По речиси три децении мистерија, едно од најпознатите нерешени убиства во историјата на хип-хопот доби судски епилог. Поротата во Лас Вегас го прогласи Дуан „Кефи Д“ Дејвис за виновен за убиството на рап-ѕвездата Тупак Шакур, кој беше застрелан во септември 1996 година. 63-годишниот Дејвис беше прогласен за виновен за убиство од прв степен со употреба на смртоносно оружје, а поротата одлучувала за пресудата помалку од три часа по 11-дневното судење.

Особено емотивен момент се случи во судницата кога во моментот кога беше прочитана пресудата, сестрата на Тупак, Секива „Сет“ Шакур, се расплака. За семејството на Тупак, пресудата доаѓа речиси 30 години по неговата смрт и претставува прва осуда во случајот што со децении ги интригираше и полицијата и јавноста.

Дејвис не е обвинет дека лично пукал во Тупак, туку дека го организирал нападот. Обвинителството тврдеше дека по тепачката во која Тупак и неговата екипа го нападнале внукот на Дејвис, Орландо „Бејби Лејн“ Андерсон, Дејвис набавил пиштол и со уште тројца мажи тргнале да го најдат раперот и неговиот придружник Мерион „Суге“ Најт. Тие се возеле во бел кадилак, од кој било пукано кон автомобилот во кој се наоѓале Тупак и Најт. Обвинителството не го именуваше човекот кој директно пукал, а тројцата други мажи од кадилакот во меѓувреме починале. Според законите на Невада, Дејвис може да биде осуден за убиство иако не бил стрелецот.

Клучен дел од доказите против него беа неговите сопствени изјави. Полицијата со години се сомневаше во Дејвис, но немаше доволно докази за да го обвини сè додека тој самиот не почна јавно да зборува за случајот. Неговите интервјуа, снимките од тајни средби со истражителите и мемоарите „Compton Street Legend“ од 2019 година беа меѓу главните докази на обвинителството. Во снимките Дејвис зборува за тоа дека бил бесен поради тепачката со неговиот внук и опишува како групата го барала Тупак. Одбраната, пак, тврдеше дека неговите приказни биле измислени или преувеличени за да заработи пари и дека нема физички докази што директно го поврзуваат со убиството.

Тупак Шакур беше застрелан на 7 септември 1996 година во Лас Вегас, откако присуствуваше на боксерски меч на Мајк Тајсон. Автомобилот во кој се возел со Суге Најт бил запрен на семафор, кога бел кадилак се приближил и од него било пукано. Тупак бил погоден со повеќе куршуми и починал шест дена подоцна, на 13 септември, на само 25 години. Неговото убиство се случи во периодот на жестокото ривалство меѓу хип-хоп сцените од Источниот и Западниот брег на САД и стана еден од најпознатите случаи во историјата на музиката.

Дејвис, кој во текот на судењето се изјаснуваше за невин, веднаш по пресудата најави дека ќе поднесе жалба. За убиството е предвидена максимална казна доживотен затвор без можност за условно ослободување, а изрекувањето на казната е закажано за 13 октомври. Со пресудата, по речиси три децении, случајот конечно доби прв правосилен судски одговор, иако човекот кој, според обвинителството, директно го испукал куршумот во Тупак никогаш не беше обвинет.

The post 🎥 УБИСТВОТО НА ТУПАК ПРЕД РЕЧИСИ 30 ГОДИНИ, ДОБИ СУДСКИ ЕПИЛОГ Прогласен е виновникот за смртта на рап-легендата appeared first on plusinfo.mk.

По речиси 30 години од смртта на Тупак Шакур, еден од најпознатите нерасчистени случаи во американската музичка историја конечно стигна до судница. Во Лас Вегас на 10 август започна изборот на поротници за судењето на Дуeјн „Кефи Ди“ Дејвис, 63-годишниот поранешен член на бандата „South Side Compton Crips“, кој е обвинет за убиството на раперот во 1996 година. Процесот се очекува да трае околу четири недели.

Обвинителството тврди дека Дејвис го организирал нападот во кој Тупак беше застрелан од автомобил во Лас Вегас. Клучен дел од приказната е неговиот внук Орландо „Бејби Лејн“ Андерсон, кој претходно истиот ден се степал со Шакур и неговото друштво во хотелот „MGM Grand“. Андерсон долго време беше сметан за главен осомничен за пукањето, но никогаш не беше обвинет, а во 1998 година беше убиен во престрелка поврзана со банди.

Дејвис, кој во 2023 година беше уапсен по децении истрага, се изјасни за невин. Сепак, обвинителите имаат намера да презентираат негови претходни изјави како важен доказ. Судијата Карли Кирни неодамна дозволи во процесот да биде употребена и снимка од полициско интервју од 2008 година, и покрај обидите на одбраната да ја исклучи. Дозволена е и неговата книга „Compton Street Legend“, која обвинителството ја смета за особено значаен дел од доказниот материјал.

Случајот повторно го привлече вниманието и кон ноќта на 7 септември 1996 година, кога Шакур се возел со Мерион „Суге“ Најт во Лас Вегас. По нападот, раперот бил пренесен во болница, но починал шест дена подоцна, на 13 септември, на само 25 години. Иако истрагата со години не доведе до обвинение, случајот никогаш не престана да предизвикува бројни теории за тоа кој стоел зад убиството.

Особено внимание сега привлекува и прашањето кои сведоци ќе се појават пред поротата. Меѓу потенцијалните сведоци се наведуваат луѓе кои го виделе Шакур непосредно пред пукањето, како и јавни личности поврзани со случајот. Меѓу имињата што се појавуваат на листата е и Суге Најт, кој бил во автомобилот со Тупак во моментот на нападот. Сепак, Најт веќе изјавил дека не сака да сведочи на процесот.

Изборот на поротници започна оваа недела, а целиот процес би можел да стане еден од најследените американски судски случаи поврзани со музичка ѕвезда. По три децении прашања, шпекулации и неуспешни истраги, обвинителството сега ќе се обиде да ја убеди поротата дека има доволно докази против Дејвис. Доколку биде прогласен за виновен, тој се соочува со доживотен затвор без можност за условно ослободување.

The post ЕДНО ОД НАЈМИСТЕРИОЗНИТЕ УБИСТВА КОНЕЧНО ПРЕД СУД За расветлување на смртта на американскиот рапер Тупак Шакур се чекаше 30 години appeared first on plusinfo.mk.

Објавен е 12-от студиски  албум на американскиот рапер, Еминем.

Еминем ја заби последната шајка во ковчегот на неговото алтер его „Слим Шејди“, со новиот албум насловен „The Death Of Slim Shady (Coup De Grâce)“.

На плочата ѝ претходеа водечките синглови „Houdini“ и „Tobey“, во коишто учествуваат неговите пријатели, рапери од Детроит, Биг Шон и Бејбитрон. Албумот има вкупно 19 „траки“, а ја вклучува и познатата крилатица „Погоди кој се враќа“ (Guess Who’s Back) од почетоците на кариерата на Еминем, како и „Guilty Conscience 2“, своевидно „продолжение“ на неговиот сингл „Guilty Conscious“ направен со помош на Д-р Дре за албумот „The ​​Slim Shady LP“ од 1999 година.

Еминем „брутално го раскостуваше“ Слим Шејди со недели пред објавувањето на албумот. Во музичкото видео за „Tobey“, тој употреби и моторна пила, иако другите маркетинг-трикови за промоција на неговиот нов проект, можеби, не се толку ужасни…

Во мај, Еминем објави и лажен некролог во „Детроит фри прес“ во којшто тагува за „измачувачкото суштествување“ на измислениот лик.

„Неговото сложено и измачувачко опстојување заврши, а наследството што го остави зад себе не е поблиску до разрешување од начинот на којшто овој лик го напушти овој свет“, се вели во „некрологот“.

„Слим Шејди“, како што вели Еминем, е производ на Детроит и на „непријателските поделби во просперитетната андерграунд-рап сцена“ од средината до крајот на 1990-те.

„На крајот на краиштата, самите нешта што се чинеше дека се алатките што ги користеше, станаа ’картички со име’ што го дефинираа постоењето коешто можеше да заврши само со ненадеен и ужасен крај“, се вели во објавата.

„Шејди“ првпат стана познато име во 1999 година со дебито на неговиот сингл со повесел ритам – „My Name Is“, што заедно со неговото уникатно видео, го изложи младиот рап-уметник и неговите стихови пред пошироката публика.

The post 🎥 ЕМИНЕМ ЈА ЗАБИ ПОСЛЕДНАТА ШАЈКА ВО КОВЧЕГОТ НА НЕГОВОТО АЛТЕР ЕГО „СЛИМ ШЕЈДИ“ Објавен е 12-от студиски албум на американскиот рапер appeared first on plusinfo.mk.

Во истражувањето учествувале 200 луѓе, а истражувачите им пуштиле 260 песни од различни жанрови. Луѓето со најмногу психопатски особини најмногу уживале во рап песните „No Diggity“ на бендот „Blackstreet“ и „Lose Yourself“ од Еминем, пишува Вајс.

Од друга страна, пак, оние кои најмногу уживале во песните „My Sharona“ на рок групата „The Knack“ и „Titanium“, во изведба на диџејот Дејвид Гета и пејачката Сија, покажале најмалку психопатски особини.

Психолозите истакнуваат дека резултатите се прелиминарни и засега не сакаат да откријат кои песни им ги пуштале на испитаниците.

Тие сепак имаат амбициозна цел – можеби да ги идентификуваат психопатите преку нивната омилена музика.

– Медиумите ги прикажуваат психопатите како убијци со секира и сериски убијци, но тие во стварноста не се толку очигледни како Џокерот од Бетмен. Психопатите би можеле да работат веднаш до вас и целосно да се вклопат во околината. Тие се како психолошка темна материја – изјави авторот на истражувањето Паскал Валиш.

Околу 1 отсто од општата популација спаѓа под описот на психопат.

The post НЕМА ДА ВИ СЕ ВЕРУВА ШТО СЛУШААТ ПСИХОПАТИТЕ! Фановите на еден популарен музичар ќе се разочараат appeared first on plusinfo.mk.

Песната трае скоро 11 минути, а Мурињо во еден момент се појавува со една од своите познати изјави.

Stormzy FT Jose Mourinho

Yes you’ve read that right pic.twitter.com/nc0gFa6hP3

— TheSecretScout (@TheSecretScout_) September 22, 2022

The post МУРИЊО ГИ ИЗНЕНАДИ ФАНОВИТЕ Се појави во спот на познат рапер (ВИДЕО) appeared first on plusinfo.mk.

За настапот подготвуваат вистинска олдскул – бум бап атмосфера за која голема заслуга имаат инструменталите на Кодар (Дарко Тодоровски) и се спремаат да испрезентираат не објавени творби кои ќе бидат дел од
албумот кој е во подготовка.

Д.С.Ш. е група која се издвојува со својот уникатен старошколски стил на презентирање на рап културата во комбинација со елементи од џез, фанк и блуз примеси во музиката која ја творат. До сега имаат учествувано на
неколку настани во Скопје меѓу кои и на „Хумантроп” одржан во градскиот парк на Скопје, на „Гевгелиско културно лето” во Гевгелија и во Лесковац – Србија на „Лесковачко лето”.

Екипата на Д.С.Ш. работи неуморно и моментално се во подготовка за изработка на албум и други бројни проекти. Имаат учество во повеќе проекти и остварено повеќе соработки од кои може да се истакне соработката со “OPEN BLKN” – организација која се залага за конекција и ширење на хип хоп културата на балканот.

The post РАП ГРУПАТА Д.С.Ш. ЌЕ НАСТАПУВА ВО НИШ „Нишвил“ е еден од најголемите рап-фестивали во Европа appeared first on plusinfo.mk.

Песната „Bestie“ на младиот и талентиран артист во јавноста познат како Young Dadi, доби продолжение – овој пат со наслов „Wifey“. И оваа тема е работена со истата екипа – музиката и текстот се со потписот на Давид Даниловски ака Young Dadi, продуцирана е од Лазар Цветкоски и Just RT Production, микс/мастерот е на Лазар Цветкоски, а битот на Just RT Production. Видеото, пак, во кое улогите им припаѓаат на Young Dadi и Николина Павловска, е снимено и едитирано од Давид Манев.

Креативен директор и воедно задолжена за стајлингot беше Александра Трпеска, додека за косата на Дади се погрижи Бобан Тодоровски. Фотографиите се на Давид Манев.

Спотот ја следи љубовната приказна на Дади и Никси, инаку прикажана во vintage вајб. Кадрите се снимени на неколку локации, и тоа Мавровското Езеро, забавниот парк кај арената „Борис Трајковски“ и во една приватна куќа во скопската населба Тафталиџе.

The post YOUNG DADY СО НОВА ПЕСНА Wifey ја следи љубовната приказна на Дади и Никси appeared first on plusinfo.mk.

За големото затворање на овогодишниот „Таксират“ пристигнуваат водечки светски, регионални и домашни музички уметници на електронската, рок, метал и трап/хип-хоп сцена.

Како што информираат организаторите, на главната бина на „Таксират“, посетителите ќе уживаат во премиерниот настап во земјава на маестро Борис Брејча – истакнат суперхерој на светската електронска сцена и еден од најбараните изведувачи на денешницата.

Главната бина ја делат Брејча, Мизар и Санаториум

И покрај веќе трасираните музички правци, тој, сепак одлучи да создаде свој звук и да дочека неговиот „хај-тек минимал“ да биде еден од најпопуларните електронски стилови денеска, а тој да настапува на сите најголеми светски фестивали со препознатливата „џокер“ маска.

Заедно со Брејча, од Германија пристигнува и неговата долгогодишна соработничка, харизматичната ЕН КЛУ – позната по своите непредвидливи сетови и посебна енергија.

Исто така, на главната бина ќе настапат и три исклучително значајни, легендарни музички имиња од македонската и регионалната сцена и тоа: неуништливите „Партибрејкерс“ – еден од највлијателните и најистрајни рок бендови во регионов кои веќе 40 години воодушевуваат испорачувајќи моќен звук на сцена, потоа култната „Мизар“, ѕвездата водилка на македонската музичка авангардна, алтернативната рок група која важи за пионер на дарк-вејв естетиката во регионот и најзначајната македонска треш-метал група „Санаториум“, подеднакво култно име кое три децении е музичка лектира на балканската метал-сцена.

На втората бина ќе ечат трап и хип-хоп

Втората бина, лоцирана во малата сала на С.Ц. „Борис Трајковски“ е резервирана за највлијателниот трап/хип-хоп звук од земјава и регионот, кој ќе се чуе преку настапите на „З++“ од Хрватска, „Црни Церак“ од Србија и македонските предводници на жанрот „Бон Праскиза“, „Јанг Дади“, „Ајри Скреч“ и „Шорти Пи“.

Диџеи ќе ја „дрмаат“ третата бина

Третата бина „SILENT DISCO“ ќе понуди музичка селекција од страна на три докажани диџејски имиња кои владеат со подиумите низ македонските клубови, а кои оваа вечер во исто време ќе застанат зад диџејскиот пулт, додека посетителите преку слушалки ќе можат да ги менуваат трите фреквенции избирајќи го својот омилен ритам за танц.

Земете маска, дојдете час порано

Влезот за посетителите ќе биде отворен во 19:00 часот.

„Фестивалот ќе се одржи во согласност со актуелните безбедносни протоколи со ограничен капацитет, а влезот ќе биде овозможен само на посетителите кои имаат документ/сертификат дека примиле две дози вакцина против ковид-19 или дека го прележале вирусот во последните 45 дена“, информираат организаторите.

Со цел да се избегнат турканиците при влез на настанот, тие апелираат до сите посетители да дојдат порано, односно најмалку еден час пред настапот од програмата кои не сакаат да го пропуштат.

Сите оние кои купиле билети онлајн не треба да вршат замена на ваучерите за билети, туку треба само да ги приложат интернет ваучерите (ПДФ документот во нивниот и-мејл) при влез на Фестивалот, испечатени или од нивниот мобилен телефон.

The post ВЕЧЕРВА ЌЕ ПУКНЕ НАШИОТ „ТАКСИРАТ“ Борис Брејча, Партибрејкерс, Мизар и Санаториум меѓу изведувачите appeared first on plusinfo.mk.

Тој посочи дека исто како и во музичките води, така и во политиката, не влегува од лукративен интерес.

– Додека бев млад бев основач на музичка група која се викаше „Празни џепови“ и во тоа време во едно интервју на прашање од новинар што очекувате од музички аспект, реков не знам што, само знам дека името на групата нема да се смени. Така што, ниту јас, ниту повисоките експоненти од мојата партија, не сме во политиката за да ги наполниме џебовите и целосно се одважуваме и се дистанцираме од еден ваков вокабулар – рече Гаши.

Неговиот рап-бенд во далечната 1995 година настапил со рап песна на албанскиот музички фестивал „Нота фест“, а токму Гаши видеото од овој настап одамна го сподели на социјалните мрежи. Во песната тој рапува за љубовта и за тагата поради невозвратената љубов, а на својата љубена тој ѝ порачува дека може да умре за неа.

Во продолжение, погледнете го настапот на „Празни џебови“:

The post РАПЕРОТ АФРИМ ГАШИ ПЕЕ ЗА НЕВОЗВРАТЕНАТА ЉУБОВ Лидерот на Алтернатива настапувал со бендот „Празни џебови“ (ВИДЕО) appeared first on plusinfo.mk.

Нова песна насловена како „Врие Македонец“ и цел нов албум ни подготвува хип-хоп колективот Чиста Околина. За нив 2021-та беше успешна година. Се вратија на сцената цели дваесет и пет години по објавувањето на култното деби „Новиот аспект на старата школа“ и го издадоа повратничкиот албум „Avant-garde Fatiguee“. Албумот беше поддржан од два сингла („Си играме со рапот“ и „Малку поети“), како и од дополнително албумско издание со инструментални верзии од песните.

Слушнете ја песната на следниот линк:

Чиста Околина остануваат доследни на својата бескрајна музичка љубопитност и во новата песна го спојуваат хип-хоп изразот со семплови од Драган Ѓаконовски – Шпато („Поздрав до оркестарот“), Телонаука совршена („Небо“), Анастасија („Гори“) и Алек Пејовски („Над истата темнина“).

Ваквиот, навидум невозможен, колаж од музички стилови и влијанија, создава совршена подлога за експлозивниот, политички ангажиран текст, во кој бескомпромисно се занимаваат со безизлезноста во која, децении наназад, без престан тонат цели генерации.

На „Врие Македонец“, Чиста Околина ги придружуваат Кацар и Вена, а миксер и продуцент на песната е Драги Иванов, кој свири и гитара. Наскоро ќе излезе и видео-спот за синглот, во режија на Иван Солунчев.

The post „ВРИЕ МАКЕДОНЕЦ“, НОВА ПЕСНА НА ЧИСТА ОКОЛИНА Се крчкаат и нов спот и албум (ВИДЕО) appeared first on plusinfo.mk.