Русија и Украина ноќеска и рано утрово разменија серија напади со беспилотни летала, објавија официјални лица на двете земји.

Три лица се повредени во централниот руски регион Татарстан, додека еден работник на железницата е убиен во руски напад врз украинскиот регион Суми.

Британските медиуми пренесуваат дека нападите следат по големите руски воздушни напади во Украина во последните недели, по кои Киев во изминатите денови ги засили нападите со дронови со долг дострел врз руските нафтени постројки, што доведе до недостиг на гориво на Крим и на други места низ земјата.

Цели на напади се индустриските постројки во Татарстан, изјави раководителот на овој регуион, Рустан Миниханов, во објава на Телеграм.

Градот Нижнекамск во овој регион денеска ќе ги откаже сите јавни настани поради закани за напади со беспилотни летала, изјави градоначалникот Радмир Белјаев.

Белјаев не спомена дали беспилотните летала предизвикале штета. Во областа се наоѓаат неколку водечки индустриски капацитети, вклучувајќи ја петрохемиската фабрика „Татњерфт ТАНЕКО“ и рафинеријата за нафта.

Таљати, град во Волга, на околу 800 километри југоисточно од Москва и центарот на најголемиот руски производител на автомобили „Автоваз“, исто така беше цел на напад, изјави регионалниот гувернер.

Регионалниот гувернер на рускиот пограничен регион Брјанск доцна синоќа објави дека две лица се убиени, а 10 се повредени во украинскиот напад.

Русија синоќа собори 231 украински дронови, објавија локалните медиуми, повикувајќи се на руското Министерство за одбрана.

Од украинска страна известуваат дека руски беспилотни летала нападнале железнички станици, електрични сигнални столбови и трафостаници во северниот украински регион Суми, а во нападите е убиен еден железничар, додека друг е повреден.

Украинските воздухопловни сили соопштија дека од синоќа од 18 часот, Русија лансирала 117 беспилотни летала, а воздушната одбрана соборила или неутрализирала 102 од нив.

Три лица се повредени, синоќа, во напад со беспилотно летало во јужниот град Николаев, соопштија локалните власти преку Телеграм и додадоа дека се оштетени 14 приватни згради. Во друг напад рано утрово е повреден еден маж, соопштија локалните власти.

The post УКРАИНА И РУСИЈА НОЌЕСКА МЕЃУСЕБНО СЕ НАПАЃАА СО ДРОНОВИ Има мртви и повредени на двете страни appeared first on plusinfo.mk.

Четири лица загинаа во руски напад со дрон врз претпријатие од прехранбената индустрија во Киевската област, соопшти локалната администрација.

Началникот на регионалната администрација, Микола Калашњук, изјави дека нападот предизвикал пожар во административна зграда во фабричкиот круг на претпријатието, при што дел од објектот бил уништен.

Во текот на ноќта една жена загина во руски воздушен напад во областа Запорожје во југоисточна Украина. Началникот на регионалната воена администрација Иван Федоров на Телеграм објави дека уште 11 лица се ранети во рускиот напад во регионот, во кој се користеле крстосувачки ракети и периодично се огласувала воздушна тревога во текот на вечерта.

Претходно во текот на вчерашниот ден, во руски напад врз градот Јампил во Сумската област, во близина на границата со Русија, загинаа две лица, соопшти началникот на Сумската регионална воена администрација, Олег Григоров на Телеграм.

Светските агенции нагласуваат дека информациите не можат независно да бидат потврдени.

The post РУСКИТЕ ДРОНОВИ И РАКЕТИ СЕАТ СМРТ НИЗ УКРАИНА 4 мртви во Киев, еден во Запорожје, двајца во Јампил appeared first on plusinfo.mk.

Најмалку 25 лица, од кои 15 во пограничниот град Суми, се ранети во нападите со руски беспилотни летала во текот на изминатата ноќ, соопштија украинските власти.

Украинските воздухопловни сили прецизираа дека Русија во текот на ноќта истрелала две ракети и 143 дронови. Од нив, соборени се една ракета и 116 беспилотни летала.

Локалните власти известија дека во Суми се ранени најмалку 15 лица. Спасувачките служби објавија снимки од евакуација на граѓани од станбени згради на кои е нанесена значителна материјална штета. Покрај ова, пријавени се тројца ранети во областа Харков и уште тројца во градот Славјанск, додека во областа Днепропетровск се повредени четири лица.

Од друга страна, руското Министерство за одбрана соопшти дека нивните системи за противвоздушна одбрана собориле 97 украински дронови во текот на ноќта.

Истовремено, локални медиуми јавуваат дека 246 пожарникари сè уште се борат со големиот пожар во црноморското пристаниште Туапсе, повеќе од 24 часа по украинскиот напад со беспилотни летала. Туапсе е клучен дистрибутивен центар за извоз на нафтени деривати.

The post НАЈМАЛКУ 25 РАНЕТИ ВО НОЌНИТЕ НАПАДИ ВРЗ УКРАИНСКИ ГРАДОВИ Русите нападнале со 143 дронови appeared first on plusinfo.mk.

Американскиот претседател Доналд Трамп денеска изјави дека САД му забраниле на Израел понатамошно бомбардирање на Либан, користејќи некарактеристично суров тон кон долгогодишниот сојузник на САД.

„Израел нема повторно да го бомбардира Либан. СЕГА ИМ Е ЗАБРАНЕТО. Што е премногу, премногу е!!!“, објави Трамп на социјалните мрежи.

Тој изјави дека секој договор што САД ќе го постигнат со Иран „во никој случај“ не се однесува на Либан, но дека САД ќе се справат со ситуацијата со Хезболах на соодветен начин.

Нетанјаху: Работата не е завршена

Од друга страна, израелскиот премиер Бенјамин Нетанјаху изјави дека Израел „сè уште не ја завршил својата воена мисија против Хезболах“, и дека целта за целосно распуштање на либанското шиитско движење нема да биде постигната во скоро време.

Во видео-порака, Нетанјаху оцени дека израелските операции во Либан донеле „значајни резултати“, наведувајќи дека се елиминирани две главни закани – инфилтрација на борци и голем арсенал ракети насочени кон израелските градови.

Тој тврди дека околу 90 проценти од ракетниот арсенал на Хезболах е уништен, додавајќи дека групата денес е „само сенка“ од својата поранешна сила.

Либан изброи 2.294 мртви и 7.544 ранети

Во меѓувреме, либанското Министерство за здравство објави дека најмалку 2.294 лица се убиени, а 7.544 се ранети од почетокот на израелските напади на 2 март. Бројот на жртвите нема да биде конечен сè додека не се заврши отстранувањето на урнатините, извлекувањето на телата и идентификацијата со ДНК.

Министерството изјави дека меѓу загинатите има сто болничари и здравствени работници, а дека една четвртина од загинатите се жени, деца и медицински персонал.

The post ТРАМП МУ ЗАБРАНИ НА ИЗРАЕЛ ДА ГО НАПАЃА ЛИБАН Нетанјаху вели, работата не ни е завршена appeared first on plusinfo.mk.

Девет лица, меѓу кои осум деца, се убиени во денешната пукотница во средно училиште во покраината Кахраманмарас, во југоисточна Турција, објави министерот за внатрешни работи Мустафа Чифчи.

Британските медиуми, пренесувајќи го министерот Чифчи од прес конференцијата, наведуваат дека во инцидентот се повредени уште 13 лица, од кои шест се во критична состојба.

Четиринаесетгодишен ученик денес отвори оган врз две училници во средно училиште, во втората таква пукотница во Турција за два дена.

Тој дошол во училиште вооружен со оружје за кое се верува дека му припаѓа на неговиот татко, пензиониран полицаец, изјави гувернерот на покраината Кахраманмарас, Мукерем Унлуер, додавајќи дека носел пет огнени оружја и седум рамки што најверојатно ги зел од својот татко.

Не е јасно дали напаѓачот бил убиен од полицијата или извршил самоубиство.

 

View this post on Instagram

 

A post shared by Portal Senzor (@senzor.rs)

Kahramanmaraş Ayser Çalık Ortaokulu’nda yaşanan silahlı saldırıda öğrenciler okul camlarından atlayarak hayatta kalmaya çalıştılar.#kahramanmaraş pic.twitter.com/5SLTcwKQig

— Sol Yumruk (@Sol_Yumrukk) April 15, 2026

Според Чифчи, станува збор за „лично мотивиран инцидент“, а околностите на пукањето се истражуваат.

Чифчи рече дека шест од 13-те ранети се во сериозна состојба.

Министерот за правда Акин Гурлек изјави дека властите ги истражуваат мотивите на нападот, додека повредените се префрлени во болниците во регионот. Тој изјави дека седум обвинители биле вклучени во истрагата за вооружениот напад и дека е издадена забрана за објавување информации за инцидентот.

Нападот се случи еден ден откако 16 лица, претежно ученици, беа ранети кога поранешен ученик отвори оган во средно училиште во блиската покраина Шанлиурфа.

Напаѓачот подоцна изврши самоубиство.

Државниот радиодифузер ТРТ го идентификуваше последниот стрелец како Иса Арас Мерсили и рече дека неговиот татко е приведен на сослушување.

Турските власти воведоа забрана за емитување „трауматски“ слики од пукањето, предупредувајќи ги медиумските организации да го ограничат известувањето само на изјави од службени лица.

Родителите се упатија кон училиштето во округот Оникисубат, во Кахраманмараш, откако слушнаа извештаи за вооружен напад, објави телевизијата НТВ.

УШТЕ ЕДНО СМРТОНОСНО ПУКАЊЕ ВО ТУРСКО УЧИЛИШТЕ Петмина мртви, меѓу кои и ученикот што отворил оган

The post 🎥 ШОКАНТНИ СНИМКИ ОД НАЈНОВИОТ МАСАКР ВО ТУРСКО УЧИЛИШТЕ 9 мртви, од нив 8 деца, 13 ранети, 6 тешко, мртов е и напаѓачот appeared first on plusinfo.mk.

Триесет и двајца цивили се повредени во ирански напад со дронови врз островот Ситра, јужно од главниот град на Бахреин, Манама, соопшти Министерството за здравство на земјата, пренесе ДПА.

Сите повредени се државјани на Бахреин, прецизира Министерството во изјава пренесена од државната новинска агенција. Меѓу повредените има и деца, а четворица се во тешка состојба.

Министерството за внатрешни работи на Бахреин претходно објави на платформата Икс дека неколку згради на Ситра биле оштетени во нападот.

Вчера Министерството соопшти дека „иранската агресија неселективно напаѓа цивилни цели и предизвика материјална штета на постројка за десалинизација на вода по напад со дронови“.

Во изминатата недела Иран изврши напади на повеќе места на Блискиот Исток како одговор на воздушните напади на САД и Израел врз иранска територија.

Цел на иранските напади биле и американски воени бази, но и цивилни објекти како аеродроми и станбени згради.

Ирански напади се пријавени во околу десет арапски земји, при што државите од Персискиот Залив – вклучувајќи ги Обединетите Арапски Емирати, Кувајт и Катар – пријавуваат особено голем број инциденти.

Според Ројтерс, густ чад се издига над главната нафтена рафинерија во Бахреин – Бапко, која е клучен објект во енергетскиот сектор на земјата.

The post 32 ЦИВИЛИ ПОВРЕДЕНИ ВО ИРАНСКИ НАПАД ВРЗ БАХРЕИН Меѓу повредените има и деца, а 4 се во тешка состојба appeared first on plusinfo.mk.

Најмалку четири лица се убиени, а најмалку 17 се повредени во напад на руски беспилотни летала врз Харков, објави гувернерот на Харковскиот регион, Олех Сињегубов.

Според Сињегубов, меѓу повредените има и деца. Вкупно 15 напади биле извршени на шест различни локации во градот.

„Дроновите нападнаа три станбени згради и една инфраструктурна зграда, а за време на нападот избувна и пожар“ – напиша Сињегубов на Телеграм.

The post 4 МРТВИ, 17 ПОВРЕДЕНИ ВО НОЌНИ РУСКИ НАПАДИ ВРЗ ХАРКОВ Беспилотни летала удрија на 6 локации appeared first on plusinfo.mk.

Русија изведе ноќен напад врз североисточниот украински град Суми, при што беа ранети 11 жители, меѓу кои и четири деца, соопштија денеска украинските служби за итни случаи.

Сумскиот регион се граничи со Русија и е под постојан напад и од беспилотни летала и од ракети.

Службите за итни случаи објавија на Телеграм дека Русија погодила висока станбена зграда, куќи и инфраструктура.

Според гувернерот на регионот, Игор Калченко, Русија нападнала железничка станица, уништувајќи неколку вагони и оштетувајќи згради.

The post 11 ПОВРЕДЕНИ ВО РУСКИ НОЌЕН НАПАД ВРЗ УКРАИНА Меѓу жртвите има 4 деца appeared first on plusinfo.mk.

Најмалку 132 лица се убиени во најсмртоносната полициска операција во историјата на Бразил, соопштија денес бразилските власти, откако жителите на Рио де Жанеиро ја наполнија улицата со десетици тела собрани преку ноќ.

Бројката од канцеларијата на јавниот обвинител на Рио е повеќе од двојно поголема од бројот на жртви објавен во вторник, кога државните власти објавија најмалку 64 мртви, вклучувајќи четворица полицајци.

Рациите беа насочени кон голема банда за трговија со дрога, соопшти државната влада.

Гувернерот на Рио де Жанеиро, Клаудио Кастро, рече дека првичниот број ги броел само телата обработени во јавна мртовечница.

Жителите на Пења, кои бараат исчезнати роднини, собрале многу од телата од пошумена област зад нивната населба, според луѓе на местото на настанот, каде што повеќе од 70 тела биле наредени на средина на улицата.

– Само сакам да го извадам синот од тука и да го погребам – рече Тауа Брито, мајка на еден од загинатите, опкружена со солзи во очите ожалостени и минувачи од двете страни на долгата линија тела, некои покриени со чаршафи или вреќи.

Гувернерот Кастро рече дека е сигурен дека криминалците убиени во операцијата се убиените, бидејќи поголемиот дел од пукањето се случило во пошумена област.

– Не мислам дека некој би шетал низ шумата на денот на судирот. Единствените вистински жртви биле полицајците – рече тој.

Полициската операција се случи неколку дена пред Рио да биде домаќин на глобални настани поврзани со самитот за климата на Обединетите нации познат како COP30, вклучувајќи го и глобалниот самит на градоначалници C40 за климатските промени и наградата „Earthshot“ од британскиот принц Вилијам.

The post 📽️ (ВОЗНЕМИРУВАЧКО) ЖИТЕЛИТЕ НА РИО ГИ РЕДАТ ТЕЛАТА ПО УЛИЦИТЕ Најмалку 132 лица се убиени во најсмртоносната полициска операција appeared first on plusinfo.mk.

Првото јавно обраќање на ајатолахот Али Хамнеи по прогласениот прекин на огнот со Израел упати силна порака до Вашингтон и Тел Авив. Иранскиот врховен лидер изјави дека нападот врз американската воздухопловна база во Катар е јасен сигнал дека Исламската Република е подготвена да реагира секогаш кога ќе се почувствува загрозена.

Хамнеи, во пораката што беше емитувана преку државната телевизија, првпат се појави по речиси две недели отсуство. 86-годишниот духовен водач изгледаше изморено, зборуваше со пресечен тон и неколкупати запна додека го искажуваше својот став.

– Исламската Република победи. Му удривме шлаканица на Америка – и ако е потребно, тоа ќе го направиме повторно. Ако следи нова агресија, противникот ќе плати цена каква што досега не видел – рече Химнеи, а пренесува Асошијтед прес.

Тој го минимизираше ефектот од масовниот воздушен напад на САД од пред неколку дена врз три ирански нуклеарни локации, тврдејќи дека не е постигнато „ништо значајно“. Нападите, кои Вашингтон ги оцени како „целосно уништување на нуклеарната програма“, Иран ги гледа како израз на слабост.

Во исто време, портпаролот на иранското МНР, Есмаил Багаеи, призна дека штетата на нуклеарните капацитети е „сериозна“, додека шефот на МААЕ, Рафаел Гроси, ја оцени како „многу значителна“.

САД соопштија дека иранскиот напад врз базата во Катар бил ограничен и без човечки жртви, но Техеран го претстави како „одлучен одговор“. Според Хамнеи, Америка се вмешала во војната за да го спаси Израел од целосен колапс.

– Ако не се вмешаа, ционистичкиот режим ќе исчезнеше. Но влегувањето на САД во конфликтот не им донесе ништо – изјави ајатолахот.

По американските напади, ситуацијата на Блискиот Исток влезе во фаза на привремено смирување. Прекинот на огнот, во кој посредуваше претседателот Доналд Трамп, стапи на сила во вторникот. Во Иран веќе се чувствуваат знаци на нормализација – повторно се отвораат продавници, а воздушниот простор делумно е оспособен за домашни и меѓународни летови.

Министерството за патишта потврди дека источниот коридор над земјата е отворен за транзит. Животот во Техеран и другите поголеми градови се стабилизира.

Според податоците од иранските власти, во конфликтот загинале 606 лица, а над 5.300 се повредени. Паралелно, организацијата „Human Rights Activists“ јавува дека израелските напади предизвикале над 1.000 жртви, од кои речиси половина се цивили.

Израел, од своја страна, соопшти дека загинале најмалку 28 негови граѓани, додека над 1.000 се ранети. Иран испукал повеќе од 550 ракети, а Израел возвратил со удари врз 720 цели, меѓу кои и нуклеарни објекти.

Американската страна, пак, најави можни директни преговори со Иран. Претседателот Трамп изјави дека таква средба може да се случи веќе следната недела. Иако Техеран сè уште не го потврди тоа, неофицијално постои дипломатска комуникација меѓу двете страни.

Преговорите за нуклеарната програма, кои требаше да продолжат во Оман во јуни, беа откажани по нападот на Израел од 13 јуни.

Во знак на одлучност, иранскиот парламент веќе донесе предлог-закон со кој се предвидува ограничување на соработката со МААЕ, што може дополнително да го усложни патот до долгорочно решение.

The post ХАМНЕИ СЕ ВРАТИ СО ЗАКАНИ Шлаканица за САД и за Израел во првиот говор на ајатолахот appeared first on plusinfo.mk.