и усвоен Акцискиот план за реализација и спроведување на Националната стратегија за еднаквост и недискриминација 2022-2026 година.

„Усвоениот Акциски план содржи временска рамка и финансиски импликации за реализација на Стратегијата до 2026 година. Националната стратегија е стратешки документ во националната политика за еднаквост и недискриминација, чија главна цел е обезбедување на концепирани решенија во реализацијата на правата на сите граѓани без дискриминација по било која основа“, наведено е во соопштението.

The post УЧЕНИЦИТЕ ДОБИЈА ПРОДОЛЖЕН РАСПУСТ Ќе штедиме на греење, ама ќе го штедиме и здравјето на децата appeared first on plusinfo.mk.

Според календарот за настава од министерството за образование зимскиот одмор започнува на 31 декември 2022 година и завршува на 17 јануари 2023 година.

Второто полугодие како што веќе споменавме започнува на 18 јануари 2023 година и завршува на 9 јуни 2023 година за учениците во основните училишта.

Исто така второто полугодие за учениците во средните училишта завршува на 9 јуни 2023 година, освен за учениците од завршната година од гимназиско образование, стручно образование со четиригодишно и тригодишно траење на образованието, уметничко образование и средно стручно образование за ученици со посебни образовни потреби за кои редовната настава завршува на 18 мај 2023 година, по што ќе следи полагањето на завршната матура.

Иако пред учениците е зимскиот одмор, летниот одмор започнува на 10 јуни 2023 година и завршува на 31 август 2023 година.

Поради зголемениот број на дојави за бомби во средните и основните училишта, учениците пропуштија дел од наставната програма, па поради тоа од МОН уште претходно апелираа до директорите да најдат соодветно решение како да се надополнат испуштените часови.

The post УЧЕНИЦИТЕ БРОЈАТ СИТНО ДО РАСПУСТОТ Второто полугодие ќе започне на 18 јануари appeared first on plusinfo.mk.

– Идејата е со оглед на тоа што сметките за енергија годинава се три до четири пати повисоки од лани, месеците кога е најстудено, јануари и декември, годишниот распуст да трае два месеци или да се разгледа опцијата за дигитални алатки, со цел да заштедиме енергија. Или распустот да биде во јануари-февруари или декември – јануари, а учебната година да продолжи до 30 јуни и да почне на 15 август – рече Таравари.

– За училиштата веќе дадовме упатство дека спортските сали не работат во текот на зимата. Наставата по физичко теоретски треба да се одржува во училници, во ходниците да нема греење, само во училниците и побаравме од директорите да штедат струја колку што можат – додава тој.

Деветте општина од Полог веќе доставиле вакво барање со предлог до Министерството за образование и Заедницата на единиците на локалната самоуправа.

The post ОНЛАЈН НАСТАВА ИЛИ ДВА МЕСЕЦИ РАСПУСТ Таравари со идеи за зимата, aдминистративците да работат 6 часа без пауза appeared first on plusinfo.mk.