Русија одржува контакти со некои европски земји, но нивните лидери не предлагаат ништо ново и бараат овие разговори да останат доверливи, изјави денеска рускиот министер за надворешни работи, Сергеј Лавров.

– Тие ни се јавуваат и нè замолуваат да не ги објавуваме разговорите. Некои од нив имаат „тајни“ контакти, но ништо што ни го кажуваат во овие доверливи средби не е различно од она што го кажуваат јавно – рече Лавров за Раша тудеј по повод Денот на дипломатите.

Тој истакна дека европската страна продолжува со истите повици за завршување на војната во Украина, но се дистанцирала од повиците за стратешки пораз на Русија.

– Кога сфатија дека сето тоа се илузии, ја сменија својата реторика – додаде Лавров.

Шефот на руската дипломатија ги оцени како несериозни нејасните планови на францускиот претседател Емануел Макрон за неговите контакти со рускиот лидер Владимир Путин.

– Ова е лоша дипломатија. Ако сакате да разговарате за нешто сериозно, јавете се. Рускиот претседател секогаш ќе ги слушне сите предлози. А ако зборуваме за сериозни предлози, можам да ве уверам дека тие нема да останат без конкретен, практичен одговор – рече Лавров.

Француските медиуми вчера објавија дека дипломатскиот советник на Макрон, Емануел Бон, ја посетил Москва со цел да воспостави дијалог меѓу Макрон и Путин, но Кремљ и Елисејската палата ниту ја потврдија, ниту ја негираа информацијата.

На почетокот на јануари, Макрон изјави дека би можел да разговара со Путин во наредните недели, а претходно, во декември, истакна дека би било корисно за Европа да ги обнови контактите со рускиот лидер. Кремљ потврди дека Путин е подготвен за разговор, но тоа треба да биде обид за разбирање на меѓусебните позиции, а не предавање.

Путин и Макрон последен пат разговараа по телефон во јули 2025 година, нивниот прв контакт по три години.

The post ЕВРОПСКИТЕ ЛИДЕРИ НЕ НУДАТ НОВИ ПРЕДЛОЗИ Лавров ја критикува француската дипломатија appeared first on plusinfo.mk.

Симонјан ова го изјави во неодамна емитувано ток-шоу на руската државна телевизија.

– Недостигот од муниција несомнено постои. Не секаде, но постои. Ова не треба да се случува. Треба да има доволно муниција за сите – и за Вагнерците и за редовната војска, за сите. Треба да има и вишок муниција, за да не мора воопшто да размислуваат за тоа. Русија и СССР се соочуваат со овој проблем во секоја војна – рече уредничката на „Раша тудеј“.

Таа даде и свој предлог како да се реши недостигот со муниција.

– Ова не треба да се случува. Нашите момци ги ризикуваат своите животи секој ден, а ние седиме овде дома. Ако нашата индустрија не може да се справи со овој проблем, ајде да се собереме. Прашајте некого, нели сите сме подготвени? Дојдете да помогнете два часа после работа – рече таа.

The post ШТО ЌЕ ВИ ФАЛИ ПО ДВА ЧАСА ДНЕВНО ДА ПРОИЗВЕДУВАТЕ МУНИЦИЈА? Уредничката на „Раша тудеј“ ги повикува Русите да помогнат во кризата со муницијата appeared first on plusinfo.mk.

Француското Министерство за економија појасни дека имотот на телевизијата е замрзнат со примена на најновите европски санкции, а не на иницијатива на француската држава.

„Со таа мерка, речиси сто вработени и околу 50 новинари најверојатно ќе останат без работа”, се вели во соопштението на секциите на синдикатот „Форс Увие” и Унијата на новинари (SJN) од „РТ Франс” кои истакнаа дека сметките се замрзнати со владина одлука. Тие посочија дека во прашање е доведена француската демократија, кога еден медиум може да биде исклучен без расправа.

Извор од француското министерство за „Франс прес” изјави дека мерката е дел од последниот пакет европски санкции од декември минатата година. За разлика од првите санкции воведени по почетокот на руската инвазија на Украина во февруари 2022 година, санкциите усвоени во декември предвидуваат „замрзнување на имотот” на засегнатите субјекти, додаде истиот извор.

The post ЗАМРЗНАТИ СМЕТКИТЕ НА „РУСИЈА ДЕНЕС“ ВО ФРАНЦИЈА Стотина вработени и 50 новинари ќе останат без работа appeared first on plusinfo.mk.

Големиот совет на Европскиот суд на правдата го отфрли барањето на РТ на Франција за поништување на актите на Советот, усвоени по избувнувањето на војната во Украина, кои привремено ѝ забрануваат на таа организација да емитува содржини, заклучи Европскиот суд на правдата, со седиште во Луксембург.

Одлуката на судот на ЕУ да ја потврди забраната за руската државна телевизија РТ е „крајно негативна“, а Москва ќе одговори со преземање слични мерки против западните медиуми, соопшти денеска Кремљ.

Портпаролот на Кремљ, Дмитриј Песков истакна дека РТ се уште не може да работи во Европа, но дека се надева дека ќе најде модел за да продолжи да ја емитува својата програма.

The post ПОТВРДЕНА ЕВРОПСКАТА ЗАБРАНА ЗА РАША ТУДЕЈ Второстепениот европски ја одби жалбата на руската телевизија appeared first on plusinfo.mk.

Генералниот директор на „Т&Р Продакшн“, Миша Солодовников на вработените им напишал дека компанијата ќе „престане да работи“ на сите локации, „поради непредвидените настани“.

– За жал, претпоставуваме дека станува збор за траен прекин на работниот однос – додал Солодовников.

РТ Америка има канцеларии во Њујорк, Мајами, Лос Анџелес и во Вашингтон. Давателот на сателитски услуги Дирек ТВ, еден од двата што ја пренесуваа РТ Америка, ја прекина соработката на почетокот на неделата. Тоа за мрежата беше голем финансиски удар.

Компанијата Року, што продава хардвер за корисниците да можат да ги пратат содржините преку интернет, исто така соопшти дека ја отстранила РТ Америка од својата платформа.

Изминативе денови, телевизијата Раша тудеј, којашто управува со повеќе мрежи ширум светот, значајно го намали својот опсег на емитување. Ова се должи на тоа што технолошки компании и телевизиски мрежи во светот, ја прекинаа соработката со неа, поради инвазијата врз Украина.

The post РТ АМЕРИКА ГО ЗГАСНА ЕМИТУВАЊЕТО ПРОГРАМА Филијалата на Раша тудеј не може да се носи со притисокот appeared first on plusinfo.mk.

„Затворањето на еден медиум не ни се чини како најдобар начин за борба против дезинформации и пропаганда. Овој чин на цензура може да има целосно контрапродуктивен ефект кај оние кои ги следат овие медиуми. Подобро е според нас да се спречи дезинформацијата на пропагандистичките медиуми преку изложување на нивните погрешни факти или лошиот квалитет на нивното новинарство, преку докажување на отсуството на нивната финансиска и оперативна независност, преку укажување дека се во служба на владините интереси и дека го презираат јавниот интерес“, додава ЕФН.

Оттаму велат дека самиот чин на затворање на медиуми е „сериозен“.

– Да се затвори медиум е сериозен чин, кој мора да се темели на солидна законска база, избегнувајќи секаква арбитрарност. Предизвикот на демократиите е борбата против дезинформациите истовремено зачувувајќи ја слободата на изразување. За ЕФН, други стратегии треба да се поддржат: зголемена поддршка за независното новинарство, промоција на медиумскиот плурализам, промоција на медиумското образование за сите, зголемена транспарентност на оние кои ја имаат моќта – за МИА изјави Рикардо Гутиерез, генерален секретар на организацијата.

Во текот на денот се очекуваат детали за оваа одлука на Европската унија, но и можен одговор од Русија наскоро.

Војната во Украина е и информациска војна, посочи вчера шефот на ЕУ-дипломатијата Жозеп Борел, велејќи оти за Европската Унија е неприфатливо да се шири пропагандата на рускиот претседател на нејзината територија и дека се преземаат мерки за забрана на емитување во Европа на руските медиуми „Раша тудеј“ и „Спутник“.

Претходно, ваква мерка беше преземена во Германија по што Русија одговори со забрана на германскиот медиум „Дојче веле“ на руската територија.

– Ризикот од политиката на цензура се исто така последиците што може да се очекуваат во Русија, како што видовме со затворањето на Дојче веле како одговор на затворањето на Раша тудеј во Германија. Резултатот на овој чин беше осиромашување на медиумскиот плурализам во Русија. Руските граѓани таму го изгубија правото на пристап до информации емитувани од Дојче веле. Тоа е жално – вели Гутиерез.

The post ЗАБРАНАТА НА „РАША ТУДЕЈ“ И НА „СПУТНИК“ НЕ Е ВИСТИНСКАТА БОРБА ПРОТИВ ДЕЗИНФОРМАЦИИ Европската федерација на новинари повикува на разум appeared first on plusinfo.mk.

Потегот на Москва е одмазда за вчерашната одлука на германскиот регулатор, кој ги блокираше преносите на рускиот ТВ канал RT DE. Кремљ ја критикуваше наредбата како „ништо помалку од напад на слободата на говорот“.

Комисијата за лиценцирање и надзор (ЗАК), која е одговорна за регулирање на медиумите во Германија, му забрани на каналот на германски јазик RT DE да емитува програма во земјата, наведувајќи дека нема дозвола за емитување.

РТ, поранешна Раша Тудеј, – се емитува на меѓународно ниво на шест јазици и тврди дека нејзината програма на германски јазик придонесува за различноста на мислењата во Европа. Во меѓувреме, критичарите ја обвинуваат РТ дека е гласноговорник на Кремљ и се користи за ширење пропаганда и дезинформации.

Дојче веле или ДВ е германски државен 24-часовен информативен канал финансиран од федералниот даночен буџет. Се емитува програма на германски, англиски, шпански и арапски јазик.

The post РУСИТЕ ИМ ВОЗВРАТИЈА НА ГЕРМАНЦИТЕ Дојче веле доби забрана за емитување во Русија appeared first on plusinfo.mk.