Поради поставување сообраќајна сигнализација и дилатации на еластичната одбојна ограда, сообраќајот на експресниот пат Ранковце-Крива Паланка од денеска до 14 април ќе се одвива со изменет режим.

Фирмата изведувач „Гранит“ АД Скопје информира дека активностите ќе се реализираат согласно одобрение за времена измена на режим на сообраќај од Министреството за транспорт, издадено на 14 март 2025 година, а активностите на терен ќе почнат денеска.

– Ве известуваме дека на 17 март 2025 година ГД „Гранит“ АД Скопје ќе почне со градежни активности за монтажа на дилатации на еластичната одбојна ограда на вијадуктите и со поставување сообраќајна сигнализација на експресниот пат А2, на делницата Крива Паланка -Длабочица – соопштија од „Гранит“.

The post ДО 14 АПРИЛ ВРЕМЕН РЕЖИМ НА ЕКСПРЕСНИОТ ПАТ РАНКОВЦЕ-КРИВА ПАЛАНКА Ќе се поставува сообраќајна сигнализација appeared first on plusinfo.mk.

Ранковце – Крива Паланка: Обезбедивме и пари и проект

Речиси шест години не се објави јавен повик за изведувач – градежна фирма, бидејќи во пред и по изборниот период до формирање нова влада во мај 2017 година, законски тоа не е дозволено, а потоа со новата власт предводена од СДСМ следува една долга убив дрвена „медитација на јога мајсторите” еве веќе шест години.

Но, на завршен основен и главен проект за експресен пат со четири ленти и целосно обезбедени пари за негово комплетно финансирање, да ја кочиш почетокот на градбата шест години треба да има некакво образложение.

Ако, пак, идејата била да покажат слика/перцепција дека сѐ почнува од нив, тоа не само што е глупаво – затоа што е на штета на оние чии гласови и доверба ја бараат на избори – туку и е невозможно, бидејки и да заборавил дел од народот, медиумите, партиите, политичарите итн ќе потсетат и ќе го вратат сеќавањето.

Од каде е таа потреба за лажно преставување?

Попусто загубено време.

Кој знае како ни се смеат во Светска банка…

Ако е, пак, неспособност и ако навистина шест години им требало да го објават тендерот кој претходно го одобрува светската банка за да почне градбата, тогаш… немам коментар.

Се надевам не е комбинација од двете…

Во тој проект се предвидуваше и проширување со една лента плус на двете страни на црните точки на доста тешкиот терен и пат од 14 километри Крива Паланка-граница со Република Бугарија.

Можам да замислам како во себе си се смеат оние од Светска банка гледајќи ја динамиката и „брзината” на работа на оваа влада…

Градско – Прилеп: Пола завршен, уште не можат да го изградат

Оној експресниот пат со четири ленти Градско – Прилеп, кого пола го бевме завршиле уште во мај 2017 година, уште не можат да го изградат. Шест години се на власт.

И таму да не е промашена трасата?

Штип – Кочани: Дел довршија, па се пофалија

Експресниот пат со четири ленти Штип – Кочани кој исто така го бевме почнале да го градиме делови завршија и се пофалија неодамна, другиот дел уште не е завршен. За еден месец ја почнуваат седмата година владеење.

Кичево – Дебар: Го снема…

Експресниот пат Кичево – Дебар исто така го снема од плановите на владата предводена од СДСМ цели шест години.

Охрид – Пештани: „Миниран“ проект

За ист таков комплетно нов експресен пат со четири ленти подготвивме и има комплетно готов проект на потегот Охрид – Пештани, кој во лето е преоптеретен и огромните колони возила се движат со брзина на пешачење во делови од денот.

Тогаш, за да го одложат градењето и да ја намалат перцепцијата на граѓаните дека владата гради со „турбо динамика”, ни пуштија некои од блиските ним невладини организации да праќаат писма до Светската банка да не брза со финасирање, бидејки некои птици кои летале од Африка до северниот пол, тука баш на некој потег каде требаше да минува комплетно новиот експресен пат еднаш или двапати годишно правеле куса пауза, па постоењето на патот патот ќе ги вознемирувал при почивката.

Еве, сега се шест години на власт, нема кој да им прави опструкции, нека го почнат и тој експресен пат за кој градежно-архитектонски проект е целосно завршен, Светска банка беше тргнала да го одобрува, но го пресретнаа на тема која е многу чувствителна во таа институција.

Па барем некој аир да има што дошле на власт, во смисла дека нема сами себе да се кочат и прават опструкции.

Во спротивно и понатаму возачите од и до плажите на Охридското Езеро во време на сезоната уште долго ќе гледаат во чавките и ќе се нервираат додека со саати неможат да поминат пат кој вообичаено се поминува за околу десетина минути.

Скопје – Сопиште: Завршен е, пуштете го, не ги малтретирајте луѓето!

За патот Скопје – Сопиште преку Водно, комплетно градежно завршен уште во мај 2017 година, нема пак да прашувам зошто цели шест години не дозволуваат да почне да се користи? Не знам дали е нечиј личен хир или комплекс на пониска вредност, но ако не сакаат да се споменува во чие време е граден, нека го пуштат тивко и без било какви церемонии, но нека не го малтретираат народот кому му треба тој пат!

До имињата да не е?

И да, експресните патишта исто како и автопатиштата уште тогаш добија и имиња со одлука на влада објавена во „Службен весник“. Така автопатот кон Штип е именуван како Гоце Делчев, а оној од Кичево до Охрид кој го оставивме на 50% завршени градежни работи и обезбедени пари за завршување на целиот, сега по 6 години владеење на актуелниве е 56% изграден, се именува како Мајка Тереза, исто како и обиколницата околу Скопје.

Експресниот пат Градско – Прилеп е именуван и го носи името на Методија Андонов Ченто, а истиот од Ранковце до Крива Паланка се именува како ВМРО, носејќи го името на славната револуционерна организација која 41 година се бореше за ослободување на Македонија во нејзините географски и етнички граници.

Но, овие не можат да ги завршат, а за табли со имињата на истите и да не очекуваме, како што нема ни на оддамна готовиот автопат Штип – Скопје.

(Насловот и опремата се редакциски)

The post ШЕСТ ГОДИНИ МЕДИТАЦИЈА Ви оставивме изградени и почнати патишта, обезбедени пари и проекти – што направивте вие? appeared first on plusinfo.mk.

– Со колегата Петков многу време посветивме во разговор за важноста на Коридорот 8 и особено на патната инфраструктура, која во голема мера зависи од институциите и изведувачите. Се договоривме заедничката работна група во чија надлежност е патната инфраструктура, високо на својата агенда да го врати Коридорот 8 меѓу врвните приоритети на Европската Унија. На тој начин очекуваме поголема поддршка за целосна реализација и на патната и на железничката инфраструктура – рече Ковачевски.

Тој се надева дека изградбата на овој експресен пат ќе добие силен интензитет, додавајќи дека и премиерот Петков се обврзал добро да провери што се случува со изградбата на патот од бугарската страна кај преминот Клепало кај Берово.

– Идниот експресен пат Ранковце-Крива Паланка ќе има по една лента за возење и по една помошна лента за застанување во секој правец, со што значително ќе се скрати времето на патување меѓу Куманово и Крива Паланка – рече директорот Рустеми, информирајќи дека во тек се градежни активности во зимски услови на втората делница.

Во овој дел од државата се почнати значајни проекти меѓу кои рехабилитација на магистралниот пат Куманово-Страцин, со вкупна должина од 32 километри, и вкупна вредност од 11,9 милиони евра и втора делница, која е веќе во завршна фаза и се очекува во скоро време да заврши.

Во изработка е програма за проектирање на нов експресен пат Романовце-Страцин кој што е планиран да се финансира од ИПА 3 инструментот и со сите овие рехабилитации, санации и изградби во регионот целта е да се добие комплетен Коридор 8, кој како главна артерија ќе биде безбеден и сигурен за учесниците во сообраќајот.

The post РАНКОВЦЕ-КРИВА ПАЛАНКА ЌЕ ДОБИЕ ПОМОШНА ЛЕНТА Коридорот 8 се враќа меѓу врвните приоритети appeared first on plusinfo.mk.

-Утринава, околу 9.40 часот во Одделението за внатрешни работи Крива Паланка било пријавено дека на магистралниот пат Ранковце – Крива Паланка кај место викано Просеченик, Општина Ранковце, се случила сообраќајна незгода помеѓу товарно моторно возило „мерцедес“ со турски национални ознаки и товарно моторно возило  „волво“ со тетовски регистарски ознаки. Поради тоа сообраќајот беше во прекин до 1.40 часот –  информира портпаролот на СВР Куманово Ивана Младеновска.

Увидот на местото на незгодата сѐ уште е во тек.

The post Судир на два камиона на пат Ранковце – Крива Паланка го блокираше сообраќајот два часа appeared first on plusinfo.mk.