Во изјава за медиумите пред почетокот на денешната седница на Собранието, поранешниот премиер рече дека Косово мора да го спроведе француско-германскиот план за договор со Србија, кој води кон членство во НАТО.

– За нас ќе беше од голем интерес веднаш по постигнувањето на договорот, кој е познат како француско-германски план, да почнеме да го спроведуваме за навреме да ја фатиме можноста за зачленување во НАТО. Да не ги пропуштиме овие клучни моменти на НАТО, како што е овогодинешниот 75-ти самит. Целиот политички договор беше дека во случај на успешна имплементација, на Косово ќе му се отворат можности за интеграција – рече Харадинај.

Меѓутоа, додаде тој, „премиерот Курти избра друг пат, оној на оддалечување на Косово од НАТО, а за жал тоа е руската агенда, го сврте Косово кон руската агенда“.

– Наш интерес ќе беше веднаш по договорот, особено во однос на безбедносната ситуација, да продолжиме со имплементација, да влеземе во НАТО. За жал, Курти одеше наназад и тоа ги донесе овие околности – изјави Харадинај.

The post КУРТИ СЕ СВРТЕ КОН РУСКАТА АГЕНДА Харадинај го обвини косовскиот премиер дека се оддалечува од НАТО appeared first on plusinfo.mk.

Харадинај во објава на Фејсбук, апелираше до ЕУ и САД да интервенираат и да ја смират ситуацијата.

-Државата Косово треба да ги искористи сите механизми што ги има за итно отстранување на барикадите и сите други пречки на северот. Српската влада треба веднаш да се откаже од својата провоена политика и да ги повлече своите паравоени единици од северот. Апелирам до ЕУ и САД да интервенираат за да се смири ситуацијата на северот. Мирот не е алтернатива! Косово и Србија да седнат на маса и да постигнат мировен договор за меѓусебно признавање – пишува Харадинај.

The post РАСТЕ НЕРВОЗАТА ОКОЛУ СЕВЕРНО КОСОВО Харадинај бара Приштина со сите механизми и да ги отстрани барикадите appeared first on plusinfo.mk.

Апелот на КФОР уследи по синоќешната средба на командантот на мисијата, генерал Анџело Микеле Ристуќа со косовскиот министер за внатрешни работи, Џељаљ Свечља, откако вчера во Брисел косовскиот премиер Албин Курти и српскиот претседател Александар Вучиќ, на состанокот со посредство на ЕУ, не постигнаа договор за решавање на кризата во врска со регистерските таблички.

„Командантот (Ристуќа) ги повика сите страни да избегнат секакво дејствие кое може да води кон ескалација на состојбите. Тој апелира до страните да дејствуваат одговорно и активно да учествуваат во зачувувањето на безбедноста. Битно е да се избегне секаква нова ескалација, по онаа во август”, се вели во соопштението на КФОР.

Мисијата предводена од НАТО порача дека продолжува будно да ја следи состојбата и да го спроведува својот мандат.

„Генерал-мајорот Ристуќа останува во близок контакт со сите главни соговорници, вклучително командантот на мисијата на ЕУЛЕКС, претставниците на косовските институции и шефот на вооружените сили на Србија. КФОР останува буден и продолжува да го спроведува својот мандат кој произлегува од ОН, со сите расположиви средства, за безбедно окружување и слободно движење на сите луѓе во Косово, според Резолуцијата на СБ на ООН 1244 од 1999 година”, се вели во соопштението.

И поранешниот косовски премиер, лидерот на опозициската Алијанса за иднината на Косово (ААК), Рамуш Харадинај побара од премиерот Албин Курти да го одложи спроведувањето на одлуката за казнување на лицата кои не ги смениле регистерските таблички издадени од Србија со таблички со ознака РКС – Република Косово, јави дописникот на МИА од Приштина.

Во објава на неговата страница на Фејсбук, Харадинај побара од Курти одлуката за пререгистрација на возилата да се одложи до постигнувањето договор со Србија за меѓусебно признавање на двете држави.

Тој побара и од спикерот на Собранието на Косово, Глаук Коњуфца и од претседателката на државата, Вјоса Османи да преземат дејствија за изнаоѓање решение за најновиот спор со Србија.

Тој ги повика и косовските Срби „да се воздржат од насилство и да не наседнуваат на политичките калкулации на режимот во Белград”.

– Последен момент е владите во Белград и Приштина да седнат и да преговараат за договор за мир и признавање и да се откажат од дејствија кои ќе ги загрозат животите на луѓето – порача Харадинај.

По вчерашната средба во Брисел, со посредство на Европската унија, на Курти со претседателот на Србија, Александар Вучиќ, на која не се постигна договор за надминување на проблемите во врска со табличките на Србите во северно Косово, ПК соопшти дека ќе започне со применување на владината одлука за казнување на тие што не ги замениле табличките.

Косовската полиција синоќа соопшти дека од денеска во 8 часот наутро ќе започне со изрекување на парични казни за оние кои не ги смениле регистерските таблички издадени од Србија со таблички со ознаката РКС – Република Косово.

Подоцна, на барање на амбасадорот на САД во Приштина, Џеф Ховениер, косовскиот премиер, Албин Курти објави дека го одлага за 48 часа почетокот на спроведувањето на најавените санкции.

Претставници на косовските Срби, откако ги повикаа сонародниците да ги напуштат косовските институции, најавија „жесток одговор” доколку Приштина почне да изрекува парични казни.

The post КФОР ПОВИКА ДА СЕ СМИРАТ ТЕНЗИИТЕ Косовската опозиција бара вонредна седница на парламентот appeared first on plusinfo.mk.

Тој вели дека Русија има влијание на делови од Балканот, но дека руско влијание нема во неговата земја. Тој опасност гледа од спрската интервенција на северот од Косово, за што смета дека би било во интерес на Русија.

– Кога тоа би се случило, целиот свет би знаел дека (Александар) Вучиќ тоа го прави за Русија. А ако нема можност да се најде решение за Русија, тогаш Западот е прилично добар за изнаоѓање на решение за Србија, како што тоа веќе го направи во 1999 година – изјави тој.

За политиката на српскиот претседател Александар Вучиќ, Харадинај смета дека е потполно под руско влијание.

– Знам дека Американците нема да дозволат на Косово да влезе ниту еден српски војник. Знам дека Белград ќе биде бомбардиран доколку тоа се случи. Србија знае дека Косово е под безбедносна одговорност на САД и на Велика Британија – изјави Харадинај.

The post БЕЛГРАД ЌЕ БИДЕ БОМБАРДИРАН Харадинај ѝ се закани на Србија со моќта на американската армија appeared first on plusinfo.mk.

Приштина, рече Харадинај, до обединувањето треба да дојде на истиот начин како што тоа го направи со армијата, Трепча или одлуката за независност, пренесе „Газета Експрес“.

Според него, обединувањето со Албанија зависи од повеќе работи.

– Доколку останат препреките поставени од Србија и од дел од меѓународната заедница во врска со нашето признавање или членството во НАТО, бидејќи безбедноста е приоритет, немаме друг избор освен да излеземе на референдум со Албанија – рече Харадинај.

Тој објасни дека барањето за обединување со Албанија се разликува од барањето од минатото, затоа што претходно се бараше ЕУ да добие одобрение од Србија, а сега тоа не се бара.

Харадинај додаде дека доколку не стане претседател на Косово, ќе се најде второ решение, што ќе се постигне со консензус меѓу институциите и партиите.

The post Харадинај: Ако нѐ блокираат за НАТО ќе излеземе на референдум за обединување со Албанија appeared first on plusinfo.mk.