Околу 100 килограми небезбедна храна запленија и уништија утрово инспекциските служби на Агенцијата за храна и ветеринарство (АХВ) во рамки на спроведениот вонреден инспекциски надзор на пазарот за стари работи познат како бувљак, во скопската населба Маџари.

„Запленета и нештетно уништена е небезбедна храна (чипсови, чоколадни бонбони, наполитанки, конзерви со месен нарезок, кроасани и други производи) се продавала од физичко лице во несоодветни услови (на отворено), со поминат рок на употреба и без познато потекло, за што е изречена парична казна. Апелираме до граѓаните да бидат свесни и одговорни потрошувачи и храна да купуваат исклучиво од одобрени/регистрирани оператори од АХВ кои се под надзор на инспекциските служби на Агенцијата, бидејќи производите кои се продаваат на диво, од нерегистрирани оператори, најчесто од физички лица може да бидат небезбедни“, се вели во соопштението.

The post НА БУВЉАК ПРОДАВАЛ ХРАНА СО ПОМИНАТ РОК И СО НЕПОЗНАТО ПОТЕКЛО Инспекторите утрово запленија чипсови, кроасани, конзерви со месен нарезок appeared first on plusinfo.mk.

Според нив, затруени биле 5 деца на 9-годишна возраст, сите од скопската населба Радишани, а кои биле сместени во одморалиштето во Охрид.

„Ноќта во 3 часот пројавиле исти симптоми стомачни болки и повраќање. Од страна на вработен во одмаралиштето се однесени на инфективното одделение во ЈЗУ Општа болница Охрид од каде се препратени на Детско одделение, каде се згрижени и после потребните испитувања и ординирана инфузија, утрото се вратени во одмаралиштето во добра здравствена состојба. Веднаш е организирана екипа во состав од епидемиолог и техничар од ЈЗУ ЦЈЗ Охрид, државен санитарен и здравствен инспектор и двајца инспектори од АХВ и е извршен вонреден инспекциски надзор во Детско одмаралиште ‘Радости 1955 ДОО Скопје-подружница Детско одмаралиште Радости Охрид’, во населено место Св.Стефан бр.1 Охрид при што е констатирана следната фактичка состојба: Објектот е со вкупен капацитет од 170 легла. Во момент на надзорот,сместени се 126 деца и 16 возрасни водичи со нив,како и 20 вработени лица-персонал и сите се хранат од кујната во објектот. Последно за вечера сите имале леб и салама, а некои и сирење“, се вели во соопштението.

При надзорот е утврдено дека, посочуваат оттаму, општата санитарно-хигиенска состојба во кујната е на задоволително ниво.

„Објектот е постар, но површините се чисти, мазни, од материјал погоден за лесно одржување хигиена-росфрај и плочки. Имаат доволни количини на дезинфекциони средства-Дезинтал и уредно се води писмена евиденција за динамика на одржување хигиена. Дадена е на увид исправна ДДД потврда бр.758 за извршено превентивна ДДД на ден 22.06.2023г од страна на ЈЗУ ЦЈЗ Охрид. Во кујната се вработени 3 куварки, сите со уредни и чисти работни униформи, капи и ракавици. Презентирани се исправни санитарни книшки со датум на извршени здравствено-хигиенски прегледи од 22.06.2023год. При надзорот од страна на ЦЈЗ и АХВ земени се 4 примероци од храна за микробиолошка анализа и тоа салама, сирење, јајца и зелка, а од страна на епидемиолошката служба во соработка со ДСЗИ ПО Охрид земени се 12 брисеви од работни површини и опрема и 9 материјали од вработени (брис од грло, нос и раце). Од страна на ДСЗИ ПО Охрид, во врска со пријавеното сомнение за акутно труење со храна, а со цел спречување на натамошно ширење на алиментарната токсоинфекција, кујната на детското одморалиште е затворена записнички и со службена лента, а на ден 19.07.2023 издадено е и Решение со наложени против епидемиски мерки и Забрана за работа на кујната за подготовка на храна до обезбедување на уредни наоди по извршените вонредни здравствено-хигиенски прегледи на вработените лица, објектот, просториите, предметите, вклучувјаќи ги и земените материјали од насочено лабораториско испитување“, наведено е во соопштението.

Таму се додава дека резултатите од лабораторските анализи на примероците од храна покажале дека 3 примероци од храна (салата од зелка, сирење и мортадела) не ги задоволуваат прописите од микробиолошка безбедност на храната.

„Од вкупно земени 12 брисеви од опрема и работни површини, четири бриса не се во согласност со микробиолошките критериуми за хигиена на површини и предмети кои доаѓаат во контакт со храна. Брис од раце кај една вработена не е е во согласност со микробиолошките критериуми за хигиена на рацете. На ден 27.07.2023 во соработка со инспектор од АХВ, извршен е контролен инспекциски надзор во одморалиштето, по добиена завршна информација од епидемиологот при ЈЗУ ЦЈЗ Охрид на ден 26.07.2023год. При контролниот надзор е утврдено дека во целост е постапено по издаденото Решение, записнички објектот е отворен и симната е претходно поставената лента. Врз основа на стручното мислење од ЈЗУ Центар за јавно здравје Охрид, Државниот санитарен и здравствен инспекторат, согласно законските надлежности, ќе покрене постапка пред Основно Јавно Обвинителство Охрид“, се вели во соопштението.

The post ИМ ДАЛЕ ДА ЈАДАТ РАСИПАНА САЛАМА И РАСИПАНО СИРЕЊЕ Во одморалиштето „Радости“ во Охрид се затруле 5 деца на 9-годишна возраст appeared first on plusinfo.mk.

Агенцијата за храна и ветеринарство ги потсетува потрошувачите да избегнуваат да купуваат и да консумираат храна со оштетена амбалажа (нагмечена, надуена или напукната), разладените или замрзнатите производи да се купуваат на крајот од пазарењето, а лесно расипливата храна како што се месото, млекото, јајцата и други да не се чуваат долго време во автомобилите и во други транспортни средства. Да се одбегнува купување разладена или замрзната лесно расиплива храна која се чува надвор од ладилник или во замрзнувач.

Разладената храна да се чува на температура пониска од 5 степени Целзиусови, а храната која треба да се зготви термички да се обработи на темпeрaтура повисока од 60 степени Целзиусови. Овошјето и зеленчукот пред употреба темелно да се измијат под млаз вода, а месото, млекото и јајцата термички добро да се обработат.

По подготовката, изладена, храната да се чува во фрижидер. На најгорните полици да се чува зготвената храна, а на подолните суровата. Храната да се заштити од инсекти, глодари и од домашните миленичиња и другите животни кои може да дојдат во контакт со неа.

Граѓаните кои јадат во угостителските објекти, да водат сметка дали операторите со храна се грижат за хигиената и за безбедноста на храната. Во објектите за брза храна да се одбегнува употреба на додатоци кои не стојат во ладилник како што се мајонез, кечап, крем салати, сосови, преливи и слично.

Доколку се процени дека храната не е безбедна, да не се ризикува – храната да се фрли!

Високите температури се опасност и за домашните животни и милениците. Порастот на температурите претставува стрес за секое животно кој може да се манифестира со намалено консумирање храна, зголемена потреба за вода, намалено производство на млеко и слаб прираст. Висок процент влага и недоволна вентилација во објектите може да биде причина за појава на топлотен удар кај животните, а сончаницата се појавува како последица на непосредно, директно изложување на сонце. Исходот може да биде фатален и во двата случаи доколку не се делува на време. Напорната работа или транспортот на животните при високи температури, дополнително придонесува за влошување на состојбата.

Во услови на високи надворешни температури да се води сметка ако дојде до топлотен удар, животните да се сместат во ладовина или во разладена просторија, каде има доволно количество свеж воздух. Да им се даде доволна количина свежа вода, а телесната температура да им се намали со туширање/прскање со умерено ладна вода, или со покривање на главата и вратот со ладна и влажна крпа, но, треба да се внимава ладењето на животното да не биде премногу брзо.

Сопствениците на домашни миленици животните да не ги оставаат во затворен автомобил кој е директно изложен на сонце, да избегнуваат нивни прошетки во текот на најтоплиот период од денот. На животните да им се обезбеди доволна количина и постојана достапност до свежа и чиста вода и престој во проветрени простории.

На фармите да се внимава на населеноста (густината) на сместување на животните во објектите. Животните да се заштитат од директните дејства на сончевите зрачења, односно на испустите потребно е да има натстрешници или природни ладовини. Излегувањето на животните да се врши во раните утрински или вечерни часови, периоди кога треба да се организира и транспортот на животните или тие да се користат во работни активности, бидејќи тогаш температурите се пониски.

The post ВНИМАВАЈТЕ ШТО ЈАДЕТЕ ВИЕ И ВАШИТЕ МИЛЕНИЦИ! Зготвената храна чувајте ја на најгорните полици во фрижидерот appeared first on plusinfo.mk.