Деновиве е распишан првиот Конкурс за краток расказ за млади автори „Тврдоглави“. На конкурсот со по еден расказ можат да учествуваат автори на возраст од 16 до 25 години. Расказот треба да биде необјавен, напишан на македонски јазик и да не надминува 10.000 карактери.

Конкурсот е отворен до 31 декември 2022 година, а расказите се испраќаат под шифра на електронската адреса konkurstvrdoglavi@gmail.com

Тричлената жири-комисија, која ќе биде составена од еминентни писатели, критичари и професори, ќе додели три награди, и тоа прва награда во вредност од 60.000 денари, втора награда од 20.000 денари и трета награда од 10.000 денари.

Резултатите на конкурсот ќе бидат објавени најдоцна до 25 јануари 2023 година, а врачувањето на наградите ќе биде на 31 јануари 2023 година.

Трите првопласирани раскази ќе бидат објавени во посебна публикација.

Организатори на конкурсот се Блу ИТЦС, Ротари клуб Скопје Камен мост, Принт Фактори, Исо Консалтинг, Данаи Фарм и Гастро Сервис Плус.

Повеќе информации на www.tvrdoglavi.mk

The post НАОСТРЕТЕ ГО ПЕРОТО! Конкурс за расказ за млади автори appeared first on plusinfo.mk.

Ова е книгата која имаше прекрасен прием во матичната земја, и за која нобеловката Олга Токарчук потенцираше: „Овие мали проникливи прози истовремено се трогателни и вознемирувачки. Доколку дијагнозата е точна, имаме голем проблем во Полска“.

Преводот од полски на македонски јазик е на Лидија Танушевска, а излегувањето на книгата е поддржано од програмата „Креативна Европа“ на ЕУ.

„Еврејска работа“ е дебитантско дело на Миколај Гринберг, во кое тој ги преработува приказните на полските Евреи во кратки, трогателни раскази, нудејќи панорама на еврејското искуство во современа Полска. Иако приказните се фикционализирани, секоја од нив содржи прстен на вистината.

Книгата е составена од кратки монолози, во кои карактерите се Евреи, христијани, атеисти, од сите средини и сфери на животот. Секоја од приказните е трогателна и интензивно лична, претворена во кристална проза. Во овој клучен момент за еврејскиот живот во Полска и во целиот западен свет, со будењето на старите духови на антисемитизмот кои повторно се појавуваат во јавната дебата, и каде слободата на говорот е под закана, се издвојува чистиот и разумен глас на Гринберг.

Неговото дело ги разоткрива длабоките корени на системскиот антисемитизам, притоа нагласувајќи колку секојдневието станало отпорно на истиот, што не е едноставно за анализа. Книгата доби одлични критики и влезе во потесниот избор за престижната книжевна награда „Нике“ во Полска.

Гринберг (1966) е фотограф, писател и обучен психолог. Неговата книжевна работа се фокусира врз усните истории на различни генерации полски Евреи во втората половина од 20 век.

Објавил три збирки со „разговори“ базирани врз овие лични (и)стории: „Преживеаните од 20 век“ (2012), „Го обвинувам Аушвиц: Семејни приказни“ (2014) и „Книгата на егзодусот“ (2018).

The post ЗА ЕВРЕЈСКИТЕ РАБОТИ Во Скопје гостува полскиот писател Миколај Гринберг appeared first on plusinfo.mk.

За тешкотиите, стравовите, но и радувањата на генерациите луѓе пораснати во транзиција, пишува Хана Корнети, во својата дебитанска книга „Млечни заби“. Во навидум неповрзаните раскази, македонската авторка се обидува да ги постави проблемите и искушенијата кои им се наметнуваат на младите луѓе, кои се вљубуваат, учат, патуваат, уживаат, мечтеат и се соочуваат со смртта, но тоа го прават различно од претходните генерации. Затоа и имаат проблем, бидејќи за нивното однесување сè уште не постојат општествени морални рамки или, пак самите тие го избегнуваат секое врамување на нивниот начин на живот.

Корнети на извонредно добар начин не враќа во времето на 90-тите и хронолошки прецизно ги води разните ликови низ времето, доспевајќи до периодот кога изолирани си го чувавме здравјето од пандемијата и кога невешто се обидувавме да го издржиме силниот ментален притисок предизвикан од изолацијата.

Во една прилика авторката изјави дека сака да пишува книги, кои и самата би ги читала. „Млечни заби“ е четиво за сегашните родители, претприемачи, политичари, кои пред 30 години созреваа во првите години од транзицијата.

Книгата е издадена од „Или-Или“ во 2021 година, како дел од едицијата „Проаза“.

The post МЛЕЧНИТЕ ЗАБИ НА НАШЕТО СОЗРЕВАЊЕ Маестрални раскази на Хана Корнети appeared first on plusinfo.mk.

Гурна во моментов е професор и директор на постдипломски студии таму во рамките на Одделот за англиски јазик. Неговиот главен академски интерес е постколонијалното пишување и дискурсите поврзани со колонијализмот, особено кога станува збор за Африка, Карибите и Индија.

Од 1980 до 1982 година, Гурна предавал на Универзитетот Бајеро Кано во Нигерија. Потоа се префрлил на Универзитетот во Кент, каде што докторирал во 1982 година. Објавил десет романи и серија раскази. Темата за проблемот со бегалците се провлекува низ неговите дела.

Уредувал два тома „Есеи за африканското пишување“ и објавил написи за бројни современи постколонијални писатели. Тој е уредник на списанието „Васафири“ од 1987 година.

Иако понекогаш се наведуваат индивидуални дела како причина за добивање на оваа престижна награда, Шведската кралска академија, всушност, го зема предвид целиот труд и придонесот на авторот при изборот на победникот.

Нобеловата награда за литература беше доделена 113 пати помеѓу 1901 и 2020 година, односно беа доделени 117 поединци (101 мажи и само 16 жени). Делата на победниците беа напишани на 25 различни јазици.

Најмладиот лауреат беше англискиот писател, новинар, писател на раскази, поет и романсиер Родјард Киплинг, на 41 година, а најстариот е лауреатката Дорис Лесинг, која имаше 88 години кога беше наградена во 2007 година.

The post НОБЕЛОТ ЗА ЛИТЕРАТУРА ВО РАЦЕТЕ НА АБДУЛРАЗАК ГУРНА Бескомпромисна белетристика за бегалците од Африка appeared first on plusinfo.mk.

На настанот ќе зборува македонска авторка Фросина Пармаковска.

„Нека играат децата“ е прва објавена книга на Денис Бојаров и претставува збирка раскази наменета за различни возрасни категории, која обработува социолошки, психолошки и филозофски теми поврзани со децата, со семејството, но и со човекот воопшто. Изобилува со автобиографски приказни, збогатени со имагинативната нарација, преку кои авторот воспоставува комуникација и блискост со читателот и му испраќа емотивни и моќни пораки.

Денис Бојаров е роден на 4 јуни 1987 година во Штип. Основното и средното образование ги завршува во Радовиш, а високото на Филолошкиот факултет „Блаже Конески“ во Скопје, на Катедрата за македонски јазик и јужнословенски јазици. Во последните петнаесетина години живее во Скопје и активно работи како преведувач од турски на македонски јазик и обратно во здружението „Румели Чичеклери – здружение за наука и култура – Скопје“, лектор е по македонски јазик, држи приватни часови по македонски на странци и е еден од авторите на Дигиталниот речник на македонскиот јазик.

Промоцијата ќе се одржи на платото на МКЦ од 20 часот.

The post Промоција на збирката раскази „Нека играат децата“ од Денис Бојаров appeared first on plusinfo.mk.